خرجت فاطمة بفستان هادئ جذاب للغاية.. كانت حقا ملكة جمال .. ووجهها محمر من شدة الخجل
عدي بدون مقدمات حضنها جامد اترفعت من الأرض وظل يدور بها ويخبرها بجنون العشق: أخيراااااااا
ضمته هي الأخرى فحقا تعشقه حد الجنون
نزلها .. مسك ايديها الاتنين وباسهم: مبروك يا فاطمة.. مبروك يا بطة حياتي .... انا بسألك للمرة التانية تقبلي تكوني مراتي وحروف اسمك تتحفر جوا سلسال قلبي؟؟
دق قلبها العاشق بشدة وصوت خفقانه أصبح مسموع فهذه للمره الأولى ينطق إسمها بحياته... سحبت ايدها منه بسرعة
فاطمة بحدة: بص بقولك ايه... انا وافقت على الجوازه دي عشان متروحش تقولهم انك احلى مني .. قال احلى مني قال... احنا جواز على ورق مش اكتر فااااهم؟؟
عدي بصدمة: ناااعم ياختي؟!. اومال مين اللي كان بيقول لهمس أختي جوزيني اخوكى المز ده؟!
اتصدمت فاطمة صدمة كفيلة باخراسها ووشها حمر وظلت تشتم همس في سرها: اوك يا بنت صباح والله لاوريكي النجوم ف عز الضهر
عدي قرب منها اكتر وهي اتوترت ورجعت لورا حتى التصقت بالحائط وهو محاوطها بايديه: يلا يا اميرتي الحلوه؟
فاطمة ببلاهة وهي سرحانه فى عيونه: هااا؟.
بعدته عنها بالعافيه عندما شعرت بوجود أحدهم .. دلف والدها ونظر لهم بحيره: واقفين كده ليه؟.
عدي بابتسامة: متقلقش يا عمي دلوقتي فاطمة مراتي وانا عمري ما ءأذيها .. وصدقني زي ما فتحتلي بيتك ووثقت فيا وقولتلي اني زي ابنك.. عمري ما أخذلك ابدا
والدها: حافظ عليها يابني .. انا معنديش غيرها هي واختها وهي آخر العنقود.. هتطلع روحك شويه بس معلش
فاطمة: انا دي يا بابا؟؟
والدها: لا يا حبيبتي مش انتي
عدي: طب ينفع نخرج شويه.. ده بعد إذن حضرتك
والدها: هي دلوقتي مراتك يابني... بس ساعة واحده وتكونوا هنا .. تمام؟؟!
عدي: تمام
كانت فاطمة تستشيط غضبا ومتغاظة من أبوها انه أداها لعدي كده عادي .. ولكنه يعلم ماذا كانت تفعل به طوال فترة الخطوبة
والدها: روحي يا حبيبتي غيري هدومك
فاطمة بغيظ حاولت تداريه: حاضر يا بابا... عن اذنكوا
همس جات وفي اكل ف بؤها: حمزة
حمزة: نهار اسود... ايه اللي عملاه في نفسك ده؟
همس بلامبالاة: أموت من الجوع يعني؟
حمزة بصدمة: قولتي لمين عايزه اكل يا فاضحني؟؟؟؟
همس بضحك: دي طنط علياء وبتعمل شوية اكل... إنما ايه .. هبقى أقولها تعزمني مع عدي
حمزة: افندم ياختي؟؟ لا والله العظيم انتي اكيد مش همس مراتي
غزل: بتعمل ايه هنا؟؟
أيهم شاورلها على عدي: ايه يا بطة ده عدي صاحبي
غزل: والله؟ ده طلع قمر يعني
اغمض أيهم عيناه بقوة وتفكيره اخده لحبيبته وانها كانت بتحب صاحبه تألم بشدة ووجعه قلبه عندما سمع رد غزل ثم ابتسم بخفة قائلا بلامبالاة: اه والله كلهم حلوين... بس انا أحلى طبعا
غزل: مغرور يابااااي
أيهم: انااا؟؟ دا انا متواضع خالص... اصلا لو تعاملتي مع أي واحد فيهم هتلاقيهم معقدين كده ومغرورين اوي وحاجه لا تطاق بصراحة
اتغاظت غزل من بروده: طب ياخويا تشكر للنصيحة
عدي بمكر: ايه الموزه حلوة المرادي؟!
أيهم: اخس على شكلك يا واطي .. ودي مجرد تسليه لا اكتر ولا أقل .. وبعدين انت مالك؟ متخليك ف حالك؟؟
عدي: الحق عليا
شذا: مش مبطل ضحك انت وأيهم والبنات عنيهم هتطلع عليك
سامر: يا روحي هو انا كنت كلمت واحده فيهم؟! ده أيهم!!
شذا بغيظ: ايوا هم كانوا بيبوصولك ازاي؟؟؟
سامر: وانا مال امي بقا؟!
شذا بضيق: معرفش ... يلا نروح يا سامر
سامر بجنون: يلا يا أمي يلا
أيهم: احنا قاعدين ليه؟ يلا يا سمسيمو؟
سامر: لم لسانك طيب
أيهم: لا
حمزة بضيق: في ايه يا متخلف منك له؟! قاعدين في بيتنا كده؟؟
سامر لكم أيهم فى بطنه: احم أسفين يا باشا
على الجانب الآخر.. يجلس والد سامر ووالد فاطمة بيتكلموا ... وعند السيدات نفس الكلام صباح ومروة وعلياء وخالة عدي وخالات فاطمة والعيلة قاعدين بيضحكوا ويهزروا
همس قعدت جنب عدي: ازيك يا ديدو واحشني والله
عدي بصلها وبص لحمزة وضحك: وانتي يا قلب اخوكى وحشاني بس مش وقته وربنا
همس ضحكت جامد: أموت فيك وانت فاهمني غلط كده
عدي: مين دي؟؟؟
حمزة بضيق وغيره: يلا يا همستي
همس بخوف: يلا ... ممكن انادي ماما تروح معانا؟!
عدي: لالا سبيها على راحتها وانا هاخدها معايا
حمزة: انتي بتستأذني؟!.. روحي ناديها يا حبيبتي
همس بفرحة: فوريره
مليكة بتعب: ابيه
همس بقلق: ملوكه في ايه يا حبيبتي؟!
حمزة: كوكي مالك يا حبيبي
مليكة بخوف ودموع: م.. ما ااا... اخدتش علاجي
شدد حمزة على شعره بغضب ولكن حاول تمالك أعصابه: يلا يا مليكة
مليكة بتعب ودموع بريئه اغرقت وجهها: ابيه حضرتك هتزعقلي؟؟
حمزة بحدة: مش وقته الكلام ده... يلا بينا ... حمزة شالها وفقدت وعيها بين يدين أخيها
روحوا وحمزة حطها على الكنبه: مليكة.. فوقي مليكة
همس بدموع: خد مايه يا حمزة
حمزة اخد منها المايه بلهفه وقعد يمسح على وجه مليكة: كوكي... فتحي عيونك ..
لحظات مرت على حمزة كأنها ساعات حتى بدأت تلك الفاتنة استعادة وعيها
مليكة بتعب ودموع: ابيه انا اسفه
حمزة بحنية: خلاص يا قلب ابيه .. يلا ناكل عشان تاخدي علاجك اوك؟
مليكة بابتسامة: اوك ... هغير هدومي واجي
حمزة ابتسم بهدوء: ماشي يا قلبي روحي .. طلع هو وهمس اوضتهم
أيهم دخل وهو بيصفر وفى عالم تاني بعيد عن الكل ولمس رأس مليكة: أين بقية البشر؟
مليكة بضجر طفولي: بوظتلي شعري .. الله؟
أيهم: اهو .. اتعدل كده؟؟!..
