رحمه..كنت اعيش بيت خالي احلى ايام عمري بوجود همام
كنت اشاركه كل تفاصيل حياتي
احب وجوده قريب مني
احب سؤاله عني
كنت احبه بكل معنى الكلمه
وهو صاحب الفضل بنجاحي وتفوقي كل سنه
خالي بعد ست اشهر من وفاة اهلي
قرر اياجر البيت بمكان مافارغ
والفلوس يخليهن بلمصرف باسمي
حتى يكون عندي رصيد يحميني من الزمن
جمانه السعيدي
جمع الشغلات المهمه بغرفه بالطابق الثاني
واكثر من نص الغراض اتبرع بيهن الناس فقراء بثواب روح اهلي
وطلعلي دفتر توفير وكلما يستلم الايجار يخلي بحسابي
رغم اني شكد حاولت ويااا
ياخذ جزء منه لان هو يصرف عليه
بس ماقبل ابد
كنت عايشه بحسه بلبيت محد يكدر يقرب عليه اويسمعني اي كلمه
طول ماهو موجود
خلصت اعداديه وملامحي تغيرت وصار جسمي انثوي اكثر
وكنت حيل مهتمه بشكلي
لان اريد همام ينتبهلي
كنت كلما يحجي وياي همام اتعمد أبين اني جبيره
وافتهم اريده يغير نضرته عني
لان هو دائما يعاملني كاني طفله
اريده يحبني مثل مااني احبه
خلص همام كليه واني خلصت اعداديه
ونقبلت معهد تحليل
كلما اسمع ام همام تكول اريد ازوج همام كلبي ينقبض
كل شويه وكالت اريد ازوجه وافرح بجهاله
ياربي منيين طلعتلي هاي الشغله
بعدين شبيه زوجت خالي عميه خوما عميه
هياتني كدامه طول بعرض بعد شتريد قابل
خالي كان يخاف عليه من الطريق قرر ياجرلي سكن قريب على المعهد
وياخذني بايده ويطمن عليه ويجيبلي اكل
ومصرف بليوم يتصل عليه مرتين واكثر
وبنهاية الاسبوع يجي يرجعني للبيت
يمكن لو عنده بنيه مايتعب عليه بكدي فعلا كان وفي
الامي وحافظ على الامانه وصانه
البنات بلمعهد متوقعات هذا ابوي
هلكد مايشوفنه مهتم بيه وبحياتي ويخاف عليه
جمانه السعيدي
بهاي الفتره كلما زوجت خالي تريد تخطب الهمام تخرب الشغله واني اطير من الفرح
وادعي ياربي كون همام يصير من قسمتي ونصيبي
كلما يدزون اكل بيد همام ويشوفنه البنات يبدن يسئلن هذا منو شيقربلج
رحمه...ممنوع وحده تقرب علي لو تسئلني علي سوال
واحد فهمتن لو لا
كنت اتعمد احجي عن زملائي بلدوام كدام همام اريد اشوف ردت فعله يعني اكول هذا طلب مني ملزمه وهذا كال ليش اتاخرتي وهذا عزمني نطلع سفره جماعيه
كان رده اهتمي بدراستج وعوفي هاي الخرابيط كله
ماكنت احسه يغار عليه
بعدني بعينه ذيج الطفله الزغيره الي ماعدها اي تجارب بلحياة
جمانه السعيدي
بعد اول سنه معهد
بدت حالة خالي الصحيه تسؤء بدا يضعف وتعبان
كان يكول اثر الشغل بعد كبرت قابل اني زغير
مااعرف ليش كلبي جان خايف
اخاف افقده مثل مافقدت امي وابوي
خالي حنيين ومايتعوض ابد
كنت الح علي فدوه خالي عالج فدوه سوي تحاليل
بس هو يرد مجرد تعب بسيط لاتخافون عليه
لمن مره وكع بمكان عمله
ونقلو للمستشفى
وهنا كانت المصيبه الجبيره
خالي طلع عنده المرض الخبيث يكفيكم شره انشاء الله
ومنتشر بجسمه
والدكتور اكد مراح يعيش اكثر من ست اشهر
لان واصل مرحله
البيت كله انكلب حزن وبجي
ياربي اني ليش ماعندي حظ ابد
لان حنيين وطيب لان يحبني ويخاف عليه
كمية الحزن الي بعيون همام واكرم
لو حالة زوجته الي تصعب على الكافر
جمانه السعيدي
واني وبن اروح ايجوز اهل بيته متحمليني علموده
وين اروح بعد عينه ومنو اليه
جان محاوطني وماحسسني فقدت اهلي ابد
ادمرت حالتنا تدمير
حرفيا البيت كان بي عزا دائم
كلما اسمع صوت لو عياط اكول مات خالي
شكد خايفه من هاي اللحظه ودي اهج حتى مااحضر هيج
لحظه واشوفه يودعنا
خالي من شاف حالته حيل ادهورت وعرف حالته بعد مابيه
رجعه ابد
جمعنا كلنا وكال اريد اوصيكم وصيتي
وتوعدوني تنفذون هاي الوصيه اذا اليه معزه عدكم
