رواية زواج في الحرب الفصل التاسع عشر19بقلم اماني الروح
زواج في الحرب 👰🏻♀19
جاء وقف بيني وبين المرايا ورفع لي حاجبو قال لي مالك قلتا لي مافي حاجة وهو بشيل خصلة من شعري قال لي بتغيري قلتا لي بي انفعال لا طبعا قال لي طيب لي قمتي وملامحك اتغيرت🤔🤨 وانا ببعد عنو قلتا ليك مافي حاجة ي مصطفي انسي وهو بلف يدو في نصي وبقربني ليهو قال لي أحلفي انك ما غيرانة قبل ارد عليهو الباب دقة زحيت يدو مني قلتا لي افتح الباب مشي يفتحو وهو بتأفاف😮💨😮💨 لقاهو دا محمد قال ليهو ابوي عايزك رجع قال لي انا ماشي بس لسة ما خلصنا كلامنا وطلع الحيوان تالا كان صحت دخلتها الحمام غسلتا ليها شعرهاا وحميتا قلتا ليهااا اقعدي مسافة شعرك ينشف اخد لي دش🙄🙄 شلتا لي جلباب صغيروني مع الركبة واكمامو قصيرة وختيت العباية في السرير اخدتا دش وطلعتا سرحتا تالا ضفيرتين عجبوهااا شديد قالت لي انا كمان الا اسرحك قعدتا ليهااا تسرحني نص ساعة وهي بتسرح فيني وكانت مبسوطة وبتضحك في الاخير شربكت لي المشط في شعري😖😫 وحاولت انهااا تطلعو بس للاسف شربكتو لي زياااادة انااا زاتي ما قدرتا اطلعو قدر ما حاولتا ابي خالص لمن راااسي وجعني قربتا ابكي في الاخير قررتا امشي اشوف لي مقص اقص محل الشربكة واخلص 😣🥺 انا بفتش في المقص مصطفي جاء داخل لقاني مكركبة الغرفة كلهااا قال لي في شنو لما سمعتا صوتو اتهجمتا جري شلتا العباية لبستها قلتا لي مافي حاجة توتا قالت ليهو شعرها اتشربك في المشط🥹🥹 نزلتا تالا من السرير قلتا ليهااا اجري لي ماما سامية قولي ليها ماما قالت ليك اديها المقص وفتحتا ليها الباب مصطفي قرب مني وطلع لي شعري من جوة العباية قال لي دقيقة اطلعو ليك 😟😟حاول يطلعو لي بس كان بشد في شعري قلتا لي خليهو انا راسي وجعني شديد قال لي طيب تعالي المغسلة نبلو بي المويا حيتفكي فعلا عمل لي فيهو المويا بدا يتفكة شويا شويا ومصطفي الحيوان مستقل الفرصة ومقرب مني شديد🤭🤭 بعد المشط اتفكة عايزة الف شعري قال لي خليهو فاكي بكون احلى وما تفكري في يوم تقصي منو سنت واحد انااا عايزو طويل كدة🥰🥰 ما رديت عليهو اصلا رفع لي وشي وقربني عليهو قال لي ما جاوبتني على سؤالي قلتا لي سؤال شنو انا كنت فاهمة يقصد ياتو سؤال بس عاملة عبيطة😢😕 قال لي غيرانة قلتا لي لا وهي منو اصلا علشان اغير منها واغير علي منو اصلا المرة دي شداني عليهو بي قوة بقيت كلي في حضنو قال لي والله يعني انا مابعني ليك حاجة سكتا ما رديت عليهو🤫🫠
مارديت عليهو🫂🫂 هو كمان سكت فضلنا على الوضع دا مساافة بعديها قلتا لي انا مشتاقة لي أهلي يا مصطفي اول مرة ابعد منهم كدة ومن يوم سافرتا اتكلمتا معاهم مرة واحدة والاتصالات قطعت😭😥 انااا عايزة امي واخواتي ي مصطفي زحا مني شويا وقعدني في السرير وقعد هوعلي رجلينو في الأرض بقي مقاصدني وخاتي يدينو الاثنين في وشي قال لي ماتبكي انا حا اخليك تتكلمي معاهو الليلة بي أي طريقة☺️😊 فجاءة باب الغرفة اتفتح كانت تالا قالت لي ماما جبتا ليك المقص مصطفي عاين لي وضحكنا🤣😂 قلتا ليها ي حليلك يا تالا تعااالي شلتها فيني وقلتا ليها فكينا المشط قييبيل كنتي وين انتي الوقت دا كلو بقت تهبش في شعري علشان تتأكد انو اتفكي🤭🫢 مصطفي قال لي بالمناسبة نسيت اكلمك حنرجع جدة بعد شويا لانو طيارتنا الساعة ٧ مساء اجهزو سرعة قلتا لي بي الجد انا تعبتا من السفر دا لينا اسبوعين في حالة سفر وكمان الليلة فيها طيارة😰😰 قال لي هانت قربنا نصل تاني ما حيكون في سفر حنكون مع بعض انا وانتي وحبيبة بابا🥰🥰 ابتسمتا وقلتا لي أن شاء الله قال لي يلا انا نازل اعمل إجراءات الخروج اجهزو وانزلوا طوالي قلتا لي تمام 😇🙃