مليكة: ياعم اوعى مش عارف تعمله
أيهم: الله يرحم زمان... خد يا ابيه سرحلي شعري
ضحكت مليكة بشدة: على اساس انك كنت بتوافق يعني!؟
أيهم: الصراحة لأ
حمزة: مالك يا عمري؟
همس بغضب طفولي: ابنك واجعلي بطني
انفجر حمزة ضاحك وضمها لحضنه وظل يمسح على شعرها وظهرها بحنان: معلش يا حبيبي.. أول ما اشوفه هطلع عيونه عشان بيوجع بطنك
همس بزعل: هتحبه اكتر مني
حمزة: هو هيبقى حته منك فطبيعي هحبه
همس بعياط: اهو اهو حبيته اكتر مني من قبل ما ييجي
حمزة بحب وحنية: يا روح قلبي بطلي عياط... لما ييجي نبقى نشوف
همس ببراءة: اوك.. انا جعانه
حمزة: غيري وننزل ناكل .... اتجهت همس نحو التواليت لكن سبقتها يده
همس بتأفف وطفولة وتحدثه وهي تذم شفتاها الكرزية كالاطفال: عايز ايه؟؟!
حمزة بهيام: بوسه
وضعت همس يدها حول رقبته والأخرى بشعره الناري: انت بقيت قليل الادب اوي
حمزة قرب منها اكتر: بحبك طيب
وضعت يدها على صدره تمنعه من الاقتراب منها وهي تضحك بخجل: ما انا بحبك اوي اوي اوي برضو
حمزة ببلاهة: طيب يبقى ايه بقى؟؟!
همس بعدم وعي وهلوسه من قبلاته التي تخطفها لعالم أخر: ايه؟
حمزة: تحني على الغلابه اللي هنا
همس ضحكت وظهرت غمازاتها: أنا جعان يا بابي
حمزة ضحك وباسها من رقبتها: اوك.. بس انا مش هقدر استحمل الجمال ده كتير
همس بكسوف وخدودها حمرت: ماشي
..........
عند عدي وفاطمة قاعدين في مطعم من أفخم ما يكون
عدي بيبصلها ومبتسم وفرحان وهي مكسوفه ومتوتره من نظراته
فاطمة: انت هتفضل معلق كده كتير؟؟!
عدي بغيظ: معلق؟؟ مش عارف قلبي حب فيكي ايه والله
فاطمة: ابقى اربط عليه بحزام ناسف ياخويا
عدي: اخوكي؟!؟.. بت انتي بقولك ايه مش عايز اتجنن عليكي
فاطمة: هتعمل ايه مثلا؟؟
عدي بخبث: نفسك تعرفي؟!
فاطمة بتحدي وعناد: ايوا عشان انت من الأخر بق
عدي: اوك انا بق... بس بصراحه كنت متأكد انك هتزعلي من افعالي فسبتك براحتك بس لا كده كتير ومش هينفع تاخدي عليا اكتر من كده
فاطمة بعدم فهم: تقصد ايه؟
عدي: كل خير ان شاء الله ... كلي يا قلبي
فاطمة بغيظ: بلاش ترسم عليا الشويتين بتوعك دول
عدي باستفزاز: شويتين ايه يا بطتي؟؟
فاطمة بغيظ: بطل بطتي دي طيب.. ومتبقاش مستفز
عدي ف سره: الله يحرقك يا همس الكلب... كانت شوره هباب
فاطمة: اتلم
أكلوا وخرجوا من المطعم ... وبنت غمزت لعدي
فاطمة بصدمة: ايه اللي انا شفته ده؟؟!؟
عدي بعدم فهم: شفتي ايه؟
فاطمة بغل وغضب: البت غمزتلك
عدي: والله ابدا ان شالله اتطس ف نظري ما شفتها
فاطمة: ان شالله هاا... بس لالالا إلا عيونك
عدي بخبث شدها عليه وضغط على خصرها: ليه مالها عيوني؟؟
فاطمة بعدم وعي وهلوسه ولم تعد باستطاعتها مقاومة عيناه وجمالها الساحر: حلوه
عدي وهو مركز في عنيها: اوي؟!
رجع لها وعيها وزقته بعيد عنها: اوعى يا متخلف
ركبوا العربية وهي قعدت جنبه وباصه الناحية التانيه
وصلوا مكان غريب .. فاطمة اتوترت وخافت
فاطمة بقوة حاولت استجماعها: احنا فين كده ان شاء الله؟؟!
عدي: وانتي مالك؟!!
فاطمة: افندم ياخويا؟؟... انا على حد علمي هبقى شريكة حياة سعادتك
عدي بمكر: لا يا بطتي مش انتي بتقولي ان جوازنا على ورق بس وانتي واخده الموضوع تحدي؟! يبقى ملكيش دعوه بيا بقا .... أعرف بنات اكلمهم ازورهم حاجه متخصكيش.. اخدك غصب عنك لمكان برضو ميخصكيش بالمره اتفقنا؟!
فاطمة اتغاظت منه وقربت منه اوي ومسكته من ياقة قميصه المفتوح إلى النصف وعضلات جسده ظاهره: اقسم بالله انا مجنونه زي ما انت عارف عني .. والله احس كده انك بتخوني يا عدي مش هتردد لحظة واحده فى اني اقتلك... تمام؟!. واقفل قميصك ده... فخور اوي ياخويا بالبنات وهم بيموتوا عليك؟!. دي بنات معندهمش نظر
عدي كان هيموت من الضحك: طب يلا يلا ونكمل خناقات وجنون بعدين
فاطمة حست بنفسها ورجعت مكانها تعدل هدومها وحجابها بتوتر
ميل عليها وباسها من خدها برقه وحب وهي اتسمرت مكانها: عثثثل وانت أحمر كده
وفك حزامه ونزل ... وهي كانت بتبص لطيفه ببلاهة وعدم وعي
نزلوا ليخت مزين بطريقة خياليه ومبهره للغاية... دخلوا وهو اتحرك باليخت في عرض البحر وهي متوتره وقاعدة بتفرك ايديها في بعض
فاطمة بتوتر: طلعت بالبتاع ده ليه؟؟
عدي بخبث وهو رافض يطمنها: يعني علشان نبقى براحتنا
فاطمة بصدمة: ايه؟؟؟ يعنى ايه نبقى براحتنا دي؟؟
عدي بغمزة: يعنى اتنين كتبوا كتابهم النهاردا يبقوا براحتهم ازاي؟؟!
فاطمة في حالة ذهول.. خوفها من عدي سيطر عليها هي دايما حاسه معاه بالأمان رغم ان كل مقابلاتهم كانت خناق بس المره دي خايفه منه... عقلها واقف وبترجع بضهرها لورا وهو بيقرب وعلى وشه ابتسامة خبيثة
فاطمة وهي تبتلع ريقها بخوف ودموع لمعت بعيونها: ع.. عدي... بالله عليك
فقد هو كل ذرة عقل فيه وفك قميصه وشدها عليه وحضنها وظل يقبلها بجنون وشغف وحب وشفتيه تلامس شفتاها وهي لم تعد بإمكانها السيطرة على نفسها وتحاول بكل قوتها مقاومته ولكن لا محالة
عدي بصوت مبحوح: بحبك يا فاطمة بحبك
فاطمة بهلوسه: ع.. عدي ابعد
ازال عدي حجابها: مش... قادر
فاطمة: هن... ندم
عدي وهو بيحضنها اكتر وقبلها من رقبتها: مش .. بندم وانا .. معاكي ... كنت عارف .. اني مش هقدر اسيطر على نفسي لما اقولك بحبك
فاطمة بعدت عنه ودموعها بتنزل وعدلت هدومها
عدي فاق من الحالة اللي عليها: فاطمة انا اسف...
