الفصل السادس6
بقلم جمانه السعيدي
رحمه..اتفقنا العرس يكون بلبيت ومانعزم اي احد غريب
فقط خالتي وعماتي ثنيبنهن وخوات ام همام
وولد عم خالي ثنيبن
بيومه اخذني همام للصالون اني وخالتي واجرت بدله بيضه مخصره ومن جوه ذيل السمجه
وبركع طويل رفعت شعري بطريقه كلش حلوه
ومكياج يخبل اجا همام بسيارة صديقه
صديقه يسوق وهو كاعد بلصدر حرك الجو بلهورنات
طلعت اني وخالتي خالتي كعدت بلصدر
واني وهمام كعدنا ورا
وأكرم واصدقائه بسياره
وعماتي وولد عم خالي بسياره
ام همام مااجت بلزفه بقت بلبيت حركو الجووو بلهورنات
جمانه السعيدي
بيومه مستحيل اكو وحده اسعد مني
ابد مامصدكه اني وهمام ازوجنا
وراح نكون اسره
وصلنا وام همام جانت تنتضرنا بلباب طشت علينا جكليت والهلاهل وذبحو خروف بلباب
دخلنا جوا شغلو معزوفه وأكرم والولد كلهم يركصون
كعد همام بصفي
شويه وكال
همام...هااا تصعدين الغرفتج تعبتي من الهوسه
رحمه...اي خل اصعد الحذاء ضيك اريد انزعه
صعدت الغرفتي
همام بدل لبس دشداشه بيضه ونزعني البدله
باسني وكال مبروك الف مبروك
رحمه...الله يبارك بيك حبيبي
همام...انزل ارتب العشى وياهم وبعدين اصعد
رحمه...براحتك
جمانه السعيدي
نزل جوا علمود العشى واني صعدن يمي خالتي وعماتي
كل وحده جايبه هدية وجايه
ورا الاذان صعدو العشى اني ماقبلت اكل لمن يصعد همام وناكل سوا
بعد العشى كلمن راح البيته
اني لبست نفنوف شيفون ونزلت
لكيت عمتي مخبوصه خبص
رحمه...عوفي كلشي اني هسه اصعد ابدل وانزل انضف
ام همام...انتي عروسه
رحمه..شنو عروسه انتو اهلي
صعدت لبست تراك ونزلت بديت اغسل للمواعين
شويه واجا همام
همام ..شكاعد تسوووين
رحمه..مثل ماتشوف انضف المطبخ عمتي حيل تعبانه
همام..خل ابدل واجي اساعدج
صعد بدل لبس برمودا وبدي
اني اغسل المواعين وهو يجفف ويخلي بلكاونتر
جمانه السعيدي
عمتي ام همام دخلت نامت لان تعبانه
وأكرم طلع يسهر ويه جماعته
بس خلصنا تنضيف بدينا نغسل بلبيت
اخذ الصوندا همام وبللنني كمت اركض ورا بلماسحه
وكف وكمشني من خصري وخله الصوندا فوك راسي
اريد اخلص نفسي ماكووو
ماكو غير اعضه حتى اخلص نفسي
عضيته من ايده وسحبت الصوندا وكمت ارش علي ماي
الحد ماتبللنا كلش
خوا اني المكياج سال
وعيوني عبالك باندا صارن
جففنا البيت وصعدنا الغرفتنا
اني دخلت سبحت وبدلت وطلعت جهزت العشى
وهمام دخل سبح وطلع
كعدنا نتعشى واجا اكرم صاح علي همام تعال تعشى ويانه
اجا وكعد ويانه تعشينا سوا
نزلت خدرت جاي وهم كعدو يسولفون
كملت وغسلت وجهي وفرجت اسناني وصعدت
راسا كرم اخذ الجاي ونزل
بيقبنا وحدنا بلغرفه
رحمه ...ولله تعبت اليوم كاعده من الصبح وصالون وزفه
والنوب تنضيف
لازم اكتب قصه واسميها مغامرات عروسه
همام...اصلا المغامرات بعدها مابدت
رحمه...اجل مغامراتك الباجر تعبانه حيل
همام...خطيه انتي كسرتي خاطري بله نامي
جمانه السعيدي
تغطينا ونمنا من التعب ثاني يوم الساعه ١١ الصبح يله كعدت
نزلت لكيت عمتي طابخه الغدا وحدها
وترتب بلمطبخ
رحمه...صباح الخير
ام همام.. صباح الخير مبروك حبيبتي
رحمه...الله يبارك بيج
ثاني يوم يله صرنا عرسان حقيقين
جنت اعيش اسعد ايام حياتي
فعلا جانت اسعد ايام حياتي وماعشت ايام مثله ابد
مكان دوام همام بعيد يرجع الساعه ٣ العصر
اكعد الصبح احضر الريوك يتريك ويطلع
واني ارجع انام لان ماعندي اي شي
اكعد بلعشره احضر الغدا وانضف واسبح وابدل وابقه منتضرته
ابد ماغير معاملته وياي
دائما محسسني اني طفلته الزغيره والمددله
ولا يوم رفضلي طلب ابد
بعد زواجنا باسبوعين رحنا للمقبره زرنا اهلي وخالي
همام...يابه الف رحمه على والديك على هذا الاختيار
اني زوجت رحمه
نعم الزوجه والحبيبه اني نفذت وصيتك وحافظت على بت
عمتي
راح ازورك دائما وبس يصير عدنا اطفال راح اجيبهم واجيك
رحمه...خالو ابد ماناسيتك ياحنيبن
دائما اذكرك وادعيلك الله يوسع قبرك ويغفر ذنبك
