رواية ست الشاي
الفصل الرابع4
بقلم سهي وليد
اهاا بديت قراية برجع الس6 من الشغل و ببدا قراية بعد صلاة العشاء بنتهى 10 بنوم و بصحي الصبح و حياتي ماشة كويس و بقيت اتعلم سريع اصلا انا ذكية فما صعب كتير و عندي انجليزي فل ابوي كان بعلمني في البيت
محمد: نحن قررنا نقسم البيت دا و نبيعو و كل زول ياخد نصيبو و يمشي محل بريحو مياس: قررت مع منو ميار: معاي انا و لازم يتقسم و يتباع انا عايزة اشتري شقة بي نصيبي و بزيد عليو فرق محمد: و انا كمان يعني مستحيل لو اتزوجت اسكن مرتي في بيت عادي مياس: طيب و ذكريات اهلنا محمد: هم ماتو و شبعو موت تاني شنو مياس: ي عيب الشوم عليكم يا ملاعين و علي جثتي اقبل بي الحاجة دي بيعو حقكم و انا حقي دا بقعد فيو و ما عايزة اي ورثة تتباع و اها ي شطار مستحيل زول يشتري بيت ناقص نشوف حا تبيعو كيف و حسب وصية ابوي قبل يموت قال انا نص البيت حقي و كتب الوصية دي لان عارف قلبي و نيتي ي وسخين و دقيقة مشيت جبتا وصية ابوي و قريتها قدامهم بعد دا جيبو زول من السما الاحمر يشتري منكم نص بيت ي عولايق محمد: لا لا انتي اتجاوزتي كل الحدود مياس: انتو البديتو والله و مشيت خليتهم
دخلت غرفتي و قلت لازم اتحرك اشتري منهم حصتهم من الورثة لان عادي بلقو زول يشتري نص البيت ما بعيد لانو بيتنا موقعو حلو جمب السوق و الزلط و مرغوب و كم مرة بجو ناس يسالونا لو دايرين نبيع اهااا بقيت افكر حا اجيب قروش قدر دي من وين اتذكرت انو عندي دهب سد كامل داساهو في بيت طليقي لكن كيف اقدر ادخل اشيلو بقيت افكر و افكر في النهاية وصلت لي حل
الووو خالد: اهلا معاك مكتب خدمة النظافة قبل فترة اتصلت قلتا عايز وحدة تنظف ليك خالد: اي صح و اسي داير لو عندكم رسلوها بيتي انا في الشغل قولو ليها المفتاح عند الغفير عندك العنوان صح
دي كانت خطتي اتحركت علي بيتي القديم اول ما دخلت ذكرياتي من انا عروس رجعت لي بقيت اتفتل في البيت تاني اتذكرت الدهب مشيت غرفتي فتحت السقف المستعار ما تنصدمو اي خاتاه هناك طلعتو و ي فرحة ما تمت لقيت خالد في وشي من الصدمة جيت واقعة في السرير خالد: امممم اطورتي بتعملي شنو هنا و كمان جابت ليها سرقة عايز تفسير للموقف دا
طوالي طلعت دموع تماسيح لاني عارفة دموعي نقطة ضعفو جاب لي موية و جا قعد في الكرسي
مياس: اخواني عايزين يبيعو نص البيت و انا ما بقدر اخليهم يعملو كدا البيت فيو كل زكريات اهلي اخر شي فضل منهم.....