رواية انكسار انثي
الفصل الثالث3
بقلم نوسه حمد
امي بقت تعلي في صوتا قلت ليها يمه عليك الله اسكتي لانو حمزه بزعل وهو بحترمك يمه قالت لي ان شاء الله يطق حمزه هو شنو اللاخماني بيهو وانا م دايره لي منو اي احترام م تابعت كلاما سمح حمزه جا داخل وكان ملهوف علي وعاوز اشوف رده فعلي بعد انا عرفت خبر اسئصال رحمي ولمن وشو مورم من البكا وم ركز مع كلام امي ودي اكتر حاجه كنت بحبها فيهو بطنش اي زول يقيف في سعادتي وسعادتو من زمان وكان بقول لي م تركزي مع اي زول طول م نحنا مقتنعين بي بعض امي طلعت من شافتو وكانت تتنفس بي ضلعها م عجبني اسلوبها نهاي وغلبني اواجها بالكلام قلت عشان حمزه م يتحسس حمزه جا قعد جنبي قال لي نوسه انتي كويسه وانا كانت العبره خانقاني وكان نفسي يطبطب علي هو ويهديني ويقيف جنبي لاني عارفه امي قلبها كعب م بتتحمل فينا من زمان لو انجرحنا ساي بتعملو موضوع وبتخاف علينا زياده عن اللزوم بس برضو م رضاني الكلام البتقول فيهو دا عشان م راعت لحمزه واحترامو ليها
قلت ليهو انا كويسه قال لي بس انا م كويس واول مره اشوفو ابكي قلت ليهو عليكم الله م تزيدو العلي انتو لو متجرسين كده انا اعمل شنو اجن مثلا ولا انتحر حمزه قال لي اعزريني وقفل الباب وكان متجرس قال لي م قادر اصبر انا السبب في الحصل ليك انا دمرت مستقبلك قلت ليهو
حمزه انت ولدتني انت م سبب لو في زول سبب يعني م احترامي ليها امك لانها اصرت انك تجيب الدايه وانا اصلا وضعي كان م بتحمل لانو في السابع قال لي انا غبي والله بس انا م بفهم في حاجات النسوان قلت ليهو ي ريتك لو سمعت كلامي ولا هو ي ريت دي تاني م تنفع عشان م نتحسر ساي اقيفو جنبي خلوني اواجهه الدنيا بالخلل الفيني دا م تكسروني انتو خلوني لي انكسار الدنيا قال لي انا قلبي مقطوع انتي وحدك الحنينه علي م برتاح الا اشكي ليك قلت ليهو انا محتاجه ليك في الوضع دا م معقول انت وامي الاتنين تتجرسو كده شجعوني انا زاتي اكعب منكم ولي مراد اموت ولا يحصل الحصل بس اعمل شنو بركه في بتي وهمي بقا هي ان شاء الله م اتحرم منها لاني ي حمزه لو بتي دي ماتت انا مسقبلي ادمر م ح القا البقول لي امي ولا بكون معاك سعيده لانَو الجاي بكون م ساهل قال لي اعفي لي قلت ليهو عافيه ليك وارح سوقني لي بتي وكنت تعبانه لدرجه انو راسي لفه حمزه نادا الدكتوره قالت ليهو خليها ترتاح م تقوم هسي
مرت الايام والشهور وبتي ف الحضانه وبعد طمنوني علي صحتها خرجونا وحمزه كان في ال١٥عمل سمايه ووزعها بس لمن خرجوني ضبح الكرامه انا كنت مبسوطه انو ربنا شال مني شي وعوضني بي شي بس الحاجه الما قادره اتعايش معاها ام حمزه بقيت بكرها موووت كل م اشوفها بتزكرها لمن نهرتني لحظه كنت مضايقه وهي السبب في الحصل لي م قادره اسامحها نهاي وم حسست حمزه بي كده بس هو كان حاسي اني م طايقاها والعجب امي وهي الشحمه والنار ولادتي كلها عدنها لي مشاكل وعلي العلي زادن همومي وامي بقت بتكره حمزه اتكلمت معاها قلت ليها يمه عليك الله عشان عشرتو الزمان اعفي ليهو قالت لي اصلي م بعفي ليهو حقك والعجب نسيبتك الشوم دي لو الموت في يدي برسلو ليها قلت ليها يمه انتي مالك بقيتي كعبه كده قالت لي من المغس الفي قلبي ومن الخلعه الدخلت فيني دايراني اكون كيف قلت ليهو لو البتعملي فيهو دا بغير الحصل واصلي فيهو بس يمه كلامك دا كلو بتعبني انا وبتدمري علي حياتي قالت لي ي بت انت م شديده حياه شنو بعد شالو رحمك قلت ليها يمه اموت يعني عشان انا خلاص شالو رحمي ولا فهمك شنو وم تندميني علي حاجه لا في يدي لا في يد حمزه قالت لي الشافع دا م تجيبي لي اسمو قلت ليها حمزه شافع كتر خيرك يمه دا ابو بتي قالت لي بكره بكون ابو غيرا وبتقولي امي قالت😳 انتي في عز مرضك وراقده بين الحياه والموت امو تمسك مره مره وتقول ليها ولدي بعرس ليهو وهي قايله الكلام م بصلني امي تتكلم كده وجابت اسم نسيبتي نسيبتي جات لفحت الكلام من خشمها قالت ليهو هووي ي مني انتي مرا م محترمه سنك وم اعرس لي ولدي كان معرسه ليهو وولدي ربنا حلل ليهو اربعه نسوان البغلبها بيتا نعرس فيها واحده تكون ست بيت والبتغلبا الولاده نجيب فيها البتلد لينا وانا دموعي عشره عشره معقوله ي نسيبتي يطلع منك الكلام دا وحمزه وين من كلام امو دا معقوله اقبل فيني كده وهم السبب في منعي من الولاده وليه الناس تسبق الحوادث احتمال انا اموت ولا هي تموت ولا حمزه زاتو اموت البعيد شنو من ربنا في اقدار م بتدينا انزار زي قدري الوقعتا فيهو دا وانا سرحانه ودموعي تعبر عن حالي وامي ونسبتي اتشاكلن كشفن حالي مع الضيوف الداخلين ومارقين امي مغبونه منهم عشان هم سبب في الحصل لي بس نسيبتي مالا بعد العملتو فيني دا محروقه مني ودا الحا نعرفو قدام ان شاء الله....
