رواية انكسار انثي
الفصل التاسع9
بقلم نوسه حمد
امي قالت لي ي بت متاكده البت دي بترسل لي حمزه قلت ليها متاكده يمه وم تشحتفي روحي البت دي منو عرفتيها لانو انا طولت من الناس واهل حمزه قالت لي ناس شنو ي بت البت دي لحمك ودمك قلت ليها لحمي ودمي انا قالت لي اي قلت ليها دي منو يمه قالت لي دي بت عمتك غاده قلت ليها انفال 😳😳😳قالت لي اي ياها زاتا انا طبعا غلبني البقولو امي بقت تسال فيني قالت لي رسلت ليهو متين البت دي قالو جابو ليها شنطتها وعرسها قريب دايره بي راجلك شنو البنات ديل مرضن سجمنا طبعا انا مصدومه م قادره اقول لي امي العريس حمزه قفلت الخط وقفلت شريحتي وكسرتها لانو عارفه امي ح تتصل علي وتكتر الاسئله وبقيت اتحسر علي روحي وحمزه م لقا الا بت عمتي وكيف دا كلو يحصل والبت دي لقتو وين ي ربي خطبتا ليهو امو ولا البت دي وصلت لي حمزه كيف واصلا عمتي دي من زمان متناقشه مع امي وحتي عرسي م جاتو معقوله اكونو م عارفين انو دا زوجي؟ مستحيل في شي غلط اواجه حمزه ولا استفسر بي طريقتي بقيت افكر وغلبني البعملو شغلت الواي فاي ودخلت الفيس كتبت استشاره تاني والتعاليق كلها كانت تصلي لي بت عمتك قبل م تواجهي راجلك وفي البقول لي معقوله بت عمتك انتي كذابه وليهم حق لانو كلام م بدخل العقل وكلهم قعدو انبزو في حمزه وكلامهم صااح قفلت التلفون منه جات قالت لي امي انا جيت الاولي وح ابقا دكتوره انا كان بالي بعيد م ركزت معاها لدرجه انو حسيتا انكسرت عشان انا كنت بحلم بي يوم نجاحا بس يوم نجاحا يوم شوم على قومتا قلت ليها مبروك حبيبتي وقعدت ابكي قالت لي مالك يمه
بتبكي قلت ليها دموع الفرح بي نجاحك وانا همي كان اكبر وقلبي مقطوع بت عمتي تطعني ف ضهري كان تخت مشاكلنا في جهه وم تشلب راجلي بس زي م قالت امي البنات ديل جننن انتظرت حمزه جا بفارغ الصبر عملت ليهو الغداء واديتو ليهو وم اكلت قال لي مالك قلت ليهو م عندي نفس م حنسني قعد اكل وبعد شويه جاب لي منه وجا قال لي ليه م كلمتيني بنتيجه منه وكان ضاميها عليهو قال لي بالمناسبه دي عازمكم عشا برا الليله عشان انا مسافر السعوديه شلتها منو بالقوه قلت ليهو لمن تفضا لينا انا ومنه بكلمك وسعوديه شنو المسافر ليها قال لي عندي شغل هناك قلت ليهو عندك شغل ولا ماشي جزر المالديف حمزه انخلع من كلامي قال لي قلتي شنو قلت ليهو السمعتو ودايره اطلع قال لي انتي بتفتشي وراي قصتك شنو يا نوسه قلت ليهو نوسه ولا نكير قال لي لا لا انتي بتتجسسي علي ودي م اخلاق بت ناس وماف مرا بتفتش ورا راجلها قلت ليهو كل العرفت ترد بيهو دي م اخلاق بت ناس صاح؟؟ وانت دي اخلاق ود ناس ي حمزه تعرس فيني بت عمتي كمان قال لي اعرس الدايرها دي م شغلتك بقيت مصدومه فيهو قلت ليهو ياخ انت كنت مكلف نفسك شديد اهتمام وغيرو وغيرو واصلا انت م طايقني وبتحب فيني بت عمتي وكمان داير تعرسها م راعيت لي ولا لي مشاعري ياخ كان تعرس بت خالتك والله م كان زعلت ولو زعلت بزعل يومين وبرجع لكن بت عمتي وكمان بت عمتي المخاصمانا بالزمن داير عمتي تشمت فينا قال لي انا بت خالتي م بعرسها وقت داير اعرس م بعرس لي واحده اشنا منك لازم تكون احلي منك قلت ليهو كمان نفسك فاتحه ياخ انا ادعي عليك ولا اعمل شنو قال لي اعملي الدايراهو وم تبقي انانيه ي نوسه انا داير لي ولد اشيل اسمي وانا اتزكرت انو هو السبب في شيل رحمي قلت ليهو دعوه مظلوم ي حمزه ان شاء الله م تضوق الجنا لمن تموت نسيت انك كنت سبب في دماري وحطمتني وجاي تقول لي م تبقي انانيه الاناني فينا منو والله اسامحك مشيت منو وقلبي كان مقطوع م قادره اعاين ف وشو كرهتو موووت حفظت رقم بت عمتي ورسلت ليها قلت ليها ان شاء الله م تتهني بيهو وكان تراعي لصله الرحم البينا كان تنتظري اطلقني ولا اموت وتعرسيهو بس انا ف عصمتو معقوله ي بت عمتي وحسبي الله ونعم الوكيل وحظرتها ونومتا دمعتي في عيني صحيت بصوت حمزه وكان زهجان قال لي نوسه م عندك شغله في مرتي اوعك ترسلي ليها وانتي هدي عايشه ناقصك شنو قلت ليهو مر فقعك انت وهي وانت مفتكر الحياة ماديات انا ناقصني كتير اول شي الصدق وانت انسان كذاب ومنافق وهو كان متوتر م تابعت كلامي اداني كف لمن منه بتي صحت وبقت تبكي بكا وهو م اشتغل بيها شال مفتاح عربيتو وشال شنطتو وفات انا الخوف داير يكتلني وهو شكلو مشا البلد انتظرت الصباح صبح وفتحت دولابو لقيت لي شريحه دخلتها واتصلت على مرت مدثر سألتها منو ابت تتكلم بالحقيقه شكلها خايفه من امو قلت ليها انا عارفه العاوز اعرسها بس انا دايره اسالك هو ف البلد قالت لي اي جا بليل وامو قالت ليهو الليله نحننك وانا ومدثر الكلام دا من الاول م عاجبنا وانتي عارفه امو سكتتنا قلت ليها ايوااا لا لا كده تمام عرسو خليهو لكن انا اجدعني في بلد الله ورقبتي م خايف ع بتو لا لا حمزه اتغير وسمع كلام امو وانا م بجيب سيرتك
وحمزه بعرف اتصرف معاهو كيف قالت لي امو من الصباح عزمت الناس وقالت ح تحننو بعد الفطور قلت ليها حسبي الله ونعم الوكيل قفلت الخط واكل م اكلت ولا اتسوكتا انتظرت منه جات من المدرسه وجابت لي هديه وفرحانه قلت ليها دي الاداك ليها منو قالت لي الاستاذه ادتني ليها قالت لي اديها لي امك عشان انا جيت الأولى ف الامتحان الشهري وانا قلبي مقطوع غلبني افرح وغلبني ازعل سكت منها ومسكت تلفوني رسلت لي حمزه رسايل كتيره وم استلمها ولبست عبايتي ومعاها نقاب وقلت لي بتي انا ماشه اجيب ليك حاجه سمحه عشاني انتي جيتي الاولي وعامله ليك مفاجأه وشيلي التلفون دا اتصلي ع ابوك قولي ليهَو ماما قالت ليك افتح الواتس وانا بجي راجعه تمام اتصلت ليها وطلعت وكنت كاتبه ليهو ف الواتس كلام كتير واخر رساله قلت ليهو انا ح اخلي ليك بتك تعال ليها وبقيت قاعده في الشارع منتظراهو اجي واطمئن علي بتي انو جاها حتي افوت وكنت محزراها م تطلع نهاي وبقيت قاعده في الشارع والناس بنقاب م بعرفوني ومن بعيد مراغبه البيت وفجاه شفت حمزه ومعاهو امو جو وفعلا كان محنن وحنتتو جديده انتظرتهم دخلو واطمئنين علي بتي ومشيت.
