رواية عروسة الخرطوم
الفصل الخامس عشر15
بقلم سجي المدني
قمت براحه براحه وبالتدريج من الكنبه الكنت نايمه فيها! فجأة اتذكرت إنو انا نمت فيها! وصح كنت بتونس مع شهاب وفجأه نمت! إبتسمت على موقفي نزلت رجليني وعايزه اقوم شفت شهاب راقد في الأرض!!!بقيت بعاين ليه مسافه واتعمق في ملامحو الهادئه!
قمت سريع سريع من الكنبه بحركه بطيئه مني عشان هو م يصحى! مشيت غرفتي دخلت إتشورت سريع وصليت! لبست لي جلباب كمو طويل كان لونو اسود وهادئي شديد!سرحت شعري ضنب حصان! وإتريحت وطلعت! لقيتو لسه نايم! شكلو كان مساهر ولا حاجه بالشكل دا! دخلت المطبخ سويت الشاي وخلطت منقه! وعملت خليه!! جهزت صينيه الشاي وختيت عصير المنقه في التلاجة!! والخليه طلعتها وختيتها في الساخن بارد بعد سقيتها!!
طلعت برا لقيت شهاب صحي وكان عايز يقوم وشكلو كان ضهرو واجعو لأنو كان ماسكو أثناء م بقوم!
مشيت عليه وقلت ليه شهاب في حاجه ضهرك واجعك ولا شنو!؟
_اايوه بسيط بس!!
=انت صاح نمت هنا لشنو!
قبل علي وقال م حبيت اخليك تنومي هنا براك خفت تحصل ليك حاجه! وم كنت عايز اصحيك! عشان نومك م يتقطع!
بقيت بعاين ليه شديد وحسيت إنو شهاب دا هو الزول الممكن يحافظ على ويهتم لاصغر تفاصيلي! الأنا اصلا شايفاها م مهمه!
قلت ليه طيب اقعد ارتاح هنا في الكنبه اعمل ليك مساج!
عاين لي وقال بس انا م بحب المساج!
ضحكتا ضحكت عدم تصديق كده وعقدت حواجبي وقلت م بتحب المساججج!؟؟؟
_ايوه!
=غريب انت!على فكره!
_زي غرابة حلاوتك ديك!! فريده من نوعها!! وماف زول عندو زيها!!
فصلت وخجلت في نفس الوقت وبقيت بعاين ليه! هو عاين لي وقال حتى لمن تخجلي حلوه!
=يعني ح تفضل تغازلني كدا بضهرك الواجعك دا!
_لو جسمي كلو واجعني انا ح أفضل اغازلك!
=انت عارف انا بقيت م مستغربه من تعاملك السمح أو كلامك البفرح قلبي! عارف ليه! لأنو أنا ياداب فهمتك! وحللتك انت شنو! عارف انت شنو!؟
_اها!
=زول قلبو لين وبأقل كلمه حلوه عادي الزول يخطف قلبك! زي رضوي مثلا! كنت قايلها بتحبك! بس م كنت شايف إلهي بتعملو! لأنو انت زول صافي شديد وبتحب بصدق!
_هسي جايبه سيرتها لي!
=جات صدفه!
_على سيرتها عايز أسألك! انت كيف عرفتي إنو انا عندي حبيبه كنت عايز اسألك من يوم جبتي لي سيرتها بس م إنتبهت! ماف زول عارف اني كنت بحبها غيري انت عرفتي كيف!
=سؤال جيد! طيب مش نحن كلنا بنتلمي في البيت الكبير كل يوم الجمعه!؟
_ايوه!
=مره سمعتك بتتكلم معاها وسمعتك قلت إسمها!
_اها دي عرفناها طيب عرفتي شكلها كيف!؟
=بالصدفه شفتك قاعد معاها في كافيه!
_انت كنتي كاشافني عديل!! 😂
=ههه هي صح ضهرك ح تعمل لشنو بما إنو إنت قلت م بتحب المساج!
_في دهان تلقى في الدرج الأول في الغرفه! جيبيه!
