رواية جراح الحب
الفصل السادس6
بقلم جني
ريم"مصيبة يا ماما مصيبة
نبيلة :في اية
ريم : مرضيتش تقول حاجة عن خالد بس اتصنت عليها وهي بتكلم مروان وبتقولو انت عرفت مكانها وصاحب الرقم اسمو اي وقالت خليل انا مسمعتوش الاسم دة قبل كدة وبعدين قالتلو عدي عليا خذني معاك الظاهر مرضيش فقالتلو طمني لمًا توصلها
ناهد بصدمة :عرف ازاي
ريم :معرفش هو قالها بس هي مكانتش فاتحة السبيكر ف معرفتش
"ناهد بتفتح موبايلها بسرعة وبترن على رقم "
-خليل ،، خد البت دي وكل اللي عندك وامشي بسرعة مروان عرف مكانك وعلى وصول
متسألش كتير اعمل اللي بقولك عليه
سلام
نبيلة :هو عرف ازاي ؟
ناهد : معرفش ! بس الظاهر ان فعلا ابنك مش سهل !احنا لازم نضغط عليه قبل ما يعمل حاجة
-نبيلة :وهنعمل اي بس
—————
"بيوصل مروان للمكان وبالفعل بينزل
واول ما بيدخل المكان مبيلاقيش اي حد
المكان واسع وفاضي جدا وكله مخلفات وحاجة غريبة
وكل ما دخل اكتر
لقي كرسي وعلى الارض فيه حبل
وبيحس ان كان في حد موجود هنا
وقبل ما يلف ويمشي بيلاقي انسيال جميلة واقع على الارض
وبيفتكر …
-مروان !!الانسيال دة واسع اوي عليا وبيقع مني دايما انا عايزة اصغره شوية
-هتصغيره ازاي بس
-معرفش اتصرف
-حاضر هتصرف
"هو دة انسيال جميلة انا متأكد !! دة معناه انها اكيد كانت هنا
"بيدور مروان عليها ف كل حتة ومش بيلاقيها خالص وبيفقد الامل
وبيلاقي سارة بترن عليه
-انا تعبت ياسارة .. انا مش لاقيها خالص
-مش انت قولت انها هناك
-هو انتي قولتي قدام حد اني عرفت مكانها
-لا خالص
-الظغهر عرفو ف مشيو لاني لقيت انسيال جميلة
-يعني كانت هناك
-كانت هناك ياسارة
-طيب تعالى هنا ونشوف هنعمل اي
-مش عايز ابص فوش حد منهم
-مروان عشان خاطري تعالى ونتكلم هنا
——————————
ناهد:طعني انت دلوقتي ف امان ومشيت بيها ؟
طيب وخلي بالك بقا ياغبي ولما تبعت رسالة او تتصل متتصلش من رقمك ولا من المكان اللي انت فيه عشان هيعرف مكانك يا غبي
يلا سلام
نبيلة : مشي؟
ناهد : ايوة الحمدلله اني دخلت ريم ف الوقت المناسب
ريم :بفضلي يا خالتو
ناهد :اتنيلي روحي افتحي الباب بيخبط
"بتفتح ريم الباب وبيدخل مروان …
نبيلة بتظاهر :خير يا حبيبي عملت اي
مروان : هلاقيها ! وهعرف مكانها الصبر بس
ناهد : ايوا عملت اي يعني
مروان :ملكيش دعوة ي خالتو
ناهد : ولازمتها اي خالتو ؟بس مقبولة منك يا سيدي عشان اللي انت فيه
اكيد جاي لسارة ..ادخلها ياخويا
"بيدخل مروان لسارة واول ما بيدخل اوضتها بتجري عليه وبتحضنه
:ياحبيبي!! انت كويس
-لأ ياسارة انا مش كويس خالص ومش عارف اعمل اي وعاجز
_تعالى بس نقعد ونتكلم
اقعد يلا ..
"قعد وتنهد
-انا مش مرتاح للقاعدة اللي برة دي
-ولا انا بس هنعمل اي
-اشمعنا غمزة ؟ لية اصلا هي
-عندك حق بس انت مش متأكد من حاجة يا مروان
-انتي متأكدة مفيش حد سمعك
-والله متأكدة حتى ريم خرجتها برة الاوضة
-يعني ريم كانت هنا
-ايوة
-يبقى سمعتك يا سارة
-سمعتني ازاي بس بقولك خرجتها برة
-هو صعب يعني تقف تتصنت وتسمعك !؟ دي تربية نبيلة وناهد
-مروان انا مش عارفة بس انا مش متأكدة خالص من اللي بتقوله دة مستحيل يبقا حد منهم لي دخل بالموضوع هما وحشين اة بس مش للدرجادي
-انا مش عارف حاجة ومبقتش اثق ف حد يا سارة
"بتوصل رسالة لمروان ف الوقت دة ..
بيفتحها وبيلاقيه صور لجميلة
ابشع ما يمكن وشكلها متبهدل ومتعذب !
-اة !! اية دة ؟؟
هما كدة بيضغطوا عليك عشان تسرع
-واضح ان المهلة قربت تخلص
-مروان !!
