رواية عروسة الخرطوم
الفصل التاسع عشر19والاخير
بقلم سجي المدني
ولاء خشت البيت وسلمت على ناس البيت وقعدت تتونس معاهم! فجأه اتصل زول في تلفون امها..
امها رفعت التلفون وكان دا شهاب!
_الو
=خالتو علويه كيف حالك؟
_بخير والله الحمدلله إنت كيفك ي ولدي!
=خالتو علويه لو ولاء معاك امشي حته تكون م فيها عليك الله!
_ليه!
=بفهمك ي خالتي انت بس زحي من جنبها!.
_طيب!
امها مشت على جنب!
=خلاص
_ايوه!
=عايز اقول ليك م تجيبو ااي سيره عني لي ولاء! خصوصا إنو هي الايامات دي بقت بتكرهني شديد و م بطيق شوفتي شكلو الحمل مأثر معاها! عشان كدا ابعدو من سيرتي و م تنطقو إسمي قدامها!
_ههه كويس ي ولدي!
=انا بجي بزورها إن شاء الله بس طبعا بطمن عليها من غير م تشوفني!
_حاضر ي ولدي!.
امها قفلت التلفون ومشت خشت جوا! حتى لقت ولاء خشت الغرفه قالت لي ناس ريله وورد وابوهم وفؤاد! إنو م يجيبو ليها سيره شهاب وحكت ليهم كل القصه!
_______
ولاء:-
كنت قاعده وبرتب هدومي في الدولاب! ناديت لي ورد جاتني قالت نعم في شنو!؟
=أعملي لي إندومي!
_حاضر!
وطلعت مشت بعد رتبت الهدوم جابت لي الإندومي! ومشت.. أكلت وختيت الصحن فتحت الشاشه وبقيت بحضر! في مسلسل فجأه سمعت اسم شهاب في المسلسل قمت على حيلي قفلتها وانا زعلانه قربت اكسرها!
قعدت في السرير وكنت نعسانه! ف نمت م صحيت إلا الساعه ١٠ بالليل قمت صليت العشاء! وتاني رقدت نمت!!
مر إسبوع وانا م حصل لمحت شهاب قلت الحمدلله اصلا بكرهه شوفتو!
في يوم وانا قاعده في غرفتي! وكنت عطشانه وناديت لي ورد وريله بس شكلهم م سمعوني!
قمت طلعت! وأثناء م خاشه المطبخ شفت شهاب! بقيت بصرخ وقلت امي دا الجابو شنو!؟
شهاب لفت راسو بالجنبه واتكلم مع امي وقال الليله دي شكلها م ناويه على خير!!
=قلت شنو!؟؟؟
مشيت عليهم وقلت امي طلعي الود دا من البيت!! ياخي قلت ليكم م عايزه اشوفو ولا عايزه اسمع صوتو! اطلع هسي الجابك شنو اطلع!.
=جيت اطمن عليك خسارة جيتي!
_وكمان بتستخسر فيني الجيه!
=خلاص قمنا!
_وبتقل أدبك فيني!
شهاب قبل علي أمي وقال ليها انا ح أمشي!وبجيكم مره تانيه!
=م تجي كان راجل عتب عتبه البيت دا!
_والله دا كلام
أمي ضحكت وقالت شكلو الولد دا م دايرك عديل ي شهاب😂
_والله شكلو!
شهاب مشى وانا رجعت غرفتي! وبقيت ببكي وانا زعلانه شديد! ياخي جاي ليه ياخ يعكر لي مزاجي ياخ..
بعد مرور اشهر:-
ولاء:-
كنت قاعده في الغرفه وفجأه بطني بدت توجعني! بقيت بصرخ بشده بعد شويه ناس أمي جو جارين! بعد ربع ساعه جابو العربيه وعايزين يودوني المستشفى شفت شهاب بقيت بشاكل فيه وقلت ليه م عايزه اشوف وشك!
الحمدلله جا فرد جديد في عائلتنا ونور لينا حياتناا! جا احلى حاجه كنا منتظرنها! جا كتكوتي الصغير!!
الليله بعد خرجوني من المستشفى مشينا البيت! وأثناء م نحن قاعدين في الغرفه قلت ليه امي شهاب وين!
_انت مش قلتي ليه م عايزه اشوفك!
=انا؟! بتين قلت ليه امي انت بتهظري و لا شنو!؟
_اصبري اوريك!
ريله ادت امي تلفونها امي فتحت الإستيديو وادتني مقاطع فيديو! كانت كلها عباره عني انا وبشاكل شهاب واني م عايزه يجي بيتنا! وحاجات كتيره مضحكه!
=معقوله دي انا😂
_ههه
=يعني شهاب م جا!
