رواية عروسة الخرطوم
الفصل الثالث عشر13
بقلم سجي المدني
مرو شهرين وديل كانو احلى شهرين!! الليله عرس صاحب شهاب تقريبا اسمو مجدي! كانت عزومتهم غداء! من الساعه ١١ بقينا نتجهر جهزت وطلعت لي شهاب لقيتو قاعد في العربيه ومنتظرني!! كنت عايز افتح باب العربيه بس هو نزل وجا علي!! كان بعاين لي شديد!! جا وقف قدامي وقرب على ومسك يدي! وبقي بعاين لي قال لي طالعه حلوه شديد!
عاينت ليه في عيوني وقلت وانت كمان!!
_م حصل شفت بت حلوه زيك!
=وانا برضو م حصل شفت ولد حلو زيك!
سكتنا نحن الإتنين وبقينا متنحين في بعض فجأه انتبهنا لي نفسنا! اتلبشنا الإتنين وبقينا م عارفين نعمل شنو هو مشى فتح لي باب العربيه وقال لي اركبيي!!
عاينت ليه ومشيت ركبت! وهو مشى ركب!دوو العربيه وبقينا ماشين! وصلنا محل المناسبه! وقف العربيه على جنب! نزلنا وقال لي خشي اتعرفي على ام مجدي واتونسي معاها! وعلى م اعتقد بتعرفيها لأنها جات العرس!
اتذكرت اني شفتها في العرس وقالو هي أم مجدي! قلت ليه طيب!انا ح أمشي انتبهي على نفسك! عاينت ليه بحب وبقيت شارده فيه قلت ليه وانت برضو! عاين لي وفات!!
دخلت البيت وكان صيوان النسوان في النص دخلت عليه وفجأه عيني وقعت على ام مجدي مشيت عليه هي لمن شافتني ابتسمت وقالت لي ولاء بتي كيفك!! سلمت عليها وقلت ليها الحمدلله وكمان مبروك ليه مجدي ربنا يسعدو ويهنيه!
قالت لي الله يبارك فيك ي بتي.....
بعد اتكلمت معاها قعدتني جنبها وعرفتني على النسوان الكانو معاها! ونادت بنات يجيبو صينيه غداء!
بالجد المره كانت لطيفه شديد"وحنونه حبيتها سريع سريع ودخلت قلبي! بحب الناس البكونو من النوع دا! اللطيفين والظريفين والبخشو القلب طوالي! جابو الصينيه! غسلت يدي! وبدينا نأكل كانت بتخت لي الأكل في قدامي وتقول لي اكلي! لاني كنت باكل براحه براحه! والنسوان المعانا! بياكلوا بسرعه بسرعه م عارفاهم زاتهم بلوكو اللقمه وبدخلوها سرعه سرعه دي كيف م بتخنقهم!
تمينا غداء بعد شويه جابو الشاي! شربنا وتاني بقيت اتونس معاها!
خالتو نون:كيفك ي بتي وكيف شهاب!
=بخير والله ي خالتو الحمدلله!
اتونسنا كتير بعد شويه جو بناتها وبقيت اتونس معاهم برضو حلوين شديد شكلهم كلهم واحد ظريفين!
__________
شهاب:-
"صيوان الرجال"
شهاب:خلاص ح تبقى عريس ي مجدي!!
مجدي:اايوه ايوه ايوه!
شهاب:حصلت حاجات كتيره ومغامرات م وريتك بيها! م ح اوريك بيها هسي لأنك مشغول بعرسك! بس بوريك بيها بعد العرس!
مجدي:انت عارف انا فضولي شديد وانت هسي شوقتني على فكره! ف لازم توريني!
شهاب:قلنا لا!
مجدي:والله ي شهاب ماف مفر! ف ح توريني ح توريني!
شهاب:فضولك دا يوم ح يقتلك!
مجدي:يلا ارح قول!
مشو الإتنين على جنب وشهاب بدأ يوري:طبعا عرست رضوي!
_عرستت رضوي؟!!!
=ايوه!
_انت جنيت صح!؟ م تهظر ي ود!