فاطمة بمقاطعة وهي تمسح دموعها وتعدل من هدومها: متعتذرش... انت معملتش حاجه غلط انا اللي غلطت ولازم أصلح غلطتي بنفسي.. روحني
اتنهد عدي ومسك ايدها بحنية: فاطمة حبيبتي ممكن تهدي وتديني فرصة اتكلم؟
نظرت بعيناه وتاهت بجمالهم وكلمة حبيبتي عجبتها كلمة رنت في اذنها كأنها أنغام: تتكلم ف ايه؟
عدي حضنها بحب: انتي ليه مش مصدقة اني والله العظيم بعشقك مش بس بحبك؟!. لا الكلمة دي صغيرة بالنسبة للي بحسه لما بشوفك... ضحكتك دي بتدوب قلبي ... انا مش واخدك تحدي والكلام الأهبل ده... انا بحبك انا مجنون بيكي .. من أول مره شفتك فيها ساعة الحادث وانتي بكل تفاصيلك وملامحك البريئة دي مبتسبيش تفكيري لحظة... كنت بفكر بدل المره عشرة قبل ما اجي اتقدملك خايف اعلقك بيا وانا شغلي خطر... ف الأول كنت بطلع مهمات وانا مش فارق معايا ارجع أو لأ إنما دلوقتي قلبي متعلق بيكي وخايف فعلا اروح لأي مهمه وما ارجع....
بعدت عنه بسرعة وحط ايدها على بؤه ودموعها نزلت قائله بخجل وتوردت وجنتيها: وانا كمان بحبك
حضنها جامد وفرح من قلبه انه سمع منها الكلمة دي ظل يدور بها ويخبرها بجنون: بحبببببببببببببك
التمست صدق حديثه وضمته هي الأخرى ولما لا وهو من نبض قلبها باسمه؟!.. هو من تمنته في كل ركعه .. هو حبيب قلبها وزوجها الأن
قعدوا مع بعض واتكلموا كتير وفاطمة مبسوطه وهو هيطير من فرحته بيها .. اتصوروا ولعبوا مع بعض ونسيوا الوقت اللي مر عليهم هم الاتنين بفرحة وكأن لم تكن هناك فرحة مماثلة لهذا اليوم !!
.........
مر سبع أشهر على نفس الرتم .. ما بين تعب همس من الحمل وحمزة معاها لحظة بلحظة.. أيهم لحد الآن ما اخدش خطوة صح في حياته ومازال ينكر حبه لغزالته .. عدي وفاطمة رغم اعترافهم لبعض إلا أنهم مش مبطلين خناقات .... جه فرح عدي وكان فرح أسطوري... جميل للغاية وسعادة وفرحة تزين وجههم أجمعين
أيهم غنى فى الفرح وحمزة كان مضايق بسبب الصور اللي بيلتقطوها لأخوه
حمزة بحنق: ممكن تهدى وتقعد بقا؟!
أيهم باستغراب: حصل ايه؟
حمزة: كل خير ... بص بعينك وانت تفهم
ظل أيهم يوزع نظاراته بين الحضور ابتلع ريقه بصعوبة قائلا بصوت خافت: يا زومي أعملهم ايه طيب؟ اهو الصور خدوها وخلصوا هروح اكسر تليفونات المعازيم وكاميراتهم؟؟
حمزة بضيق: أيهم زفت بطل تستفزني
أيهم: احم اوك ...
حمزة اخد باله من اللي لفت نظر أخوه .. شعر بفرحة داخله ... سابه ومشي
لمح أيهم غزل تجلس على جنب بعيد هادى: مساء الورد
غزل: أهلا
أيهم: ايه أهلا دي يابت؟
غزل: عايزني اقولك ايه؟؟؟
أيهم: اي حاجه.. عايز اقولك حاجه كده
غزل حطت ايدها على خدها وسرحت فيه: امممم
أيهم بمرح: اضحك طيب عشان تطلع الصوره احلى؟؟؟
غزل: ملكش دعوه ... قول
أيهم ضحك من رؤيتها تتأمله كالبلهاء: يابنتي هموت بكره... ايه العيون دي ياربي؟؟
غزل: ما تبطل رخامة بقا؟!. وبعدين يا معلم دا انت طلعت جامد وصوتك ولا تامر حسني
أيهم: مش للدرجة دي يعنى ... بس هو موهبه عند العيله كلها حتى مليكة صوتها حلو اوي برضو
غزل: يا فرحتي... وهي كمان بتغني؟؟!
أيهم: اوعى تكوني صورتيني
غزل: اه طبعا انت أهبل ياسطااا؟ واحد صوته جوهرة اصوره ولا لأ؟؟
أيهم بغرور مصطنع: هتخليني اخد مقلب في نفسي على فكرة... اصلا مبحبش اتكلم عن نفسي كتير والله
غزل برفعه حاجب: اكتر من كده؟!!..
أيهم: ما علينا.. المهم .. احم ارتبطي قبل كده؟؟
غزل اتعدلت وحاولت تعدل حجابها ومتوتره: احم حساك ممكن تجيبها لوحدك
أيهم بابتسامة: انتي واحده جميلة ما شاء الله عليكي فأكيد ارتبطي .. وكتير كمان ... بس اللي يغيظ انك مبتتعلميش من الغلط... وبتفتحي قلبك بكل سهوله لأي حد ..
لمعت الدموع بعنيها البنيه: وانا فتحت قلبي لمين يا أيهم!؟
أيهم بهدوء: حبيتيني يا غزل... حبيتي الشخص الغلط
عيطت وابعدت وجهها للجهة الأخرى
أيهم مسك ايدها: انتي بتعيطي ليه؟!؟
سحبت ايدها بسرعة وهي متوتره ودموعها بتنزل: انا دايما وحيده يا أيهم ولا عمري كان ليا أصحاب إلا مجرد زملا .. اختي كانت أكبر مني ب19 سنة كاملين انت متخيل؟. عمر ما في بنت عرضت عليا اني اكون حتى مجرد صديقه .. وده ليه؟ عشان فقيرة يا أيهم فقيرة .. انا فعلا ارتبط قبل كده زي ما انت بتقول ويمكن كتير بس مكنش بأيدي اني أرفض.. اختي مكنتش قادره تشيل مسؤليتي انا وابنها عشان كده اي حد كان بيجي يطلبني للجواز كانت بتسلمني له .. مهي مرت بنفس التجربة وابويا سلمها لواحد ميسواش وانا مش بلومها... اللوم كله على ابويا مفيش غيره ... كان اللي بيجي يطلبني للجواز بيعتبروني تسليه اهي بنت ملهاش حد يقولها رايحه فين وجايه منين فعادي اتسلى شويه وارميها لما كنت اكتشف حقيقتهم واحد واحد كنت برفضهم واتخانق انا واختي... عشان كده لما انت قولتلي نكون أصحاب مرفضتش ابدا عشان حساك إنسان من جواك عكس الشخصية الوحشه اللي بتحاول تظهرها للناس ... اسفه لو كنت حاسس اني بفرض نفسي عليك
أيهم بهدوء: لا يا غزل انتي مش بتفرضي نفسك عليا او على حد... لكن انتي حاسه ان الدنيا بتفرض نفسها عليكي عشان كده تعبانه... دايما حمزة اخويا بيقولي اللي حصل حصل ومش هنقدر نغيره وكتر التفكير فيه بيضيع اللي جاي .. وده الغلط نفسه .. هم بيقولوا اتعلم من الغلط لكن متكرروش .. عارفه اهو كلامه هو اللي ساعدني اخرج من التعب النفسي اللي كنت فيه بعد فراقها .. اتعلمت من غلطي اني اقفل على قلبي ومش عايز افتحه وعمري ما هفتحه .. وانتي كمان اتعلمي من غلطك... بقولك اعتبريني اخوكي أو أختك لو عايزه ههههه
لمعت الدموع بعنيها من قوله ذاك أختك؟؟... أ حقا طول الفترة الماضية لم اهز بك شعره من ناحيتي؟؟؟!..
