رحمه...بقيت كاعده وجامده بمكاني
صحيح الي سمعته همام همام نفسه راح يزوجني
همام....اني راح ازوج رحمه طبعا اذا قبلت بيه
رحمه...بقيت ساكته من الصدمه
همام...هاي شبيج رحمه موافقه لو لا
رحمه...اي اي موافقه اكيد كلت بكلبي مدري حجيت وسمعني بس من اللهفه كلت انت حلم حباتي
شفته ابتسم يمكن حجيت بصوت عالي
بعد سنة خالي بدينا نجهز للعرس
اتخيلو العروسه والعريس بنفس البيت ويحضرون للعرس سوووا
جمانه السعيدي
اشترينا غرفة نوم حديثه وبلازمه خليناها بلغرفه
وهمام انطاني مليونيين هنا الي كانن جوا ايده
كال اشتري الضروريات وبعدين نشتري باقي الاشياء
اني سحبت فلوس من الايجار واشتريت ملابس حلوه
وسيتات نوم تخبل ومكياج وعطور
كلما اباوع علي وهو يجهز للعرس اكووول معقوله اني العروس اني رحمه العروس مو غيري
معقوله الدنيا ابتسمتلي اخيرا
اني وهمام راح تجمعنا غرفه وحده
وراح يصير زوجي
قررنا نسوي حفله بسيطه نعقد عقد شيخ
مانعزم بس الاهل والأقارب بيه
اشتريت فستان وردي الصدر مفتوح ومن جوه منفوش وقصير وحذاء عالي ابيض
رحت للصالون سرحت شعري وخليت مكياج أوربي يخبل
طلعت عبالك لعابه كلش حلوووه
جمانه السعيدي
اجا همام للصالون حتى يرجعني للبيت
اول ماشافني ابتسم
همام...انتي رحمه لو غيرج
رحمه...حلوه عجبتك
همام ...تخبلين ماعرفتج
رحمه...شكد مكروه اني اصلا من زمان حلوه
همام....انتي احلى رحمه احلى بنيه شافته عيوني
رحمه...اول مره اسمعه هيج يحجي
كلبي كام يدك على السريع
يمه كلبي كلبي
همام...شبي كلبج
رحمه....مايتحمل الغزل وخصوصا من همام
همام...تعاي اصعدي بلسياره واحجيلي شبي همام
لزمني من ايدي وصعدني بلسياره
طبعا سيارة صديقه واخذه منه علمود يرجعني بيه
صعد وشغل السياره لزمني من ايدي وباسه
همام...اي شبي همام
رحمه.... صارلي عايشه عدكم ست سنوات ماسمعت منك كلمه حلوه ابد
همام...انت جنتي زغيره وهاي السوالف عيب
رحمه...لا ولله مو زغيره اني جبيره
همام...يله لا تزعلين انتي جبيره واني احبج
رحمه...شلون ماسمعت
همام...احبج يعني احبج
رحمه...كول ولله
همام...ولله احبج جيبي القرآن واني احلفلج علي
رحمه...يايا به شكد صارلي منتضره هاي الكلمه
همام...هااا طلعتي تحبيني من زمان
رحمه...يبوووو لا تحجي بهذا الموضوع ابد
لان اني احبك من جنت ابطن امي
جمانه السعيدي
همام...هااا هيج صارت تحبيني من زمان
واني هم احبج
وصلنا للبيت ونزلني دخلنا جوا
وبدت الحفله بعد عقد الشيخ شغلو معزوفه وكمنا نركص اني ويااا والناس كله عينه علينا
قطعنا الكيك واكلنا
شويه واجت وحده استغفر الله شكله مو راحه ابد
وحايره شمسويه بنفسه
جسمه مو طبيعي صدر وخلفيه ومكياج اوفر
ولبسه كلش فاضح
الكل بقه يباوع عليه لان فعلا شكله اوفر كلش
جان أتقدم أكرم ولزمه من ايدها وكال اقدملكم حبيبتي
وزوجت المستقبل مروه
اني الصراحه ابد ماعاجبتني
يعني حتلو جايه حفله بس المفروض احنا اول مره نشوفه
جان راعت الذوق العام بلبسه ومكياجه
على العموم كعدت على صفحه وماعاجبه العجب
وأكرم كعد بصفه ويحاول يلطف الجووو ويسولف عليه
جمانه السعيدي
اني مادرت بال اهم شي حبيبي صار اليه
شعليه بلعالم ايجوز أكرم عاجبته
كعد همام بصفي وكل شويه وباسني ولج شطالعه
رحمه...همزين عجبتك
همام...انتي عاجبتني من زمان
خلصت الحفله وكعدنا ناخذ صور اني ويااا بلموبايل
ساعه يشيلني ساعه يبوسني
ساعه حاضني
جان كامت مروه
مروه...خل ناخذ صوره ويه العرسان
اجت وحصرت نفسه بيني وبين همام
بعدين اني سحبته وصرت بصف همام وهي بصفي
وأكرم بصف همام
طلع أكرم يوصله البيتهم
واني دخلت ابدل بغرفتي
همام. دكيت باب الغرفه
رحمه...منو جاي ابدل
همام...اني افتحي الباب حتى اساعدج
رحمه...شكرا مامحتاجه مساعده
همام...مو اني زوجج
رحمه...اعرف زوجي بس ممنوع
همام... افتحي اريد احجي وياج موضوع مهم
رحمه..دقيقه كملت لبست تراك احمر وفتحت الباب
همام...لزمتج
