رواية غدر الزوج
الفصل السابع7
بقلم سهي وليد
صحيت لقيت البيت صاني اكيد طلعو يودو الشيلة بس لو اعرف حا يعرس منو عملت لي اكل خفيف و قعدت اتبظ تلفوني جاء داخل و ريحتو طقت بطني قلبت جريت الحمام رجعت نجوى: ما تتريح بي عطرك الياع دا هنا تاني عمر: ما كنتي بتحبيها الحصل شنو نجوى: كرهت اي شي بخصك تلفونو اتصل شكلها دي العروس كان بسالها الحاجات عجبوها و بتبسم ساي قلبي بتقطع احساس تكوني بتحبي راجل و حا تنجبري تشاركي مع وحدة تانية احساس حاااار والله عمر: مالك وشك دا وارم كدا نجوى:
ما شغلتك عمر: جادي انا و دايما خلقتك مقلوبة انا داير اعرس بالحلال ما خنتك ي بت الناس نجوى: عارف يا ريتني عرست ود عمي يا ريت بس الندم ما كويس حاول خليك بعيد مني لان والله العظيم بقيت اقرف منك صوتك دا ما دايرة اسمعو عمر: حاضر من يوم الليلة انا راحل الشقة الجمبك ما حا اخليك تشوفيني تاني
كلامو دا وجعني اكتر لان لما نتشاكل اصلو ما ببعد عني بكون معاي و براضيني جسمي خدر ما عرفت مالي هل معقول الفي بالي لبست عبايتي طلعت و انا بتدسا زي الحرامي في صيديلة جمبنا اشتريت اختبار حمل و رجعت بي نفس الطريقة دخلت الحمام و انا قلبي بضرب شديد عملت الاختبار طلع ايجابي ما صدقت تاني عملتو و كذا مرة برضو ايجابي فرحت فرح و بقيت انتطت في البيت كله لمن نفسي قام ان شاءلله حال اي وحدة محرومة و قررت ما اكلم زول لان الناس كلها حاسداني يقومو
يضروني ساي كتمت السر جواي و حبسة التسمين بركة الما استخدمتها بتاذي الجنين نمت و انا مبسوطة يخ يوم عرسي ما انبسطت كدا صحيت تاني يوم رتبت بيتي و بخرتو جهزت نفسي و طبعاً وشي ناير لبست عباية بيجية و نزلت لقيتهم كلهم قاعدين سلمت بي ابتسامة كنت طالعة السوق ماشة علي الباب كدا نفيسة: من متين عندنا نسوان بطلعو نجوى: من الليلة تلاجتي فضت و ولدك ما فاضي يشوف احتياجاتي بباي و طلعت خليتهم في صمت مشيت السوق اشتريت فواكه و خدار و لحوم بيضا و حمرا اشتريت لي كم جلباب طويل كريمات ترطيب عروكات رجعت طوالي طلعت بيتي ولا عبرتهم لقيت عمر في وشي عمر: اخر مرة اسمعك تتكلمي مع امي كدا نجوى: ياخي و لمن كانت ماسحة بي كرامتي الارض 3 سنة مالك ما فتحت خشمك من بدري ولا امك براها العندها قلب من اليوم بدي اي زول بالمليان ما عجبك طلقني و يومي من اسي اسود عشان شفت وشك دا حسبي الله ونعم الوكيل و دخلت شقتي غسلت الاكل دخلتو التلاجة