رواية ست الشاي
الفصل الثالث3
بقلم سهي وليد
الوو خالد: ست الشاي كيفك مياس: خير ان شاء الله عايز مني شنو خالد: صحبي قال لي طليقتك شغالة شاي و انا ما رضيت الحتة دي شغل الشاي ما شبهك بعدين اعتبريني انسان عاشريتو و احكي لي ظروفك ولا اقول ليك انسي ما تحكي لكن لو محتاجة اي مبلغ بحولو ليك في حسابك عشان العيش و الملح الكان بينا في يوم مياس: خلصت شكرا و كتر خيرك بس قروشك لو مغلباك في ديوان ذكى امشي اتصدق هناك انا ما محتاجة شفقتك علي و البينا خلص من زمان فما تنبش الماضي يلا بباي فقلت في وشو و تاني ما قدرت انوم بفكر في الحصل
طبعا هو طلقني لان بسمع كلام اهلو في يوم هو كان سافر لي شغل و خلاني في بيت اهلو نص الليل لقيت اخو راقد وراي قمتا مخلوعة و هجت فيو لمن البيت كله صحى طبعا انا مرات بنسى اقفل باب غرفتي و اصلا كنت واثقة فيهم لمن جوا و شافو المنظر كلهم انقلبو ضدي و قالو انا الاغريتو و انا السبب في الحصل عشان خايفين من خالد يقتل اخو و الخوف الاكبر من الفضيحة انو اخ اتحرش بي زوجة اخو ابشع انواع الجرايم و دي حاحة كافية انو تدمر سمعتهم
اتصلت لي خالد حكيت ليو بس هم سبقوني بي خطوة و اتصلو لي قبلي
خالد بدون اي مبرر و ما رضى يسمع مني ولا كلمة طلقني في التلفون و قال لي ما اجي اشوف وشك في بيتي ورقتك بتصلك عند اهلك و الاخبار انتشرت في حلتنا و بقا ماف زول بحترمني في اسبوع واحد اطلقتا و سمعتي باظت و ماف زول عايز يصدقني رغم االحب و المودة البينا طلقني و كان زواج عن حب و هنا اقتنعت انو الزواج قبر الحب
الشمس طلعت و انا ليلي كله بفكر ما قدرت انوم تاني جهزت نفسي و مشيت شغلي نفس الروتين
ريهام: اها ي بت ما لميتي قروش شغالة بزار بس مياس: دا شكل وحدة مبزرة عليك الله بس القروش دي بتمشي و تجي و انا بستقبل رزقي من الفجر و ما شايلة هم القروش ربنا قادر بعد ريهام مشت بقيت افكر في كلامها اشتريت لي حصالة كبيرة و بقيت ارمي فيها يومي برمي فيها 10 الف 20 المهم بتقا قروش مع الزمن و السبيل ما شاء الله الناس ماشة و جاية تشرب و شفع المدارس دايما بشربو و الحمدلله كل جمعة بعمل اكل بودي الجامع و رغم ظروفي دي لو لقيت زول محتاج ما بخلي زي ما ربنا اداني انا بدي عشان النعمة يكون فيها بركة و فكرت بيني و بين نفسي اني اقرا في البيت سنة اولى و تانية ثانوي و امشي امتحن بس ووفعلا جبتا الكتب و سجلت في مدرسة جمبنا و القروش الميتها ساعدتني