=عرستها ي ود لكن.. الحمدلله طلقتها!
_يعني انت جادي عرستها!؟؟
=ايوه!
_طيب طلقتها ليه!!
=حامل!
عاين ليه بعدم تصديق وقال كيف يعني دا سبب هسي!؟
=حامل من غيري ي مجدي!
_من غيرك!؟؟
=ايوه!!
_حامل ليها اربعه شهور وم مني! كانت بتخوني طيلة السنتين الفاتو! وانا كنت غبي!
=طيب ولاء عملت شنو!
_اتخيل كنت بشاكها وبضربها عشانها!
=على فكره انا من يوم شفت رضوي دي ومن يوم دخلت على حياتك كنت م مطمن! لكن من دخلت ولاء على حياتك! انا إطمنت شديد!
=وانا برضو!
_كيف يعني؟!
=م عارف ليه بقيت بنجذب لي ولاء! وبقيت متعلق بيها شديد لو بعدت مني سِنه سِنه بس انا بضايق بحبها دايما تكون جنبي وبكون مطمن شديد لمن تكون معاي وجنبي!
_دي بدايات الحب انت عارف!؟
=وأنا حاسي كده!
_لو حبيتها ح تعمل شنو!؟
=ح اعمل شنو يعني ح ابقى احبها واحبها لقايت م اموت!
بقى بهبش في جبهتو وبقول شهاب انت نصيح مش على أساس بتكرهها!
=يمكن الاحساس اتغير!
مجدي ختى يدو في كتف شهاب وإبتسم وقال حلال عليك حبها ي شهاب! اصلا هي تستاهل تتحب!
=كديه انت خلينا من مرتي دي! انت كيف مع مرتك!
_ياخ دي عالم تاني! دي مهما اتكلمت م بقدر اوصفها ياخ دي حتة سكره دي!
=اووووو شوفو شوفو الحب😂❤️
_على فكره أتذكرت مش انا قلت ليك ح تحب ولاء!
=وحبيتها! كلامك طلع في محلو!
قطع صوت كلامهم راجل كبير وكان عايز يسلم علي مجدي ويبارك ليه العقد!!
__________
ولاء:-
زي الساعه ٧ بدو حفلتهم! كنت بفتش على شهاب م عارفه كنت ليه بفتش ليه! بس كنت م عايزه يغيب عن عيني ولا لحظه! فجأه أثناء م بفتش طقتني اخت مجدي قالت لي نرقص ولا م بتحبي الرقيص!
=بحبو بس م قادره ارقص الكعب العالي دا عمل لي وجع رجلين😂❤️
متاب:ههه طيب طيب
بقيت قاعده ساعه وانا بفتش ليه صراحه خفت عليه شديد وقلبي انقبض قلت تكون حاصله ليه حاجه كمان!
العرسان دخلو وهو لسه م ظهر!!
الحفله انتهت وبرضو م ظهر!!
الناس بدو يفرو ام مجدي قالت لي شهاب وين!
=شكلو مع الرجال هناك هسي ح يجي!!
_طيب مسافة يجيك ارح خشي جوا البيت!!
=لالا بستناو هنا!!
أصرت على بس انا برضو إصراري كان اكتر! قالت لي متاب تقعد معاي بس قلت ليها البرد وهي م لابسه شئ خليها انا بستني عادي! بعد إصرار مني خشو!
كان في كرسي قعدت فيه والبرد عايز يقتلني! قلت خلاص يمكن يكون مع الرجال في الصيوان حقهم! لأنو كان في رجال هناك وسامعه أصواتهم! بقيت منتظره وبرضو م جا من غير م أحس لقيت دموعي جرو!! بقيت خايفه شديد و م مطمنه! فجأه في زول قال ولاء! رفعت راسي ولقتيو شهاب قمت عليه وانا ببكي وقلت ليه كنت وين خوفتني كده! انت م عارفه انا منتظراك من الساعه كم! قلت تكون حاصله ليك حاجه! بقيت ببكي بسببك!! وجسمي كلو برد! من خوفي عليك!.