رواية جراح الحب
الفصل العاشر
بقلم جني
-مبتخلفيش ؟؟ يعني اية مبتخلفيش ازاي
-مش بخلف يا جيدا زي اي حد مش بيخلف عشان كدة قولت ان مروان يعيش بقا وبما انو اتجوز ف دي فرصة كويسة جدا
سارة - هو اي اللي انتي بتقوليه دة انتي اتجننتي
بصي بقا يا جميلة كلنا عارفين ان مش السبب لسيبانك البيت وانك عايزة تطلقي هو ان مروان اتجوز…
-انتي بتقولي اية ياسارة ؟ يعني اي مش سبب !! انتي لية متخيلة اني اقدر اشوف جوزي اللي هو جوزي مع واحدة غيري ومراته كمان
انتو اية شايفين ان الموضوع عادي بس عشان هو عمل كدة غصب عنه او عشان يحميني
بس حتى لو انتو مش عارفين الاحساس دة وعمركو ما جربتوه !!
جيدا : بصي يا جميلة ! اة مش حاسين بيكي
واة مش عارفين شعورك بس بنقولك ان لو اديني فرصة للبت دي تاخد مروان هتعملها
غير انها عملتها اصلا انتي لازم ترجعي
سارة : اعتبري انك بتاسعدينا نخلص منها
جميلة : انتو مش جايين عشان انتو جايين عشان مروان ودي معروفة !! بس انا مش هقدر
جيدا : جميلة !! انا لسا جاية من كام يوم وبجد حبيتك وحاسة بيكي تخيلي سارة بقا اللي معاكي من سنين !! دة غير ان بجد مروان عايزك
واحنا جايين عشانك انتي وهو والله العظيم وبنحبكم
سارة : احنا مش عايزينكو تسييبو بعض عشان عارفين مدى حبكم لبعض ومش عايزنكم تخسرو الحب دة
جميلة : معلش يا جماعة !! انا مش هقدر اعمل كدة ومش هقدر ارجع انا خلصت كلامي وقولتو قبل كدة ل مروان قبل ما اقولو ليكو قولولو اني مستنية الطلاق يقرر ويقولي
ولو سمحت محدش يفتح معايا الموضوع دة نهائي
سارة : براحتك يا جميلة !! اللي انتي عايزة تعمليه اعمليه ! بس انا عايزة اقولك حاجة اخيرة
انتي لو فاكرة يا حبيبتي ان مروان مش هيحبها وهيفضل عايش على ذكراكي تبقي عبيطة
عشان الست اما بتبقى عايزة توقع حد بتوقعه
جيدا : ملهوش لازمة الكلام دة يا سارة !! احنا مش جايين عشان كدة احنا كل هدفنا كان عشانكم وعشان متخسروش بعض
براحتك يا جميلة ومش هنتكلم معاكي ف الموضوع دة تاني والطلاق متشيليش همه هتطلقي متقلقيش
يلا ياسارة
"ومشيو سارة وجيدا مع محاولات هالة انها تفهم اية الوضع لكن محدش اتكلم بحاجة
في العربية …"
-جيدا هو الكلام اللي قولتيه دة بجد وطلاق ومش طلاق
-سارة !! انا قولت كدة عشان اشوف ردة فعلها وعشان اعرفها انها ترجع لوعيها
هي براحتها بقا
-انا مش مصدقة ان هي بجد مبتخلفش !! ومروان محكلناش اي حاجة
-مروان يا سارة متربي ! مروان احسن حد ممكن اكون شوفته ف حياتي ! هو محكاش عشان دي فعلا حاجة متخصش اي حد مهما كان
وهو أحترم مراته ومكنش عايز يحسسها بزعل
بس كل الي حصل دة خلاها حست انو كان بيقول اي حاجة وخلاص مع اني عارفة ان مروان عمرو ما هيقول كدة وخلاص
-وهنعمل اي دلوقتي يا جيدا …
انا مش عارفة ازاي نصلح كل دة انا مش قادرة اشوف مروان بالشكل دة
-مش عارفة ياسارة بس اهم حاجة نحاول نحل مشكلة الزفتا غمزة دي لو حلناها جميلة هترجع
-ولو متحلتش
-لازم نقنع جميلة ب اي شكل من الاشكال ترجع والا كل حاجة هتخرج عن السيطرة
-بس دي عنيدة اوي يا جيدا
-انا دماغي هتنفجر من التفكير !! انا حتى مش عارفة هنقول اي ل مروان !!!
