رواية ست الشاي
الفصل التاسع9بقلم سهي وليد
اخوك جا بفتشك في الحلة و قال ندمان علي العملو المهم ما وصفت ليو مكان سكنك للنو خايف يكون لسه في حقد مشا و تاني جاء المسا و من وشو عرفتو ما كذاب المهم فتحت ليو موضوع الزواج و قال لو انتي موافقة هو بجي يحضر و تتعافو مياس: بس انا ما من مستواك وغير كدا نظرة الناس لي حسب اني شغالة شاي احسان: ي بتي والله انك جوهرة صعب نفوتها و مستوى شنو نحن محتاجين قمر زيك يضوي لينا بيتنا غفران: و الظروف جبرتك تشتغلي و مالو لو ست شاي احلا ست شاي هاني: اهااا ايه رايك مياس: ما عارفة اقول شنو بس الفيها خير ربنا يتمها و علي كدا قعدنا للجبنة و هاني عيونو قلوب قلوب 😍 فهمتوني صح 😂 المساء كدا طلعو ناس امو اتقدمو و هو واقف جمب الباب هاني: بس لسه انتي مديونة لي بي مبلغ هايل و حا اطلعو من جوا عيونك مياس: ههههه ولا يهمك هينة دي هاني: بس لسه ما وريتك حا اطلعو كيف مسك يدي لبسني خاتم هاني: طول ما انتي لابسة الخاتم دا انا ما عايز شي و عشان ما تحسي انك وحيدة ناس امي حا يجو يقعدو معاك لي زمن العرس و امي حنينة شديد يعني عشان تحسي انك وسط اهلك و مدام انتي وافقتي انا بحدد موعد الزواج مع محمد و علي بركة الله يلا سلام و طلع لي اول مرة في حياتي احس انو في ول براعي لي شعوري و بقدرني احساس حلوو.اخوي محمد اتصل لي و اتعافينا بس ميار لسه ما بادرت بي شي لانو البنات حساسات اتصلت ليها اني وااتكلمنا قريب ساعة و بقت تبكي في التلفون و اتعافينا برضو وقالت حا تجي تقعد معاي فترة العرس دايما الخير بمحي الشر
هاني: والله السوق دا متعب انتو ليه البنات بتحبو الملابس و الحاجات الكتيرة دي يخ رجولي ورمت غفران: لانو نحن بنات زي ما قلت ارح بعد دا ماف شي ناقص ولو في تاني نجي نتمو هاني: شيلة فيها السوق كله و تقولي ناقص لو ناقص شي تجي انتي و ميار انا ما بقدر والله
ميار: اسي دا جسم بت مياس: لا لا ولد شايفة شنو انتي ميار: اسكتي عليك الله انتي مفروض ما تتكلمني شعر قدر دا في راجل ما لاقني و ما ضروري تشيلي شعرك الا لي عرسك ممكن و انت ما متزوجة تشيلي لانو منظر شين
اهاا خلصنا بعد تعب و ميار تشيل و تردم فيني
لانو ميار قاعدة معاي اهل هاني ما جوني الا مرات بس لو جابو شي المسا كدا جابو الشيلة بي دلوكة و بيت هاني ما بعيد مني دخلو الحاجات و جايب حاجات كتيرة شيلة 12في 12 دا غير حاجات الحبس ميار: احم بختك ي بت امي..