رواية انكسار انثي
الفصل السادس6
بقلم نوسه حمد
طبعا كلام ام حمزه نزل علي زي الصاقعه وعرفت انها بي اي طريقه دايره تعرس لي حمزه رغم انها م شافت مني غير كل خير ولو علي الولاده الحمد لله انا كنت بلد وحملت في سنتي والحصل لي هي كانت سبب فيهو ع الاقل كان تختني مكان بتها وم ترضا لي الحاجه دي المهم انا مندهشه فيها وفي اختا زاتا وبقيت اعاين البت القالو خطيبه حمزه بريئه شديد قالت لي نوسه كيفك قلت ليها كويسه الحمد لله ومبروك الخطوبه ومشيت حمزه جا لاحقني وداير اعتزر لي وافهمني انو امو بتتكلم ساي قلت ليهو حمزه ولا كلمه وانا داخله اجيب ملابسي والعرسان طلعو م طلعو نتحرك طوالي انا دقيقه هنا م بقعدها قال لي كويس رغم انو حمزه طيب وبحبو بس بارد برود عجيب وانا شغاله بغلي من جواي طلعت انتظرتو في الشارع ابوهو قال لي ادخلي ما صاح تقيفي قلت ليهو لا مرتاحه وم رديت عليهو تاني حمزه جاب العرسان ونزل عشان اشيل مني منه قلت ليهو حمزه م تفتح الموضوع دا قدام اخوك لاي سبب من الاسباب خلينا نصل البيت واشوف الفهم شنو قال لي سمح ركبت واداني منه ضميتا علي ونومتا وبركه في منه بتي بتبرد لي قلببي حتي لو ابوها اتزوج فيني😢😢
م اشتغلت بيهم كانو اتونسو واضحكو وانا نفسي انسدت نومت بتي ونومتا م صحيت الا لمن وصلنا البيت حمزه وصل اخوهو المطار وجاب معاهو عشا قلت ليهو م جيعانه اكل قال لي نوسه خلي الزعل وارح ناكل قلت ليهو والله م زعلانه قال لي زعلانه وانا بعرفك لو كنتي م زعلانه كان هسي تكوني جايطانا بي صوتك وضحكك وهظارك قلت ليهو بزهجه ياخ م زعلانه واكل انا م دايره
منه بتي كنت شايلاها انخلعت من صوتي ومسكتني قوي حمزه قال لي نوسه عايني لي بتك دي بتكون جيعانه والتقول حاسه بيك من حصل الحصل وهي ماسكه فيك قوي وخايفه شكلها قلت ليهو هي الحا تكون حنينه على قال لي نوسه انتي مفتكره اني ح اوافق علي كلام امي وامي زاتا بتتكلم ساي ما تاخدي بي كلاما قلت ليهو امك بتتكلم ساي كيف ي حمزه امك كبيره وواعيه وكلمته زي السيف ليك ولي ابوك ولي اخوانك الاكبر منك كمان ومسيطره عليكم من الالف للياء مفتكرني انا م بفهم طبع امك انا مستعده اسمعا ليك تسميع والفتره القعدتها معاها لو سلمت عليها بتفهم سلامي غلط واقفه لي علي الهبشه وبتتنظر لي الغلطه انتظار التقول نحنا في امتحان وفعلا انا كنت في امتحان دنيا ونجحت فيهو اتحملتها وكنت ببكي مغبونه من كلاما الزي السم وكنت انت لمن تتصل علي م بشكي ليك لانك بتكون شفقان علي وعلي الفي بطني والفي بطني دا ما ريحتني فيهو التقول حامل بالحرام كنت واليوم كلو تطاعن فيني وتقول انا حمل بنات الزمن دا قاطع قلبي نحنا زمان الواحده تلد وتكون تغسل يعني ناهيك عن القدر امك في شغله البيت كانت هالكاني واختك قاعده تدلع فيها وفي شفعا وماسكاها عليها م خلتا مشت مع راجلا و خلتا ترتاح فيني ودا سبب في ولادتي المبكره وسبب في الحصل لي وكان دي بتها والله م بتولدها في البيت ح تصحيك انت من النوم عشان توديها المستشفى الفرق شنو مني انا وبتها ولا عشان دي بتها قال لي دي غلطتي انا من الاول مفترض اريح نفسي واجيبك هنا جنبي قلت ليهو كلمتك من الاول بس انت ماسك لي بتقعدي براك والخرطوم كعبه اريتك لو خليتني قعدت براي دا كلو م كان حصل قال لي هسي خلاصه الكلام انا امي م شغال بي كلاما وم داير لي عرس انا اخدت نصيبي خلاص لو ربنا رايد لي الولد انتي م كان حصل الحصل ليك وم تخربي حياتنا قلت ليهو تمام حمزه قدر امتص غضبي وبقينا مبسوطين ومرت الايام
ويوم بدري سمعت صوت ام حمزه قومت مخلوعه قلت كمان بقيت احلم بيها بس ركزت مع الصوت سمعتها تتكلم مع حمزه ودا م حلم وصوتا كان عالي حمزه بسكت فيها وبقول ليها عليك الله اسكتي نوسه م تسمعك قالت ليهو انا جيت اسمعا قال ليها يمه انتي دايره شنو قالت ليهو دايره ليك الولد وانا بت خالتك حجزتها ليك بتكسر كلامي يعني قال ليها خليني لمن اجيك هناك في البلد بنتفاهم هسي وطي صوتك م تخلي نوسه تسمعك قالت ليهو نوسه م تسمع كان سمعت مالا امك ولا أبوك الشرع حلل ليك اربعه بكره تعرس فيها ميه م تخليك م عندك شخصيه انا بسمع في كلاما وغلبني أوقف دموعي قالت ليهو انا زاتي م جيتكم جيت للدكتور عندي مقابله قال ليها خلاص ارح نوصلك شكلو م دايرني اعرفا انها جات ودي اكتر حاجه اكدت لي انو حمزه ح يسمع كلام امو.....