رحمه...طبعا أكرم يرجع من الدوام قبل همام بساعه يصعد راسا الغرفته
من يجي همام واحضرله الاكل ينزل هو ومروه يتغدون ويااا همام
من يخلصون يرجعون يصعدون فوك وماينزلون اله عمتي تصيحهم للعشى
يتعشون ويصعدون فوك لو يطلعون
اما بلنسبه الشغل البيت كله عليه
مروه ماتسوي اي شي
كل الي بلبيت عادي عدهم ان هي لبسه خليع ومخلصه طول النهار بغرفته
وماتشتغل ابد
من احجي على لبسه همام يكول ايجوز متعوده تلبس هيج بيتهم
وعمتي تكول ميخالف بعدها عروسه
اني اشتغل واني ساكته
اقنع نفسي هو الشغل نفسه قبل لا تجي مروه
خل اسكت احسن عيب اسوي مشاكل
جمانه السعيدي
مروه من تشوف همام جوه تنزل وتتعمد تسوي حركات مغريه كدامه طبعا هي جسمه فد شي خلفيه وصدر
تلبس اشياء تبرز مفاتنه
بلبدايه همام كان يجنبه
بس بعدين عادي يكعد ويسولف ويشتاق وياها
المشكله زوجه ماعندا اي مانع من تصرفاته
بعد شهرين بلضبط من زواجهم طلعت حامل
وهنا زادت قاطات حرفيا كلشي يجيه للغرفه
اكيد مو عمتي تخدمه ولا اكرم وهمام اني الي جنت اخدمه
جمانه السعيدي
كمت مااكدر اتحمل ابد
وخصوصا واني اتاخرت بلحمل وهي راسا حملت
رحمه...همام اني بعد مااكدر مو اول وحده هي تحمل
شدعوه هيج شايله روحه
اني هم بشر شغل البيت كله براسي والنوب اخدمه
يمكن هي حامل بولي العهد واني ماادري
همام...شدي حيلج واحملي واني اخدمج بعيوني
رحمه...اي اريد اروح اسوي تحليل اريد اعرف شنو سبب تأخر الحمل
وانت تجي وياي نسوي تحليل سوا
همام...اني شبيه قابل ماشاء الله حديد بعدين النسوان الي تحمل مو الرجال
اكيد الخلل منج مو مني
ضجت من كلام همام حيل وخفت لايكون السبب مني فعلا
وانحرم من الأطفال طول عمري
بعدها بيومين طلعت التعيينات وطلع اسمي
ماتتخيلون فرحتي شكبرها
راح اطلع من البيت لان احس نفسي اختنكت
وبلمره اسوي تحاليل بلمستشفى اليه والهمام
واذا اكو سبب نعالجه ثنيينه
جمانه السعيدي
الصبح نطلع اني وهمام سوا للدوام لان دوامي قريب على دوامه تقريبا ربع ساعه بلسياره عن مكان عمل همام
ومن اخلص دوووام ابقه منتضرته يمر عليه ونرجع سوا
من نرجع للبيت الكه عمتي طابخه وبيت اكرم متغدين ونايمين خطيه عمتي تبقه واكفه طول النهار
لان المسعده حامل وماتشتغل
قبل جنت اتوقع تعاند وياي بس بعدين عرفت هي عجوزيه
وخايسه
لان اشوف اكرم اكثر من مره يغسل ملابسه ويكويهن بايده
واذا يجوع يسوي اكل النفسه
المهم اني لكيت شي يشغلني عنه
بعد ماناقصني اي شي اريد احمل اريد طفل يملي عليه حياتي
بقيت الح على همام حتى نسوي تحاليل سوا اني ويااا
بعد ثمن اشهر من زواجنا
ماقبل يروح وياي يستحي من هذا التحليل
بعدين اني اخذت منه عينه بلبيت واخذته وياي وسويت تحليل بلمختبر وهنا الصدمه الي مامتوقعته ابد
كعدت وكمت ابجي اني بعمري مراح اصير ام ابد
ليش هيج فوك مايتيمه وماعندي احد
بقيت طول النهار ضايجه ومالي خلك ابد
من اجا همام ياخذني من الدوووام
همام...شبيج شو ضايجه اكو شي
رحمه...لا ماكو شي
همام...احجي اعرفج زين انتي ضايجه
رحمه...ماكو شي
همام...سويتي التحليل
رحمه...لا يكولون تحاليل المستشفي مامضبوطه خل انعيد التحليل بمختبر ثاني على حسابنا
همام...بس هيج لو اكو شي ثاني
رحمه...لا ماكو اي شي
رجعنا للبيت وحتى ماكدرت اكل مصيبه اذا طلعت التحاليل مضبوطه
يعني اني بعمري مراح اصير ام ابد
مستحيل اكو احد منحوس بكدي ياربي الطف بحالي
يالله اللهم لاتذرني فردا وانت خير الوارثين
جمانه السعيدي
اشتغل واني ضايجه احاول أجنب الكل
ماليه خلك لأي شي
بقيت اللح على همام حتى نعيد التحليل ورحنا الأحسن مختبر ببغداد
وعدنا التحاليل
بعد اسبوع وتطلع التحاليل وأكد النا الدكتور بلمختبر
ان التحاليل راح تكون مضبوط ١٠٠/١٠٠
رجعنا للبيت واني ادعي يارب تطلع التحاليل سليمه
ياربي حتلو اكو شي كون شي يتعالج
ولا هاي اامصيبه
طول هذا الأسبوع واني عايشه بقلق