__—————————
نبيلة : اي الكلام اللي بتقوليه دة يا ناهد
-زي ما بقولك كدة دي غمزة سمعتهم بودنها
دة غير ان الهانم سابت البيت ومشيت راحت عند امها قال وعايزة تطلق
ريم :الحمدلله ويارب نخلص منها بقا عشان نروق لمروان بقا
نبيلة :بس !! يعني ازاي ! طب هي احساسها اي
ناهد :بقولك اي يا حنينة !! لو هتقعدي تقولي احساسها ومش احساسها انا هنفجر فيكي
اسكتي ياحبيبتي كدة واهدي وقولي انا هديت
ريم :طب يا خالتو هو مروان دلوقت مش في البيت
-بيحاول يرجع المدام
-يوه برضو انا زهقت بجد اي دة
-بكرة تشوفي ان ما وقع ف غمزة كدة وقال مقدرش اعيش من غيرها مبقاش انا
__________________
-يعني مرضيتش تيجي ؟؟
-ايوة
-طب هي لسا مصممة على الطلاق
-خلاص بقا يامروان
-بس انا مش هطلقها يا سارة !!!
-متطلقهاش يامروان !! متطلقهاش بس حاول معاها متسيبهاش كدة
جيدا :مروان !! فكر هتعمل اي انت لو طلقت غمزة هتضيع بسبب الورق دة !!
-مش فارق معايا لو هبقى مع جميلة
سارة :مش كدة برضو يامروان
-كدة ياسارة واكتر وممكن اخسر الدنيا عشانها مش فارق معايا انا بحبها ولسا عند وعدي ليها اني مش هسيبها مهما حصل خليها اقول اللي تقوله
-يمكن يكونو عملو كدة عشان عارفين ان جميلة مش بتخلف ؟
-محدش يعرف الموضوع دة غيرنا
ودلوقت ممكن تكون غمزة سمعتنا واحنا بتتخانق وعرفت وحكتلهم يعني اكيد دلوقتي كلهم عارفين
-منهم لله كلهم
—————————————————————
-كل دة حصل يا جميلة وانا اخر من يعلم
-انتي كمان هتضغطي عليا ياماما
-اضغط ؟هو حقي عليكي بقا ضغط ؟ انا المفروض ابقا عارفة كل دة
-ماما انتي الوحيدة اللي عارفة ان حياتي انا ومروان كتاب خاص بينا احنا ومحدش كان يعرف حاجة عننا
انا دلوقتي مقولتلكيش عشان مزعلكيش بس انا مش قادرة ياماما
انا عارفة اني خسرت كل حاجة بس انا لسا بحبه برغم كل حاجة
انتي الوحيدة اللي عارفة انا بحبه قد اي من ايام الخطوبة ومن قبل ما نتجوز وانتي عارفة لما كنت بحكيلك
انا مقهورة بجوازته دي وزعلانة وهموت!! عارفة انو غلطان بس بقول ف نفسي انو مش غلطان وان خلاص لازم طالما بعدنا عن بعض منرجعش عشان حياته هو اهم بالنسبالي
-انتي اعترفتي انك بتحبيه وانو مش غلطان !! حرام عليكي تعيشين ف وهم انو غلطان عشان حماكي
-لا انا زعلانة من دي
-انتي بنتي وانا عارفاكي !! بصي يا جميلة زمان اما كنت اتخانق مع ابوكي كان الطلاق دة على لساني لاتفه الاسباب
بس المرة الوحيدة اللي اتخانقنا خناقة بجد وكانت جامدة اوي وابوكي ساعتها غلط عشاني انا مقولتش اتطلق ولا اي حاجة ووقفت جمبو
عشان كدة انا عارفة ان مش هو دة السبب لرغبتك في الطلاق
-ماما !! انا قولت كل حاجة ولو حد جي هنا تاني تقولي اني هتطلق ودة اللي عندي ..!
