رواية جراح الحب
الفصل الثامن
بقلم جني
-مروان ؟؟!! انت جيت
-اوعي من وشي
بزعيق:ماما فين !!
ريم : في اي يامروان بتزعق لية كدة
مروان :انتي تخرسي انتي خالص ومتتكلميش وحسابك معايا لسا جاي يا ريم
ريم : انت اتجننت ولا اية انا عملت اية
جت نبيلة ووراها ناهد : في اي اي اللي بيحصل هنا واي الزعيق دة
مروان : يا اهلا يا العصابة !! وانتي كمان هنا ياناهد
ناهد : انت بتقولي انا ناهد !!!
مروان : دة انا هطربق عليكو الدنيا وهسود عيشيتكو كلها
نبيلة : اكلم مع خالتك بإحترام يا مروان احسنلك
- اي هتعملي اي تاني !؟ المرادي هتقتلوها
- ناهد : هي مين دي وانت بتزعق لية اصلا
- مروان : كنتو فاكريني مش هعرف وبتهددوني عشان اتجوز دي اللي متجيش حاجة قدام مراتي !!
- ناهد : احترم نفسك يا مروان وانت بتتكلم عن بنتي واة انا عملت كدة يا مروان عشان البت دي مش على هوايا وانا جوزتك واحدة تستاهلك احسن ، كنت عايزنا. نسكت !! دي اللي هتجبلك ولد يشيل اسمك ! الله اعلم جميلة دي بتضحك عليك ولا مبتخلفش اصلا
مروان : انتو حاشرين نفسكم ف حياتي لية !!
عايزين اي مننا
نبيلة : انت بتتكلم على اية ! بتزعق وطايح فينا لية
عشان عايزين مصلحتك ؟
مروان : انتي تسكتي خالص !! انتي لايمكن تكوني ام
بتضحي ب ابنك عشان بتخافي من اختك
انتي ازاي تعملي فيا كدة وازاي ترضي ب دة ؟
بدموع : انتي عايشة بتدمري فيا وعمالة تكسري فيا وفاكرة انك كدة خايفة على مصلحتي
انا طول عمري يرضيكي وبحاول مزعلكيش وانتي تعملي فيا كدة وتأذيني ؟ لأ وكمان عاملة عصابة وضامة اختك وبنتك وبنتها والله اعلم مين تاني
انتي لية بتعملي كدة ؟ انتي هاين عليكي تشوفيني كدة وعادي ومبسوطة وشايفة انك صح
نبيلة : انا خايفة عليك وبعمل كدة عشان متندمش انك م……….
قاطعها : مين انتي عشان تقرري ف حياتي !! عايزة اي مني ومن مراتي انتو مالكو نخلف منخلفش يخصمو ف اية
ناهد بحقد : لم نفسك مش عشان ساكتينلك تطيح وتزودها !! مش بمزاجك انت اتجوزتها وخلاص ! اعمل اللي اعمله دلوقتي
بزعيق : انتي لولا انك خالتي كنت قت.لتك
ناهد : تقتلني
غمزة : مروان اهدى لو سمحت ان….
زقها: انتي تخرسي !! انتي ماشية ورا امك تخربي بيت اي حد
ناهد : اخرس يامروان وإلا هتصرف معاك تصرف تاني
مروان : هتعملي اية ؟؟ وبنتك دي انا هطلقها وهرميها جمبك ولعي فيها بقا
ناهد : مش بالسهولة دي ياحبيبي ولا انت نسيت انك ماضي على ورقة مع ورق الجواز انك لو طلقت بنتي كل حاجة تملكها ليها من اصغرها لاكبرها من اتفه حاجة كمان يا مروان وابقا وريني هتعمل اي
بصدمة : نعم !! انتو عملتو كدة
ناهد : اة يا حبيبي عملنا كدة واعلى ما ف خيلك اركبه
بص لنبيلة : وانتي وافقتي على كدة ؟؟
بصوت جهوري : ردي عليا !!!
انتي مشيتي ورا خراب حياتي يا ماما ؟
ماما اية !! انتي مش ام
مستحيل ..
من النهاردة انا مش عايز اعرفكم متبري منكم كلكم
ناهد : وماله يا حبيبي !! وابقا اهدى كدة وكرماً مني هبعتلك انا مراتك على البيت
بيخرج مروان بأندافع وعصبية ..وبيدفع الباب
_____________________________
-بس انا لسا معرفش انتي مين ؟
جيدا : دي قصة طويلة !! بصي ياستي بابا مروان وسارة يبقا اخويا ومتستغربيش
لان انا جيت متأخر اوي لما كان احمد اتجوز نبيلة بكتير اوي
انا جيت بعدها بسنتين كدة ولا حاجة جية بقا مروان
عشان كدة احنا صحاب جدا يعني بس بعد ما احمد مات حصلت مشاكل بيني وبين نبيلة كتير اوي مشاكل لدرجة اني سافرت عشان ميبقاش ليا علاقة بيها خالص وبعدين رجعت دلوقت لما عرفت ان الاحوال بايظة خالص
سارة غمزتلها
بابتسامة: مش اوي لا
جميلة : انا سمعت عنك كلام بسيط بس انا مكنتش اعرفك
جيدا : اديكي عرفتيني اهو وهنقعد مع بعض كتير
جميلة : اكيد ، هو مروان أتأخر كدة لية
جيدا : هروح اتصل بية واجي وبالمرة اشوف ايلا عشان ف الكيدز اريا
سارة : وانا هنا عبال ما تيجي
جيدا : ماشي
——————-
نزلت تحت برا المستشفى
ورنت عليه وقبل ما تكمل لقيته ف وشها …
-مروان ؟ كنت فين كل دة
مالك شكلك عامل كدة لية
-كنت بشوف اللي بيحصل فيا ،، كنت عند العصابة !
