رواية عروسة الخرطوم الفصل السابع عشر17بقلم سجي المدني
إتكلمت معاه ومشيت إتشورت! واتوضيت وجيت لبست الإسداال! وجيت قعدت جنبو هو فرش المصلايه قدامي! وبقي يصلي بي تمينا صلاه! و جا قعد جنبي وقال وعد قدام ربنا وقدام الكريم! اني تاني م ح ازعلك! أو اجرحك!
مسكت يدو وقلت وعد قدام الكريم اني م ح احب غيرك!
عاين لي جوه عيوني وقال بحبك"
بقيت بعاين ليه بإبتسامه وفجأه ضميتو وقلت! شهابي بعشقك!!
الصباح الإتنين قمنا بدري هو خشي الحمام وانا كنت مفرشنةه المصلايه! جا طالع وقال لي نصلي سوا!
عاينت ليه وإبتسمت وقلت اوكي!
جا فرش المصلايه قدامي وصلينا!
هو فجأه رفع يدينو وبقي يدعي بصوت عالي وقال:الله لا ي حرمني من حُلوتي الغاليه على قلبي! مهما كترت بينا المسافات! ي ربي! دايما خلينا قريبين بالقلوب!
ي رب احفظنا لبعض! وي رب احمينا من كل عين!
ضحكت ومشيت عليه وقلت اللهم أمين!
باسني في جبيني وقال الله يخليك لي!
قلت ليه أمين ويخليك لي!
عاينت ليه وقلت اقوم اسوي الشاي!
قال لي بعد نقرأ قرأن! قلته لي طيب! قرينا وطوالي!
مشيت سويت الشاي وانا بغني غنية:انت الحته الحلوه ف قلبي ببقى في قربك مش قلقانه انت حبيبي وابويا وابني! ومليش بعدك تاني مكان! حب الدنيا في أيام عمري! رجعتني لنفسي زمان!!
قطع صوتي شهاب وهو ماسكني من اكتافي بي ورا وقاال اوو طلعتي مغنيه كمان!
ابتسمت وقبلت عليه وقلت:مش'حوار طبعا
_الغنيه دي هي لي ولا شنو يعني!
إبتسمت وقلت ممكن تقول كدا يعني! 😂
_طيب خليني اغني ليك أنا!
=طيب غني!
_ماما جابت بيبي!
قاطعتو وقلت اسكت اسكت غنيتك دي اخر عدمها!😂
_ههه كنت بهظر بهظر اصبري اغني ليك!
=طيب اها!
عاين لي ومسك يديني وبدأ يغني:م تبعدش عني ولا ثانيه واحضني نسيني الدنيا واوعدني طول م انت معايا! م تسيبش ايدي من ايدك!
ختيت يدي التانيه في يدو وقلت اوعدك م ح اسيب يدي من ايدك! وطول عمري ح أفضل معاك!
_ماف شئ ح يفرقنا غير الموت! انت عارفه انو حبنا دا! أتخلق بعد معافره! وصعوبات نحن خضناها! عشان كدا م عايزو ينتهي مهما كان!
=حبي ليك ح يبقى دايم! م ح اسيبك اتأكد! دايما معاك للآخر!
قطع كلامنا الشاي وهو بتكشح! فكيت يدين شهاب سريع سريع وطفيتو قبلت عليه وقلت شفت لهيتني! ضحك وقال لي والله دا لهيتك دا!
طلع فات وانا كبيت الشاي ومعاو بسكويت ومشيت!
شربنا الشاي! وقال لي بالمناسبه الليله خاطفك حته!
=وين!
_ح نمشي مملكة العاشقين!
ضحكت وقلت ليه هو في حته اسمها كدا!
_لا م إسمها كده لكن انا سميتها كدا😂❤️
=إلهي!
_قال ح تشوفيها بعدين!.
=طيب ح نطلع الساعه كم!
_٨مساء!
=اوكي!
كملنا شراب مشيت غسلت العده وطلعت الغرفه وشهاب برضو! قلت ليه كدي أمشي اجيب باقي حاجاتي! قال لي طيب اساعدك!
مشينا جبنا باقي الحاجات وأثناء م بطلع هدومي من الدولاب وقع فستان لونو أحمر غامق وفيو حزام حرير ابيض في النص! فجأه شهاب شافو جا شالو من الأرض بسرعه وقال دا الحتلبسيه بعدين!
=عجبك!؟
_هو والله إنت لو لبستي ااي حاجه بتجي عليك! بس دا بليق بمشينتا!
_اوو كده يعني! طيب ح البسو!
كملنا نقل ورتبته ااي حاجه!!
ومشيت عايزه أرتب هدومي في الدولاب لقيت هدوم رضوي قلت ليه شهاب وزحيت من قدام الدولاب عشان يشوف الهدوم!
شهاب كان قاعد في السرير وشايل تلفونو انتبه لي! خته التلفون وجا على قال لي ولا يهمك! شال الهدوم كلهم وختاهم في البلكونه وحرقهم!
=ليه كده ي شهاب! انا م كان قصدي انك تحرقهم! لا كان تتصل عليها عشان تجي تشيلهم!
_بالناقص من هدومها م تشغلي بالك ارح!.
=اصبر خلاص ألم الرماد دا!
لميتو ومسحته حتتو ومشيت لي شهاب!
زي الساعه ٨!طلعنا! كانت الحته عباره عن رمله كتيره وفي طاولات وااي إتنين قاعدين سوا وكان في أنوار مشكله يعني م نور واحد كانت الحته مطله على بحر هي م شارع النيل هي ازبط منو! وكان في نسمات هواء بارده وجميله!!وفي ريحه طيبه شديد!
قعدنا في واحد من الطاولات وقلت مملكة العاشقين بتاعتك دي رهيبه لكن!
_ضحك وقال لي كيف م ح تكون حلوه وانا مسميها مملكة العاشقين!
قعدنا نتونس بعد شويه طلبنا اكل! أكلنا وطلبنا عصير! شربنا وكنت بعاين للبحر وبتعمق امواجو فجأه شهاب مسك يدي وقال لي مملكة العاشقين دي انت احلى منها بكتير!
=شهاب انت كده بتخجلني على فكره!
ضحك وقال وحلاتو البخجل!
=شهاب ياخ!
_خلاص خلاص!
كملنا الليله وكانت احلى ليله في حياتي انا إتأكدت ميه في الميه إنو شهاب دا بالجد بحبني!
اخخ دا احلى حب اعيشو!!
مر شهر! وحياتنا ماشه عديل سمنه على عسل! شهاب نزل شغل! وأنا بقيت قاعده براي في البيت وحتى ماف ااي موضوع! الليله أثناء م قاعده في البيت! وبراي وكنت بحضر في التلفزيون! وباكل في فشار جرس الباب دق مشيت فتحتو وإتخلعت لمن شفت الزول كانت رضوي قالت لي من غير مقدمات شيلي هدومك واتخارجي من بيتي!!