-انتي اية ؟ عايزة تضيعي وتضيعي كل حاجة
-انا عايزة اضيع متدخليش بقا يا ماما وسيبيني في حالي
-اهربي يا جميلة كمان بس هتندمي وحياة امك هتندمي
..—————————————-
"بليل مروان كان في طريقه لبيته
وأول ما راح البيت كانت غمزة ف وشه !!
-انت جيت ؟؟ انا مستنياك بقالي كتير لدرجة اني فقدت الامل انك تيجي
-جيت اة !! وهاخد حاجتي دلوقتي حالاً وهمشي من وشك
-انت رايح فين هتمشي من بيتك !!
-قصدك بيتِك !! او بيتي اللي انتي وامك وخالتك خربتوه ودمرتوه !!انا مش فاهم انتو عايزين مننا اي
مستكترين علينا اننا نعيش حياة هادية وسعيدة لية
وبتكرهو جميلة لية !
-بنكرهها عشان بعدتك عننا ووقفت حياتك وخلتك حتى انك تكون اب عجزتك عن دة !!
بنكرهها عشان هي سبب تغيرك مع الكل حتى امك حتى اختك
فوق بقا يا مروان متبصش لواحدة انانية بص للي حواليك !!
انا بحبك يامروان
ولو وافقت على كل دة ف انا وافقت عشان ابقا معاك عشان بحبك من زمان وهي اللي خدتك مني
-اي الكلام اللي بتقوليه دة!! انتي اتجننتي
جميلة دي انضف منكو كلكم متتقارنش بيكم اصلاً
انتي فاكرة نفسك مين !!
وفاكرة اني هبصلك واسيب مراتي !!!
انا مش عايز اتكلم ولا اتصرف عشان عمري ما اتهورت على واحدة ست ف متخلينيش اتجنن عليكي
اوعي من وشي
-خليك معمي عن الدنيا بسببها !! انت مش شايفني انا بحبك
-بقولك امشي من وشي بدل ما اخبطك ب حاجة ف دماغك ،بتحبيني ؟ وانا بكرهك من كل قلبي
بكرهك والله العظيم انتي وماما واختك وريم
وعمري ما هسامحكم لو مهما يحصل …
_______________________
سارة ماشية في الشارع ..وفجأة بتقابل حازم
-سارة ؟ انتي بتعملي اي ف الوقت دة لوحدك ف الشارع
-وانت مالك ؟
-في اية بس بتتكلمي معايا كدة لية انتي زعلانة مني
-كلكو نسخة واحدة !! مش هثق فيكو عمري
-انا مش فاهم حاجة ولا فاهم بتتكلمي عن اية والله يعني نسخة واحدة واي الكلام دة
-مش فاهم ؟؟ مش فاهم ان الست الوالدة واختها وبنتها وبنت اختها واخوك كمان اشتركو مع بعض ف انهم يأذو اخويا ويطلقوه من مراته وياخده منه كل حاجة معاه
-نعم ؟؟؟ اي اللي بتقوليه دة يا سارة ماما مستحيل تعمل كدة انتي فاهمة غلط اكيد
-هو اي اللي فاهماه غلط انا شايفة بعيني وكل دة حصل قدامي !! واخوك الحقير فاكر انو اما يضحك عليا ويقولي بحبك انا كدة هصفاله وقال معملتش حاجة
-خالد !!!انتي جبتي الكلام دة منين ياسارة ؟
-انتي اعمل نفسك مش عارف حاجة لية
-سارة انا كنت مسافر ولسا راجع !! انا حتى كنت هنا عند واحد صاحبي وراكن العربية هناك رايح امشي لسا كنت هروحلهم لقيتك ف وشي وانا والله ما اعرفش حاجة …
-طبعا ً اكيد مقالولكش
-والله العظيم ان هما عمرهم ما بيحكولي حاجة عشان مبسكتلهمش ولو على خالد ف انا بدل المرة الف فضلت اقولهم بلاش وخالد مينفعش سارة لما عرفت انك موافقة مقدرتش اتكلم
وساعتها هما كانو عاملين حاجة ومش عايزين يتكلمو قدامي انا قولت عادي يمكن هو دة الموضوع بس تقريبا طلعت مش فاهم حاجة خالص
-ولا هتفهم عامةً انا مش مستنية منك حاجة عشان ف الاول وف الاخر انت زيهم
-انتي لو كنتي تعرفيني بجد عمرك ما كنتي هتقولي كدة عشان انا سبب سفري الدايم واني بأجل كل شغلي عشان اخليه برة واسافر هو اني ابعد عنهم وعن مشاكلهم