أيهم بضحك: يا نهار ابيض واسود وكل الألوان..: انتي هبلة يا غزالتي
غزل ببلاهة وسعادة لأنها شعرت ولو بجزء بسيط من حبه: انا غزالتك؟؟
أيهم: ايوا مش أخوات، أصحاب؟! يبقى ادلعك عادي ولا ايه؟؟ سابها ومشي .. وهو مش فاهم ليه بيحاول يحط حدود بينهم... ليه مش عايزها تكون أكتر من كونها صديقة؟؟؟!
همس: يا حمزة جعانه اوووووي
حط ايده على بؤها يمنع حديثها وصوتها العالي: اسكتي الله يهديكي... فضحتينا
همس بزعل: مليش دعوه يا حمزة عايزه اكل .. بطني وجعاني
حمزة: يادي النيلة السودا .. يخلص الفرح ونروح ناكل برا
همس: انت مش جدع على فكرة
أيهم: مالها دي؟
حمزة: اتجننت بعيد عنك
أيهم: عايزه ايه يا همسة؟؟
همس ببراءة: عايزه اكل
أيهم بصدمة: مين اكل السفرة بالاخضر باليابس اللي عليها قبل ما نيجي؟؟
همس بعياط: شايف أخوك يا حمزة بيعد عليا اللقمة
أيهم بذهول وصدمة حليفة قسمات وجهه: شششش يامااا اعد عليكي ايه؟!. دا مش بعيد اصحى من نومي الاقي حمزة ناقص دراع
همس: مليكة معاكي شوكلت؟
مليكة بخوف: هااا.. أيهم: ايوا ايوا ورينا المواهب
حمزة بصدمة: مليكة؟؟ معاكي شوكولاته؟!!
مليكة ببراءة طاغية: دول بتوع ريكو ... ودول بتوعي وقامت بتفريغ شنطه كبيره مليئة بالشوكولاته تحت صدمتهم كلهم وذهول حمزة وأيهم
أيهم: اااه حصلي شلل كلي
........
الفرح كان خطير حتى جاءت واحده مجنونه تدعى شذا وقامت بتشغيل أغاني شعبي والكل اتجنن وكانوا مهيبرين ع الاخر .. والشباب اتجننوا معاهم وأصحاب عدي والفرح كان مولع وهمس زعلانه أنها مقامتش ترقص معاهم
فاطمة وشذا كانوا مجانين خالص ورقصوا وولعوا الفرح
........
عدي بسعادة: ادخلي برجلك اليمين يا عروسه
فاطمة بكسوف دخلت بفستان فرحها
عدي بضحك: لا فوقي معايا كده... انا عايز فاطمة اللي كانت لسه أول امبارح
فاطمة بغضب وهي تجز على أسنانها: لا يا حبيبي متقلقش عليا .. انا لسه زي ما انا
عدي بخبث قرب منها: قولتي ايه!؟؟
فاطمة بتوتر: هااا؟.. انا لسه زي ما انا
عدي بمكر: لا يا قلبي مش دي.. التانية
فاطمة بخجل وقد احمر وجهها: حبيبي
عدي خدها في حضنه جامد: بعشقك يا زهرة حياتي... انا بموت فيكي.... حاسس ان حياتي اتلونت على ايدك يا روح قلبي
فاطمة: بحبك يا عدي بحببببببك
عدي نزلها ودموعه نزلت: انا.. انا حاسس اني بحلم
فاطمة: انت بتعيط؟!!
عدي مسح دموعه وابتسم ابتسامة عاشقة: مكنتش متخيل اني ممكن احب حد بالجنون ده .. احم انتي اكيد جعانه وانا هموت من الجوع
فاطمة: لالا مش جعانه
عدي ضحك: تعالي بس سيبك من الاكل النص كوم اللي هنا ده وتعالي اتفرجي عليا وانا بطبخ
فاطمة بحماس: بتعرف تطبخ؟!!
عدي بابتسامة: طبعا قعدت لوحدي 10 سنين فطبيعي بعرف اخدم نفسي
فاطمة قعدت على البار بتاع المطبخ وهو خلع جاكيته وفك أزرار يده ودلف للمطبخ ووضعت هي يدها على خدها وسرحانه ومبسوطه بيه
عدي: تحبي تاكلي ايه؟!!
فاطمة ببلاهة: اي حاجه من ايدك حلوه
عدي غمز: يا روحي ع الجمال .. اتعدلت فاطمة ووشها حمر واتحولت: ملكش دعوه بيا ... خليك في حالك كده
عدي بخوف مصطنع: ياماااا؟! انتي بتتحولي ولا ايه؟!
فاطمة: اه وبعور كمان .. انا هبقى جراحة شاطرة وانت أول واحد هتعلم فيك
عدي بذهول: نهار اسود .. اومال لو مكنتش جوزك مثلا؟
فاطمة بابتسامة سمجة: اممم انا بعرفك بس ... احسن تقربلي هتندم
عدي بضحك: اوك يا حياتي .... هو يصنع الطعام بطريقة مبهره وهي بتبصله ومبتسمه ابتسامة بلهاء: منظرك وانت بتطبخ يجوع اوي !
انفجر عدي ضاحك: احكمي على النهايات يا حبيبتي
..........
في فيلا العسيلي
همس نايمه فى حضن حمزة وحاسه بتعب شديد ووجع
همس بتعب وبتضرب حمزة في دراعه: حم... حمزة
حمزة بنوم: ايه يا قلبي؟!
همس: قووووم هولد
حمزة قام اتنفض: تولدي ايه؟؟ احنا لسه ف السابع
همس بصراخ: حممممممممزة .. هموووووت
في مستشفى العسيلي
حمزة رايح جاي متوتر والقلق ينهش بقلبه العاشق
أيهم: يادي النيلة ... اهدى يا حمزة
حمزة: كل ده بتولد؟!. تلات ساعات؟ لالا اكيد في حاجه غلط
سامر: غلط مين؟؟! هم بيقولوا ان البكريه بتتأخر والله أعلى وأعلم
أيهم: جاتنا نيله .. تلاته والتلاته معلوماتهم زفت
سامر ضحك بصوته كله: الله يهديك اسكت .. الواحد ملوش نفس يضحك
أيهم: اومال اللي انت بتعمله دا ايه؟! واحمه؟؟؟
صدح صوت صراخ طفل والفرحة سيطرت على وجوههم
أيهم بسعادة بالغة: الله بقا عندنا أيهم صغير
سامر ف سره: ده لو على جثته انه يسمي أيهم قال أيهم قال
الممرضة بابتسامة: مبارك يا حمزة باشا ... جالك ولد زي القمر .. يتربى في عزك ان شاء الله
أيهم اخده من الممرضة حتى من قبل ما حمزة يشوفه كبر في أذنه
همس نقلوها لأوضة عاديه وحمزة دخلها بسرعة قبل جبينها ووضع يده يزيل العرق عن وجهها: حمدا لله على سلامتك يا عمر حمزة وحياته
همس مسكت ايده: الله يسلمك يا حبيبي .. جالنا ايه؟؟
حمزة بابتسامة جذابة: هتفرق!؟
همس: لا انا راضيه باللي ربنا يجيبه
حمزة بسعادة بالغة: بقا عندنا سولي صغير
همس بفرحة يغلب عليها التعب: مبروك يا حبيبي.. فين؟
حمزة بغل وغيظ: خده زفت أيهم من قبل ما اشوفه
ضحكت همس بشدة: كح كح ااه
أيهم خبط ودخل وهو شايل ابن حمزة ومبسوط كأنه ابنه وحته منه: الف سلامه عليكي يا همس
همس بتعب: الله يسلمك يا أيهم
حمزة بضيق: يابني هات ابني عايز اشوفه
همس: هنشوفه بس مش هناخده
أيهم: لا والله ما تشفوه .. وبعدين ده خلاص انسوه ده بتاعي انا وانتو ابقوا خلفوا غيره
همس بصت لحمزة مصدومه وعقلها مش مصدق كلام المجنون ده
سامر خبط ودخل: الف سلامه عليكي يا مرات اخويا
همس: الله يسلمك يا بشمهندس
سامر بسعادة حضن صاحبه: مبروك يا حمزة يتربى في عزكم
حمزة: قول ان شاء الله يتربى في عزي مش ف عز أيهم!!؟؟.
