رواية عروسة الخرطوم
الفصل العاشر10
بقلم سجي المدني
ملك أخدت نفس طويل وقالت وعلى م اعتقد انا برضو سألتك انت منو!!
رضوي:انا مرت شهاب!!
ملك قامت على حيلها وقالت مرت شهاب؟؟؟؟؟! كيف يعني مرت شهاب ! شهاب عندو زوجه واحده وهي ولاء!
_وانت منو! عشان تعرفي كل دا
-انا بت عم شهاب!
_اها فهمت! يعني ي ملك شهاب م وراكم إنو اتزوج وجاب المره التانيه!
ملك قبلت على شهاب وقالت ليه شهاب دي بتقول في شنو دي
شهاب م عرف يقول شنو وقال لي رضوي أمشي الغرفه!
رضوي رفعت حواجبها وقالت ليه أمشي!؟؟؟ خليها تعرف إني مرتك ي شهاب!!!. وبعدين يعني عاجبك نعيش علاقه سريه كده!؟؟ المهم ي ملك ي حلوه انا مرتو لشهاب وأسمي رضوي.... رضوي مسكتها من حنكها براحه وقالت أمشي كلمي ناس بيتكم كلهم وبالأخص جدكم!
ومشت الغرفه! ملك عاينت لي شهاب وقالت شهاب عرست؟!!!
شهاب م رد
ملك : يعني افهم من سكوتك دا إنك عرست!! معقوله عرست ي شهاب بدون م تورينا! طيب خلينا نحن ولاء ولاء معقوله م ختيت ليها قيمه ولا انت رضيانه ي ولاء!
انا:هو لمن قال عايز يتزوج وراني!! يعني!
قبلت عليه تاني وقالت م إتخيلتك كدا ي شهاب معقوله تعرس... وتعرس في مرتك الياداب ليها شهر معاك انت عارف لو جدو عرف م ح يحصل خير!
شهاب:ملك خليني افهمك!
_تفهمني شنو يعني! م ياهو ااي شئ ظاهر! بعدين انا زعلت.. طيب ولاء كان إحساسها شنو لمن عرفت انا متأكده إنها كانت مجروحه منك جدا!
شالت شنطتها وادتني بوستين في جضومي وقالت لي كان نفسي اقعد بس حسيت نفسي اتخنقت!
طلعت وطوالي شهاب مشى وراها!!
"شهاب وملك"
_ملك استني ياخ!
=في شنو!!
مشى عليها وقال ملك م توري جدو!
_ليه!
=ملك م تدمريني ياخ! جدو اكيد لو عرف ح يجبرني أطلق رضوي زي م جبرني إني اعرس ولاء!
_مجبور على ولاء؟؟!!!!
=ملك انا اصلا م بحب ولاء وجدو أصر على إني اعرسها! انت وريني لو كنت مجبوره على زول ح تعيشي معاه عادي!!
سكوت من قبل ملك!!
=ملك رضوي دي بالنسبه لي أغلى حاجه عندي بعد امي م بقدر ابعد عنها! أو اخليها تشوفني وانا متزوج واحده غيرها! إحساس انك بتحب زوله وانت متزوج زوله مجبوره عليها! دا إحساس صعب شديد ي ملك! ملك انا لمن القى الوقت المناسب بكلم جدو بس انت م تكلميه!
_شهاب!
=ملك!!
_كويس طيب كويس!
قالت كلامها ومشت شهاب جرا نفس طويل ودخل البيت!!
________
ولاء:-
كنت مبسوطه إنو ملك عرفت! بس م عارفه ليه عندي إحساس إنها م ح توري جدو! ودي الشئ الأنا كنت عايزه م عارفه ليه كنت زعلانه علي شهاب الوقت داك!كنت بس عايزه إنو هو م يزعل ويكون مبسوط!
بعد تفكير قمت شلت العده وغسلتها ومشيت غرفتي!!
بعد شويه جا خاشي شهاب قال كنت عارف نيتك وانك عايزه ملك تعرف وتوري ناس جدو! بس المره دي الحظ وقف معاي! وقدرت احسم الموضوع! المره دي م ظطبت معاك ولو حاولتي برضو م ح تظبط معاك!لأنو أنا نيتي م زي نيتك
قال كلامو وطلع! انقهرت شديد إنو هو مفكر فيني كده ايوه انا كنت عايز جدو يعرف عشان يحسم الفراغه دي بس تاني ندمت وزعلت من نفسي شديد إني ليه بحب الشين لشهاب!!