بس والله العظيم انا مكنتش اعرف اي حاجة
-ولا تعرف !! هتفرق اية
-ممكن اوصلك مكان ما انتي عايزة لو سمحتي
-انت فاكرني هثق فيك ؟؟ امشي شوف انت رايح فين دة مستحيل انا ماشية
-سارة الوقت متأخر .. وانتي بنت .. لوحدك .. دة غير اني مش غريب
-انا بعتبر العيلة دي كلها غريبة عني اصلاً
-اعتبريني غريب احسن ما اكون منهم
تعالي هوصلك انا كدة كدة رايح هناك
-انا اصلا مش رايحة حباً فيهم .. انا رايحة اشوف الوضع وهرجع تاني عند جيدا
-جيدا !!! جيدا رجعت ؟
-ايوا رجعت وبعدين دي حاجة متخصكش
-ليكي حق متثقيش فيا وكمان متبقيش عايزة تمشي معايا بس اديني فرصة ولو عايزاني اكلم مروان افهمه معنديش مشكلة عشان انا عارف انك مش بتحبي تعملي حاجة من غير ما تقوليله
قولتي لية ؟؟؟
____________________________
بليل … فنص الليل كمان
راح مروان للمرة التانية لجميلة وكان عندو امل
ومن حسن حظه ان هي اللي فتحت الباب
واول ما شافها بصلها بأسف وعيون مليانة دموع
-طب ينفع نتكلم للمرة الاخيرة !!! انا كنت واعدك مش هتكلم تاني ومش هاجي بس مش قادر
اسمعيني عشان اعرف افهمك واشرحلك كل اللي انتي مش فاهماه
-انا قولتلك قبل كدة اني مش عايز…..
"قبل ما تكمل كلامها كان حضنها بقوته ولسا بعيونه الحزينة ..
-وحشتيني اوي
"هي مكانتش عارفة تعمل اي .. بس كانت محتاجة الحُضن دة .. ومن غير ما نحس ونسيت كل غضبها وزعلها اللي كانت متصنعاه وبادلته الحُضن
وهي كمان عيونها كانت مليانة دموع
-وانت كمان وحشتني !!!
"وبعدت عنه وبصلها : انتي عارفة انا بحبك قد اي
عُمري ما عملت كدة بمزاجي انا مقدرش اجي عليكي اقفي جمبي وخليكي معايا وساعديني
انا ضعيف اوي من غيرك
انا هطلقها وحتى مش فارق معايا اخسر الدنيا علشانك …مش عايز حاجة غيرك
هما خلوني من غير ما احس امضي اني لو سبتها يبقا خسرت كل حاجة بملكها
بس والله مش فارق معايا
انا كل همي انتي !! انا مش عارف اعيش من غيرك
انتي بتبقي حاسة بيا دايماً معقولة دلوقتي مش حاسة بيا
تنهدت :مروان شكلك مش عايز تكون سعيد
-انتي سعادتي ، انا هعيش من غيرك ازاي
بعياط :انا تايهة ومش عارفة اعمل اي
انا مش قادرة ابص فوشك عشان مش قادرة اتخيلك مع واحدة غيري يا مروان !!
عايزني اهدى ازاي طيب ،، انا حتى .. انا قولت خلاص حتى هتقدر تعيش
بقا سيبني وكون معاها حياه وحبها و.. وجيب منها اطفال وانا والله مش هزعل
-انا مش عارف انتي ازاي لسا بتتكلمي كدة
-مش عايزاك تعاني ومش عايزاك تتوجع
-دة وجعك ! انتي اللي بتعاني وانتي اللي موجوعة
انا مش هسيبك حتى لو اية يا جميلة
انتي عارفة ان اللي ف دماغه هعمله وهخسر الدنيا وهسيب كل حاجة عشانِك عشان بحِبك ومش شايف غيرك ولا حبيت ولا هعرف احب غيرك وسبق وقولت اني مش فارق معايا اطفال ولا اي حاجة غيرك .. واول ما ربنا يأذن هيبقى عندنا وحتى لو ما ارادش انا راضي وحابك كدة
بعياط : انا مش قوية .. مش هقدر استحمل كل دة
"حضنها مروان للمرة التانية والمرادي هي اللي انهارت ف حضنه وهو اتأثر بعياطها وبزعلها ودمع على عياطها وشهقاتها
وهي خبت وشها في حضنه وهو ضمها ليه وهو بيطبطب عليها وبيمشي ايديه على شعرها ….
