رواية عروسة الخرطوم
الفصل السادس عشر16
بقلم سجي المدني
كملنا ونسه وقلنا نخت الفطور! خشينا انا وملك ومعانا بنات عمتي نون! ملك ودتني على جنب وقالت لي
وين رضوي ليه السيد شهاب م جابها معاو!!؟؟؟
=رضوي خلاص طلعت من حياتنا ي ملوك!
_كيف يعني!؟
=يعني شهاب طلقها!
_طلقها بتين وليه!
=هسي م وقتهم أسألتك دي ارح نجهز!
_ولاء ياخ!
=خلاص قلنا!
ختينا الفطور وبعداك طلعنا برا!! جينا قعدنا كلنا في تربيزه السفره وبدينا ناكل!!بعد أكلنا مشينا سوينا الشاي وجبنا! وأثناء م بنشرب شهاب قال لجدو:ي جدو عايز اوريك بحاجه مهمه!
_إتفضل ي ولدي!
=انا إتزوجت!
جدو استغرب فيه وقال إتزوجت كيف يعني!
_ي جدي انا إتزوجت قبل فتره! يعني إتزوجت في ولاء لكن الحمدلله الإتزوجتها طلقتها!
جدو فتح عيوني كبار ودقه بعكازو الأرض! وقال ليه شهاب كيف تعمل حاجه بالشكل دا ومن غير عملنا وفي مرتك الياداب ليها شهور معاك!
عاين لي وقال:وهسي مرتي معاي وطلقته الجبتها فيها عشان اتأكدت إنو ولاء م تستحق يجيبو مره فيها!.
_خلاص حصل خير ي ولدي!
طبعا كلنا إستغربنا في جدو انا عاينت ليه وقلت ليه غريبه ي جدو مالك م هجته!!
_لو م كان طلقتها كان عجنتو و لميت الجيران ديل كلهم😂
طبعا كلنا بقينا نضحك!!
حبوبه:لكن برضو العملتو ي ولدي غلط!
ابوي:غلط وشديد ي ولدي كونو إنك تتزوج في بتي ومن غير علمنا الشئ دا بزعل شديد!
=عارف ي عمي وحقكم على!
وعاين لي مره تانيه وكمل كلامو وقال:انت عارف ي عمي انا زاتي معترف العملتو دا غلط! وغلط وشديد كمان!! بس اتأكد اني تاني م ح افرط في حق بتك نهائي❤️
ابتسمت ونزلت راسي!!
عمي أحمد:خلاص ي جماعه الفات مات يلا جيبو الجبنه..ضحكنا في عمو أحمد..وقمنا جنبا الجبنه وعملنه ليها قعده رهيبه! وفيها أغاني كمان! وطول القعده شهاب كان بعاين لي ويبتسم! وتاني يكمل كلام مع الزول الكان بتكلم معاه!!
اليوم كان ظريف بشكل! رجعنا البيت زي الساعه ٧...ونحن في العربيه قبلت على شهاب و قلت ليه طبعا م كنت متوقعه ردت فعل جدو تكون كده!!
_انا حافظ جدو دا كويس وعارف لو فتحت معاه الموضوع هسي م ح يكورك أو يجوط! لأنو الحاجه الفاتت م بهمته بيها! لكن عارفه لو لهسي كنت متزوج رضوي كان! عجني زي م قال😂
=هههه!! جدو ظريف
شهاب فجأه وقف العربيه ووقفها على جنب عاينت ليه بإستغراب وقلت شهاب في حاجه!؟
عاين لي وقال:ولاء وسكت!
عاينت ليه وهزيت راسي وقلت نعم في حاجه!؟
نزل راسو ورفعو تاني وقال:ولاء صح انا م كنت راضي بالزواج كدا!وصاح وجعتك! وخليتك تبكي ليل ونهار! وصح صدمتك في حاجات كتيره! بس اتأكدي انا ح اعوضك عن كل دا!
مسك يدي وعاين لي وقال ولاء انا بحبك واوعدك إنو انا م ح افرط فيك أو افرط في ااي حاجه بتخصك!لأنك في زمتي ومن واجباتي اني احافظ عليك! ولاء انت بقيتي من اهم الحاجات االفي حياتي و ح تفضلي كده لآخر لحظة نفس عندي!
اللحظه ديك عاينت ليه شديد وبقيت م قادره اتكلم كنت مبسوطه من جواي وشديد! وكان قلبي كانو بنطق وبقول شهاب! من كثرت حبي ليه اللحظه ديك! م كنت قادره افتح خشمي واقول ليه انا برضو بحبك حاسه لساني انعقد اللحظه ديك! وكل عضو في جسمي وقف!
وجسمي تلج من مسكت يدو لي!!
