رواية غدر الزوج
الفصل السادس6
بقلم سهي وليد
الغريب انو الساعة 12 و اول مرة من ما عرسني القا تلفونو مشغول و كمان بالساعات من التفكير ما نمت صحيت الصباح بي تعب شديد من السهر عشة: راجلك خبارو ما جاء زمان لما تجينا يومي بغشانا الحصل شنو اسي نجوى: مشغول و كدا امي نفسي تعملي لي نعيمية عليك الله عشة: كويس مالك وحمانة ولا شنو نجوى: يا ريت بس طولت عشان كدا و فعلا لي اول مرة اكل بي شهية قدر دا و الحس في اصباعي و الشتة صحن كامل خلصتو ريم: هيي براحة بتخنقي رضوى: الغباينة دي حصل شفتي عصيدة بتخنق ضربت تمام لمن عرقتا و حسيت نفسي تعبانة رقدت نمت صحيت العصر و برضو ماف اتصال من عمر
عدا اسبوع بالحالة دي دخل الاسبوع التاني و برضو خلص 15 يوم ما اتصل لي انا هنا اخدت موقف منو قررت ارجع بيتي و فعلا مشيت لقيت البيت ملان ناس و اهل عمر الفي البلد كلهم قاعدين دخلت بالباب الخلفي ما لقيت زول في الشقة و كانت مقلوبة و ريحة يااع لمن بطني طمت ما اتحملت استفرغت اي شي استحميت لبست توب اسود بي بيجي شبشب بيجي ظبطت نفسي و قلت انزل اشوف في شنو
سلمت علي الكل و علي عمتو طبعا فرحانة للضرس الاخير حيرتني المرة دخلت المطبخ لقيت سلايفي سلمت عليهم و كانو بتهامسو و بضحكو تحت تحت اشجان: اها ي السمحة جاهزة للاكشن نجوى: اكشن شنو و دقيقة في شنو البيت مليان ناس كدا رهف: ي حرام شكلو ماف زول عبرك و عزمك اشجان: يختي شدي حيلك الليلة شيلة عمر و بعد شهر عرسو ترااااا رايك شنو انا من الصدمة اترسمت علي وشي ابتسامة سخيفة لمن هم اتحيرو طلعت و انا ما شايفة زول قدامي طلعت شقتي لقيت عمر اخر بدلة و اخر عطر و شايكة جد نجوى: مبروك ي عريس عمر: الله يبارك فيك نجوى: و شنو ما اديتني خبر عمر: والله حصل فجاة و ضد ارادتي عارفة ماف غيرك في قلبي نحوى: هشش كله الا تقول ضد رغبتك شكلك ما شايف نفسك من الفرحة لمن وشك منور و انا صح قلتا ليك اذا داير تتزوح تطلقني عمر: انا طلاق ما بطلق و بعدين عريس و كدا لي ما انور و افرح نجوى: و تقوم تغدر بي كدا عاملني مسخرة قدام الناس الحضور كلهم بعاينو لي بي شماتة و شفقة عارف غلطانة انا ي عمر عمر: اسمعي عشان نكون واضحين انتي ما بتنجبي ف عشان كدا خليني اتسلا معاك و احمل التانية من غير ما اشعر لقيت نفسي ضربتو كف ما اهمتا كتير ابتسم و طلع خلاني انا في وجعتي اعمل شنو اسي ي الله لطفك علي
حسيت بي خمول في جسمي رقدت نمت ...