ضحك سامر: وانتو الاتنين ايه؟ انتو واحد... يلا اطير انا بقا لحسن شذا تصحى وتفتكر اني بخونها ولا حاجه اصل دي مجنونه ... عن اذنكوا
همس: أيهم ابعد وشك
أيهم: هتخافي عليه اكتر مني؟؟؟
همس بصدمة: نهار طين... انا أمه !
أيهم بصلها وضحك: وانا أمه وأبوه وكل حاجه ملكيش دعوه بقا
همس برجاء: طب هشوفه بس والله
أيهم بابتسامة: خلاص هوصفهولك ... بصي هو انا بالضبط عيونه ملونه بس مش باينين وشعره بني الحمد لله
حمزة بصدمة: أيهم انت مش طبيعي صح؟؟
أيهم بضحك: مقولتليش يا حمزة.. هتسمي ايه؟
حمزة بهدوء مميت: قولي قولي انك سميته
هز أيهم رأسه بنعم وجري في الأوضة: ايوا
حمزة: ااااه هتشل وأموت ناقص عمر
أيهم: فين إيمانك يا سيدنا؟؟!
حمزة بغضب: هات ابني يا متخلف
أيهم: من غير مد ايدين ... اهو
حمزة اخد ابنه وبصله كتير وكبر في أذنه للمره الثانية وهو مزيج بين حمزة وهمس نسخة منهم هم الاتنين... وله شبه كبير من أيهم
في اليوم التالي
مليكة بفرحة غامرة: هاته يا ابيه
حمزة: يا قلبي انا مش عارف اشوفه ومن امبارح وهو شايله كده
مليكة بصدمة: نعم؟؟
أيهم: اهو يا كوكي
مليكة بسعادة: الله ده صغنن اوي اوي يا جماله
صباح: يابني هشوفه بس ده حفيدي
أيهم: تؤتؤ والله ما حد هياخده ابدا
حمزة: وعليكم السلام ورحمة الله وبركاته
عدي: بقا اختي تولد ومتقوليش؟؟
حمزة بهدوء: ياعم اولا صباحيه مباركه... ثانيا اتنين اتجوزا بعد عذاب لازم نزعجهم يعنى؟.
عدي: انت مستفز كده ليه؟؟!
حمزة بغضب وغيظ: خلاص يا عدي المره الجايه اوعدك اني هطلع عنين أمك
عدي ضحك: لأ أمي ست غلبانه ملكوش دعوه بيها
فاطمة من الفون: عدي.. عدي همسة ولدت؟؟
عدي بحب: اه يا روحي
حمزة: اه طب منعطلش سعادتك بقا .. روحوا حبوا ف بعض بعيد عني .... وقفل
فاطمة: اممممم ده طلع زي البشر العاديه اهو وبيعرف يألش .. اومال مسميينه دراكولا ليه؟!!
عدي ضحك وشدها لحضنه: ملناش دعوه .. المهم مش هتحني عليا؟!. اصل انا حاسس اني متجوز بنت اختي ببيجامة ميكي اللي انتي لبساها دي
فاطمة بطفولة: عجباني ... وبعدين انت ايش فهمك ف الموضة اصلا؟!
عدي: يابنتي المفروض يعنى المفروض ان امبارح كانت ليلة دخلتنا انتي واخده بالك؟!؟..
ضحكت فاطمة ضحكات متتالية وهو داب في ضحكتها: احنا اتفقنا على ايه؟!... ثم صمتت وتحولت لفاطمة متوحشة ومسكته من ياقة قميصه: انت عايز ايه هااا؟؟؟
عدي ضحك: بس يا هبله يا ام بدوي
فاطمة بصدمة: دي دي شتيمة؟؟!!
عدي: لا ورق كوتشينه .. بقولك ايه.. ما تجيبي بوسه
شهقت فاطمة بصدمة: اه يا قليل الادب.. وانا اللي كنت فكراك مؤدب؟؟
عدي: لا بقا انتي عايزه تتربي من جديد ... بعد عنها يفك أزرار قميصه
فاطمة بتوتر بترجع لورا حتى التصقت بالحائط: هاا... ان.. انت بتقرب ليه؟
عدي بغمزة ومازال مستمر في الاقتراب منها: مزاجي كده
فاطمة: اهدى يا شبح .. وصلي على النبي ف قلبك كده
عدي بخبث شدها عليه لترطتم بصدره وعضلات جسده المنحوته: بموت فيكي يا بطتي
حضنته جامد واتعلقت برقبته: وانا كمان بموت فيك يا حبيبي
عدي بابتسامة جذابة: حبيبي تقبلي تكوني مدام عدي محمد سعد الدين؟!
اتكسفت وخبت وشها ف حضنه ورأسه في عنقها لتستسلم حوريته له ولعالمه الخاص
..........
في فيلة سامر
شذا: يا سيموو بقا متبقاش وحش
سامر برفعه حاجب: ابقى وحش؟؟؟!
شذا بدلع وحب: انا اقولك اللي يعجبني
ضحك سامر وشدد من احتضان حبيبته: يا روح قلبي قولي اللي يعجبك.. بس إلا اننا نروح عندهم النهاردا .. عشان معاد الدكتوره
شذا بضيق: اوووف خلاص يا سامر انا عايزه اخرج
سامر بابتسامة: حاضر يا قلبي
شذا بحماس: وماما مروة وبابا ييجوا معانا
ابتسم سامر بحب: تحت امر مولاتي
.........
بعد مرور ثلاث سنوات
في فيلا العسيلي
همس بتجري ورا ابنها وبتنهج: أيهم كفاية مامي تعبت
أيهم الصغير تف عليها وجري على أوضة عمه: انتي وحسه يا مامي
همس بصدمة: اه يابن الجزمة؟!؟!
حمزة من وراها: مساء الفل
همس لفتله وحضنته بحب: مساء النور يا قلبي
حمزة بغيظ: لا قلبك ايه بقا؟! ربنا يخلي سي أيهم اخد قلبك مني .. قال وانتي اللي كنتي خايفه أحبهم أكتر منك؟؟
ضحكت همس بشدة: انا بحبهم لكن انت بعشقك
حمزة حضنها بحب وعيناه تلمع بعشقها: حبيب قلبي
همس بزعل: انت مش بقيت تهتم بيا ... عيالك وشغلك وأيهم واخدينك مني
حمزة بذهول: انااا...
