رواية جراح الحب الفصل الثالث3بقلم جني

اية اللي بتقوليه دة بكذب ف اي 

-كذبت عليا وفهمتني ان انت اللي مش بتخلف مش انا 

-انتي جبتي الكلام دة منين 

-من الدكتورة يامروان منها 

-اهدي وهفهمك كل حاجة 

بدموع :هتفهمني اية ؟وحشت نفسك عشاني !! انت جبت العيب فيك عشان متكسرنيش 

محسيتش انك بتظلم نفسك 

-انا مفرقش معايا حاجة !! كنت عارف اني لو قولتلك الحقيقة هتبعدي عني ومش هتتقبليها 

انا مش عايز حاجة غيرك انتي كنتي عايزاني اجي اقولك الحقيقة واشوف قهرتك

-وانا متقهرتش عليك يامروان !! انت متخيل اني مزعلتش 

-عارف انك زعلتي بس اياً كان مكنتيش هتبقى حاسة بالذنب طول الوقت 

-مخوفتش لو عرفت الحقيقة انا هيحصلي اي 

-عشان كدة خبيت عنك 

-مروان !!

-عشان خاطري انتي اسكتي واسمعيني !! انتي هيفرق معاكي اي يعني لو مكنتيش عرفتي الحقيقة كنا هنفضل عايشين سوا ومبسوطين 

بعياط وصراخ : ازاي عايزني اتقبل ان اكتر انسان بحبه ف الدنيا هبقا سبب اني اظلمه ومخليهوش يعيش احساس اي حد يتمنى يحسه 

-انا مطلبتش منك دة يا جميلة 

-بتبرر  اي يامروان 

-انتي اللي بتبرري يا جميلة ومش عاجبك الوضع 

انا مبسوط ياجميلة مش عايز حاجة غيرك 

انتي معترضة على قضاء ربنا 

-ومين قال اني معترضة !! كل اعتراضي هو انت !! انا مش هقدر استحمل الوضع دة 

-وضع اي ياجميلة 

-ازاي عايزني اقبل متكونش اب بسببي 

بصراخ : بسبب مين !! بسبب قضاء ربنا 

انتي متعصبة ومش عارفة انتي بتقولي اي 

-انا عارفة كويس !! لا يامروان لا مش هينفع كدة !! مش هقدر 

-انتي بتقولي اي 

بعياط : ازاي هشوف قهرتك بسببي !! انت بخير يعني ممكن تبقا اب مع اي واحدة غيري 

-انتي اتجننتي ياجميلة اي اللي بتقوليه دة 

"نزلت على ركبتها ف لحقها ..

-جميلة 

بعياط :لا يامروان لا انا بحبك مش عايزاك تعيش الوجع دة 

-جميلة حبيبتي اهدي .. ف الاول انتي كنتي عارفة ان السبب مني معملتيش كل دة ولا انا عملت كدة 

-عشان كنت بتكذب 

-احنا اصلا مكناش عايزين اطفال 

-مين قال كدة !! انت بتقول كدة عشان المشاكل اللي حصلت ومامتك دة غير الموضوع دة كمان 

-قهرتي اللي بجد انك تبعدي عني ! عشان خاطري متوجعينيش انتي ب كدة وتكسري فيا بكلامك دة وتحسسيني انك عبئ عليا ! انا فهمتك اني بحبك ومش عايز اطفال ومش عايز اي حاجة ولا حياة من غيرك انتي .. انتي اهم حاجة عندي 

مش انتي كنتي بتقولي انك بتحسي اني ابنك 

انتي مش هتعرفي تعيشي من غيري ولا انا هعرف اعيش من غيرك ! انتي فاكرة ان احنا لما منخلفش دة هيرجععني بس الحقيقة ان كلامك اللي بيوجعني بجد ، لو بعدتي عني هيحصلي حاجة من غيرك 

عشان خاطري انسي كل الكلام دة وفكري فينا و ف حياتنا حرام حياتنا ومستقبلنا يخرب 

كنا هتفضل عايشين ومكناش هنعرف ان احنا مش هنخلف 

-متقوليش كلام وخلاص كأن الموضوع مش مهم 

-تمام .. تمام مهم انتي صح بس انتي عندي اهم 

بدموع : ازاي يامروان ازاي بتقول كدة انت…..