بقيت بعاين ليه وانا ساكته وهو برضو.. فجأه تلقائيا لقيت نفسي ختيت يدي في يدو التانيه وقلت وانا برضو بحبك ي شهاب!!
حصلت لحظه صمت بيناتنا نحن الإتنين والأجواء اختلطت بالحب وخصوصا وكانت في نسمات هواء بارده بتجي على خدودنا! حسيت اللحظه ديك كانو العالم دا حقنا نحن برانا! وبس نحن العايشين فيه!
حسيت كانو عايزه اكورك واقول لي ااي زول في الشارع اننا بنحب بعض!
اللحظه ديك كانت من احلي اللحظات المفضله عندي! وتاريخها قريب لي قلبي شديد! يوم ١/8
فجأه قطع الصمت دا هو وقال اوعدك ح أفضل معاك طول عمري!
رديت وقلت وانا كمان اوعدك!!
_نمشي بيتنا!
=ايوه نمشي!
دور العربيه واتحركنا على البيت! خشينا سوا وهو كان ماسك يدي وصلنا قريب لي غرفنا! وكنت عايزه افك يدو واخش غرفتي بس هو مسكني وقال لي ماشه وين!
عاينت ليه وقلت ماشه غرفتي!
=بس ياهي غرفتك!!
واشر على غرفتو!
عاينت ليه وابتسمت قال لي من الليله غرفتك هي غرفتي!
=طيب اجيب حاجاتي!
_اوكي!
خشي الغرفه وانا مشيت اجيب حاجاتي!
________
شهاب:-
بعد طلعنا من ناس جدو! وصح م انسى اني فاتختو بموضوع رضوي طبعا كنت عارف ردت جدو! لأنو جدو م بهتم بالشئ الفات همو الحاضر فقط! والحاصل هسي!
لأنو بقول الفات م مهم ولو إتكلمنا فيه ح يحصل شنو!؟
بعد طلعنا منهم طول الطريق كنت بفكر اني اعترف ليه ولاء ولا لا!
ف النهايه أخدت قرار ف اني اعترف ليها!
وقفت العربيه على جنب ومسكتت يدها و قلت ليها ولاء!!. هي ردت وقالت نعم في حاجه!
نزلت راسي ورفعتو وقلت:ولاء انا بحبك واوعدك إنو انا م ح افرط فيك أو افرط في ااي حاجه بتخصك!لأنك في زمتي ومن واجباتي اني احافظ عليك! ولاء انت بقيتي من اهم الحاجات االفي حياتي و ح تفضلي كده!لآخر لحظة نفس عندي!
حسيتها انها م قادره ترد! لأنو اللحظات دي ااي بت بتكون متوتره فيها!
بعد مسافه وأثناء م الهواء بداعب خدودنا هي ردت وقالت وانا برضو بحبك ي شهاب!
كانت احلي لحظه بالنسبه واحلي من اللحظه الإعترفت لي فيها رضوي!
بالنسبه لي ولاء دي حاجه كبييييره! وااي زول خشت على حياتو لازم يحافظ عليها! زيي الجوهره! لأنها لامعه وحلوه زيها!
بقينا نتكلم بعدها مشينا البيت! بعد خشينا شبكت يدي في يدها! وصلنا قريب لغرفنا! وهي كانت ماشيه غرفتها بس جريتها من يدها وقلت ليها ماشع وين ردت وقالت ماشه غرفتي!
أشرت ليها على غرفتي وقلت بس ياها غرفتك!
هي ابتسمت وكان إبتسامتها كفطله بأنها تدوخني وتجزبني ليها اكتر م انا منجزب ليها!!
قلت ليها من الليله غرفتك هي غرفتي! قالت ماشه تجيب حاجاتها وانا خشيت غرفتي!
حقيقيه أنا م عارف اوصف شعوري كيف!
لأنو شعور فوق الخيال!!
________
ولاء:-
أثناء م برتب في حاجاتي كنت كل شويه بتبسم!!
شلت حاجاات بسيطه وقلت بكره بجيب باقي الحاجات!
مشيت ليه لقيتو قاعد في المصلايه وبقرا في قرأن!
قال مستنيك عشان نصلي سوا!
ختيت الحاجات على جنب وقلت طول حياتي كنت بتمنى راجلي يهتم لصلاتي زي م بتهم لصلاتو!أول همو واخرو الدين! حقيقي تقريبا كل الصفات الخاتاها في بالي لفارس أحلامي فيك!
إتكلمت معاه ومشيت إتشورت! واتوضيت وجيت لبست الإسداال! وجيت قعدت جنبو هو فرش المصلايه قدامي! وبقي يصلي بي تمينا صلاه! و جا قعد جنبي وقال وعد قدام ربنا وقدام الكريم! اني تاني م ح ازعلك! أو اجرحك!