كعدت يم قبر امي وحجيتله كلشي صار وياي
ماما اني احب همام وزوجنا اني ويااا
اني بنص اهلي لا تخافين عليه ابد
جمانه السعيدي
حياتنا كانت ماشيه وحلوه
مابيه تفاصيل هواي بس حلوه
اني حابه هاي الحياة
اهم شي اني حاسه بلامان ويااا همام
باقي الاشياء سهله
اكرم لكه شغل بشركة اتصالات وراتبه زين
وبدا يلح على موضوع الزواج
كل شويه وكال البنيه جاي تجيه ناس تخطبه قابل تبقى منتضرتني طول العمر
ام همام... ماعدنا فلوس تكفي الزواجك
ترا همام مشينا زواجه شلون مجان
لو وحده غير رحمه ماتقبل هيج اصلا نص التجهيزات هي جهزته
اشتغل سنه هيج وجمع راتبك احنا مانريد منك شي
جهز نفسك وزوج
اكرم...منو يكول اهله يقبلون تنتضرني سنه
اصلا كل يوم واحد يتقدمله اموره زينه بس هي ترفض
علمودي
ام همام...يعني شلون نبوك خوما نبوك منيبن انجيبلك مثلا
اكرم...خل همام يسحب قرض على راتبه
ام همام...احنا عايشين براتب اخوك وراتب ابوك وكوه دابره العيشه اذا سحب قرض همام على راتبه شلون نعيش
اكرم..شلون اوكف اتفرج وحبيبتي اضيع مني
ام همام..اذا تحبك تنتضرك
المهم اكرم مابطل يلح على موضوع زواجه
الحد ماهمام سحب قرض على راتبه عشره مليون
واني سحبت من فلوسي بلمصرف خمسه مليون
ورحنا اتقدمنا المروه
اني كلما اشوفه ماارتاحله ابد
احسه مو تمام ابد
بس اكرم متخبل عليه
رحنا قدمنا المهر وغرفة النوم اشتريناها بلقسط
بلكوه يله دبرنا العرس
قررنا تكون حفله وحده هي مهر هي حنا
جانت الحفله كلش حلوه وأكرم بعد شويه ويطير من الفرحه
والعرس بعد احلى يخبل عرسهم
جمانه السعيدي
غرفتهم بالطابق الثاني يم غرفتنا
من ليلة العرس واني حسيته مو طبيعيه
يعني مااعرف شلون اوصللكم الفكره
الأصوات الي تتعمد اطلعه بيوم عرسه ابد مو مال بنيه ومستحيه تحسينه مزوجه عشر مرات قبل
اني بقيت مصدومه منها
همام...عادي لا تخلين بالج يمه
رحمه...اني مامخليه بالي يمه هي صوته عالي شنو احنا بملهى ترا صوته مو مال عروسه ابد
وين المستحه ووين الخجل
نزلنا جوا اني وهمام يم عمتي نسولف عليه
واني هم خلصت كم شغله
وصعدنا جان تلاكينه على الدرج بسيت نوم قصير وفواكه روب تور
نازله جوا
بس شافه همام راسا دنك ورجع نزل من الدرج الحد ما نزلت وبعدين صعد
رحمه...يله اني هم احجي عليه شفته بعينك شلون تتمشى هيج بلبيت وهي تعرف انت موجود
همام... ماتعرف اني جوا يله ادخلي وسدي الباب خل انام
ترا تعبنا اليوم حيل
ثاني يوم جان جمعه اني كعدت بلعشره ونزلت
حضرت الريوك وصعدت كعدت همام وعمتي وكعدنا نتريك
بعدين بديت احضر بلغدا
رحمه...يكولون فاتحين التعيينات على الصحه فدوه همام اسئل اذا صحيح خل اقدم أوراقي
همام...باجر اسئل واذا الخبر صحيح بعد باجر اخذج تقدمين
رحمه ...انشاء الله
كملت الغدا وتغدينا ونضفت المطبخ وبعدهم ماكاعدبن
الساعه ثنتين ونص يله نزلو
هي لابسه ثوب مخصر فوك الركبه ومكياج وفاتحه شعرها
كعدت بصف همام وكام تسولف ويااا
وتحشش وتضحك
بعد ربع ساعه يله نزل اكرم
عمتي...يمه رحمه حضري الغدا
مروه...غدا شنو غدا تونا كعدنا اني اريد ريوك
عمتي...يمه رحمه حضري الريوك
رحمه...ريوك الساعه بتلاثه العصر
كمت حضرت الريوك اتريكت هي وواكرم وغسلت اديها وكامت
وأكرم يتامر عليه رحمه اريد جاي
رحمه تعاي شيلي الصينيه
جمانه السعيدي
كلت ميخالف بعدهم عرسان وبعدها مامتعوده علينا
اسبوع كامل واني اخلي الاكل كدامهم واشيله
واخدر الجاي والكه ملابسهم بلغساله
اكول عيب اطلعهن اغسلهن واشرهن وياي
فتحو التعيينات ورحت قدمت اريد اداوم واغير جووو
ضجت من البيت وهاي مروه راح تموتني قهر
يعني لبسه بلبيت مو لبس عادي ابد
كله قصير ودلع وبدون ردن والحمره ووالكحله ٢٤ ساعه
كاعده بغرفته ماتنزل ابد
والبيت كله فوك راسي
بس تسمع همام اجا راسا تنزل شلابسه وشمسويه بنفسه
اني هم ابدل بس البس لبس معقول عيب من اكرم
البس هيج لبس
وأكرم يشوفه ومايحجي ابد