-هشش اهدي ..

حضنها مروان ومشى ايديه على شعرها بيحاول يهديها وهي مدفونة ف حضنه منهارة وبتعيط بكل حرقة ف بيهديها 

:خلاص اهدي يا حبيبتي اهدي 

كفاية عياط عشان خاطري 

-مش قادرة يامروان مش قادرة 

-طيب خلاص اهدي حاولي اهدي 

خدي نفسك يلا اتنفسي وحاولي تهدي على الاخر 

-ط..طيب 

-هديتي ،، ممكن تقومي بقا من على الارض تعالي ندخل نقعد جوا 

"بيسندها وبيقعدو على الكنبة 

بيلف ناحيتها وبيمسك ايديها الاتنين وبيبصلها 

:ممكن تبطلي عياط بقا ،، انتي بتعيطي لية دلوقتي 

-انت عارف لية 

-طيب هو مش قبل اما اتجوزك وقعدت مع ابوكي وقدامك وعدتك وقولت قدام كل الناس انا عمري ما هبعد عنك وهفضل معاكي لحد اخر نفس مهما كان 

ومش هزعل منك ومش هنسمح للمشاكل تفرقنا وتدخل بينا 

عايزة تخربي الوعد يا جميلة 

-مروان الموضوع مختلف 

-لا مش مختلف ياجميلة !!محنة وهنعديها سوا 

انتي فضلتي تلت سنين واقفة جنبي على الحلوة والمرة وف كل الاوقات دة غير سنين الخطوبة 

انا هتخلى عنك دلوقتي 

-مش عايزاك تعاني 

-اعاني اي ياروحي ..هعاني وانتي جمبي ازاي 

انتي اللي بتصبريني على الدنيا هسيبك !!

عشان خاطري اهدي ولما تهدي هتعرفي انك كبرتي الموضوع وخلاص 

-بس….

-مش عايزة تتكلمي تاني خلاص اهدي بقا واسكتي 

تعالي ف حضني 

"بتنام على كتفه وبيحضنها وبتشدد على ايده : مروان انا بحبك اوي ! ومش عارفة هنعمل اي بس عارفة انك واقف جنبي وهتدعمني ف كل قراراتي صح 

-طبعا !! بس لو قراراتك صح 

اهم حاجة انك تهدي دلوقتي خالص 

ممكن اطلب منك طلب 

-قول 

-متنزليش تاني من غير ما تقوليلي ومتتصرفيش من غير ما تقوليلي حاجة 

-حاضر 

________________—-

-لأ انا مش قادرة استحمل ..هموت ياريم انتي شايفة على طول بيحاميلها ومبيديناش فرصة نتكلم وعلطول يقول حياتنا الخاصة حياتنا الخاصة 

-مهي اللي مولعاه ي ماما دة بكلمة منها خليتو يمشي امبارح وبكلمة برضو مشته لما كنا بناكل واتقمصلها 

"سارة"-اولا يا ريم هو مشي من غير ما تقوله .. ثانيا هو عمل كرامة لمراته عشان اللي ست غمزة هانم كانت بتعمله 

-لية وهي عملت اي 

-والله ؟ يا لماحة دي كانت متلزمين فيه واشي تتشنكل عشان تسند عليه وتديله مايه وخالتو اقول كانو هيتجوزو وتدلق العصير على جميلة وتقعد جمبه 

كل دة وعملت اية ؟؟ انتي فاهمة كويس ياريم 

-بقولك اي ياسارة مش موضوعنا 

-امال اي ال موضوعنا 

"نبيلة"سارة !! انا عايزة حفيد ! عايزة افرح ب ابني هي هتفضل رابطاه جمبها عشان خايفة على نفسها وشكلها وجسمها من الحمل 

