رواية عروسة الخرطوم
الفصل الثاني عشر12
بقلم سجي المدني
عاين لي ومسك يدي وفجأه تكل راسو في كتفي!! م حاولت اتجنبو أو ازحو مني! لاني حسيت بيه موجوع قدر شنو وإنو هو جد جد محتاج زول جنبو ويساندو في وقت زي دا!! خليتو متكل وهو ماسك يدي!! بقى متكل كدا تقريبا نص ساعه! بعد شويه رفع راسو وقال لي ح تتقبلي إعتذاري!!
=ايوه! بما إنو إنت عرفت غلطك!!وندمان! شديد انا م عندي ااي مشكله إني اسامحك! م هي الحياه انك تغلط! وانا اديك فرصه تانيه! وانت تحس بغلطك! وبعدين تغطي بتعاملك السمح معاي! اغلاطك العملتها!
_انت عارفه انو انا م حصل شفت انسانه زيك!!
=عرفت يادوب!
ابتسم لي وفكي يدي! وبقي بعاين تحت!
قلت ليه ارتاح انا ح اسوي الغداء! عشان نااكل! أو اقول ليك قوم أستحم وصلى! مسافة اجهزو!
_حاضر!
ابتسمت ليه وطلعت! م خفت لمن أخدت قرار في إني أسامحو واديه فرصه تانيه! ااي زول في الحياه دي بستحق إنو نديه فرصه تانيه! يمكن يكون ندمان شديد! وحابي إنو يكفر عن الحاجات العملها طيب ليه م اديه! مشيت المطبخ وبقيت بجهز في الأكل وانا مودي عالي ومبسوطه شديد! مع إنو م بحبو بس تعاملو السمح معاي! بخليني مبسوطه!!
_______
شهاب:-
بعد طلعت من المستشفي مشيت على البيت! أثناء م ماشي على غرفتي ولاء جات من غرفتها وسألتني من رضوي حسيتها خايفه عليها شديد! قمت رديت عليها وقلت م تنطقي لي اسمها مره تانيه ودخلت غرفتي! اتسطحت في السرير وتكلت راسي على خشبتو! كنت بتذكر في كل مواقفنا الحلوه ونحن مع بعض! كنت بتذكر الوعود الاخدناها! وكنت بتذكر حبي ليها! وخوفي عليها في كل موقف!!
بس اكتشفت إنو الحاجات دي راحت سُدي!
أثناء م بفكر جات ولاء خاشه قعدت جنبي في السرير وبدأت تسألني كانت حنينه شديد! وصوتها كان كفيل في إنو يهديني! من غير م احس لقيت نفسي قلت ليها ااي شئ! عرفتها ح تنصدم زي م انا انصدمت! أثناء م هي مصدومه فجأه مسكت يديها وتكلت راسي في كتفها! تلقائيا لقيت نفسي عملت الحركه دي!
حسيت نفسي ارتحت حبه لمن بقيت جنبها! تقريبا بقيت متكل في كتفها نص ساعه! رفعت راسي واعتذرت منها وهي بكل صدر رحب اتقبلت إعتذاري! م إتوقعتها تتقبلو! بس الشئ الأنا عرفتو إنو ولاء دي طيبه شديد وزوله نادره و م بتتعوض!!
بعد إتكلمت معاي قالت ماشه تسوي الغداء قالت لي أستحم و صلي مسافة اجهز الغداء وطلعت!
بقيت اعاين ليها لقايت م طلعت! ابتسمت تلقائيا وقمت مشيت الحمام!
_________
ولاء:-
جهزت الغداء وختيتو في تربيزه السفره وكنت ماشه انادي! بس هو جا! قال لي ريحت الأكل حلوه!! شكلو حلو!
=هو انا بسوي حاجه شينه😂
_ابدااا! 😂
جا قعد وانا قعدت بدينا نأكل وكنا ساكتين فجأه هو اتكلم وقال:م ح اجرحك مره تانيه!
رفعت راسي وابتسمت ونزلتو!! كملنا اكل وكنت عايزه اغسل العده!! جا هو وقال لي ح اغسلها انا ابتسمت ليه وقلت بس!
قال لي هس ولا بس ح اغسلها!
قلت ليه طيب جبت كرسي وختيتو جنبو! هو ابتسم وكمل غسيل!!
بعد غسل العده غسل يدو وقبل على وقال نحضر مباره سوا!!
ضحكت وقلت ليه بس م بحب الكوره!
_ح تحبيها بعد م تشاهديها!
=طيب نشوف😂
_ارح!
=اعمل فشار واجيك!
_حاضر
طلع فات وانا سويت الفشار وطلعت ليه! لقيتو قاعد ومشغل التلفزيون ومنفعل مع المباره انفعال شديد! مشيت عليه وانا بضحك قلت ليه شكلك بتحب الكوره حب شديد😂
_شديد!! 😂
مشيت قعدت جنبو وختيت الفشار في النص! بديت احضر معاه! وهو كل شويه يكورك لمن الفريق البشجعو يجيب قون! كان بياكل ويكورك! فجأه الفشاره خنقتو بقيت بلبع فيه بقوه! عاين لي وقال عايزه تموتييني انت ولا شنو دا شنو بتلبعيني زي دا! جيبي لي مويه سريع...
ضحكت وقلت ليه أسفه وقمت سريع جبته ليه المويه! شرب عاينت ليه وقلت ليه تاني كورك! هو كان مركز مع التلفزيون وشكلو فريقو جاب قون مره تانيه فجأه كورك!عاينت ليه وبديت اضحك! تاني اتجهت نحو التلفزيون! وطبعا بقيت منفعله زيو وبقيت تلقائيا بصرخ معاه لمن إستغربت في نفسي! وأثناء م نحن بنكورك والبيت جايط بكواريكنا! كورة الفشار وقعت! وفجأه الكهرباء قطعت! عاينت ليه وقلت ي الله ياخ المباره كانت حلوه!