ولا اكدر انام مرتاحه حتى همام لاحظ حالتي
وجان شاك اني اعرف النتيجه مسبقا وضامه علي
بيوم الموعد كان اصعب يوم يمر عليه بحياتي
خليت همام يوصلني وكتله اني محتاجه شوية شغلات
اخذ التحاليل وأمر بلسوك ومن اخلص اتصل عليك
وصلت للمختبر واني اقدم رجل واخر رجل
يارب اجبر خاطري يارب
دخلت وسئلت الدكتور بلمختبر
جاوبني اي طلع التحليل هسه اجيبه واجي
كلبي احسه يدك بلعومي النفس كوه اجره حسيت نفسي اختنكت
اريده ينطيني التحليل واطلع المكان هذا يخنكني
انطاني التحليل
وكال مع الاسف الله يعوض عليكم
لا تيئسين من رحمة رب العالمين
افتهمت التحليل طلع مطابق للتحليل السابق
اخذته وحتى مافتحته
طلعت برا اكو مصطبه باب المختبر كعدت عليه
وبعد ماكدرت الزم دموعي
كل الي يدخل للمختبر يباوع عليه
وأغلبهم سئلوني اذا محتاجه مساعده
احس رجليه ماعدن يشيلني
وين اروح هم يتيمه وهم وحيده وبعمري مراح اصير ام ابد
احس راسي راح ينفجر من التفكير والحزن
شلون ياربي شلون
اتصل عليه همام وكال هااا خلصتي اجي اخذج
رديت علي واني ابجي ااي تعال بسرعه
همام...جاي تبجين شكووو
رحمه...ماكو شي تعال بسرعه
جمانه السعيدي
شوبه واجاني لكاني لازمه أوراق التحليل بايدي وابجي
همام...ياستار ياربي شكووو
رحمه...اني بعمري مراح اصير ام سمعت لو لا
همام...الله كريم ليش تكولين هيج اكو رحمة الله
اكيد مراح ينسانه
رجعت للبيت ومن القهر والحركه صخنت وحلكي طكك
يومين مااكدر اكوم من الفراش
ولا اكدر اكل ولا اشرب وحررات جسمي عبالك بركان
شكد جابلي علاج همام وابر خافظ للحراره
بس اني حالتي النفسيه زفت وجسمي مايقبل يستجيب للعلاج ابد
بس صرت احسن شويه ونزلت
كان همام مبلغ البيت كله ان اني مايصير عندي اطفال
شفت حزن مو طبيعي بعين عمتي
وهمام ضايج اكثر منه
اما مروه الحقيره جانت تتعمد تغيضني
بس نكعد وكالت اذا ولد شراح نسمي خل همام يسمي
واذا بنيه اني اسميه
تلزم بطنه وتكول اوي تعبني بمكن يطلع وكيح
تكوم الملابس وتكول مااكدر اغسلهن تعاي رحمه انتي فارغه تعاي اغسليهن
كنت اغلي اغلي بمعنى الكلمه
يعني وحده مثل مروه تصير ام واني لا
ليش اني ماعندي حظ
اخذت التحاليل لااكثر من دكتور من ورا همام عسى ولعل الكه حل بس كلشي ماكووو
الكل اكلي ماكو اي امل
جمانه السعيدي
كمت اكره البيت من ورا مروه حتلو تتصرف تصرفات عاديه هم اني اضوج
صرت كئيبه كلش وعصبيه
قررت اطلع من هذا البيت لان بعد مااكدر اتحمل اشوف مروه وتنغوصه كدامي
من عرفت احنا مايصير عدنا اطفال
كامت تتمادى اكثر واكثر
البس والمكياج وحركات الإغراء كدام همام
لابسه دلع وكل شويه ادنك كدامه
لو تكعد كباله وهي لابسه قصير
لو تلزمه من تمشي على اساس تسند علي ماتكدر تمشي
لو تنتضره من ينزل من الدرج وتكله نزلني وياك
تبقه لازمته من جتفه وتنزل شويه شويه ويااا
واني هم كمت احس همام بدا يتغير عليه شويه شويه
من سمع مايصير عدنا اطفال
وهو على طول فكره شارد ومايحجي وياي هواي
ويحاول يكون وحده
جمانه السعيدي
رحمه...همام اريد بيت وحدي
همام...اني مااكدر اطلع بيت وحدنا
رحمه...ليش
همام...راتبي ساحب علي سلفة زواج اكرم وراتبج قليل اذا دفعنا ايجار منيبن نعيش
رحمه...نطلع الموجر من بيت اهلي ونعيش بي
هم ببت اهلي قريب على دوامنا ثنيينه
احسن مارايحبن وراجعين كل يوم والثاني
همام....واهلي
رحمه...شبيهم اهلك راتب ابوك وأكرم يشتغل والحمد لله
بعد مامحتاجبنه
همام...خل افكر
رحمه...بيومه نزلت قنعت عمتي حتى تأثر على همام ويقبل نعيش بيت اهلي
لان قريب على دوامنا ثنيينه
عمتي رحبت بلفكره حيل وكدرت تقنع همام
وصلنا خبر للموجر يفرغ البيت
طلب من عدنا مهله الحد مايلكه بيت ويطلع
اربع أشهر يله طلع الموجر من بيت اهلي
بعد زواج سنه واربع اشهر طلعنا بيت اهلي بعد ماصبغنا وعدلنا وأكرم صار عنده ولد يخبل سما علي
مالي عليهم البيت
وهمام يموت علي