رواية عروسة الخرطوم
الفصل الثامن عشر18
بقلم سجي المدني
الليله أثناء م قاعده في البيت! وبراي وكنت بحضر في التلفزيون! وباكل في فشار جرس الباب دق مشيت فتحتو وإتخلعت لمن شفت الزول كانت رضوي قالت لي من غير مقدمات شيلي هدومك واتخارجي من بيتي!!!
عاينت ليها بإستغراب وقلت عفوا!
_زي م سمعتي شيلي هدومك واتخارجي! وشيلي هدوم راجلك برضو! لأنو على م اعتقد هو ماف!
=وانت عرفتي كيف!
_م اكيد م ح يقعد طيله عمرو في البيت اكيد ح يمشي الشغل المهم اطلعي اطلعي سريع عشان عايزه ارتاح!
فجأه اتذكرت إنو البيت دا مسجل بإسمها ف م قدرت اناقشها أو اتكلم معاها!
هي دخلت وطوالي انا ستفت هدومنا في شنط وطلعت لقيتها قاعده في كنبة الصالون! قلت ليها رضوي انت شلتي البيت! بس ي ترى شرفك ح يرجعك ولا كرامتك ح ترجع! أو ماشاءالله بطنك كبرت! شكلو اهلك طردوك عشان كدا جيتي عشان تاخدي مننا البيت دا صاح؟!.
عاينت لي وقالت اطلعي برا سريع!
=انا طالعه انت هدي وروقي بس وبعدين إن شاء الله البيت دا ينفعك!
حمرت ليها ووقفت قدام الباب بس فجأه اتذكرت الكف مشيت عليها وقلت ليها بس برضو م نسيت كفى واديتها كف حارر هي بقت مصدومه وبتعاين لي وقالت لي ك ك قلت ليها خلي التمتيم المهم ربنا يتم ليك على خير وتلدي بعافيتك.. وطلعت خليتها انبسطت شديد لاني اديتها كف! بقيت واقفه قدام العماره وبتصل على شهاب بس تلفونو م بخش تقريبا اتصلت سته مرات عشان المره السادسه رد!
=شهاب م إنتهيت من الشغل!؟؟
_لالا طالع خلآص في حاجه!
=ايوه في تعاليني سريع!
_حاضر كويس! بس وريني في شنو!
=تعال انت بس! بوريك بعد تجي!
_حاضر!
قفلت التلفون وبقيت مستنيه تقريبا نص ساعه عشان جا! وقف العربيه ونزل منها وجا على واستغرب في الشنط الأنا شايلاهم ديل عمل لي حركه بيدو نظام ديل شنو!؟
=رضوي جات قالت عايزه بيتها!
_كيف يعني!؟
=عديل كدا مش البيت دا مسجل بإسمها! ببساطة طردتنا منو! المهم ارح البيت!
_لالا اصبري! أمشي اتفاهم معاها!
كان ماشي مسكتو من يدو وقلت ليه شهاب لو إتكلمت معاها الح يحصل شنو في النهايه دا بيتها ولو اتنقاشت معاها عادي تسجنك!!خليها ارح ح نلقي لينا بيت احسن من دا!
_البيت دا مهم شديد بالنسبه لي فيهو بداية حبنا والايام الأنحنا عشناها!
=نعيد كل الزكريات ارح م عايزين مشاكل!
عاين لي ورفع الشنط الضهريه وركبنا اتحركنا بيت ناس جدو!وأثناء م نحن في العربيه مسكت شهاب وقلت لي إنت كويس!. عاين لي وقال كويس حبيبتي كويس!
_________
رضوي:-
بعد طلعت ولاء قعدت في الكنبه وبقيت ببكي بشده! صراحه انا كنت موجوعه شديد وضعيفه الوقت داك! بس م كنت عايزه أظهر قدامها كده!! ولمن ادتني الكف كنت عايزه اقول ليها اديني لسه لاني بستاهل!! بستاهل عشره مرات!!
ياريت ياريت م حصل الحصل ياريت م حملت!ياريت ابوي اتفاهم معاي!