همام..لاتكول هيج يابه عمرك طويل
رحمه...خالو لا تعوفني فدوه منو اليه من بعد عينك
أكرم...لاتيأس اسؤ من هاي الحاله وتحسنت حالتهم
ام همام...انريد انزوج الولد ونفرح بيهم
خالي...اذا اليه معزه عدكم صدك وتحبوني وتردوني ارض
عليكم حتى بعد موتي
واحد منكم يزوج رحمه
رحمه ماتطلع من هذا البيت
رحمه ماله احد غيركم بنيه ومكسورة جناح
لا تخلون الوكت يبهذله
رحمه امانه عدكم لاتفرطون بهاي الامانه
جمانه السعيدي
رحمه...اني سمعته يوصي بيه واني احس كلبي راح ينفجر
كمت ابجي بصوت عالي
ياربي رحمتك يالله
حتى وهو على فراش الموت يوصي بيه
ياربي من عمري على عمره
ومن صحتي على صحته
يارب اني يتيمه ومالي احد غيره احفظه اليه بعينك الي ماتنام
ياربي عايف ولده وحاله وماله ؤيوصي بيه
يخاف اضيع من بعده
كل يوم كانت حالة خالي تدهور اكثر واكثر
واني الي باقيه يمه لان اعرف اخلي كانونه واعرف اضرب ابر وانطي العلاج بوقته
كنت أخاف انام
اي اخاف انام خاف اكعد وخالي ماكووو
يارب ارحمه بكد الرحمه الي بكلبه عليه
خالي ماكمل الست اشهر اربع أشهر ومات
مات الحنيين ابو كلب الطيب
بيومها فقدت مااعرف اصرخ لو ابجي لو اموت نفسي وراهم
دفنو بصف ماما وبابا كل اهلي راحو مني
مابقه اليه احد بهاي الدنيا ابد
هلمره صدك حسيت بلضياع
خالي جان معوضني بحبه واهتمامه بيه
جمانه السعيدي
بدا دوام المعهد ومااكدر اداوم ولا اكدر اروح
اذكرت شلون اخذني اول يوم دوام اليه بلمعهد
وشلون وصلني
مسواك ومصرف وكل شويه يتصل عليه
واذا مايكدر يجيني يدز همام
شلون اروح اداوم شلون راح اعيش وهو ماكووو
هو سد مكان اهلي
بس هو مكانه منو راح يسده
حتى همام حالته حاله وكئيب كلش
وزوجت خالي تعبانه من يوم مات لليوم
كل شويه يصعد ضغطها
جمانه السعيدي
همام....رحمه ليش مداومين شمنتضره
رحمه...ليش اداوم خالي ماكووو
همام...خالج لو موجود جان اخذج للدوام بايده
رحمه...خل يرجع واني اداوم
همام...استغفر الله ربي حتى لا يزعل عليج كومي روحي للدوام
بس حضري نفسج اني اخذج لا تضيعين تعب ابوي كله
تعرفين اكثر وحده وصانا عليه انتي
تردينه يزعل علينا وهو ميت
حضري نفسج لا تعبيني
باجر اخذج وندفع الايجار واذا تحتاجين اي شي
اني اشتريلج
رحمه...ليش اني ماعندي حظ
همام..لاتكولين هيج
رحمه...بلبدابه اهلي وهسه خالي اني المفروض اموت وياهم المن باقيه هنا
همام...اذا على الموت كلنا نموت موعد الموت لا يتقدم ولا يتاخر ابد
رحمه...اله وياي الموت مستعجل على احباب كلبي
همام...استغفري ربج
رحمه ...ولله كرهت الدنيا ومابيه
همام...هسه تكملين دراسه وتتعييني وتعيشين حياة ثانيه
لازم هاي الضروف تقويج مو تصيرين ضعيفه
اقتنعت من كلام همام وحضرت نفسي
ورحت سحبت من الفلوس بلمصرف لان همام بعده مامحصل شغل ولا طالع تعيينه
شنو ذنبهم يشيلون مسوليتي
دفعت ايجار البيت اني وصديقاتي اثنيين كانن عايشات وياي بلسكن واشتريت ملابس
الله يرحمك خالي حتى وهو ميت مرتب اموري كله
بس همام جان يتصل بيه ويذكرني
خلص الدلال كمت اعتمد على نفسي بهواي شغلات
كانت هاي السنه اصعب سنه مرت عليه
اريدها تخلص ماكوووو
من ارجع البيت خالي الببت كئيب كلش ومابي حس ابد
خلصت معهد ونجحت والحمد لله
بعد تخرجي بست اشهر همام لكه تعيين
واكرم تخرج وفاجئنا بخبر مامتوقعينه ابد
أكرم ...اني مااكدر انفذ وصيت ابوي الله يرحمه
اني احب بنيه وياي بلكليه ومتفقين على الزواج بعد التخرج
همام...الله يسعدك اني ازوج رحمه وانفذ وصيت ابوي
رحمه...مثل الي مامصدكه الي سمعته همام يزوجني
معقوله الدنيا راح تضحكلي والحلم يصير حقيقه