-مين قال كدة 

-اكيد هي قالت كدة عشان تقنعو 

-ماما انتي لي بتخترعي على مزاجك 

-انا مش ههدى ياسارة 

-لو مدايقة اوي كدة جوزي ريم وخليها تجبلك حفيد 

-اولا انا عايزة حفيد من ابني ،ثانيا انتي اللي هتتجوزي قبلها 

-والله ؟ وهتجوزيني عافية يعني 

-ان شاء الله غصب عنك عشان تبطلي قلة ادب ومتخليش كل إهتمامك للشغل 

خالد اصلا لمح بس انا مستنية اقعد مع ناهد 

-والله ياماما لو عملتيها لأسيبلك البيت انتي حرة 

-احكمي عليا حلو !وهنشوف ياسارة 

———————————-

"نامت على كتفه ف شالها ودخلها على السرير وسابها تنام براحتها

وخرج برة شايل الهم 

وبينام على الكنبة مكانه 

'الصبح بتفوق جميلة وبتتخض لما مش بتلاقي مروان جمبها !بتقوم وبتخرج برة بتلاقيه نايم على الكنبة 

لمست وشه بخفة-مروان …!مروان !

-في اي 

-انت نمت مكانك !! مدخلتش جوة لية 

"اتعدل وقام من نومته 

-نعست وسبتك تنامي براحتك 

-خلاص كمل نومك جوة 

-لالا انا صحيت خلاص ياحبيبتي!صحيتي مفزوعة صح 

-اتخضيت اما مكونتش جمبي بس !

انت كويس ولا تعبان فيك حاجة وشك اصفر شكلك تعبان 

-انا كويس ياحبيبتي 

"الباب خبط :مين هيجي دلوقت 

خليكي انتي هقوم اشوف مين 

"بيفتح الباب وبيلاقي سارة بتحضنه وبتسلم عليه 

-فين جميلة 

-جوة اهي في حاجة ولا اي 

بتدخل :ازيك ياجميلة صحيتكم ولا اي 

-لا احنا كنا صاحيين اصلا

"مروان " في حاجة ولا اي 

-معلش لو ازعجتكم بس ماما قالبة عليا الدنيا ومصممة تجوزني خالد يا مروان واتخانقت معايا وبهدلتني يا مروان يعني امبارح اتكلمت ف الموضوع دة وكنت فاكراها بتهزر جت النهاردة برضو اتكلمت ف نفس الموضوع بس بعصبية بقا وفضلت تقولي كلام قد كدة وانت عارف طبعا مين بيحاميلها وبيسخنها

-هي امك اي اللي حصلها 

-قعدت مع خالتو وريم ساعة اتجننت اكيد شحنوها 

-يعني اي هتجوزك بالعافية 

-قالتلي لو اضطريت هعمل كدة واتخانقت معايا وطبعا اختك الشعلة فضلت تسخنها اكتر 

جميلة :هي اي الي حصلها فجأة واضح ان غمزة اثرت عليها 

-انا قولت اجي شوية يعني متآخذونيش بقا 

-انتي هبلة اكيد بيتك يعني ،، ما تروح تعملنا شاي يامروان 

-اية !!!

-اعملنا شاي وماله انت صغير عبال بس ما اقعد مع سارة شوية 

-قولي كدة بقا !! انا عندي مكالمة شغل وهخلصها واجي 

…….