-عصابة ؟ يعني اية
-يعني كل اللي بيحصل فيا دة بسبب مين ! بسبب عيلتي وامي
-يانهار ابيض !!
-مش عارف هقول اي لجميلة ولا ازاي اصلا تعرف اني اتجوزت !!
-اتجوزتها يا مروان
-كنتي عايزاني اضحي بجميلة !
-كان في حلول
-مكنش في حلول يا جيدا عشان هما عارفين كل حاجة ومكنوش هيخلوني اوصلها يا جيدا دول معندهومش مشكلة يقتلوها انتي عارفة ناهد وعارفة ما.. للاسف ماما
-اهدى بس وهتلاقي حل .. الاول بس اطلع لجميلة عشان عمالة تسأل عليك
-ابص فوشها ازاي بس ؟ ..
-معلش يا مروان هتعمل اي طيب يلا انت اطلع وانا هشوف آيلا
—————————
_اية يا جميلة قولنا هتمشي
-يا سارة ….
-اهو مروان جية اهو .. تعالى شوف مراتك عشان خنقتني انا هروح اشوف جيدا
مشيت سارة وهو قعد مكانها …
-مالك!في اية
-لا يا حبيبتي مفيش حاجة
-طب اي مش همشي
-هنمشي ..بصي المحلول قرب يخلص
- انت مالك في اية فيك حاجة
- لا والله يا حبيبتي مفيش حاجة
- مفيش حاجة ازاي انت مش شايف شكلك
- مالي انا كويس
- انت ممكن تكذب على اي حد الا انا
- انا مش بكذب هكذب لية بس
-
-يا مروان …
-انتي بس تعبانة شوية مش اكتر وانا كويس والله اهو مفيش حاجة
_______________________
ناهد :بقولك اية احنا مش هنقلبها ندامة
اهدي كدة وقولي انا هديت يا نبيلة
-اهدى ؟ انتي شوفتي ابني كلمني ازاي وعمل فيا اي
-وانتي مشوفتيش عمل فينا كلنا اية ؟
-بس ياناهد عشان كل دة بسببك
-ياسلام ياختي دلوقتي بقيت انا السبب ؟ وانا اما قولتلك قولتيلي اة جميلة دي انا بكرها وانتي نفسك معترضتيش
-مكنتش اعرف ان الامور هتوصل ل هنا
-ولديكي عرفتي ياختي !!
ريم: كل دة عشان البت دي !! انا هموت واعرف هي عملاله اي سحراله
غمزة : ماما انا مش عايزة مشاكل ! مروان متهور اوي
ناهد : والنبي ياختي اقعديلنا على جمب واتهدي واعملي اللي بقولك عليه وانتي ساكتة مسمعش نفسك
نبيلة : سيبيها تتكلم يمكن تكون هي العدلة فينا
ناهد : متدخليش انتي ياختي خليكي ف حالك انا وبنتي احرار مع بعض
___________________________
-معقول يا جيدا ؟ هو عمل اي
-محاكليش كل حاجة ياسارة هو بس قال انه راحلهم بس اكيد خرب الدنيا
-مروان صعبان عليا اوي ومش عارفة بإيدي اي اعملهوله !! نفسي احلله كل همومه بس .. هعمل اي
-انا مش عارفة هما دول اي بجد مش بني ادمين
-عندك حق والله.. موبايلي بيرن معلش هروح ارد واجي
-لا متروحيش خليكي قاعدة وانا هروح اجيب ايلا عبال ما تخلصي
-ماشي
…………
-ايوا يا خالد
-ازيك ياسارة
-الحمدلله
-انا اما روحت هناك ملقيتكيش كنت عايز اشوفك
-انا فعلا مش في البيت
-طب ممكن نتقابل
-لا مش فاضية
-لا يعني اما تفضي ! عايز اتكلم معاكي بس واطمن عليكي
-اما اركع هبقا ابعتلك رسالة ونشوف بعدين
-ماشي هستناكي ،
-اوكي
—————————————-
باليل … كانو جميلة ومروان رجعو البيت وسارة روحت وجيدا كذلك ..
-انتي تعبانة
-لأ انا كويسة جدا ومفييش اي حاجة حتى المستشفى مكنش ليها داعي
-ازاي بس ياحبيبتي انتي كنتي تعبانة اوي ومش بتفوقي
-مروان !! سيبك من كل دة ! انا عايزة اعرف مالك ياحبيبي انت فيك حاجة انا متأكدة ! طيب في حاجة حصلت
-مفيش حاجة حصلت ياجميلة ! بس عايزاني ابقا ازاي وانا اهلي هما السبب ف كل دة وابص فوشك
انا حتى معرفتش انقذك من شرهم
-اي الكلام دة يا مروان !! انا جنبك اهو وانت إللي وصلتلي على فكرة
-انا بس مدايق من كل دة
-انا عارفة انك مدايق عشان هما اهلك ،،
بس انا خلاص بقيت كويسة ومعاك
-مفيش حاجة هتهديني ، دي مش حاجة عادية
انتي عارفة انتي بالنسبالي اي ومكنتش اقدر اشوفك كدة
-هيبقى احسن لو نسينا الموضوع دة نهائي
-معتقدش بس هحاول
"الباب خبط "
-هروح اشوف مين واجي
"بيفتح مروان الباب وبيتصدم اما بيلاقيها غمزة …
