رواية ست الشاي
الفصل الخامس5
بقلم سهي وليد
و كرامتي ما سمحت لي اطلب دهبي منك خالد: اصلا ماف مبرر للسرقة فالنهاية دا يعتبر بيت ما بيتك حتى لو دا دهبك لو اتصلتي لي انا كان جبتو لحدي عندك مياس: انت ليه مطعاطف معاي حتى بعد ما صدقت انك خنتك مع اخوك خالد: انا احساسي بقول عكس كدا بس مهما كان انا مصدق الحاجة لاني عارف مستوى شهو..... تك فا انا من اتزوجتك ما حصل بعدت عنك لما بعدت عرفت انك ما قدرتي تصوني بيتك و نفسك مياس: يخس عليك لو دا تفكيرك فيني و ي خسارة اني ضيعت نفسي و مستقبلي معاك انت بالذات و لملمت دهبي طلعت و انا مقهوة من الحصل وصلت مكان صيغة و اصلا كان عندي الفواتير ووبعتو كله الا خاتم واحد ادتني لي امي هدية يوم عرسي وصلت و لقيت لسه ناقصة ربع المبلغ عندي صندوق صرفتو و لسه ما كفا عشان اشتري البيت في واحد اسمو هاني في حلتنا و دا بفيف مع الناس في ظروفها يعني بدين الناس و ممكن يدي في الله ساي جرجرت نفسي مشيت ليو بقعد في الكرسي جمب بيتو
مياس: سلام هاني: و عليك السلام اتفضلي مياس: ي هاني طبعا من عرفتني و انا بت حلتك ما حصل وقفت قدامك في حوجة لاني بقول انو في ناس محتاجة اكتر مني و لازم ياخدو نصيبهم ولا شنو هاني: ادخلي في صلب الموضوع مياس: اخواني دايرين يبعيو و يقسمو بيتنا و انا عندي نص البيت و اسي انا عايزة مبلغ..... عشان اقدر اشتري النص حقهم و اعتبرها دين في خلال سنة انا بديك كل القروش هاني: احولها ليك ولا كاش مياس: كاش طوالي دخل بيتو و جاب عقد قريتو كويس و وقعتا اداني القروش في كيس شلتها و مشيت قلتا اشتري النص حق اخواني تاني اتذكرت انهم حسودين و ما حا يبعيو لي تاني رجعت لي هاني اديتو كل القروش و قلتا ليهو يمشي هو يشتري رجعت البيت
نمت لاني لفيت كتير تاني يوم سامعة صوت ناس استحميت طلعت لقيت هاني و معاو المحامي بعد وقعو علي الملكية هاني مدا لي القلم و قال مبروك هم من الصدمة و الزعل لما عيونهم رغرغو وقعت الورق و البيت كامل بقا بي اسمي هم طلعو و ما خلوو لي صفحة شتموني لي جدي السابع ما رديت لاني اصلا كسابنة و هم فاشلين ما اكتر بي مناسبة البيت و كدا جبتا خروف صغير عملت كرامة عزمتا. زميلات الشغل و وديت اكل الجامع الحمدلله كدا ارتحت بالليل كدا سامعة حركة في حوش البيت خفت شديد قفلت باب غرفتي و شايفة زول واقف في الحوش ناوي لي شنو الله اعلم
من غير ما افكر اتصلت لي خالد و صوتي كان مقروش من الخوف...