-اية ي سارة 

-في اية 

-انتي عارفة ! هتضحكي عليا انتي مش زعلانة ولا ومدايقة من انك هتتجوزي خالد 

انتو معجبين ببعض كان واضح عليكم انا خدت بالي ف ماتحاوليش تكذبي 

-جميلة !! معجبة بس مش بموت فيه وهقطع شراييني عليه ي جميلة ! ممكن يكون لفت نظري بس اكيد انا مش عايزة اتجوز بالطريقة دي انا عايزة اختار حتى لو اللي هختاره خالد مش فارقة بس انا مش عايزة حد يقيدني 

-واضح واضح !! بس انا شايفة ان هو انسان كويس ومحترم عشان اخر مرة قابلته فيها دة اللي كان باين عليه هو اللي هزعل عليكي فيه انك لو فعلا اتجوزتيه هتضطري تتعاملي مع زفتا غمزة دي 

-اوف يا جميلة متفكرنيش 

-بصي او حماتي قعدت مع خالتك واتكلمو فعلا استغلي الفرصة وكلمي خالد وقوليله اللي حصل هو لو عايزة مش هيزعل اوي وهيفهمك انو هيخربها عليهم لكن لو مش عايزة هيعمل كدة بجد وف الحالتين استفادي ولو تم الموضوع تبقي تتعرفي على خالد عشان لو طلع مش كويس فرصة متتجوزيهوش 

-متجوزهوش اي ياجميلة انتي شايفة ماما بتقول اي دي بتجبرني وبتتحداني

-هي اة بتجبرك بس عشان تدايقك انتي بس متبينيش اهتمامك بالموضوع وحسسيهم انك موافقة 

-لا ياجميلة مش عايزة اتجوز انا دلوقتي 

-ما تسيبي كل حاجة تمشي بقا ي سارة الواد كويس وعينو منك انا لاحظت واهو تتجوزي بقا وتفرحيني 

-شوف البت بتتكلم ف اية 

-انتي بس اعملي اللي بقولك عليه وحاولي تتعرفي على خالد وسيبي مروان متدخليهوش ف الموضوع ممكن يعمل مشاكل مع مامته انتي عارفة 

بس لو فعلا انتي مش عايزة انا بنفسي هتكلم مع حماتي ومروان كمان 

بس الصراحة انا شايفة انها معاها حق 

-اخرسي!حق اي يام حق 

-خلاص خلاص متزعليش 

"اي كنتو بتقولو اي "

-ولا اي حاجة 

"انا هبقا اكلم ماما يا سارة متقلقيش"

-مروان يا حبيبي ملكش دعوة بالموضوع دة انا حليته 

-حليتي اية يابنتي 

‎“طيب انا مضطرة امشي بقا عندي شغل "

-انتي لحقتي قعدتي 

              "ايوا انا بس قولت اعدي احكيلكم "

-طيب ياسارة 

      "مع السلامة "

-تعالي اوصلك الباب ياسارة 

-توصلني اي يامروان انا مش رايحة عمرة خليك 

يلا مع السلامة بقا 

••••••••••••••

••••••

-ممكن افهم انتي حليتي اية لو سمحتي 

-يعني انت مش واخد بالك 

-من اية

-مروان يا حبيبي واضح الاعجاب بينهم انا لاحظت هي سارة مش مشكلتها ف خالد بس اكيد هي لازم تبين كدة اولا عشان مكسوفة ثانيا عشان مامتك بتجبرها وهي دي برضو مشكلتها 

-معجبين اي ..اي العبط دة 

-اي هو انت م اعجبتش بيا الاول مثلا 

-متغيريش الموضوع 

-مروان هو الواحد ممنوع يعجب 

-ايوا بس دي محكيتليش 

-ايوا محكيتلش عشان هي مبتشوفكش وهي اصلا ملحقتش تحبه 

-وانتي بقا قولتي اي 

-انا متكلمتش يامروان ،،انت قلبت لية يعني انت عبيط 

-كنت عايزها تحكيلي 

-هي عملت جريمة فيها اي 

-خليكي انتي اسحبي كل اللي بحبهم ف صفك

-ربنا يسامحك يا عم 

بكرة سارة تتجوز وتعيش حياة حلوة ويبقا عندها اطفال مدوخينها !

منفسكش تبقا اب يا مروان ؟'

-مممم بصراحة !لأ منفسيش خالص انا مكتفي بيكي انتي بنتي 

-انا بكره المبالغة والكذب !! يعني اي منفسكش…

-جميلة جميلة !! حبيبتي !! ممكن منتكلمش ف الموضوع دة تاني انا قفلته خلاص والموضوع دة منهي بالنسبالي 

-منهي !! بس …..

