رواية عروسة الخرطوم
الفصل الحادي عشر11
بقلم سجي المدني
أثناء م انا منخلعه وبشوف في المنظر الصادمني دا!
شفت دم سايل في الأرض وكان طالع من رضوي!
بقيت منخلعه وبعاين ختيت يدي في خشمي وانا م قادره اتكلم! يالله قدرت انطق إسم شهاب وقلت ش ش ش شهاب د د دم ر رضوي شهاب!!
شهاب قبل علي وقال في شنو!؟؟
فجأه عاين تحت ولقي رضوي في الأرض وطالع منها دم! وهي مغمي عليها ختي الفشار الكان بياكل فيه! وجا جاري برك في الأرض وبقي بهز في رضوي وبقول رضوي رضوي قومي بسم الله في شنو!!
قام من الأرض وجا على وقال لي إنت العملتي كدا صاح! ولاء انا عايز اعرف انت ليه حاقده كدا! قبلت انك تحرقيها! وقبلت انك م تحبيها! بس تاني م ح اقبل معاملتك السيئه ليها وصلت معاك لي إنك ترميها لمن الدم يسيل منها!. عاين لي وشال رضوي وطلع!!
انا دخلت غرفتي وبقيت ابكي بحرقه!! كنت خايفه على البت شديد وإنو تحصل ليها حاجه بس! ي ربي انا اكيد م وقعتها!! ايوه ايوه انا م وقعتها!
بقيت قاعده في الأرض وبطمن نفسي إني م وقعتها! هي براها الوقعت نفسها!! انا م عملت ليها حاجه!!!
انا بالجد زعلانه من نفسي وشديد كان امسكها طيب قبلي م تقع طيب الحيحصل ليها شنو! ح تكون كويسه؟؟
اكيد ح تكون كويسه!
قمت مشيت إتوضيت وجيت صليت وبقيت ادعي ليها! يمكن أنا م بحبها! بس م لدرجة اتمنى ليها الموت! في النهايه هي بت زي وبتتوجع زي م بتوجع!
قمت من المصلايه وطبقتها وقلت ي ربي اتصل علي شهاب اقول ليه الحاصل شنو! وهل هي كويسه!شلت التلفون!
بس أتراجعت وقفلت التلفون ورقدت ودوموعي في عيوني!!
م قدرت ارقد وقلقي زاد!! قمت وبقيت ماشه وجايه في الغرفه!!!!!
فجأه اتصلت على نور رديت!!
نور:ولويتو!.
=أهلين!
_كيفك!
=بخير والله الحمدلله إنت كيف!
_بخير والله مالو صوتك دا كده
= ااااا عندي نزله!!
_ايوااا! ولاء عايزه اديك احلى خبر!
=قولي!
_اكتشفت اني حامل!
=م جاده
_والله العظيم!
=مبروك مبروك يتربى في عزك إن شاء الله!
_هو انولد عشان يتربى في عزي😂غريبه خلاص انت!
=هههه!
قفلت منها وحقيقي ممكن اقول الخبر دا غير لي مودي ١٨٠درجة بالجد فرحت لي نور وشديد! كنا من زمان بنخطط انا وهي! لو جابت بيبي نعمل كدا ونعمل كدا ونمشي نشتري هدوم البيبي سوا!
وحاجات كتيرره! حلوه خططناها مع بعض!
وبالنسبه لي كذبتي الكذبتها ليها إضطريت إني اكذبها ليها! لاني اكيد م ح أقدر أقول ليها الحقيقه!
_________
"في المستشفى"
شهاب جا جاري وشايل رضوي ومن برا بنادي وبقول ي دكتوره ي دكتوره! الدكتوره طلعت من مكتبها! وجات لشهاب وبدت تسأل فيه من حالتها وكيف حصل كدا!
قالت ليه دخلها الغرفه! دخلها وطلع!!
بقى قاعد وخاتي يدينو في راسي وبقول انا ح اندمك ي ولاء اكيد م ح اخليك بالعمله العملتيها دي! انت هنا اتخطيتي حدودك وكتير!!
بعد ساعه:-
كان بفكر طول الساعه دي قطع تفكيرو صوت الدكتوره وهي بتقول! شهاب!
قام على حيلو وقال نعم ي دكتوره إن شاء الله رضوي كويسه!
_كويسه الحمدلله كانت حالة إجهاض بس قدرنا تثبت الطفل!
=طفللل؟؟؟؟
_مبروك مرتك حامل ليها اربعه شهور!
شهاب بقى مصدوم وبعاين ليها!!