رواية غدر الزوج الفصل الثامن8بقلم سهي وليد
اشجان: ما تقوم تعرس فيني زي اخوك بس عمار: هو انا قادر ليك انتي لمن اعرس تاني كفاية النكد العندك اشجان: مسكينة نجوى هههه عمار: والله مسكين البعرس في نجوى دي من يوم ما عرسها عمر ما خصل يوم نكدت عليو انسانة محترمة الزوجية ما زي ناس كدا و المشاكل دورت
مرت الايام و انا من شقتي ما بطلع حنتي طلعت و زبطت نفسي و العجب سمنتا من نصي وجسمي اتملا بس المؤسف اني عايشة فترة حملي براي بدون زوجي والله احرة حاجة بعد الضرة الباب دقا طلعو سلايفي فضلتهم جهزت العصير شكلو جاين لي هدف و انا بظهر اتي مبسوطة رهف: اخبارك شنو وين ما ظاهرة نجوى: ولا شي قاعدة في بيتي الدايني بجيني ولاشنو اشجان: بلعتي شنو يختي اتنفختي كدا نجوى: بسم آلَلَهّ قولي ما شاء آلَلَهّ ي مرة اشجان: ما شاء الله جايبين فيك ضرة و مبسوطة كدا نجوى: من حقو ما بحرق دمي اصلا الراجال كدا الواحد عينو ما بتتملي رهف: بري رجالنا ما كدا الا راجلك بس نجوى: خلو النكد ي جماعة و خلونا في ونسة حلوة اتونسو معاي و كلامهم نصو مطاعنات و جرحوني الصراحة بس ما اهتميت بالموضوع
لي 15 يوم ما شفت عمر حريقة فيو ان شاءلله عمري ما اشوفو جا داخل سلم علي رديت بي مساخة كدا عمر: هاك دي مصاريفك نجوى: ما متحاجة عندي عمر: ليه بتتصرفي كدا دا حقك نجوى: ما عندي حق عليك و يا ريت تطلقني عشان ارتاح من خلقتك دي و ارتاح من بيتك الكله نكد دا ناس نفوسها كعبة كنت متحملة عشانك بس اسي ماف شي بخليني اقعد عمر: في احلامك الطلاق دا جدع القروش في الكنبة و طلع لملمت القروش اصلا مفلسة عيني مارقة بس لازم اتقل عليو المسيخ
جاء يوم حنتو و العرس كان بعد اسبوع و انا دخلت في الشهر ال3 بطني طلعت شوية بس كنت بلبس واسع
عملو الحنة في البيت و اصلو ما كلفت نفسي اطلع احضر لكن تاني اتذكرت كلام ريم قمت لبست توب لحمي سادى مع نصي العجيب دا حاجة رهيبة لبست شبشب واطي فضي و ميكب خفيف اصلا بقيت كيكة بس طلعت و الناس كلها تعاين لي البرنسيسة قصيرة شوية و رجولي حلوات علي الاظافر و المنكير تحفة مشيت قعد براي و باكل في البان بي استفزاز كدا فهمتوني صح 😂 عمتي مكشرة لي اصلو ما اهتميت مشيت جمبو قعدت في الكرسي ختيت ليو حنة اصبع واحد و غمزت ليو نظام كشف من خليتك بقيت قرضة و سلايفي يعاينو لي ساي طول الحفلة الناس بتعاين لي ششكوني في نفسي الحفلة انتهت