رواية عروسة الخرطوم
الفصل الرابع عشر14
بقلم سجي المدني
فجأه في زول قال ولاء! رفعت راسي ولقتيو شهاب قمت عليه وانا ببكي وقلت ليه كنت وين خوفتني كده! انت م عارف انا منتظراك من الساعه كم! قلت تكون حاصله ليك حاجه! بقيت ببكي بسببك!! وجسمي كلو برد! من خوفي عليك!.... جا على ومسكني م اكتافي وقال ولويتي انا كويس! بس حبسوني الرجال ديل! كل مره يبدو ونسه جديده! لو كنت عارف انك بتخافي علي كدا! كان شطبته الونسه وجيتك! وبعدين انا قايلك خشيتي معاهم جوا! طيب اسف حقك علي!
عاينت ليه وقلت ليه م تعيدها تاني لأنو ح اموت!!
_حاضر!
مسكني من يدي وساقني اتجاه العربيه! ودورها واتحركنا! كنا بنتونس وبنضحك ومندمجين مع عالمنا الخاص! حتى نسينا إنو نحن م ودعنا ناس خالتو نون!
بالجد بقيت بحس شهاب دا بقى مني! وبحسو لو بعد عني كأنو جزو وإتشال مني!
زمان مع نور كنا انا وهي بنقرا إنو كيف تعرفي انك بتحبي الشخص دا! كنا بنبحثهم وبنقراهم! لمن كانت نور هي ومحمد ياداب مخطوبين قالت عايزه تعرف هي بتحبو ولا لأنهم اتخطبو خطبة تقليديه! وكان من ضمن الحاجات الأنحنا بنقراهم ديل! الخوف والإهتمام! والإنجزاب! وحب قربو ليك! ديل كلهم انا حاسه بيهم هسي! يمكن دي بداية حبي ليه! وانا م خايفه من الحاجه دي خالص! لأنو شايفه حب شهاب لي في عيونو! بالرغم من إنو هو م اتكلم بس انا شايفه الحاجه دي!
اول مره احس بالإحساس دا اتجاه زول واكتشفت إنو الإحساس دا قدر شنو حلو! وبذات مع الشخص البحبك! ❤️
وصلنا البيت! ومن دخلنا قعدنا في كنبة الصالون!!وسريع سريع ملصت الشبشب واتكلت على الكنبه وقلت واخيرا اتخلصت منك!
شهاب عاين لي وقال لي شكلو كان مضايقك شديد😂
=شديد!
اتونسنا كتير وأثناء م بنتونس لقيت نفسي نومت في الكنبه!!
_________
شهاب:-
حقيقه اليوم من أولو كان ظريف شديد! وخصوصا مع ولاء!!كان من احلي الايام الأنا عشتهم! وتفاصيلو كانت احلى تفاصيل!لمن طلعت من البيت عشان نمشي المناسبه! كانت ااايه من الجمال! وتستحق يتقال عليها مملكة الجمال مش ملكة الجمال!
من غير م احس لقيت نفسي مسكت يديها وقلت ليها طالعه حلوه! هي ردت وقالت وانت برضو!
وصلنا المناسبه واتكلمت معاها قبل م ندخل وأنا مشيت صيوان الرجال!!
وريت مجدي بالمواضيع الحصلت!! لقايت م وصلت لي نقطة ولاء! هو رد وقال انت عارف انك في بدايات حبك ليها!؟
انا اصلا كنت عارف اني في بداية حبي ليها!!واغلبية المؤشرات بتقول كدا!..
رديت وقلت ليه م عارف ليه بقيت بنجذب لي ولاء! وبقيت متعلق بيها شديد لو بعدت مني سِنه سِنه بس انا بضايق بحبها دايما تكون جنبي وبكون مطمن شديد لمن تكون معاي وجنبي! لمن قلت لي ردي انصدم واكيد ح ينصدم!! بس رد وقال لي كلامي طلع صح!!
بس الشئ الحلو إنو ولاء مدية كل الناس صوره حلوه عنها! حتى الناس الما اتكلمو معاها ولا عاشروها زي مجدي!!
الحفله بدت! وكنت شايف ولاء وهي بتتلفت في كل رأس ثانيه! كنت عارفها انها بتفتش علي! قلت لمن الحفله تنتهي امش ليها! الحفله انتهت كنت ماشي بس الرجال زنقوني بالونسه والاسأله عن جدي!
وكل مره اقول أمشي بفتحو موضوع جديد!
خليتهم لقايت م انتهو من ونستهم! ومشيت ليها لقيتها بتبكي!! وقاعده براها في الصيوان! الوقت داك م فكوه! مشيت عليها وقلت ليها ولاء! قامت وهي خايفه شديد وبدت تتكلم! حقيقيه اللحظه ديك شفت الحب في عيون ولاء والصفاء والبراءه والحنيه برضو!
راضيتها وقلت ليها حقك علي! واتحركنا على البيت وطول الطريق! نحن بنتونس وبنضحك!!
وصلنا وطوالي قعدنا في كنبة الصالون! هي شكلو كان الكعب مضايقها! ف ملصتو!
بقينا نتونس كتير لقايت م شفتها وهي غفيانه!! كانت عباره عن ملاك صغير متحرك!!
ملامح وشها كانت كفيله بأنها تخليني ابتسم! وافرح بإنو ربنا رزقني بحلاوه زي دي!! صلحتها عديل في الكنبه! وانا مشيت الغرفه إتشورت وغيرت! وشلت لي فرش ختيتو جنبها في الأرض! قلت م ح اخليها تنوم براها! و م ح اصحيها أو اشيلها غرفتها عشان تاني م ح تنوم!! أو يمكن نومها اتقطع!
تقريبا للساعه ١٢ وانا قاعد وبعاين ليها! وبتعمق في ملامح وشها! سلام فرح براءه كياته انجذاب ديل كلهم بتشوفهم في ملامح وشها! زي الساعه ١ص ومع إنو م جايني نوم ولسه م شبعت منها! بس يمكن تصحى في ااي لحظة! تلقاني بعاين ليها كدا!؟😂
__________
ولاء:-
صحيت الصباح وانا ضهري عايز ينكسر كانت كل حته في جسمي بتوجعني! قمت براحه براحه وبالتدريج من الكنبه الكنت نايمه فيها! فجأة اتذكرت إنو انا نمت فيها! وصح كنت بتونس مع شهاب وفجأه نمت! إبتسمت على موقفي نزلت رجليني وعايزه اقوم شفت شهاب راقد في الأرض!!!