رواية ست الشاي الفصل الثامن8بقلم سهي وليد
اها قاعدة في الشقة و لوني فتح زاتو بقيت قراية شغل بس و كل يوم بلقا هاني شدة ما مقرش لمن شايف انو ما داعي يشتغل و بقا كل يوم هو اصحابو يجوني في محل الشغل للقهوة قالو بتوزن الراس
الووو هاني: كيفك بكرة انا و ناس البيت جاينك و عازمين نفسنا فطور و قفل الخط اجي ي اخواني دا مالو
اها في ليلي داك مشيت السوق جبتا لحمة و روب و حاجات الفطور و نضفت الشقة بالليل نمت علي كدا قمتا من اذان الفجر صليت و خشيت المطبخ عملت تقلية و روب نعيمية و شعرية بي زبيب عملت عصير تبلدي اصلا لما يتخلط و يكون بارد ولا فاضي لي اي عصير و بخرت الشقة اها زمن الفطور جا مشيت غيرت لبست توب هزاز عادي اصلا ماف مناسبة او بالاحرى ما عندي ملابس واو اها الباب دق فتحت و سلمت عليهم ضيفتهم موية بس لان الفطور و كدا حزاركم ي جماعة الخير يجيك ضيف وقت طعام او زمن اكل تقدم لييو عصير و حاجة حلوة الزوق مهم يمة قالت لي كدا قعدت اتونس معاهم احسان: والله ي بتي ما شاء الله بيتك نضيف و ريحتو حلوة غفران: واضح والله بختو البعرسك دا جا مع امو و اختو بس باقي ناس بيتهم برا السودان جهزت صينية الاكل القعاد في الصفرة دا ما شبهنا ولا الزول بلقا راحتو في حياة ما اتعود عليها فالنهاية الاصل السوداني ماف زيو فرشت السجادة و ختيت الصينية ولا اهتميت انهم برجوازين ليه لانو انا ما مجبورة اتغير او اقلد اسلوب ما شبهي غسلو و جو قعدو ام هاني كل ما تشيل لقمة تقول الله عجيب لكن و اختو الما بتاكل عصيدة اليوم داك ضربت لمن قالت بسس و هاني شغال ياكل كتامي بس شايفة جمبت هاني ما فيها ملاح طوالي من غير ما يحسو بي احراج جبتا الكورية و كبيت جمبو و كل ما ينتهي بزيد ليو اصلا دا حاجة عادية بس امو تتبسم ساي فكرت الاهتمام دا شي تاني شكلو خلصنا و جبت العصير مندي كدا و حاجة تفتح النفس تاني ضيفتهم و قعدنا احسان: كتر خيرك ي بتي والله لي زمن طويل ما اكلت اتمليت كدا و بعدين نفسك حلو في الاكل و العصير ي سلاام ما شاء الله ربنا يزيد و يبارك هاني: امي انا داير اعرس اسي دي احسان: اجي ي ولدي ما قلتا حارد العرس و ابيتو عديل هاني: تعرسو لي ولا لا غفران: عندي كم اخ انا طوالي بس وصف لي بيتا هاني: نحن قاعدين في بيتا انا لمن اتشرقت الا جريت الحمام و لما جيت لقيتو جادي خالد: اسمعي ماف طريقة تتهربي انا اصلا جبت اهلي عشان اعرسك و بالنسبة للويان امس اخوك جاء