رحمه...ممنوع نزوج وبعدين مسموحلك اي شي
همام...لعد احنا هسه مو زوجنا وحتى اكو شهود على هذا الموضوع
رحمه...عرفتك ثكيل وماعندك ذني السوالف
شو خل اشوف بله دووور خل اشوفك همام لو مو همام
همام...اي همام تردين اطلعلج الهويه
تعاي اكعدي خل نحجي
رحمه كعدت بصفه ولزم ايدي
همام...يمكن قصرت وياج وماكدرت شتريلج كل شغلات العروسه بس صدكيني راح اعوضج
ومااخليج محتاجه اي شي
جمانه السعيدي
رحمه...تحجي صدك اصلا انت عندي تسوا كنوز الدنيا كله
وحتلو نعيش بخيمه وناكل بس خبزه وماي
هم اني احبك ومااعوفك ابد
انت اول انسان احبه واتعلق بي لهلدرجه
همام....اني هم احبج من زمان من اول يوم دخلتي بيتنا
واني احس انتي صرتي مسوليتي
كمت احب ارجع للبيت حتى اشوفج واحجي وياج
احلى شي من اسمعج تضحكين
عبالك ماي بارد ونزل على كلبي
رحمه...بس انت خبيث
همام...ليش خبيث
رحمه...كتلت نفسي عليك حرت شسويت اريد بس اسمع منك كلمه حلوه ماكو
همام.. اعرف تحبيني بس مااكدر أقرب عليج
اولا جنتي زغيره ومراهقه وماردتج تتعلقين بيه ابد
خاف وجودي قريب منج يأثر على دراستج
كنت اتعمد اصدج
حتى تنتبهين المدرستج
جمانه السعيدي
ردتج تكبرين وبعدين تقررين اذا هذا الحب حقيقي
لو مشاعر طايشه بمرحلة المراهقه
اني هسه اتاكدت هذا حب حقيقي وقررت أبوح بمشاعري
اللج انشاء الله اسعدج طول العمر
رحمه...يعني انت تحبني حب حقيقي لو تريد تنفذ وصيت ابوك وبس
همام...انتي مخبله طبعا احبج واموت عليج
يله خل نطلع نرتب هاي الهوسه البرا
لان امي بلبيت وحدها اكرم طلع يوصل مروه
رحمه...على طاري مروه ابد ماعجبتني معقوله هذا ذوق اكرم احسه منحله وموتمام شلون عجبت اكرم
همام...شعلينا هو اختار وهو يتحمل مسولية اختياره
يله تعاي انرتب البيت
بس ابدل وانزل
صعد بدل ملابسه ونزل لابس برمودا وبدي
حركنا الاثاث ونضفنا مكانه
جمانه السعيدي
ام همام...الف مبروك الله يسعدكم انشاء الله
رحمه...شكرا عمه الله يبارك بيج
همام...اتمنيت اليوم ابوي موجود جان فرحلنا من كل كلبه
رحمه...اي ولله الله يرحمه ويغفرله ابو كلب الطيب
عمت عيني علي شايل همي للموت
ام همام...الله يرحمه
كملنا تنضيف وبدينا نحضر العشى
اني اكلي وهمام حضر الزلاطه واللبن والمقبلات
كعدنا نتعشى يله رجع اكرم
اكرم....يمه واني يمته ازوج
ام همام...يمه يلغيره يمه توك تخرجت غير تتوضف
لو تلكه شغله حتى تكدر تصرف على بت الناس
اكرم...من باجر اطلع ادور شغل
بس الكه شغل تزوجيني سمعتي لو لا
همام...اي سمعنا حاضر استاذ اكرم تدلل
رحمه..كملنا عشى ونضفت المطبخ وصعدت الجاي الهمام فوك
همام...شكرا
رحمه..الف عافيه
همام...تعاي اكعدي خل نحجي
رحمه هياتني كعدت
جمانه السعيدي
همام...نسوي عرس بسبط نعزم بس الاقارب
لو نحجز ليلتين بلفندق
رحمه...أبسط شي حبيبي لا تكلف نفسك ابد
المهم نكون سوا عليمن هلمصاريف الزايده
همام...يعني ماتزعلين اذا ماسويت عرس وتكولين بقه العرس والزفه بنفسي
رحمه...عليمن ازعل هاي كله شكليات ماله داعي يعني تتقرض فلوس وتبقى مديون وتبقى تهم علمود هوسة العرس
ماكو داعي ابد
نزوج زواج بسيط واذا الله فتحه علينا نسوي زفه تخبل
حتلو بعيد زواجنا الاول
همام.. اي تمام واني شايل طفل وانتي حامل بلطفل الثاني وبطنج كدامج
رحمه...يااا شبسرعه سنه وحده طفلين شنو اني ارنب
همام...خلي يكون بعلمج اريد ست اطفال
اربع ولد وبنات ثنيين
رحمه...شنو قرعه خوما قرعه تريد سته
همام..بكيفج اني اريد سته
رحمه..ثنيبن كافي
همام.. لا ولله هو بكيفج ترا سته شويه يعني اني مراعي مشاعرج
رحمه...انت تريدني انخبص بيهم وأكوم مااندل دربي
وانت تعيش حياتك مو
همام...لا راح اساعدج بتربيتهم
لو اجيبين كل ثنيبن سوا يعني كل بطن توم شكلتي
رحمه ..هو على اساس بكيفي ادوس دكمه واكول توم يطلعون توم
همام...دتعاي يمي واني اخليج باجر جيبين توم
رحمه...خل اشرد احسن انت ماكو تفاهم وياك ابد