عاين لي وقال حبيتيها!!
=شديددد!!!
_م مشكله الإسبوع الجاي في مباره احلى منها!
=أوو متشوقه!
_على فكره إتزكرت موضوع البركه الكوره الزكرتني ليه
=شنو الموضوع؟؟!
_عرس صحبي بعد شهرين! وعازمنا بتمشي!
=ايوه بمشي!
_أوو حلو!
=ح نمشي سوا يعني انا وانت! ح نكون ك زوجين يعني!!
_لالا ح أمشي انا وحبوبه! م أكيد ح نمشي انا وانت!!
=ههه انصدمت حبه يعني! لأنو كنت م بتحبني وعلى م اعتقد! انك كنت م بتحبني اطلع معاك برضو!
_لاحظي لي كلمة كنت دي! كنت ي ولاء! لكن هسي حبيتك!! لأنو بالجد انت زوله تستحقي يحبوك!
ابتسمت ليه وقلت طيب كديه اشيل القزاز دا قبل م يجرح زول فينا!
_طيب!
مشيت جبت المقشاشه والكوريك وخميتو ومشيت كشحتو في سلة المطبخ! وقفت مسافه في المطبخ وبقيت افكر في شهاب! صراحه الود دا اتغير ١٨٠ درجة! تعاملو السمح معاي خلق حاجه حلوه منو جواي! أثناء م واقفه قال لي ولاء شكلو الكهرباء م ح تجي هسي انا ح أمشي الحديقه برا الحقيني! قلت ليه طيب!
غسلت يدي وطلعت ليه لقيتو خاتي تسالي قدامو وخالف رجلو وبياكل فيه! قلت التسالي دا نكتو من وين😂
ضحك وقال لي سررر😂
مشيت قعدت جنبو وقلت ليه والله دا سر دا!
قعدت جنبو شهاب اتصلح في قعدتو! وختى التسالي وعاين لي عاينت ليه وقلت ليه في شنو! مسك يدي وعاين لي وقال ولاء بالجد انا ندمان شديد على المعامله السيئه الكنت بعاملها ليك وعلى الكف الأنا الاديتو ليك! وانا متأكد إنو بكون وجعك شديد وجرحك ولاء انا اسف وشديد وندمان ندمان كتير!
عاينت ليه وم رديت
كان منزل راسو رفعو وقال لازم تسدي الكف بتاعك!
عاينت ليه بعدم تصديق وقلت شهاب انت جنيت!
_ولاء م تتعاوري ويلا أسدى بنفس مقياس الوجع الاديتك ليه!
=شهاب!
_ولاء اتسدى!
إستغربت فيه وكيف اديو كف صح هو اداني بس انا م بقدر اديه! بعد إصرار منو اديتو الكف! فجأه هو قال اااه معقوله اديتك ليه حار قدر دا وموجع زي دا!
= ايوه وجعني وشديد ي شهاب! ووجعني اكتر في قلبي!
عاين لي بندم وقال ولاء والله انا ندمان شديد! و م تتخيلي قدر شنو!
عاينت ليه وقلت خلاص خلاص انتيهنا من الموضوع دا وانا سامحتك!
عاين لي وقال انت اكتر بت طيوبه قابلتها في حياتي!
=شكرآ
قعدنا في الحديقه تقريبا ساعتين عشان الكهرباء جات! الساعتين ديل كانو بالنسبه لي حاجه حلوه خالص! حسيت اني قدرت اتعرف علي شخصية شهاب! وإنو هو زول فكاهي شديد!! بالجد ديل احلى ساعتين انا عشتهم! كان فيهم كتير من المواقف الحلوه بالنسبه لي!
________
شهاب:-
كنا قاعدين وبنحضر في المباره ومنفعلين نحن الإتنين مع الكوره! كانت لحظات حلوه شديد بالنسبه لي! تاني الكهرباء قطعت ف إضطرينا نطلع برا! وقبل م نطلع فاتحتها بموضوع عرس مجدي! وقالت ح تمشي! كانت مصدومه من كلامي معاها وعرفتها ح تنصدم! لأنو إتغيرت معاها بسرعه! واكيد دي اي زول ح يستغرب منها!
طلعنا الحديقه! وقبل م اطلع جبت لي تسالي من الغرفه وختيتو في كوره! وطلعت! وأثناء م قاعد اكل وخالف رجلي هي جات!! إتكلمت معاي وقعدت! فتحت معاها موضوع الكف ولو م كان اتسدتو م كنت إرتحت!
تقريبا الكهرباء كانت قاطعه ساعتين! الساعتين ديل كانو احلي ساعتين بالنسبه لي! ولاء إنسانه نضيفه وصافيه من جوه وكذالك مرحه! قلبها نضيف شديد!! وعيونها تشوف فيهم السلام!!
ولاء دي احلى حاجه حصلت في حياتي بس كنت م عارف قيمتها بس هسي عرفتها!!
__________
ولاء:-
بعد الكهرباء جات خشينا جوا!!وااي زول خشي غرفتو!! بقيت راقده في السرير وبفكر في شهاب!!
مرو شهرين وديل كانو احلى شهرين!! الليله عرس صاحب شهاب تقريبا اسمو مجدي! كانت عزومتهم غداء! من الساعه ١١ بقينا نتجهز جهزت وطلعت لي شهاب لقيتو قاعد في العربيه ومنتظرني!! كنت عايز افتح باب العربيه بس هو نزل وجا علي!!