اثنا م بنتكلم جا هو خاشي قال كيف م ح أجي ح اسمع كلامك يعني!!؟؟
ضحكت وقلت ليه أسفه!
_ولا يهمك!
جا قعد جنبي وقال انا في المستشفى كنت معاك وجنبك معقوله م شوفتيني!؟
_كنت موجوعه و م شفت ااي زول!!
يوم السمايه جا وقلت م بسمي انا يسمى! شهاب!
كنت قاعده براي في الغرفه فجأه هو جا قال لي ولويتي!
_عيون ولويتك!.
جا قعد جنبي وقال ح نسميه شنو؟!
=اختار الإسم انت!؟
مسك يدي وقال ح اسميه:راضي!
=حلو الإسم!
_زيك كدا!.
=اخترت الإسم دا ليه!
_راضي! إسم حلو ومميز وليه علاقه بينا! كونو إنو نحن رضينا بقدرنا! ايوه كنا م راضين! بس من غير م نحس وتلقائيا لقينا نفسنا رضينا لقايت م اتخلق حبنا!
=الله!
سمينا الإسم وبالجد الإسم رهيب شديد!
بعد شهرين تقريبا رجعنا بيتنا!
كنت شايله راضي"وشهاب ماسك يدي!
دخلنا البيت شهاب قال البيت نور بوجودكم! ♥️
عاينت ليه قلت وانت منور حياتي♥️
دخلنا الغرفه لقيت فيها سرير صغيرر ولطيف بتاع بيبي! قبلت على شهاب وقلت ليه السرير كيوت!
_عجبك!؟
=شديد!
ختيت فيه راضي ومشيت على شهاب مسكت يدو وبقيت بعاين ليه مسافه في عيونو! قلت ليه انا لو قعدت ميه سنه اشكر ربنا م ح أقدر اكفي حقو عن النعمه الاداني ليها! بجد انت احلى نعمه دخلت حياتي!
=كنت م عارف قيمتك! لكن عرفتها! عرفته انو انت قيمتك كبيره شديد! وااي زول مفروض يحافظ عليك! عرفت انو انت! جوهره نادره! ولازم يختوك في مكان تكوني محفوظه فيه! انت زول عوضتني بيها الايام! انت احلى حاجه حصلت في حياتي!باسني في جبيني وقال احلي قطعه سكره اداني ليها ربنا
=وانت احلى حاجه انا اخترتها♥️
______
رضوي:-
م عارفه الشهور المرت دي مرت علي كيف تقريبا كنت انسانه ومتحركه فقط!
ولدت قبل شهور! وبنتي هسي قاعده معاي!
قاعده براي في البيت لا في زول داخل على لا مارق مني!
كنت بحاول كتير اني اتصل في تلفون امي بس م بترد! ف الاخر ردت سألتها من ابوي وسلمتني الجمله الوجعتني شديد إنو ابوك مات!
وقعت التلفون في الأرض وبقيت قاعده وببكي! اصلا كل الحصل من وراي!!
دي كلها نتيجة أعمالي
حقيقه حياتي بقت تعيسه وعباره عن بكى!
دي كلها سبب غلطه واحده!!!
قلت ماشه بيتنا عشان ابكي مع ناس أمي بس قلت احسن م امشي!
بقيت قاعده في البيت وياهو حياتي ماشه ومنتظره يومي!
صح انا فشلت في كل شئ بس م ح افشل في تربايت بتي واني أحوجها لحاجه! صح ابوها ماف بس انا ح اكون ليها ام وأب! و ح أنزل افتش لي شغل عشانها وعشان اربيها!....
________
ولاء:-
كنت بتكلم مع شهاب أثناء م خاتين صينيه الغداء وقلت ليه بعد إسبوع عرس ملك!
_ااي صح!
=ح أمشي ليهم بكره عشان اجهز معاهم!
_طيب!!
يوم بكره جا سريع!! ومشيت حتى خليت راضي عارفه انو هو صغير و م مفروض اخلي! لكن ساعه بس وقلت بجي ليه! إن شاء الله مشيت ربع ساعه م تميتها شهاب اتصل علي!
=اها ي شهاب!
_راضي دا عمل حاجه تعالى سريع!
=عمل بيبي ولا شنو!
_ايوه!
=م تغسلو عايزه ليها إتنين تلاته!
_ولاء انت عارفاني م بعرف اغسل تعالى سريع!
=شنو شنو م بتعرف غسلو خليني اجهز مع الناس!
_ولاء تعالى!
=طيب!
طلعت سريع سريع ومشيت لقتيو ماسكو وبحضر مشيت عليه وقلت غايتو بس الحمدلله شلت راضي وغسلتو! وجيت قعدت جنب شهاب وبرضع في راضي!
شهاب قال لي م ح ترجعي!
=لا!
_كان ماشه سوقي معاك!
