رواية انكسار انثي
الفصل السابع7
بقلم نوسه حمد
حمزه قال لي امو خليني اجهز واجي اوصلك المستشفى حسيت انو م دايرني اعرف انها جات لينا طوالي رجعت سريري وعملت نفسي نايمه وهو من عوايدو لو م صحيت وعملت ليهو الشاي واتونس معاي ولعب منه بتو نهاي م بفوت الشغل شال مفتاح عربيتو وطلع ولبس ملابسو الكانت ف الشماعه م سالتو نهاي خليتو طلع
منه بتي دايره تبكي فيهو طوالي ضميتا علي وسكتت حمزه ساق امو وطلع
احترت فيهو وف نفس الوقت خوفتا من امو تاكل راسو بس انا م بقدر اتحكم فيهو ولا فيها وبقيت اتحسر علي روحي وحسيت بنفسي كئيبه شديد لانو الدنيا ختتني في موقف صعب علي لو اتجزعت ما ح استفيد حاجه وكمان مستحيل اقبل حمزه اتزوج فيني لاني كنت مجنونه فيهو م بقدر اتخيلو مع غيري وبقيت محتاره في البعملو وامي لو كلمتها ح تقول لي انا م قلت ليك بقيت افتش لي حل وغلبني عديل لقيت لي قروب في الفيس بتاع استشارات قومتا طرحت استشارتي وبقيت متابعه الردود وكلها كانت عباره عن اجدعي ليهو بتو واطلقي م لقيت زول وقف في صف حمزه لانهم هم السبب في الحصل لي والردود عباره عن ردم لي ام حمزه لانها كانت انانيه لي درجه اني خوفتا البوست يصل ليهم طلبت من الادره تمسحو وفعلا مسحوهو بس تعاليقهم كانت معششه في راسي الف تعليق كلهم قريتهم اليوم داك م عملت ولا شي قومتا طلبت لي اكل اكلت بتي ونومتا تاني البيت م نظفتو صحيت بي صوتو م حاولت احسسو اني عرفت امو قال لي مالك ي غاليه قلت ليهو عيانه ومصدعه م قدرت اقوم من السرير وشكلو دا صداع التعويده والادمان قال لي تعويده شنو قلت ليهو م حاسي انو في شي غريب قال لي شي شنو انخلع شكلو مفتكرني اني سمعت امو قلت ليهو م من عوايدك تطلع وم تودعني قال لي معليش ي غاليه م قدرت اصحيك وصحبي اتصل على قال منتظرني عشان كده مشيت قلت ليهو لا لا عادي ودايره اقوم عشان اعمل ليهو الاكل قال لي لا لا خليك مرتاحه انا بطلب لينا اكل ولا اقول ليك ارح ناكل برا قلت ليهو طيب قومتت لبست بتي وصليت وادعيت علي نسيبتي قلت الله انتقم منها لانها هي بالغصب دايره تعرس لي حمزه بحجه الولاده ونست انها كانت السبب انا لو حسيت حمزه داير الولاده م بزعل والله وبخليهو يتزوج
مرت الايام ونحنا كويسين ونسيت موضوع نسيبتي والعرس وبقيت عايشه حياتي لغايه م جاتني امي من الحله وكانت زعلانه قالت لي انا عارفه البحصل ليك شفتو في عيونهم قلت ليها فشنو يمه كدي قولي بسم الله قالت لي راجلك ودا قولت الخير لي بت خالتو قلت ليها شنو قالت لي مفتكرين الكلام م بصلني بس في زول لحمن ودمهن وصلو لي انا غلبني البقولو قلت ليها يمه حمزه ما فات البلد من عرس مدثر قالت لي الا امش قالو امو جات وساقتو السوق اشترو الهديه انتي يا الغبيانه م جايبه لي خبر طوالي سرحتا واتزكرت لمن نسيبتي جات طوالي انا صدقت كلام امي وامي كالعاده اكلت لحمي بالنقه وشغاله توحوح من المغسه والحسره وشغاله لي ي حليل بتي كتلوها ودايرين امشو ورا جنازتا ي حليل بتي اللقطت لي راجل لا مننا لا بنعرفو بدل اسعدا دمرا ودي نهايه عرس الغريب ي حليل بتي البارت الحب والحب قطس حجرا انا طبعا بقيت على اخري اظنها لو م كانت امي كان اديتا كف انا في شنو وهي فشنو م قادره اسمع نويحا علي مفترض تقيف معاي وتوريني نتصرف كيف عرفت امي دي م ح تفكر معاي بي طبيعتا ضعيفه بتستلم للمصايب م بتتصداها بقيت سرحانه قلت ليها كدي النقوم اعمل ليك اكل وشده م تركيزي بقا بعيد اشهد الله شايله بتي بالمقلوب امي قالت لي م بدور لي اكل منك وشيلي بتك دي عديل وانا راجعه البلد راجلك دا م دايره اشوفو في وشي م ركزت معاها خليتا فاتت بقيت حاسه نفسي ح اجن انتظرت حمزه جا واجهتو بالكلام ونفاهو لي قال لي امك كذبو عليها انا اصلا فكره العرس مافي راسي اتصلت علي امي فرحانه عشان ابرر ليها حمزه قالت لي برري لي نفسك انا لا بحبو لا عايشه معاهو عشان افتش ليهو للتبريرات والحقيقه عارفاها بس م تجي تبكي لمن اجيبا ليك في راسك قفلت التلفون قلت امي دي بتنكد علي حياتي ساي
مرت الايام والسنين وبتي دخلت المدرسه وكنت عايشه في احسن حال ونسيت فكره زواج حمزه لغايه م يوم تلفون حمزه اتصل جنبي رقم مسجلو بي احمد م ركزت معاهو شديد بس الرقم مصر اتصل وهو كان ف الحمام فجاه جات رساله فوق مكتوب فيها حبيبي دايره اسمع صوتك قبل م تمشي لنكير ونكير دي شكلها تقصدني انا.🙄
