رواية جراح الحب الفصل التاسع بقلم جني
-انتي بتعملي اية هنا ؟
-يعني اية ؟ انا مراتك على فكرة
-انتي صدقتي نفسك ولا اي .. امشي عشان ملكيش مكان عندي وانا قولتلك اني مش عايزك
-مروان ا…..
جميلة ؛ غمزة ؟ انتي بتعملي اي هنا
-هو اية السؤال الغريب دة !! انا جاية بيتي يا حبيبتي في اية
-بيت مين ؟؟
غمزة : بيتي يا جميلة
مروان : سيبك منها هي مش عارفة هي بتقول اي
-معقول يامروان مقولتلهاش انك اتجوزتني ؟؟
جميلة بصدمة : اتجوزك !
غمزة : ايوا اتجوزني ! والقسيمة اهي انا عارفة انك مش هتصدقني بس معلش
كل حاجة حصلت فجأة
-مروان ! انت .. انت اتجوزتها بجد
مروان : يا جميلة افهمي….
-رد عليا انت اتجوزتها ؟
غمزة : ما ترد
-خدت من سكوتك اجابة…
"بتدخل جميلة اوضتها وبتلم هدومها …
بيدخل وراها مروان ،
-جميلة انتي بتعملي اي ؟
ممكن تردي عليا
مش هتمشي يا جميلة
-اي مش هتمشي دي ؟ انا همشي يامروان
-جميلة عشان خاطري افهميني انتي مش عارفة اي حاجة
-ولو عارفة هتفرق ؟ مش غلطتك ..
صحيح مش انا قولتلك سيبني ؟ انت مترددش ف عشان كدة مش زعلانة منك لا انت ملكش ذنب
-عشان خاطري اسمعيني انتي بجد مش عارفة حاجة خالص
-مروان اوعى من وشي
-انا بقولك انك مش هتمشي !! لازم تفهمي
انا بس متجوزتهاش برغبتي صدقيني
-يعني اعترفت !! برغبتك او مش برغبتك
مش فارقة
اقولك على حاجة .. دة حقك ، يعني انا مش هزعل منك عشان حقك .. بس من حقي انا كمان اعمل اللي عايزاه ومن حقي اني اقول مش هقدر اقعد هنا ثانية وانت ملكش تدخل
-يعني اية!! انا مش هسيبك .. ومش هخليكي تبعدي عني
-خلصت خلاص يامروان .. اوعى بعد اذنك من طريقي
-لأ .. انا مش هبعد ومش هسيبك
بدموع :انتي عارفة اني بحبك وعارفة اني ممكن اعمل اي حاجة الا اني اسيبك
متعمليش فيا كدة عشان خاطري
بزعيق :عايزني اعمل اية .؟ اختارلك بدلة فرحك ولا اصمملك ديكور فرحك ؟
انا اصلا كنت فاكراك بتتكلم بجد
بعياط : افتكرتك بتتكلم بجد لما قولت انك بتحبني وانك مش فارق معاك لو كنت بخلف او لأ
وقولت انك بتحبني !! مكنتش اعرف انك بتاخدني على قد عقلي عشان انا مش هبقى ام
يمكن قررت تقهرني زي ما انا وقفت حياتك صح
-لأ يا جميلة .. لأ عشان خاطري
انا معملتش كدة انا لسا عند كل الكلام دة وبجد انا محبيتش ولا هحب غيرك انتي عارفة كويس
-لأ .. كفاية الكلام دة خلاص تعبت منه
سيبني امشي بقا انا مش هقدر استحمل اقعد هنا ولا اشوف اي حد منكم ثانية حتى
بدموع : متسيبينيش
" بتنزل جميلة وبتركب عربيتها وهو بيروح وراها وبيفضل ماشي وراها
______________________________
-عايز اي يعني يا خالد
-انا بس جيت اشوفك ولله ! وسمعت شوية كلام كدة حصل ف البيت
-صح اللي سمعته صح
-مروان كويس دلوقتي
-لا م كويس !! هيبقى كويس ازاي
انا بجد مش عارفة هما ازاي عملو كدة ف ابنهم
وازاي قبلوها على نفسهم
وازاي اختك دي قابلة تعمل كدة
-وانا كمان بجد انا حاولت كتير افهمهم ان دة غلط ومتعملوش كدة بس ه…..