همس بزعل طفولي قعدت على رجله ورأسها على صدره: ايوا
قبل شعرها الذي ادمن رائحته: انا آسف يا قلبي.. ثم اكمل بخبث وهو يأخذ شفتاها في قبله عاشقة طويلة جدا: بحبك
حمزة: بعشقك يا همستي... بقولك ايه متيجي نكمل شهر العسل؟!
ضحكت همس بخجل وتوردت وجنتيها: بطل بقا .. استمعت لصوت صراخ طفلتها سارة فانطلقت نحوها تحملها بين يديها
همس: حمزة خد كوكي
حمزة بحنية: حاضر يا قلبي ... وحمل ابنته يداعبها بحب وتلمع عيناه بسعادة
أيهم الصغير ركب على عمه ونام على صدره: هيما ..
أيهم بنوم: ايه يا أيهم ؟!
أيهم الصغير: قوم اتكلم معايا انت وحشتني
أيهم: حبيبي سيب هيما ينام واصحى اتكلم معاك براحتنا
أيهم الصغير بزعل: انت وحش يا هيما ... مش بتعلمني السباحة زي زمان وحمزة ده غلس وخنيق اوي
أيهم بضحك: اه والله انا دايما بقول كده ومحدش مصدقني .. ثم صمت لاستيعاب الكلام: انت قولت ايه؟
أيهم الصغير بلامبالاة: حمزة غلس وخنيق
أيهم بيلطم: نهارنا طين ... احم بص ياسطا احنا نتفق اتفاق
صفق الصغير على يد عمه بابتسامة طفولية خبيثة: استبينا يا معلم قول
أيهم: اوعى تقول كده أدام بابي لحسن هنتعلق احنا الاتنين
أيهم الصغير: بابي كان بيعلقك زيي كده؟..
انفجر أيهم ضاحك: اه وربنا أصله مفتري ..
أيهم الصغير: عارف البنت صبا خالو عدي؟!!!.. الموزه دي
أيهم وهو يحاول كبت ضحكاته: احم مالها؟.
أيهم الصغير: مزه اوي كده... زي عمتو مليكة المزه برضو
أيهم بصدمة: اجري ياد العب بعيد عني
أيهم الصغير: نام
أيهم بنعاس: وانت هتفضل نايم عليا كده؟؟
أيهم الصغير بنعاس: ايوا ... غطا في ثبات عميق،، أيهم باسه من خده واخده ينام ف حضنه
بعد كام ساعة
حمزة دخل وشافهم نايمين اقترب من السرير ليحمل ابنه
أيهم بنوم ومش قادر يفتح عيونه من التعب والإرهاق الشديد: سيبه يا حمزة
حمزة باستغراب: مالك يا أيهم؟؟..
أيهم بتعب: م.. مفيش حاجه انا كويس
وضع حمزة يده على رأس أخيه وكانت حرارته مرتفعه للغاية: أيهم في ايه؟؟ جسمك سخن
أيهم: متقلقش شويه وابقى احسن
حمزة بنرفزة: احسن ايه؟؟! قوم نروح للدكتور
أيهم بتعب شديد: مش قادر اتحرك
حمزة بقلق: أيهم حبيبي فى ايه؟ ايه اللي بيحصلك طيب .. مش فاهم
همس بتوتر: خد يا حمزة ده مسكن حلو
حمزة: هو في ايه؟ ماله أيهم؟؟
همس: متقلقش يا حبيبي دي الزايدة
حمزة: وأول مره يتعب منها يعتب بالطريقة دي؟؟!
ابتلعت همس ريقها وصوتها مش طالع: احم مهو يظهر ان دي مش أول مره يتعب منها
أيهم: اااااه اسكتي الله يكرم اصلك
ضحكت همس وغادرت المكان
حمزة بغضب وكانت عيناه الزرقاوات باللون الأحمر
أيهم: حم.. حمزة اه.. اهدى هفهمك ... ااه اه أيهم ابنك نايم متعملش صوت
حاول حمزة تمالك أعصابه التالفه: اقسم بالله فاضلك معايا تكه وروحك الحلوة المرحة دي هتبقى فوق
أيهم ابتسم وسكت
.........
في اليوم التالي... حفلة كبيرة في الفيلا بسبب إتمام صفقة كبيرة في تاريخ الشركة... وترتيبات تتم على قدم وساق ... بالإضافة إلى أنه عيد ميلاد أيهم ابن حمزة !!
حتى جاء موعد الحفلة
حمزة: كل سنة وانت طيب يا أيهم
ابنه بسعادة بالغة: الله العربية اللي كنت عايزها
حمزة: اتفضل يا سيدي... وادي شوكولا كتير
أيهم بسعادة بالغة: الله انت حلووو اوي يا بابي
مليكة ببراءة: ابيه وانا ليا شوكولاا!؟
ابتسم حمزة وضمها لحضنه بحنية: يا قلبي انتي ليكي كل الشوكولا
مليكة بابتسامة: حبيبي يا ابيه
أيهم اخد العربية ونزل ومبسوط بيها جدا
صباح بابتسامة: حبيب تيته ... ايه ده العربية اللي كان نفسك فيها اهو .. اوعى تكسرها بقا
أيهم بطفولة: لأ مش هكسرها عشان بابي اللي جبهالي لكن لو انتي كنت كسرتها
صباح بصدمة: نهار أمك اسود... ايه يا ولد ده؟؟؟!
كارما وصبا: الله الحربية دي كميلة اوي
أيهم: اه بابي جابها ...
همس قاعده أدام مرايتها وسرحانه حتى جاء الحضن الدافي خاصتها قبلها من رقبتها: سرحانه فى ايه يا قلبي؟!
همس: فيك يا عمري
حمزة وقفها ولفها للمرايه وابعد شعرها ولبسها سلسلة الماس خياليه الشكل على هيئة قلبين مشبكين ببعض وأسماءهم محفورة عليها بطريقة جعلتها أكثر جمالا
لمعت عيونها الخضروات بسعادة: ليه كده يا حمزة؟؟!
لفها ليه بحب .. طبع قبلة عاشقة على جبينها: عشان زي اليوم ده هديتيني أحلى هدية في حياتي
ابتسمت همس بحب وقبلته من خده برقه: ربنا يباركلي فيك يا حبيبي
الحفلة كانت ماشيه حلوة ولم تحدث أي مشاكل بحمد الله
.........
مر كام يوم وأولى أيام الشهر الكريم
همس: خد يا حبيبي افطر ومتتعبش قلبي معاك
أيهم الصغير: لا انا صايم
همس بتعب: يا روحي اومال اللي كنت بتعمله من شويه ده كان ايه؟؟
أيهم بطفولة: دي شوكولا من عمتو مليكة المزه.. ودي مش بتفطر
همس: لا يا روحي بتفطر ... وانت لسه صغير على الصيام
أيهم: لا انا كبير زي هيما
همس: حبيبي اسمه عمو
أيهم: لا هو صاحبي واحسن من بابي.. وهو بيلعب معايا
همس: حبيبي مش بابي بيلعب معاك برضو؟!.. وبيعلمك كل حاجه حلوه وبياخدك تنام ف حضنه؟؟! وبيجبلك لعب كتير اوي ومسدسات وعربيات حلوه؟!