=طيب!
مشيت جبتو سريع سريع وجيت ليه قلت ليه تحب اساعدك!
_ممكن!
=طيب اصبر اشيل الفرش!!
شلت الفرش ومشيت وديتو الغرفه وجيت ليه وقت جيت ليه لقتيو في دهان في يدو قلت ليه حتى دهنتو؟؟! 😂❤️
_م قدرت اتحمل الوجع ف دهنتو!؟ 😂
=م عايزني أدهنو ليك و لا م اتحملت!
_عايزك تدهني لي!
=هو انت دهنتو وانتهيت ادهن ليك شنو تاني!
_م دهنتو!
=م ياهو الدهان ملوث بيه يدك!
_قلت اجرب أدهنو بس م قدرت!!
=عليك الله!
_والله
=طيب جيبو!
مشيت شلت منو الدهان! وبديت ادهن ليه! بعد دهنتو ليه مشيت رجعتو وجيت قلت ليه قوم اسوك وصلى يلا!
_الليله اول يوم اصلي متأخر!
=الساعه ياداب ٧ بتلحق!
_طيب!
قام مشي وانا مشيت ختيت خليه في الصحن و جبت السيرمس والكبابي! وشغلت التلفزيون!!
بعد شويه هو جا! قال لي وفيها خليه!
=ايوه بتحبها!
_شديد!
=طيب حظك الدور دا ظبط معناها! م كنت عارفاك بتحبها!
_هسي عرفتي!
=ايوه!
جا قعد جنبي! وكبيت الشاي وبدينا نشرب قال لي بالمناسبه بكره الجمعه تحبي نمشي ناس جدو!
=لو م عندك مانع نمشي!
_انت ماشه؟!!!
=لو انت ماشي بمشي!
_طيب حاضر نمشي!
=اوكي!
__________
رضوي"
بعد آخر حوار دار بيني وبين محمود! مشيت المستشفي عشان اجهض الولد بس قالو إنو كبر وتاني م ممكن يعملو عملية إجهاض!
بقيت قلقانه إنو اهلي لو عرفو ح يعملو شنو هسي عندي ٦ شهور! وبطني بدت تكبر مع إنو هي كبرت بس م شديد! وعادي اخفيها بجلباباتي الواسعه!
بس الوحم م مخليني ومدى فرصه لناس البيت بإنهم يكشفوني! وحتى محمود بقى م قاعد يرد على اتصالااتي! وقفل شريحتو! بس في يوم رد قبل م يقفل شريحتو! وبرمشة عين نهى علاقتنا وقال لي أتحملي مسؤولية الولد براك بقيت ابكي ليل نهار! على حظي وعلى الغلط العملتو انا متأكده إنو اهلي ح يتبرو مني!!
خايفه من الح يحصل والح يعملو ابوي لمن يعرف!! ابوي دا اكتر واحد بثق فيني!! وخاتي كل أملو فيني! ولمن يجيبو سيرة بنات بحملو بالحرام! أو يعملو حاجات غلط! بقول الحمدلله انا بناتي مربيهم و م بعملو حاجات زي دا وبقول لي وانت ي رضوي انا واثق فيك شديد!!
بالجد م عارفه اعمل شنو! والولد براي انا اربي كيف!
__________
ولاء:-
اليوم التاني زي الساعه ١١ طلعنا مشينا ناس جدو!
لقيناهم كلهم قاعدين ولامين اصلا دا اليوم البنتلمي فيه!
بدينا نتنوس ونتكلم وجدو يسألنا عن اجوا بلجيكا! ونحن اصلا م مشينا! وهو طبعا جدو عارف ومتابع طقسها حتى قال لي قالو الشهر المشيتو فيه برد شديد!
انا قلت ليه اااي والله!!
كملنا ونسه وقلنا نخت الفطور! خشينا انا وملك ومعانا بنات عمتي نون! ملك ودتني على جنب وقالت لي
وين رضوي ليه السيد شهاب م جابها معاو!!؟؟؟