قاطعتة:اية اية اية ؟ يعني اي الكلام دة
-كلام اي
-يعني اي حاولت افهمهم ميعملوش كدة انت كنت عارف ؟
-ل لأ هعرف منين يا سارة انا بس…
-امال اي الكلام دة ! ؟ انت كنت عارف كل حاجة ياخالد صح
-لا يا سارة
-بجد والله
-استني بس انتي رايحة فين
-ابعد عني
-ياسارة !! انا مكنتش اعرف حاجة
-انت كذاب ! وكنت عارف
-ماشي يا سارة ماشي كنت عارف .. بس انا علاقتي اي بالموضوع ؟ انا معملتش اي حاجة ومليش دعوة
-يعني كنت عارف بجد !انت كنت عارف ومجيتش قولتلي ! محاولتش توقفهم ! ولا حاولت تحذر مروان
انت كنت عارف ان في بنت مسكينة ملهاش اي ذنب ممكن تموت وسكت عادي جداً
قبلت بلعبة هتتعمل على ابن خالتك وقبلت ان بيته هيتخرب بسبب امك واختك وسكت
وكنت عارف انه اخو لللي المفروض بتحبها ف أذى وسكت
انت حتى مجيتش قولتلي !! ونعم الرجولة والله ! حقيقي برافو عليك
-سارة اسمعيني للآخر وافهميني انا
-انت اية ؟ اوعى من وشي
صحيح مانت ابن ناهد هستنى منك اية
-يابنتي والله انا فعلا عايز اكمل معاكي ومليش دعوة بالموضوع دة
-ملكش دعوة اية !! دة ابن خالتك انت متخيل ؟
ياسيدي حد غريب !! برضو !!
واكيد دخلت عليا بصيغة الحب والارف عشان تحاول توقعني ! عايزني احبك
وعايز تكسبني صح
-لأ والله ياسارة انا بحبك فعلا والله
-بس اسكت خالص
اوعى من وشي كتكم الارض كلكم عيلة تقرف انا غلطانة اني اديتك فرصة حتى بعد اللي امك عملته
———————————-
"اول ما هالة بتفتح الباب جميلة بتحضنها وبتعيط
-في اي ياحبيبتي مالك اية الي حصل
انتي اتخانقتي مع مروان
اتخانقتي معاه ؟
-ايوة يا ماما
-طيب ادخلي
-بس انا مش عايزة اتكلم دلوقتي يا ماما
ينفع تسيبيني
-حاضر حاضر مش هنتكلم والله بس اهدي
"بتدخل جميلة الاوضة وبتقفل الباب عليها …
شوية ومروان بيجي
-اية اللي حصل يا مروان ؟
-مفيش حاجة حصلت عادي اتخانقنا زي اي اتنين انا بس عايز اتكلم معاها
-طب اي اللي حصل
-معلش ياطنط !! بس دي حاجة بيني وبينها يعني مش عايزين ندخل حد في الموضوع
-حقك بس انا برضو عايزة اعرف بنتي مالها
-انا عايز اتكلم معاها وافهم
-هي قافلة الباب عليها ومش بتتكلم قالتلي ياماما انا مش عايزة اتكلم
بتيجي جميلة فجأة:مروان ! اللي عندي قولته ومش هتكلم تاني خلصنا خلاص وامشي بقا عشان مش عايزة اشوفك
-طب ارجعي معايا ونتفاهم في بيتنا
-بيتنا ؟؟ هه لا شكراً والله مش عايزة اتفاهم
-يا جميلة عشان خاطري انتي متعرفيش اي حاجة
-صح !! بس كنت وعرفت .. حقك تعمل اللي انت عايزه زي ما انا برضو حقي اطلق وتبقى خلصت
-نعم !!!
هالة : طلاق !! طلاق اي ياجميلة انتي اتجننتي ولا اي ؟
-ماما لو سمحت متدخليش ف الموضوع دة انا خدت القرار ومش هرجع في ولو سمحت يا مروان امشي عشان مش عايزة اشوفك نتقابل اليوم اللي هنطلق في بس
-يبقى مش هنتقابل يا جميلة
بعد اذنك يا طنط هالة
"انت رايح فين يا مروان استني نفهم ونتكلم "
-معلش طالما هي مش عايزة تشوفني لما تهدى نبقا نتكلم
____________________________
غمزة : ياماما اي اللي مش فاهماه؟ بقولك اتخانقو وسمعتهم وهي طلعت مبتخلفش !!
-مبتخلفش !! يعني انا شكي كان في محله
هو انتي بتكلمي كدة ازاي هو مشي
-هي مشيت وهو راح وراها
-يعني سابت البيت
-آيوا سابته
- وانتي سبتيه يا هبلة
-هعمل اي يعني ياماما !! اقفلي ياماما الله يخليكي عشان دماغي وجعتني
—————————————-
-يانهار ابيض بجد !! حتى خالد
-مش عارفة اعمل اي يا جيدا انا تعبت
-هي دي محتاجة عمايل اياكي ترجعيلو او تتكلمي معاه وكويس الكلام اللي اديتيهوله دة
-انا كدة معرفتش اقول حاجة
-جدعة والله !! صحيح مكلمتيش مروان
-لأ والصراحة خايفة اكلمه لو عرف حوار خالد دة هيبهدلني عشان هو من الاول مكانش موافق على الموضوع واتخانق مع خالد
-اتخانق معاه
-ايوا وقاله يبعد عني وانا زي الهبلة محترمتش كلمة اخويا وروحت شوفته
انا حتى مكنتش طايقاه بسبب امه واخته
-باين كلهم كدة وشاربين من بعض
بحمد ربنا ان انتي مروان لسا زي مانتو
-بس يا خسارة على ريم !! بقت منهم
انا نفسي اقعد اضرب فيها لحد ما تفوق
-بصراحة يا سارة هي عاملة زي ناهد
-عارفة يا جيدا !! ودي المصيبة
-انا عايزة ابقا اكلم مروان ..اتطمن على جميلة واشوفه عمل اي ! واضح ان جميلة مش هتسيبه غير اما تعرف في اي
-هي جميلة كدة بتفهمو من نظرة !!