-يعني كل دقيقة من انا اللي بخسرها !دي جميلة بتتعذب فيها !!
انا مش قادر ،لازم اتصرف
-هتعمل اي
-هعمل اللازم
-اوعى تتجنن يامروان…
-سارة انا مبقاش عندي حلول ومش عارف اعمل اي !!
-هنلاقي حل !هنلاقي حل اكيد
-انا همشي ..
-هنروح فين بس يامروان
-مش عارف
-طيب انا هاجي معاكي
-لا…
-مروان انا مش بخيرك انا هاجي معاك فعلا ،،
"باب اوضة سارة بيخبط وبيدخل
-خالد ؟؟؟
-الحقيقة انا اسف مكنتش اعرف انك هنا
"ف بتدخل عادي ؟"
-يعني اي
"يعني اطلع برة ،بأي حق تدخل اوضة اختي انت ؟ وعايز اي اصلا"
-اهدى انا بس كنت هقولها نتكلم برة
"بيقول مروان وبيقرب منه : تتكلم في اية ها ؟ عايز منها اي ملكش دعوة بيها وبعد عنها انت فاهم
سارة:مروان!!!
مروان:ملكيش دعوة انتي !! انت سمعتني بقولك اية
"انت اكيد مش فوعيك بسبب اللي حصل !!بس….."
_انت سمعتني !!ملكش دعوة بيها
سا:مروان عشان خاطري يامروان اهدى انت مدايق يلا نمشي … يلا بقولك
ناهد :اية الصوت دة بتزعق لية يامروان
مروان :انتي متدخليش وبعدي ابنك عن اختي احسنلك واحسنوا انتي فاهمة
نبيلة :انت بتكلم خالتك كدة ازاي
سارة :مروان يلا هنمشي حالا
يلا
مروان :انا…..
سارة :يلا يامروان
"بتاخد سارة شنتطتها وبتمشي بدون مبالاة لأي حد ..وبتتأكد ريم انهم مشيوا
ريم :مشوا ! انا شوفتهم مشيوا بالعربية
نبيلة :طب وخالد ماله
ناهد : هه.. اكيد بيفش غله فيه ،ما هو ياعيني مش عارف هيلاقيها منين ولا منين
غمزة :هو انتي قولتيلي اجي انا وخالد لي
ناهد :انتي عشان مروان كان هنا والبي عشان يتكلم مع ست الحسن والجمال
غمزة :هو فعلا عرف مكانها
ناهد :لا متقلقيش حليت الموضوع دة
——————————————
"بالليل وفي بيت مروان …
-هعمل اي تاني اكتر من اللي عملته
-يا مروان اهدى لسا هنحل الموضوع
"موبايل مروان بيرن من رقم غريب
بيرد بسرعة
-طبعا انا عملت اللي عليا واديتم وقت ..اقدر اقولك تترحم عليها
-انت مين قولي
-هديك ساعة تقرر فيها عايز حبيبتك ولا مش عايزها
تصبح على خير
-في اية يامروان ؟
-خلاص !! كفاية كدة
انا مش هستحمل اكتر من كدة ،،
-هتعمل اي
-هعمل اللي كان لازم اعمله عشان مش مستحمل اللي بيحصل دة
-لا يا مروان اوعى !! دول بيستفزوك
-لو بيستفزوني مكانوش وروني بجد
"في بيت نبيلة قاعدين كلهم ومتجمعين وبيدخل مروان
وبيبصلهم كلهم وبيرجع لغمزة
:كويس انك هنا
ناهد :خير ياحبيبي
-خير !! هعمل اللي كنتو نفسكم في وبتسعوا عشانه مش كدة
-انت عايز اية يامروان ؟
-هتجوزك ياغمزة وهخلص من اللي انا فيه !!!
بس بشرط !! مراتي متتأذيش واعرف هي فين
نبيلة :واحنا هنعرف منين يا مروان مراتك فين
-هو انتو فاكرني عبيط ولا اي ؟ بتستغفلوني
نبيلة : يابني والله منعر….
ناهد:نبيلة !! اسكتي انتي بقا !ايوة يامروان نعم ؟؟ عايزنا نخليك مع واحدة هي لا ليها اصل ولا عايزانا نفرح بيك وبتبعدنا عنك ؟ الله اعلم هي مش عايزة فعلا تخلف ولا مبتخلفش اصلا !!
-اسكتي خالص
-ولو مسكتش هتعمل اي ،اتجوزها !غمزة احسن واحدة ممكن تفكر تتجوزها وعلى الاقل مش هتبعدك عن اهلك
-انا عايز اوصل لمراتي عشان كدة هتجوزها انا عارف ان ليكي يد
-انا معرفش حاجة ولو اعرف كنت قولت
-انا مضطر اعمل كدة عشان بحب مراتي
انا عارف اني استسلمت بسرعة
زي مانا عارف ان اللي عمل كدة عارف كل تحركاتي ومش هقدر اوصلها
بس انا مش هقدر اخاطر بحياتها اكتر من كدة
