رواية بيت خالي
الفصل الثالث3
بقلم جمانه السعيدي
رحمه...الحزن سيطر عليه ومجاي اكدر اطلع من هاي الحاله
احس نفسي بقيت وحيده بهاي الدنيا
رغم خالي عايف ولده وبيته وكاعد كبالي
حاير شيسوي حتى اطلع من حالتي هاي
بهاي الفتره بدا همام يهتم بيه ويكعد يسولف عليه
ويجيبلي شغلات حلوه
ماانكر هو الوحيد الي جان يكدر يسعدني
كنت زغيره بعمر ١٦ سنه وماعندي اي تجارب
هو كان اهتمامه بيه ملاطفه لا اكثر
بت عمته ويتيمه وتمر بازمه نفسيه ويشوف ابو حاس بالذنب اتجاهه
جمانه السعيدي
بس اني جان شعوري اتجاها غير
اهتمامه بيه وحرصه ان يتواجد قريب مني
كلبي حول هذا الاهتمام إلى حب اي اني حبيته وتعلقت بي
قصة حبي اله بدت من هاي المرحله
اول مايدخل يجي كبل الغرفتي ووين رحومه الحلووه
ومايقبل ياكل اله ناكل سوووا اني ويااا
مرات حتى يوكلني بايده
كل شويه يجيبلي شي
مرات بلشقه يكفش شعري ويخنزر عليه ويكووول
عيييع صرتي كفشه
لو يفتح شعري ويكول متروس كمل
لو يشيلني على ضهره ويفتر البيت بيه
كان يعاملني وكأني طفله زغيره
واني بوقته هم جسمي ناعم وكانما جسم طفله
لو يكول اني خبير تسريحات ويكعد يسولي تسريحه عجيبه غريبه
ويخليهم يضحكون عليه
اما خالي جان احن كلب بلدنيا حاير بيه وشلون يراضيني
اسمع زوجته تتعارك ويااا
تغار من الطريقه الي يعاملني بيه
تحسه يحبني اكثر منه ومن اولادها
بس هو ماداير اله بال ابد بلعكس كل يوم يزيد اهتمامه بيه
اكثر واكثر
رغم كل هذا الاهتمام
بس اني بلحقيقه مفتقده ماما وبابا حيل
عافو فراغ مو طبيعي بحياتي
وخاصه من اسمع همام وأكرم ينادون امهم لو ابوهم
واشوف ام همام شلون محتاره بيهم
وتريد تسعدهم وتحافظ عليهم
جمانه السعيدي
رحنا للاربعين كلنا للمقبره كنت متوقعه الكاهم منتضريني هناك ويسألوني عن حالي
بس وصلنا وسمعت خالي يبجي وصوته بي عبره حزينه
وخالتي تلطم وتصيح ولج خيه ليش هيج ليش عفتي
بنيتج بعد عينج منو اله
ولله رحمه مريضه من بعدج
اني سمعت ذني الكلمتين واني انفجرت
وكنما منتضره احد يحركني
كمت اعيط واملخ بنفسي صدك بعد عين امي منو اليه
خالي حضني بقوه
حتى يلزم اديه لان جرحت وجهي واني الطم
كام يحجي على خالتي انت جبناج عون لو فرعون
اسكتي احنا نهدي بيه وانتي تزودين النار حطب
بعدين اجن عماتي ورا ماوصلنا احنا بنص ساعه
الكل يبجي ولكل يصرخ
كانت لحضات حزينه اني من شفت الكبر
يله صدكت بعد مااشوفهم ابد
جمانه السعيدي
خالي كال كافي يله خل نرجع للبيت
الكل مشى واني ودي اكعد بنصهم واسولفلهم كلشي
اريدهم يسمعوني
سحبني خالي يله بابا امشينا بعد البجي مايفيد أبد
مشينا طلعنا ورجعنا البيتنا
اكو اعداديه قريبه على بيت خالي
خالي دز همام راح جاب أوراقي من المتوسطه وقدملي بيه
رغم ماليه واهس ابد اداوم
بس خالي صمم لازم اقدم
اخذني خالي واشترالي ملابس مدرسه وجنطه وحذاء
كلشي كلشي جابلي وماخله شي بنفسي ابد
يكعد يقريني بليل واذا هو مو موجود لو مشغول همام يكعد يقريني
من يكعد همام يقريني ينكلب الدرس ضحك
وشقااا ويكعد يحشش على أهل النظريات الي جاي ندرسه
بحيث اموت ضحك