قالها بحب وهمس وهو بيطمنها :
-انا مش هسيبك ! مهما حصل .. مش هسيبك !!
" بعد ما هديت شوية بعدت عنه وقالتله :
سيبني لوحدي دلوقتي مش قادرة اتكلم
-انا عايزك ترجعي معايا
-انا مش عايزة اتكلم ولا اعمل اي حاجة !!! عايزاك تسيبني لوحدي دلوقتي
-بس… طيب هسيبك … النهاردة بس عشان عارف انك تعبانة ،
تصبحي على خير ولو عوزتي حاجة كلميني ،، انا موجود ولسا معاكي
-امشي عشان محدش يصحى
-جميلة انا جوزك !!! انا جوزك لو نسيتي
سلام
____________________________________
"بيخبطوا على الباب وبتفتح ريم
اللي اول ما بتشوف سارة بتبصلها بتوعد وكره
بتدخل سارة ومبتهتمش
بتدخل ووراها حازم بس هي اتجاها لأوضتها ووقفتها ناهد
-على فين ان شاء الله .. وحازم كمان ! انت جيت معاها ازاي
-انا بس قابلتها في الشارع ووصلتها
-جبتها لية ؟ ملهاش مكان هنا
سارة : دة بيتي واللي ملهوش مكان هو انتي
-لأ يا حبيبتي مش بيتك ومش هتدخلي
نبيلة : كنتي فين يا سارة اليومين دول
سارة : وفارق معاكي اوي كدة ؟ طيب ! كنت مع مروان اللي انتي دمرتيه عايزة اي تاني
ناهد : اما تتكلمي تتكلمي عدل
سارة :انتي مين عشان تقوليلي اتكلم ازاي
ناهد :متقليش ادبك عشان موريكيش الوش التاني
سارة : ماشاء الله هو لسا في وش تالت !! دة انتي بوشوش بقا
حازم : سارة ! خلاص
سارة : انت متدخلش انت هما مغفلينك وبيضحكوا عليك
بيظهر خالد فجأة : متعليش صوتك واسكتي احسنلك
سارة : وكدة بقيت العصابة كملت !! اي كنت بتفتش ف اوضتي
خالد : كدة كدة هتجوزك ياسارة طالما مش نافع معاكي لا كلام ولا زوق
سارة : كدة كدة !! لا بجد
نبيلة : لو اتكلمتي تاني يا سارة انتي حرة .. وساعتها هنسى انك بنتي
سارة : تنسي اي انتي ناسية اصلا
الست دي هي اللي زرعت فيكو كل دة وانتو كبرتوه
انا مش عارفة انتو ازاي كدة وازاي كل دة فقلبكو
خالد : تتكلمي كويس معاهم ياسارة
سارة : انت مالك
خالد : انا خطيبك وهبقا جوزك ان شاء الله
سارة : خطيب مين انت صدقت نفسك ولا اي يا حبيبي !! وانا يوم ما اتجوز اتجوز واحد بيتحامى ف امه وخالته وكداب
خالد : احترمي نفسي ..
" بيسمكها حازم وبيبعدها عنهم …
-قولتلك خلاص
خالد : انت مالك بيها يا حازم ؟؟ سيبها متخصكش دي وابعد عنها
حازم : انا مش هرد عليك ها .. وانتي ياسارة اسكتي وخلاص يلا
ناهد : انت مالك في اي يلا !!! هي اثرت عليك ولا اي
ملكيش قاعدة هنا
سارة : دة بيت ابويا انتي مالك انتي متدخليش
نبيلة : انتي يابت اتكلمي كويس
سارة : اوعي
" قبل ما تتحرك بتكون نبيلة قدامها وتضربها ب القلم بس….
