رواية غدر الزوج
الفصل الخامس5
بقلم سهي وليد
حيروني اي كلهم ساكتين نفسية: اها قلتا شنو ي عمر عمر: انا ما بقدر اتزوج ي امي كدا عايش مبسوط نفسية: لو دا كلامك اسمع كلامي انا ما عافية ليك دنيا و اخرة لو ما عرست
محمد: استغفر الله ي يمة دا كلام شنو استغفر لله عمار: والله حيرتونا معاكم مهند: لا لا البيت دا فنياتو كترت نفيسة: و انتو زاتكم لو كان نسوانكم ما بلدو كان عرست ليكم غصب عنكم و ما كفاية صبرنا علي مرتك 3 سنة و زيادة نجوى: عندك حق ي عمتي ما مجبورة علي ولا حتى عمر ملزم بي عيشة زي دي و قمت بي كل برود الدنيا و طلعت فوق لميت ملابس تكفيني اسبوع و انا روحي محروقة من جوا
عمر: ي امي الله يرضى عليك ما تعملي كدا نفسية: الشرع محلل ليك اربعة و انا دا اخر كلام عندي
جهزت نفسي و عمر جا داخل و العجز باين عليو عمر: لي لامة ملابسك نجوى: الجو اتوتر و انا نفسياتي تعبانة شديد عشان كدا ماشة ناس امي عمر: متاكدة انك ماشة عشان كدا نجوى: ايواا عمر: طيب خلي في بالك انو مرة غيرك ما عايز امي بكرا بتغير رايها تمام يلا انا حا اطلع العربية عمر طلع قدامي شايل لي الشنطة نجوى: عمتي انا حا امشي ناس امي عرس ريم قريب ولا كلفت نفسها تقول لي مبروك ساي طلعت من سكات و سلايفي الفرح باين عليهم هل معقول انا مضايقاهم للدرجة دي ركبت العربية و انا ساكتة لحد ما وصلت خشمي ما فتحتو اداني مصاريفي و نزلت دخلت البيت ما لقيت زول امي بكون طلعت الجيران و البنات احتمال في السوق فتحت غرفتنا انا و اخواتي و ذكرياتي الحلوة كلها رجعت لي من التعب نمت صحيت علي صوت ابوي شكلهم رجعو طلعت عليهم برا
عشة: نورتي البيت و شنو ما اديتنا خبر نجوى: قلت افاجئكم لقيتكم مافي عثمان: ما تكوني جاية بي مشكلة و لو في مشكلة دا اختياريك انتي نجوى: اطمن ماف شي ي ابوي وين. البنات عشة: رضوى في بيت الجيران الباقين في السوق عاينت لي تلفوني ما لقيت مكالمة من عمر ما من عوايدو ريم جات و جرت علي حضنتي و حتى مزن سلمت علي سلام حار جهزنا الغداء اكلنا و انا غسلت العدة و بالجد زي احتواء الاسرة مافي نسوني كل همي بالليل قعدنا انا و البيت نتونس ريم: من جيتي ما طبيعية مالك رضوى: اي صح مالك مزن: اهااا نجوى: والله ...... الخ حكيت ليهم الحاصل في البتقول عمر بحبك و ما بعرس فيم و في البتقول حا يعرس غايتو من غير الهم ما استفدت شي نامو انا طلعت الحوش بتصل لي عمر تلفونو مشغول الغريب انو....