-انتي عايزة اية 

-مروان انت مش فاهم احساسي انا بتخنق كل ما بفكر فيك !! انا هموت عشان مش هقدر ابقا ام ولا هقدر اسمع من ولادي ماما عشان مش هيبقى عندي اصلا 

انت بقا تقدر تسمعها وتقدر تعيش الاحساس دة وتقدر تبقا احسن اب !! مش قادرة اتقبل فكرة اني رابطتك ان خانقاك وجاية عليك انا كدة بظلمك

-في حاجة تاني عايزة تقوليها !! عايزك تقولي كل اللي عندك 

-انا عندي كتير اوي يامروان ،،وعشان بحبك ف.. مش عايزة اشوفك كدة ومتكذبش تقول انك عادي 

-ممكن انا بقا اتكلم !! انتي ك انسانة مش عايزة تظلمي جوزك عارف وعملتي اللي عليكي

بس بجد يا جميلة انا قولت كل اللي عندي وخلصت الكلام ف الموضوع دة وقولت رأي وخلصنا 

ولو هتفتح ف الموضوع دة تاني يا جميلة مش هيبقى في كلام بإحترام تاني تمام !!

-انت بتهددني 

-مش بهددك بعرفك بس اللي هيحصل !! ياريت تسكتي خالص بقا عشان زهقت من الموضوع دة بجد

-سكت يا مروان !! سكت !! 

__________________________

"بترجع سارة البيت وبتلاقي الكل متجمعين حتى ناهد واولادها "

-سلام عليكم

-وعليكم السلام !! تعالي ياسارة 

-ازيك يا خالتو 

-الحمدلله يا حبيبت خالتو 

-ازيك ياغمزة ..

"كويسة "

-حازم !! بقالي كتير مشوفتكش 

-حبيبتي يا سرسورة انا لسا جاي اصلا 

-منور 

"وخالد اي وحش "

-اة ..ازيك يا خالد 

-الحمدلله وانتي اخبارك اية 

-انا كويسة 

"بتسيبهم سارة وبتدخل اوضتها "

خالد: معلش يا خالتو انا عايز اتكلم مع سارة شوية 

-هتقولها اي يعني 

-هتكلم معاها عادي بخصوص القرارات دي 

ناهد: خالد !! لو قولت حاجة لسارة يا خالد ه…

حازم:حاجة اية ؟؟ انتو اتكلمتو ف اي 

نبيلة :اتكلمنا عن سارة وخالد هنتكلم عن اية يعني 

حازم : والله ؟ مش مصدقكم 

نبيلة :متصدقش روح ي خالد ل سارة اكيد هتلاقيها ف الباكونة 

"بيروح خالد وبيلاقيها فعلا ف البلكونة …"

-بتعملي اية !!

-بشرب شاي !

-ممكن اشاركك القاعدة دي ونتكلم شوية 

-اتفضل قول عايز تتكلم ف اية 

-بصراحة انا لما جيت لقيتهم كانو واخدينا محتوى وكانو بيتكلمو علينا واضح انهم مصرين جدا 

وبصراحة انا مش فارق معايا اي حاجة غير رأيك 

بس قبل ما اعرفو كنت عايز اعرفك اني حابب الموضوع جدا وهبقا ف قمة السعادة لو وافقتي بس لو رفضي هبقا بتمنالك السعادة يعني عادي 

-بص !! الفكرة مش كدة ..يعني احنا مع بعض من صغرنا واة مكناش بنشوف بعض غير كل فين وفين وكمان لمًا سافرت انا حرفيا نسيت اني ليا ابن خالة تاني اصلا ،، بس الفكرة اني مش انا اللي انجبر على حاجة ياخالد وحتى لو كنت موافقة 

