رواية انكسار انثي
الفصل الخامس5
بقلم نوسه حمد
انخلعت من رده فعل امي وليه تقول لي حمزه كده وغلبني اتكلم لانهم الاتنين عندهم حق علي لا بقدر اقيف في صف امي العارفاها غلطانه لا بقدر اقيف في صف حمزه واخسر عفو امي وم معروف القدر لي ولا ليها
حمزه حسا بي لانو الوحيد البفهمني في الدنيا دي قال ليها ي خالتي انا والله للان بحترمك وم ح اجي يوم واتناقش معاك فيهو ودي مرتي وانتي امها عارفه الظروف البتمر بيها وانا عشان سعادتها مستعد اعمل اي شي بس م بقدر اقيف في طريقك عشان انتي امها وعشان هي بتحترمني ح احترمك حتي لو غلطتي علي بي كلمه من جواك ولا نطقتيها انا عافي ليك انا غلبني البعملو امي قالت ليهو انا بتي من هنا م بخليها تطلع تمش لي امك عشان تعذبها وتطاعنها بالكلام وشغل النسابه دا انا شبعانه منو شبع والوقعت فيهو انا بتي م بخليها تقع فيهو قلت ليها يمه انتي زمان عماتي كانن كعبات معاك ورغم دا كلو استحملتيهن عشان شنو قالت لي عشان ابوك الله يرحمو كان راجل طيب قلت ليها بس يمه انا ح استحمل اي شي عشان حمزه عليك الله م تخربي علي حياتي قالت لي انا البخربا ولا هم الخربوها انا كنت شايلاهم من الارض شيل بس من خبرك الشين الجاني بطني طمت منهم وانتي
عارفاني وقت اخت زول في مكانه ويخزلني بنزلو وتاني م بلزمني قلت ليها يمه عليك الله وعشاني انا م تقولي كده انا فوق الانا فيهو ح اتعذب زياده حمزه م عندو ذنب ولا انا ولا بتي عندها ذنب الله يرضا عليك انسي الحصل لي وانا م قادره افوت اخليك زعلانه وف نفس الوقت النقاشات كترت وانتي ونسيبتي م راعيتو لي مشاعري اتمنيت في لحظه اكون كعبه عشان اقوم اسكتكم الاتنين بس م بقدر حتي لو علي حساب نفسي وعشان انا انضغط كتير لا هنا لا في بيتي م دايره اقعد وح اخلي حمزه ااجر لي قالت لي حتي لو اجر ليك نسيبتك بتلحقك حمزه قال ليها لا امي انا بوقفها عند حدها وخلاص عليكم الله خلو نوسه في حالا قالت ليهو هو فضل فيها نوسه نوسه كتلتوها وقعدتو وامي برضو مصره تسم بدني وتتحسر علي ودي حاجه انا مافي يدي غلط في الولاده دمرني ودمر معنوياتي وبقيت ابكي سوقتا حمزه من يدو وطلعنا امي قالت لي لو طلعتي لا بتي لا بعرفك انا قلبي وجعني جيتا راجعه قعدتا ليها في الارض وعافيتها امي دمعتها نهاي م وقفت وكانت متجرسه لمن بترجف حسيتا خايفه علي زياده عن اللزوم عشان انا واحده عندها وعشان ابوي موصيها علي شديد لا قادره تخليني اكون جنبها عشان انا اتزوجت لا قادره تخليني ابعد حسيت انو اي رده فعل لي امي مشاعرها كانت متلخبطه وانا عارفاها فيني م بترضا نهاي طلعت وكان قلبي مقطوع مشينا الخرطوم حمزه اجر لينا شقه ورميت الحزن وراي واتصلت على امي قلت ليها يمه انا مبسوطه م معروف الظروف م تبكي ولا تنومي زعلانه مني
مرت الايام وحمزه مدلعني وم مخليني محتاجه حاجه واجر لي بيت في الخرطوم وجاب لي عفشي مرات بحسَ نظرتو نظره شفقه علي حالي والوضع الاتختيت فيهو غصبا عني ومرات بحسو دي نظره الحب الوعدني بيها ♥️♥️
مرت الايام والشهور والسنين ومنه بتي بقت قطعه من ابوها حلبيه زيو وشعرها سمح وعيونا بنيه وحمزه كان بحبها شديد وبخاف عليها وم برضا فيها