صباح اليوم التاني كنت نعسانه شديد قمت صليت وتاني رقدت! نومت أثناء م نايمه سمعت صوت رجلين جاي على! لمن فتحت عيوني لقيتها دي! رضوي! نهشتني من الفرش بقوه لمن حسيت رقبتي عايزه تنكسر! جات وقفت قدامي وقالت نايمه ليك في خيره انت! قومي على حيلك عشان تجهزي الفطور دا! وعايزه اقول ليك انا سوي لي بيتزا وسنتدويتش شاورما اما شهاب! قال عايز فطيره خضار! المهم قومي سريع عشان تجهزي!
قمت من السرير وقلت انت بتعملي في شنو!!
عاينت لي وقالت برتاح!! م هو في خدامه في البيت اشتغل لشنو!إبتسمت وهزيت راسي وقلت ااااااممم عملتني خدامه يعني!!
رفعت حاجبه وقالت بمياعه:اصلا دا الظاهر!
=رضوي انت عايزه تصلي لي وين!
_لي طليعك من حياتنا!
=اممم ماشاء الله عليك بتخططي ف إنك تطلعيني من حياتكم!
_لا ابدا م بخطط! لكن لو هسي لو بعدين شهاب ح يطلقك!
=اووو انت عارفه إنو دا الشئ الأنا بتمناه!
_وانت عارفه إنو دا البتمناه برضو!
=عارفه وشديد!
_والبتمناه شهاب برضو م تنسى! المهم م اصرف معاك كتير أمشي سوى الفطور!
كانت ماشه بس مشيت عليها ومسكتها من يديها وقربت وشي عليها وقلت رضوي طفحك الكيل ي حلوه أمشي سوي فطورك براك!؟
عاينت لي وقالت م عايزه اتكلم معاك كتير قلت ليك أمشي سوى لي الفطور!
عاينت ليها بقرف ومسكتها من يدها! وطلعتها بره غرفتي! وقفلت الباب!
قعدت في السرير وأخذت نفسي طويل وقلت اخخ ي ربي!!!!
دي شنو الحاله البطاله دي! انا اصلا الشئ اللازم أعملو الايام دي هو التجاهل بالتأكيد +التحمل لمن يشتموني ويقللو احترامهم معاي! لاني انا لو رديت ليهم يبقى انا زوله وسخانه زيهم!!!
رقدت تاني نمت م صحيت إلا الساعه ٢ تقريبا وب! قمت من السرير ومشيت على الحمام إتشورت وصليت وقريت قرأن وطلعت! لقيت شهاب ورضوي قاعدين وبحضرو وبياكلو في فشار! كان حاضنها من اكتافها ومره يتونس معاها ومره يحضر! وهي مره تحضر ومره تضحك ومره تأكل!
مشيت عليهم وقلت اوو العرسان عايشين احلى ايام حياتهم!!
رضوي:وليه م نعيش!
=م اعترضت عيشو!
شهاب:كويس
عاينت ليه ومشيت المطبخ سويت لي اكل وكان في باقي اكل أمس! سخنتو وبقيت أكل! ومره افكر! غسلت عدتي ومرقتا برا كانت رضوي متابعاني بعيونها من طلعت! وهي بتبسم لقايت م جيت قريب ليهم هي بتعاين لي..
إستغربت بس م إشتغلت بيها! جيت قريب لي غرفتي هي قامت وجات على قبل م تقوم قالت لي شهاب ماشه الغرفه هنا وجايه قال ليها تمام وركز في مشاهدتو!
هي جات علي! أثناء م عايز افتح باب الغرفه ومسكت يدي وقالت دي نتيجة عدم عمل فطور لي! مسكت يدي وبقت تلاوى فيني بعد شويه م اشوف ليك إلا البت وهي واقعه وكانت الوقعه الوقعتها قويه خلاص انا قلت البت تموت!
أثناء م انا منخلعه وبشوف في المنظر الصادمني دا!
شفت دم سايل في الأرض وكان طالع من رضوي!