=غايتو ولد صغير م بتقدر تتحمل مسؤوليتو!
مر إسبوع العرس والليله العرس! جهزت روحي وجهزت راضي! وطلعنا لقيت شهاب كالعاده اول من يجهز! لقتيو مستنني في الحديقه! لمن شافنا قال ماشاءالله ماشاء الله تعالو احصنكم م يسحروكم لي! مشيت عليه وقلت وانت برضو الجلابيه السمنيه ح تاخد منك حته! والحلاقه واللحيه وب! انا خلاص انبرشته!
_لازم لازم!
=شوف شوف شاف روحو طوالي!
مشيت عليه إتحصنا وطلعنا! هو مشى محل الرجال وانا مشيت جوا سلمت على ناس أمي والموجودين! امي شالت راضي قالت عايزه تسلم عليه خليتو ليها ومشيت لي العروس في بيتنا!
لقيتهم قاعدين في الغرفه وبياكلو!
=العروس!
ملك:ولويتي!
=كيفك!
ملك:بخير الحمدلله!
مشيت عليها وقلت ليها يعني خلاص ح تبقى عروس!
_كيف دا كلامك!
اتونست معاهم وطلعت مشيت لي ناس امي شلت راضي رضعتو بعد شويه فطرنا!!
وقت الحفله جا ونحن قاعدين نتجهز في بيتنا وناس ملك مع ناس ريله وورد مشو الكوفير! قالو لي ارح بس قلت الكوفير ساعاتو طويله وراضي بحتاج الرضاعه!
بعد اتجهزنا امي جات خاشه الغرفه كنا انا وبنات عمتي!
امي:إشي إشي طالعات قمرات!
=ح نجهزك انت برضو عشان تطلعي قمره زينا!
_وياهو جبت حاجاتي!
امي طلعت كيس من وراها وكان فيو حاجاتها ضحكنا فيها بعد شويه مكيجتها ولبست توبها كانت طالعه حلوه حلوه شديد!
أخدت كم صوره! وطلعنا وقت طلعنا لقنيا العرسان وصلو! شكلنا طلعنا متأخرين! أثناء م نحن مندمجين مع الحفله! تلفوني رن وكانت دي رساله من شهاب مرسل لي فيها:حلاوتك دي لي انا بس! دا شنو طالعه حلوه كدا ومظهراها لي الكل! دي مفروض تظهر لي انا فقط! مش لكل زول!
ضحكت وقلت ليه حاضر ي عيوني!
وقفلت التلفون مشيت باركت للعرسان وربيناها!
الحفله انتهت ورجعنا البيت! أثناء م نحن في العربيه شهاب قال لي! انت دايما بتطلعي حلوه كده ليه!
_عشان انا حلوه!
=حلاوتك دي لي انا بس فاهمه!
ضحكت وقلت ليه ايوه!
من خشيت البيت! ختيت راضي في السرير ونمت! تاني م صحيت إلا الساعه ٨! لقيت شهاب مافي في السرير قمت إتشورت واتوضيت وصليت الضحي! ومشيت لشهاب! لقيتو في المطبخ و بسوى الشاي!
=أو زوجي الحنون!
_كيف م اكون حنون وانا عندي زوجه زي دي!
ضحكت وقلت ليه شهابي ياخ!
مشيت جنبو ختيت الصينيه وختيت فيها الكبابي!
وقلت ليه شلت الصينيه والكبابي جيب الشاي بس!
طلعت قعدت في كنبه الهول وهو جاب الشاي وجا! بقينا نشرب فجأه راضي بكى مشيت جبتو سريع سريع وجيت لي شهاب!
شهاب شالو مني وقال البكاي!!
بقيت بعاين ليه شهاب شديد وقلت ليه م عارفه ليه ف كل لحظه بس بكون عايزه اقول ليك بحبك! ولو عشته عمري كلو بس اقول ليك الكلمه دي بكون مبسوطه!
_انا ماسك نفسي ساي من إني اقولها ليك في كل رأس ثانيه!! عشان م امسخها! مع إنو هي م بتمسخ وليها طعم خاص!
=شهاب بالجد بحبك!
_وأنا بعشقك!
شلت التلفون من جنبي وقلت دي لحظات م بتتعوض وأخدت لينا صوره!
بعد لقطت الصوره اتصلت على نور! طبعا ولدت جابت توأم! رديت ليها
=نوري
_كيفك حبيتي وكيف راضي!
=بخير والله الحمدلله
_الحمدلله
اتونست معاها وقفلت الخط..
عاينت لي شهاب وقلت ليه تعال نشوف الصوره..
شفناها وفي نفس اللحظه نحن الإتنين قلنا ماشاءالله تبارك الله ربنا يديمنا لبعض❤️
تمت