هما بيحبوا بعض اوي !! بس للاسف كل اللي بيحصل دة خايفة يبعدهم عن بعض
-لا ان شاء الله مفيش الكلام دة انا هكلمه
"قبل ما تكلمه بيكون الباب بيخبط ولما سارة بتفتح بيكون هو .."
-مروان ؟ انت سبت جميلة لوحدها وجيت
"بيدخل وبيقعد " لا مسبتهاش هي اللي سابتني
جيدا : يعني اية فهمني
مروان : جميلة عرفت كل حاجة وسابت البيت وعايزة تطلق
سارة : يا نهار !! اي المصايب اللي بتتحدف علينا دي
جيدا : استني بس ياسارة .. طب وهي عرفت منين
مروان :غمزة جت البيت ،وقالت كل حاجة
بصدمة :جت !! هي اي البجاحة دي
مروان : جيدا دي مش مشكلتي دلوقتي !! انا كل همي هو اني ارجعها وافهمها كل حاجة بس هي مش عايزة تسمعني حتى رافضة تماما اعمل اي
سارة : مروان احنا هنروح نتكلم معاها
هي لازم تفهم ان كل دة كان غصب عنك وان مفيش حاجة حصلت بمزاجك
مروان : وهي لو كانت راضية تسمعني كنت جيت
انا مش عارف اعمل اي كل حاجة بتقفل ف وشي
جيدا : مروان !! انا طبعاً عمري ما هقبل اشوفك كدة انت وجميلة خاصةً اني عارفة الحب اللي بجد ما بينكم
مروان : جيدا روحي دلوقتي !! روحيلها دلوقتي عشان خاطري اتكلمي معاها
سارة بتمسك ايده: اهدى يا مروان هنروح
بدموع : روحو دلوقتي ! انتو اكتر اتنين عارفين انا بحبها قد اي ومش عارف اعيش كدة من غير وجودها .. دلوقتي عشان خاطري
"سارة بتحضنه وبينهار ف حضنها "
جيدا : مروان !!اهدى ياحبيبي والله هنروح دلوقتي حالاً .. بس انت متروحش البيت خليك هنا
_____________________________
"بعد وقت بيروحو جيدا وسارة لعند جميلة .."
-ازيك يا طنط هالة .. احنا كنا عايزين جميلة
-طبعا ادخلو .. بس هو في اي ياسارة
جيدا : والله يعني احنا نفسنا مش فاهمية وجايين نفهم اهو
-يعني بجد انتو متعرفوش حاجة
سارة :هنعرف منين .. هندخل نتكلم معاها يمكن تقول
-طيب اتفضلو
……..
……………
-جميلة !!!!
-جيدا !! سارة !! انتو جيتو لية
سارة : عايزين نتكلم معاكي شوية !
جميلة : انا مش عايزة اتكلم في اي حاجة بعد اذنكم
جيدا : مش بمزاجك ياجميلة !! في بيت بيتخرب وصحابو بيعملو كدة ب ايديهم
—لية يا جيدا وانا لللي روحت اتجوزت !
-محدش قال كدة بس انتي عارفة كويس ان كل اللي انتي فيه دة بسبب اهل مروان وانتي بنفسك سمعتي الشخص دة بيكلم ناهد ف الموبايل وعرفتي ان هي اللي عملت كل دة !! مش كنتي عايزة تعرفي مروان ماله ف المستشفى وكنتي مدايقة
مانتي عرفتي اهو!! مروان اتجوزها عشانك وعشان يحكميكي
عمل كدة غصب عنو عشانك .. وانتي سمعتي بودنك اما الدكتور قال ان لو كنا سبيناكي شوية كمان كنتي ممكن تموتي مننا لان انتي اصلا تعبانة
يعني كل اللي عملو دة عشان انتي المفروض تبقي فاهمة دة
-انتي عايزة اي ؟؟ مروان اتجوز عليا .. حتى لو كان عشان يحميني
سارة : جميلة هو انتي بتفكري ازاي بجد ؟؟ انتي عمرك ما قسيتي على مروان وطول عمرك فاهماه
انتي بتستهبلي على فكرة
-خلاص ياجماعة !! مش هو اتجوز سيبوه يعيش حياته مع واحدة غيري ويأسس بيت جديد على الاقل هيعرف يبقى عندو اطفال وحياة بدل ما هو عايش مع واحدة مستحيل تسعده ب دة ومبتخلفش
-مبتخلفش!!!؟؟؟