-يعني انتي مش موافقة ؟

-انا مقولتش اني مش موافقة بس انا تحت التهديد وي اتجوزك ي اتعذب يعني ؟؟ انا مجبورة اني اعمل كدة حتى لو انا فعلا عايزاك 

وبما انك اتكلمت بصراحة وفتحت السيرة دي وقولت اللي فقلبك ف منكرش اني موافقة وانو فعلا معنديش مانع بس انا مش هبقا وسيلة لخطط امك واني اللي مبتخلصش

-انا فاهمك يا سارة بس طالما انتي موافقة وانا موافق واحنا الاتنين معندناش اي اعتراض يبقا لية بسببهم مناخدش قرارا هيكون كويس لينا 

وياستي لو دايقتك او لو حسيتي اني انسان وحش سيبيني بس متاخديش قراراتك بغرورك يا سارة 

-غرور ! انت مسمية غرور ؟ انت ساذج يا خالد 

-انا ساذج 

-اة وتفكيرك غير منطقي حتى وجهة نظرك كلها غلط ..

-ياستي شكرا مقبولة منك بس مش دة اللي عايز اسمعه قوليلي انتي موافقة ولا لا يا سارة 

-هفكر في الموضوع دة وهبقا ارد عليك 

-هالكرسي وهتردي ولا ومش هتردي اصلا 

-واضح انك متعرفنيش كويس !! بس انا مبقولش حاجة انا مش قدها !! قولت هرد يبقا هرد خلاص بقا متبقاش عامل زي امك وخالتك بالله عليك 

-حاضر مش هبقا زيهم ومستني ردك

-يعني لو مفيهاش قلة ادب ولا قلة ذوق مني بس ممكن بقا تسيبني لوحدي عشان اكمل الشاي وعندي مكالمات شغل ؟

-مفيهاش طالما قولتي هتفكري ولحد ما تفكري دة اللي هيحدد مصيرك بقا 

-اة منا عارفة 

-باي 

"بيروحلهم خالد تاني "

-قالت اية ؟

-قالت هفكر 

-هتفكر ف اية ؟؟ هي مالها بنتك يا نبيلة 

-الله يا ناهد مانتي عارفة ان البت دماغها ناشفة وعنيدة 

-يعني اية يعني ترفض ابني 

-ومين قال انها هترفضه؟هي لسا قالتك حاجة 

حازم: هو انتو عايزين تجوزو خالد وسارة ؟؟؟

ناهد:اة عندك اعتراض انت كمان ؟

-لأ بس .. بس ياماما دول مختلفين عن بعض و…

-انت متدخلش خالص يا حازم 

-انتو بتفكرو ف اية بالظبط 

خالد:حازم!! انا بجد بحبها ومش بفكر ف حاجة وانت عارفني كويس جدًا صح

-بس يا خالد هنا اكيد ضغطو عليك صح 

-لا مضغطوش عليا انا بحبها 

نبيلة:انت عايز اي يعني !! متبقاش عائق قدام العيال يا حازم بالله عليك واسكت 

-انا مش عاتق وساكت 

"غمزة" ..بص يا حازم هما بيحبو بعض وهيرتبطوا ملناش دعوة بقا مضغوطين مجبورين ملناش في خلينا فحالنا 

__________________

في اليوم التاني …

بتفتح هالة الباب ..

-ازيك يا مروان !! اي يا حبيبي في حاجة 

-كنت جاي اخد جميلة قالتلي هروح عند ماما وبتصل بيها مبتردش

-بس جميلة مشيت من بدري 

-نعم ؟

-ايوا مشيت من بدري هي لسا مروحتش 

-ا..لا يعني اكيد روحت بس ممكن عشان انا مروحتش هي اكيد روحت ونامت

-اة ممكن طب تعالى

-لأ انا همشي عشان عندي شغل مع السلامة 

"بينزل مروان بسرعة وبيروح لعربيته وبيجرب يرن على جميلة تاني …

بترد و…

-جميلة…

-انا مش جميلة !!

                     الفصل الرابع من هنا