أيهم: هيما أحلى من بابي .. بابي وحش
كادت همس التحدث ولكن سبقها دخول أيهم وابنها جري على عمه
أيهم ابتسم بحب وشاله وقعد يلعب في شعره البني .. شعره نازل على عيونه التي هي مزيج بين الأخضر والأزرق وأيهم مهتم بيه جدا وهو بيجبله لبسه ومشيكه ومدلعه وعلمه سلوكيات زي الزفت...: مين حبيب قلب هيما؟؟
أيهم الصغير بسعادة: انا
أيهم: تعال نغير هدومنا عشان المغرب قرب يأذن والشمل قرب يكمل
أيهم الصغير: اوك
مليكة: أيهومي ... أيهم الصغير بسعادة: كوكي
مليكة بضحك: يا روح قلب كوكي ... فطرت أم مازلت صائم؟؟
أيهم أخوها: لا مازال صائم ههههه... عامله ايه ف الكلية يا ملوكتي؟
مليكة بضحك: حلوه وابيه حمزة الحمد لله زي ما يكون ميعرفنيش
انفجرت هي وهمس ضاحكتين: لا أخوكي عند الجد مبيهزرش .. هو فين مجاش ليه؟!..
مليكة: كان في مشكلة ف الموقع وابيه حمزة وابيه سامر راحوا
همس: ربنا معاهم .. هروح أحضر معاهم الفطار عشان الوليمة ههههه
ضحكت مليكة: معاكي يا شق
همس بضحك: والله اتمدنتي وبقيتي مصرية يا كوكي
انفجرت مليكة ضاحكه: اااه والله
طول الوقت ده أيهم وابن حمزة بيلعبوا .. مر بضع ساعات حتى بدأت العائلة تتجمع
أيهم الصغير: كارما ازيك
كارما بنت سامر: كويسه يا هيما
أيهم الصغير: تعالي نجيب صبا بنت خالو عدي ونلعب في الجاردن؟؟!
الطفلة بحماس طفولي: يلا
أيهم الصغير وهو بيشد في ايد صبا بنت خالو: تعالى العبي معانا يا ثبا
صبا بضيق طفولي: لا سيبني مس حايزه الحب محاك
فاطمة من وراهم: بتعملوا ايه يا قرود..؟
أيهم: بصي يا خالتو ثبا مش راضيه تلعب معايا انا وكارما
أسر ابن عدي: ملكش دعوه بأختي يا أيهم
أيهم: ملكش دعوه انت... دي ملاتي
سامر: زيزو خد تعال
زين ابن سامر: نعم يا بابي
سامر بخبث: روح قول لعمو حمزة انت هتتجوز سارة بنته
الصغير بضحكات طفولية: يا بابي انت كبير عيب
عدي: شايف يا معلم؟!!. خليت العيال تشمت فينا
على جانب بعيد
شذا بقلق: معرفش يا همس خايفه
همس بهدوء: يا هبله خايفه من ايه؟؟! والله واضح انه بيحبك .. ابسط شئ لمعت عيونه وهو بيكلمك... يعنى واحد استحمل العذاب ده كله اللي كنتي بتعمليه فيه وتقولي بيخونك؟؟.. واحد قعد 12 سنة يحبك وتقولي بيخونك؟؟ ده ازاي طيب؟
شذا بدموع: والله انا عارفه انه بيحبني وانا كمان بحبه لو قولتلك بعشقه تبقى قليله بس مش عارفه ايه اللي بيحصل.... حساه مبقاش عايزني ... انا حاسه ان غيرتي عليه خنقته بس ده من حبي ليه والله
ابتسمت همس وربتت على كتفها: حبيبتي اهتمي بيه وميبقاش كل اهتمامك للأولاد... حاولي تعملي حاجه تخليه يرجعلك ثقتك بنفسك ويثبتلك انه لسه بيحبك .. ومينفعش كلمة طلقني على طول يا شذا .. الحياة مش كده .. حاولي تتغيري علشان هو يستاهل انك تتغيري علشانه
ابتسمت شذا وحضنتها: ان شاء الله هتغير علشانه ادعيلي بس ربنا يرحمني من مرض الغيره ده وانا هبقى فله ... قولي ربنا يرحمك يا شذا من مرض الغيرة
ضحكت همس: ربنا يرحمك يا شذا من مرض الغيرة ههه
فاطمة بقلق: همس انا حاسه ان اخوكي بيخوني
لطمت همس على وشها: نهار اسود... اجري ياختي انتي وهيا جوازكم بينادولكم وعيالكم بيعيطوا ... يلا يابت منك ليها برا
فاطمة وشذا بيبصوا لبعض وعلى وجههن علامات استفهام كبيرة: هي طردتنا؟؟!
شذا: تقريبا كده
سامر مسك ابن حمزة وكتفه: خد يالا عايز مين انت ويعني ايه عايزها دي هااا؟؟!
أيهم بتأفف وطفولة: اوعى ياعم انت هضربك بالمسدس اللي هيما لسه جايبهولي
سامر بصدمة: نهارك طين... بتقولي عايز بنتك وكمان بتقولي هضربك بالمسدس؟!!
أيهم الصغير: ايوا، ليه انت شايفني قليل؟؟!!.. دا انا أيهم حمزة العسيلي
سمعت همس تلك الكلمات وكأن أحدهم سكب عليها جردل مياه مثلجه: أيهممممممممم
.........
مر اليوم بحلوه ومره وحمزة زعلان ومضايق من بعد ابنه عنه
همس: مالك يا حبيبي؟! حساك مضايق
حمزة: لا يا قلبي انا كويس
همس: انا عارفه ايه اللي مضايقك... أيهم مش كده؟
حمزة بحزن: بعده عني مضايقني اوي يا همسة
همس: حبيبي انت عارف ان أيهم أخوك شخصية مرحة وكده يعنى فهو ميال له مش اكتر
حمزة: حتى لو يا حياتي انا أبوه
همس: معلش يا حبيبي ابننا .. بس انت حاول تقرب منه
حمزة: ان شاء الله يا قلبي
دق ابنه الباب ففتح وهو يشعر بالضيق ولكن تحولت حالته وارتسمت ابتسامة سعادة وفرحة غامره على وجهه ... نزل لمستوى ابنه وضمه لحضنه: حبيبي لسه صاحي؟!
أيهم الصغير بزعل وبعد عن حمزة: اه
حمزة: مالك زعلان ليه؟!
أيهم الصغير: عشان هيما لسه مرجعش وانا مش عارف انام
حمزة بابتسامة: ينفع تنام في حضني انا؟؟!
أيهم: امممم لا
حمزة بهدوء وهو يحاول التحكم بنفسه: ليه يا حبيبي؟
أيهم: انت عايزني انام ف حضنك؟!!
حمزة بابتسامة جذابة: لو انت مش هتزعل يبقى اوك... انا عايزك تنام ف حضني
ابنه حضنه جامد: انا بحبك اوي يا بابي
حمزة بسعادة: وانا يا قلب بابا بحبك اوي
ابتسمت همس وحمزة شال ابنه ونومه ف حضنه وظل يقرأ عليه بعض آيات القرآن الكريم
همس بخفوت: نام؟!
حمزة بتنهيدة: اه الحمد لله
همس: متزعلش منه يا حبيبي هو صغير وأيهم بيعرف يحتويه عشان كده هو متعلق بيه زياده عن اللزوم
حمزة بغيظ وصوت هامس: خلى سلوكياته زي الزفت
همس بضحك: كان لسه بيقولي انتي جبتي سارة وكوكي منين
اتصدم حمزة ثم ضحك وقبل جبينها بحنان: تاعبك معايا انا وعيالي
وضعت همس رأسها على رجله وبنفس الهمس: ربنا يباركلي فيكم يا حياتي
حمزة بتنهيدة مغلفة ببعض الضيق: حبيبتي لو زعلانه مني عشان موضوع الشغل فممكن تنزلي تشتغلي لو حاسه ان ده هيريحك
اتعدلت همس وقعدت في حضنه وباسته من خده: لا يا حبيبي خلاص انا مش عيزاك تزعل.. انا بس كنت بحس بملل إنما دلوقتي يومي مليان وانا مش قادره اتنفس من العيال ومشاكلهم ... وكمان كان صعبان عليا اني أكون متخرجه بتقدير ممتاز واقعد ف البيت
حمزة بخبث: بس انت قمر كده ليه النهاردا؟!