وافتهم الدرس من اول كلمه يكوله
بس زوجت خالي كانت تغار ودائما اسمعه تحجي على خالي
ام همام...انت جاي تبالغ شدعوه هلكد مخبوص بيه
خالي.. يتيمه تعرفين شنو يتيمه حتى بلقران رب العالمين وصانا بليتيم
.ام همام ..ولو خبلته مو هيج حتى اهله ماجانويعاملونه هيج
انت ماشايف نفسك
نسيتنا ونسيت ولدك
خالي... شكد ما رب العالمين يطول عمري راح اهتم بيه اكثر واكثر هاي امانه ولازم احافظ عليه فهمتي لولا
بعدين انتي مو طول عمرج تتمنين تصير عندج بنيه
هاي صارت عندج بنيه
واجتج جبيره وفاهمه
ورحمه ماشاء الله عليه عاقله ومودبه رحمه على روح اختي شلون مرببته تربيه
جمانه السعيدي
ام همام...انت الحجي وياك مابي نتيجه اكله عامله معامله عاديه حاله حالنا مو خابص نفسك بيه خبص
خالي...لا تحجين ولا اتعبني نفسج مراح اغير معاملتي اله
ماطول ماناقصج شي لا انتي ولا ولدج
اسكتي وخلي البنيه تعيش
حتى رب العالمين راح يكرمنا على عينه
هاي السنه اني بلرابع اعدادي
وأكرم بلسادس اعدادي
وهمام سنه اولى كليه يدرس هندسة حاسوب
طبعا أكرم ماله شغل باي شي بس يقرا طول النهار
وهم يغار مني يحسني اخذت اهتمام ابو منه
ويسمع كلام امه وهي تحجي عليه
ماكان يلتقي بيه ابد وماله شغل باي شي يصير يخصني بلبيت
بيوم همام كاعد يدرسني
طبكت الكتاب وكتله اريد اسئلك سوال
همام اي اسئلي بصفتي المدرس مالتج اسمحلج بسوال واحد فقط تفضلي
رحمه...ترا احجي جديات مو شقى
همام...وين اكو مدرس يتشاقه ويه طلابه
رحمه...لا تصدك نفسك ترا انت اكبر مني بس باربع سنوات
همام...ليش اربعه شويه اكو حكمه تكول اكبر منك بيوم
افهم منك بسنه
عاد اليوم يعادل سنه كيف اذا اربع سنوات
حيل اني افهم منج بهووواي
رحمه...اسكت مو نسيت السوال
همام....يله احجي فضيني
رحمه...انت هم تحب او حبيت بعمرك
جمانه السعيدي
راسا باوعلي بستغراب
همام...ولج فصعونه بعدج بلكماط شنو هاي السوالف
شنو حب وماحب انتبهي لدروسج وبس
ولله اذا سمعتج تحجين بلحب مره ثانيه
مد ايده ولزمني من اذني
همام ..ذني اذانج املصهن فهمتي لو لا
رحمه...اي اي عوفني وجعتني
همام...حيل بيج حتى تنسين هاي السوالف وانتبهي لدروسج
رحمه...اخذت كتبي وكمت بعصبيه وماحجيت ويااا اي شي
همام...زعلتي يطبج مرض زعطوطه وتحجي حجي اكبر من راسه
رحمه.. سديت الباب وتمددت على وجهي ياربي شلون أفهمه اني احبه مو بيدي اني احبه
بعدين شنو زعطوطه اني هسه عمري ١٦ سنه
هواي بنات تزوج بهذا العمر ويصير عدها اطفال
ماكو غيره هو زعطوط وغبي
لان مايحس بيه ابد
ثاني يوم ماخليته يشوفني ابد
من اجه من الدوام اسمعه يكول وين رحمه
ام همام بغرفته تغدت ودخلت ترتاح
اجا للغرفه اني سويت نفسي نايمه
همام...هاج جبتلج حلويات اعرف كاعده وتسمعيني
اجيت ااكدلج كلامي للمره الالف
انتي زعطوطه زعطوطه زعطوطه
راسا شلت المخده وضربته
هو هجم عليه اوكفيلي اليوم اذا ماانفش كفشتج نفش
غطيت نفسي وهو ضل يسحب الغطا
ويضربني
بعدين كعدنا نضحك اني وياااا
هاي حلويات الج اني راسا اخذتهن
همام... شوفي هي بس الزعطوطه تاكل حلويات
هم شفتي وحده جبيره تاكل حلويات
رحمه....لا ولله