رواية ست الشاي الفصل السابع7بقلم سهي وليد
امي قالت ما حا تعفي لي لو عملت حاجة تمس شرف الاسرة و سمعتها مياس: عشان كدا ضحيت بي انا صح ليك الحق تخاف علي سمعتك و انا لي كل الحق ما ارجع ليك ي خالد انا طول عمري بتعامل بي نية واحدة و العملو معاي اخوك ما ابشع من ردة فعلك فالنهاية انا زوجتك و عرضك لو بضحي بي عشان اهلك. معناها كتيير حا تعمل كدا انا محل اتهنت و اتزليت فيو ما برجع ليو فا شكرا لي مساعدتك لي و كلمة حب ما كافية تنسيني الظلم العشتو انا بديت حياتي من اول و جديد و ربنا يديك واحدة
تسعدك.و تصون نفسها و بيتها لانو في نظرك انا ما بقدر اصون عرضك و انت ادرى بي حياتك قلتا كلامي دا و قمت مشيت مركز الشرطة طلبت الحماية و قظر ما سالوني ما جبت سيرة محمد اخوي من دربي داك مشيت لي محمد و ميار مياس: محمد حاولت تقتلني و انا عارفة و ماف داعي تنكر بتكرهوني و انا عارفة فا با الله عليكم خلوني في حالي انا سكت ليكم كتير المرة الجاية السجن يلزمكم و بالنسبة للبيت انا ما بخلي بيتي و انا و انتو و الزمن طويل يا اما قبلتوني اختكم و اتعاملتو كويس يا اما و لكم دينكم و لي دين و طلعت منهم رجعت البيت لقيت هاني مياس: سلام هاني: هلا انتي كويسة مياس: اي ماف شي حمد لله هاني: طيب بعد الحصل في بيتك دا ما اظن تقدري تنومي مرتاحة انا عندي شقة اصلا حقتي ما ماجرة زي باقي الشقق ممكن تسكني فيها و تشوفي ناس تاجري ليهم بيتك مياس: فكرة كويسة. بس وين الناس هاني: ما تشغلي بالك اصلا الشقة مفروشة بس جيبي حاجات الخاصة زي ملابس و.... الخ و هاك دا المفتاح الغفير بوصف ليك و في حارس بجي بحرس العمارة بالليل ما تخافي عمو الطيب المرحوم غالي علي والله و انتي اعتبريني سند ليك ما اكتر شكرتو و مشيت البيت لميت حاجتي و رحلت اصلا العمارة ما بعيدة دخلت الشقة و بسم الله ماشاء الله شقة الاحلام والله نفس الشقة الاتمنيتها لي العفش رهيب و لقيتو ملا لي التلاجة و لي درجة الصابون موفرو لي لقيتو خاتي لي مسكن في الدرج بلعتو و ديك يا النومة ما صحيت الا الساعة 8 طلعت و انا مبشتنة و مستعجلة وصلت الشغل