همس بدلع: انت اللي عيونك حلوة يا حبيبي
حمزة باسها برقه: روح قلبي دي ولا ايه!؟
..........
باليوم التالي
أيهم الصغير: عمتو كوكي
مليكة بحب: ايه يا قلب كوكي .. تعال
أيهم: فين هيما؟!!
مليكة ضحكت ومسكته من خدوده: عارف يا حبيبي انا مبقولوش هيما دي ابدا
أيهم: عشان انتي هبلة يا عمتو؟؟!
مليكة بصدمة جريت وراه في الفيلا وبيضحكوا جامد: انا هبله؟!.. وهبلة وعمتو ف جملة واحده؟؟ اااه ... خبطت في أيهم أخوها
أيهم: يا قلبي خدي بالك
مليكة بضحك وبتنهج بتعب وضربات قلبها سريعة: هات أيهم يا ابيه
أيهم بضحك: بس كده... هو فين؟!
أيهم الصغير بطفولة: انا .. انا مس هنااااا عاااا
أيهم مسكه: ههههاااايي مسكناك خلاص
شعرت همس بتقصيرها بحق حمزة ويجب عليها تصليح ذلك فلمعت بخيالها فكرة مجنونة .. متهوره ولكن اعجبتها وقررت فعلها حقا
أيهم: مليكة جيبي سارة وكوكي من فوق
مليكة بابتسامة خبيثة وضحكه طفولية بريئة: اوك
أيهم الصغير بصراخ: لاااااا كوكيز وسوسو لااااا محدش ياخدهمم
........
في مقر شركات العسيلي
سامر دخل وهو بيصفر ورايق ع الآخر ومزاجه معدول: مساء الأناناس
حمزة رفع وشه وبصله: مساء النور ياخويا
سامر: عامل ايه يا برنس؟!. ليك وحشه والله
حمزة: ايوا انت هتقولي؟!. جيب اخر اللي عندك يا زفت عشان مش فاضيلك
سامر بضحك: الحق عليا والله...
زين: ازيك يا عمو
حمزة بابتسامة: حبيب عمو تعال
قعدوا مع بعض واتكلموا ودار الحوار على أيهم ورفضه للجواز حتى الآن ... ولكن مازالت صداقته هو وغزل قوية جدا .. وهي لا تود التخلي عنه وكسره حتى لو على حساب سعادتها فهي تضحي من أجل قلبها العاشق!!
سامر بضيق وحنق: هقوم اشوف الزفته اللي جات برا دي
حمزة ضحك: اوك يا سامر ربنا معاك
زين: بابي خدني معاك
دق هاتف حمزة ليأتيه صوت معشوقته وكأنها في ورطة وتستنجد به ... وقع قلبه برجليه
همس بخوف شديد ودموعها تنهمر على وجهها: حم.. حمزة ال... اللحقني ابوس ايدك
حمزة بلهفه: همس يا روحي في ايه؟!
همس بصوت واطي جدا .. صوت مرتجف: انا مخطوفه وسمعت من اللي خاطفني فى فندق ***
لم تنهى كلامها حتى فر للخارج مثل الصاروخ
: اه مش تفتح يا متخلف؟!
لم يكن لديه وقت ليرد فاتبع طريقه للخارج
استغرب سامر ولكن كان مع تلك المتعجرفة
: مين المتخلف اللي طالع يخبط ف الناس ده؟؟!
سامر بغيظ وضيق: ممكن حضرتك تكفى عن الشتائم والالفاظ دي عشان ميكنش اخر يوم ليكي هنا أو بمعنى أصح ميكنش اخر لقاء بينا أو بمعنى أوضح أسهم شركات سعادتك متبقاش ف الطين؟؟.
: افندم؟! حضرتك ازاي بتكلمني بالطريقة دي؟؟!
سامر ببرود: وحضرتك ازاي تتكلمي عن اللي لحم اكتافك من خيره بالألفاظ دي؟؟!
اتصدمت صدمة اخرست لسانها عن النطق: دا... دا حمزة سليمان....؟؟!
سامر ببرود: مفاجأة مش كده؟!.. يبقى حضرتك تحطي لسانك جوا بؤك الحلو ده عشان اللي بيفكر مجرد تفكير في إهانة واحد من أولاد العسيلي هيبقى مسيره الموت
انتفضت العميلة وابتلعت ريقها بصعوبة بالغة: احمم انا مكنتش اعرفه
سامر ببرود صاعقي: اديكي عرفتي
.........
في فيلا العسيلي
أيهم ماسك فونه وفي شات بينه وبين حبيبته
غزل: مالك يابني؟ متلخبط كده ليه؟
أيهم: مش عارف
غزل: ؟؟؟
أيهم: انتي فين؟؟
غزل: في الشركة وانجز عشان مش فاضيه
أيهم بغيظ: غوري يابت
ضحكت غزل بشدة: خلاص قول... عايز تقول ايه!؟
أيهم باندفاع: بصي يابنتي عشان انا مبعرفش احور
غزل برفعه حاجب: ناااعم ياخويا؟؟؟! أمي اللي بتعرف مش كده؟؟
أيهم: لا إله إلا الله.. يابنتي لسانك ده عايز قطعه
غزل: طب خلاص قول .. كلي أذان صاغية
أيهم ضحك: يا أيهم حل عن سمايا
أيهم الصغير بزعل: بتكلم الموزه من غيري؟؟
أيهم: لا انا اقدر برضو يا حبيبي؟!.. استنى اخلص ونخرج ونتفسح ونلعب براحتنا
أيهم الصغير بسعادة بالغة: اوك ..
غزل بتأفف: ياعم انت فينك
أيهم بصدمة: كل دي مسدجات؟؟؟! هو انا لحقت؟!
غزل بضحك: اصل انا رغايه ومبحبش حد يعلقني
أيهم: غزل انا... انا بحبك ❤
وقفل بسرعة وهي ف حالة صدمة تامة اخرست لسانها سعادة لم يقوى قلمي على وصفها... هل قالها حقا؟؟!
هل وقع التنين بعشقها أخيرا؟!؟... هل استجاب الله لدعواتي أم انا أحلم حلم جميل لا أود الاستيقاظ منه
..........
حمزة وصل المكان المراد وطلع الغرفة ليجدها ظلام دامس ... دخل بهدوء ليجد حبيبته تتوسط الغرفة التي كانت تزينها بطريقة رائعة الجمال وكأنها جناح عروس .. أما عنها فكانت ترتدي فستان أحمر اللون حتى قبل الركبه يبرز جمال جسدها الممشوق وانوثتها الطاغية... وترتدي شوذ باللون الأبيض وشعرها منسدل على ظهرها
حمزة ببلاهة وعدم وعي: هاا؟.
ابتسمت بخجل: وحشتني
قرب منها وحضنها بحب وعشق وصل حد النخاع: بعشقك يا اوزعتي .. بعشقك يا بنوتي
همس بكسوف وخدودها حمرت: معلش بقا ع الخضة اللي سببتهالك
حمزة بتنهيدة: والله طفلة... دا سارة وكوكي بناتي ومليكة أختي ميعملوش كده! هو في حد عاقل اصلا يعمل كده؟؟!
همس بدلع وحب: مش انا عملت كده؟!.؟
ليضمها اليه ويغرقها بسيل من قبلاته العاشقه: ايوا
همس: يبقى ... فيه
ليذهبوا بعيدا عن العالم..... عالمهم الخاص ... عالم تعشقه هي بتفاصيله وهو كذلك !
تمت