يوم قال لي اسمعيني بعد ١٥ يوم عرس اخوي مدثر قلت ليهو كويس النتجهز ساي قال لي ح تمشي يعني قلت ليهو اكيد مدثر دا عندو مكانه خاصه عندي لازم امش وغير كده مرتو دفعتي وصحبتي شديد قال لي خلاص انا من بدري بحاول اجهز لي منه ملابس واجيب ليك تياب ولا اسوقك تعزلي قلت ليهو لازم تسوقني قال لي سمح نمشي عصريه سعد قشره عندي صحبي هناك نشتري منو قلت ليهو سمح مرت الايام وحمزه ساقني اشترا لي حاجات واشترا لي امو توب لانو بحترمها شديد وانا م صدقت دي اول مره ح يشوفوني فيها فلازم اتجهز واخلعن اخليهم لمن اندهشو وامسخ عليهم العرس اصلا انا م محتاجه صحه صحتي سمحه ولوني فاتح بس جبتا لي كريمات للنعومه والنضاره وفتحت الفيس اي وصفه لاقتني كتبتها واليوم داك طبقتها حمزه لمن جا نهايه اليوم لقاني ملفلفه بي الاكياس قال لي مالك ي مرا قلت ليهو لا لا حبيبي ماف شي بحاكي في
البنات عشان العرس قال لي اصلا انتي م محتاجه وماليه عيني لمن مدفقه قلت ليهو اهلك بقولو علي مبهدله قال لي هن اهلي كلهم فيهن واحده تشبهك قلت ليهو بتبكش علي صاح قال لي والله صاح لو احلي منك م بغيرن منك وبطبيعه المره بتصدق سريع اتبسمت وفكفكت الاكياس وغسلت وشي من القناع جيت طالعه من الحمام قال لي اي كده شوف السماحه دي وانا بطبعي بخجل منو لمن اتغزل فيني وبقيت اتبسم قال لي منه وين قلت ليهو نايمه قال لي تنوم ليه ما عارفاني مشتاق ليها مشا صحاها وجابا تبكي قلت ليهو بالغت قال لي اموت بالشوق يعني ♥️♥️
مرت الايام ومشينا العرس وانا اي شي جديد في جديد الناس لمن شافوني لمن انخلعو حمزه كان خايف علي بتو شديد لانها م شاء الله ايه من الجمال قال لي م تمشي تفتحي خشمك وتجدعي البت دي وتاني نبقا في الامراض قلت ليهو سمح خايف علي بتك وانا م خايف علي قال لي انتي محصنك انا واليوم داك اعدي دقايق واجيني اقول لي البت دي اكليها البت دي شربيها وكان ملهوف عليها بطريقه م عاديه وكان لمن اناديني واطلع ليهو بجيني احساس كده حلو انو م قادر اعدي الساعات دي من دوني والكلام دا كان ماغس اهلو والعجب نسوان اخوانو دايراين اياكلني والغيره في عيونن حمزه قال لي امو ح نمشي نرقد في بيتنا قالت ليهو رقاد شنو انت معاك ضيوف اخجل وطبعا نسيبتي م طايقاني نهاي بس انا م ركزت معاها قال ليها الضيوف جايني انا وبعدين انا من غير منه م بعرف انوم قالت ليهو سوق منه نوما معاك ف الديوان قال ليها كيف يعني يمه وكانت محمره لي انا لمن قلبي طار وسمها فاير فوره حمزه م سمع كلام امو ومشينا نومنا في بيتنا القديم وعدنا الزكريات والصباح بدري وداني الكوفير لي مرت مدثر اخوهو عشان قلت ليهو عاوزه اتظبط لانهم عندهم حفله نهاريه مشيت وسلمت عليها هي زاتا م صدقت لمن شافتني قالت لي خايفه بعد امكيجوك تطلعي احلي علي قلت ليها لا لا انتي ماف احلي منك اصلا وبتي كانت معاي لبستها وكنا مطقمين سوا وحمزه زاتو اشترا ليهو بدله بالاسود زي توبي وجينا لحظه الحفله الناس كلها تركيزها معاي انا وكلامن سمعتو في اضاني ومندهشين فيني وانا عامله نفسي م بسمع وفي الحفله نسيبتي ماسكه راجلي من يدو وودتو سلم علي خالتو ومعاها نسوان وكانت معاهن بنات حسيت حمزه من تعابير وشو مضايق بس م حسسني بي شي وكنا مبسوطين بعد انتهت الحفله قعدت جنب العروس حمزه قال لي انا تعبان ح نرجع طوالي وسايقين معانا العرسان المطار جهزي نفسك قلت ليهو طيب ماسكني من يدي وكنت ادلع عليهو ونضحك وهو شايل منه نايمه امو جات ومعاها خالتو قالت ليهم سلمو علي مرت حمزه و انا خالتو بعرفها ساكنه في الصعيد. بس م بعرف بناتا نسيبتي تعرف فيني قالت لي دي اختي ودي جارتا فلانه ودي بتها فلانه وفي واحده كده خدوريه وقصيره قالت لي دي سعاد خطيبت حمزه