"فلاش باك"
"بلسان الكاتبه"
رضوي كانت قاعده وبتاكل مع أهلها في الصينيه وهم لاحظو ليها الايام الفاتت لي وحمها وأنها بتشتهي حاجات كتيره! بس قالو يمكن تكون ساي! وحتى ركزو على بطنها بس بطغتيها! لكن برضو ظاهر منها خفيف!
الليله بعد اكلت قامت عشان تغسل! فجأه جا هواء! ولصق جلبابه وكلهم شافو بطنها! ابوها قام من الأكل وهو مستغرب وفي نفس الوقت غضبان وبين مصدق و م مصدق! مشى على رضوي وقال رضوي دا شنو!؟
واشر على بطنها!
رضوي رمت الإبريق الكانت شايله! وقال ليه ا ا ابوي!
_اسكتي أسكتي اوعك تنطقي إسمي الولد دا لاقطه من وين ي رضوي! ولدد منو وريني
رضوي ببكي وخوف:ا ا ب بوي اصبر افهمك علي
قبلي م تتم كلامها لصق في وشها كف وبقي يضربها كلهم قامو عشان يحجزوها هدو ابوها وقعدو في السرير امها مشت عليها وقالت دا آخر تربايتي ليك وريني انا ربيت كده! علمت كده!! وريني ليه تشوهي سمعتنا بالطريقه دي! ليه عايزه تخلينا م عندنا كرامه!!
=ا ا مي!
امها بصراخ! :برا امي معاك!!
ابوي:شيلي هدومك واطلعي برا البيت دا!
=بس بس ابوي!!
م كرر ليها الكلام مرتين! هي حاولت معاه بس م قدرت! مشت شالت هدومها وطلعت من غير كلام! طول الطريق كانت بتبكي و م عارفه تمشي على وين! بس فجأه اتذكرت البيت المسجل بإسمها طوالي مشت! حتى لقت ولاء بس طردتها!
وبي جهه ابوها عندو سكري وضغط الإتنين ارتفعو عندو! وهسي ودو المستشفي ومتابعين حالتو!
________
ولاء:-
وصلنا البيت ولقينا ناس جدو قاعدين! قلنا احسن نمشي البيت الكبير!
سلمنا عليهم وضيفونا وقعدنا!
جدو:في شنو ي ولدي إن شاء الله خير!
شهاب:ههه يعني ي جدو نحن م قاعدين نجيكم!!
جدو:دي فيها شنط ي زول😂
َولاء:طردونا من البيت!
جدو قبل علي بإستغراب وقال:طردوكم كيف يعني!؟
=طليقه شهاب جات وطردتنا من البيت!
جدو:ليه!
=مجرد إنو البيت مسجل بإسمها!
جدو:وانتو مسجلنو ليها بإسمها ليه!
=دا شهاب طبعا!
اتكلمنا مع جدو! كتير! فجأه جدو قال لينا ولا يهمكم عندي بيت في المنشيه وفارشو لي سنوات وقلت اول حفيد يعرس من أحفادي ح اسكنو فيه!
=هو مفروش ليه سنوات وماف زول ساكن فيه م بكون مسكون!!!؟
جدو:الغفير قاعد فيه والقرآن اربعه وعشرين ساعه مشغل! و بتنضف يوميا!
شهاب:لا ي جدو بنتصرف كتر خيرك!
جدو:لا والله!
شهاب:م قصرت ي جدو البيت دا خلي لي سامر(ود عمو أحمد) نحن بنلقي بيت!
جدو:على بالطلاق!
ولاء:والله حبوبه لو في كان ورتك الطلاق دا شنو ي جدو😂
قعدنا مع ناس جدو كتير للمغرب كده! ودونا بيت المنشيه الغفير ادانا المفاتيح! ومشى! دخلنا جوا والبيت كان رهيب شديد! وحتي فيو حديقه!
ختينا الشنط في الغرفه وقلت لي شهاب! أستحمي مسافه اعمل اكل!.
_حاضر!
مشيت لقيت التلاجه ملانه ماشاء الله اصلا قبل م نجي جدو قال لينا ااي شئ في! عملت الاكل بعد شويه ناديت شهاب! جا! ختيتو قدام التلفزيون غسلنا أيادينا وقعدنا! شهاب لمن ضاق الأكل قال أمم حاجه رهيبه انت عارفه انك بتمتازي بكل أنواع الجمال وحتى الحلاوه يديك ديل من عسل إنت!؟
ضحكت وقلت ليه يمكن!
_بحبك ي ستهم!
=والله اقوم من الأكل دا انت عارفني أثناء م باكل م بعرف ارد على الكلام الزي دا!
_خلاص خلاص طيب!😂
أكلنا وشلت الصينيه غسلتها وسويت الشاي!
وأثناء م شايله قلت ليه وانا برضو بحبك ي سيدهم!
_ههه دا رد قبيل يعني!
=ايوه ايوه!
ختيت صينيه الشاي شربنا وطلعنا الغرفه قلت ليه شهاب رايك شنو نمشي السطوح!
_طيب!
=طيب أمشي بلحقك!.
_لا نمشي سوا!
=كويس!
مشيت شلت لي سجاده كبيره وطلعنا! قال لي دي لشنو!
=اصبر بتعرف!
فرشها في الأرض وقلت ليه ح نرقد ونعاين للسماء!
_واحلى معاينه معاك!
رقدنا وبقينا نعاين وماسكين يدين بعض قال لي! شفتي النجمه الساطعه ديك!.. واشر على واحده!
=ايوه مالها!
_انت حلوه زيها!
=شهاب انا بحبك والله!
_م زي حبي ليك!
قبلنا وبقينا مقاصدين بعض وبنعاين لبعض! ولسه ماسكين يدين بعض! شهاب قال لي م ح اشبع من حلاوتك دي!!
مرو شهور كتيره! وهسي الوحم مطلع عيني بقيت بكره شهاب شديد و م بحب شوفتو وااي شئ يجيبو م بودي يدي عليه! الليله أثناء م قاعده في الغرفه وهو في الهول! ايوه طردتو! من الغرفه! مشيت ليه قلت ليه طلقني!
قام مفزوع من الكنبه وقال اطلقك كيف يعني!؟
=عديل كدا!
جا على عايز يمسك يدي!
صرخت فيه وقلت شهاب زح مني وبديت ابكي!
شهاب رجع لي ورا وقال ي رب صبرني!
=قلت شنو؟!
_ولا شئ!
=طلقني ي شهاب م عايزاك انا!
_م ح اطلقك!
=وديني بيت اهلي!
_جدا!
=يعني زهحان مني صاح وبس عايز فرصه عشان تتخلص مني!
_م كده لكن انت قلتي عايزه كده! خلاص خلاص ارح!
=وبتمشي فيني كمان!
_ولاء ماشه ولا م ماشه!
=وبتأمرني وبتديني خيارات كمان!
_خلاص اسف!
=واعتذار بالغصب برضو!؟
_يعني م اعتذر!؟ خلاص كويس
=وكمان م عايز تعتذر لا كترتها!
_خلاص اسف!.
=مره تانيه بتمشي فيني!
شهاب عاين لي ومشى قعد في الكنبه
=لا وكمان بتتجاهلني!
قام من غير م يرد ودخل الغرفه جاب شنطه وكانت حقتي قال مش ماشه بيتكم حبيبتي ارح يلا!
=م تقول لي حبيبتي حباك برص!
_خلاص حاضر!
=مره تالته بتمشيني!.
_خلاص م ح أمشيك!
=مره رابعه بتمشيني!
_ي لطييف!
=لا وكمان بتتزهج فيني!
عاين لي وقال لي الحقيني وطلع! انا طلعت وركبت! وصلني البيت وكان عايز يخش معاي قلت ليه م تخش!
_كيف يعني!.
=كده بس!
بلسان الكاتبه:-
م رد عليها لأنو عارفها لو خشى هي ح تزعل! عاين ليها وقال ليها انتبهي على نفسك!
=م بنتبه أمشي يلا!
ولاء خشت البيت وسلمت على ناس البيت وقعدت تتونس معاهم! فجأه اتصل زول في تلفون امها