رواية جراح الحب بقلم جني
الفصل التاسع عشر
الجزء المفقود
"نبيلة كانت قاعدة
وشافت غمزة جمبها كانت متوترة وكإنها مهمومة
"تعرفي … انا مش قادرة اصدق اللي حصل
بس..غريبة اوي
خالد مستحيل يعمل كدة
وبعدين هو منزلش يو….ثانية واحدة
انتي مش كنتي واخدة عربيته يوميها وهو منزلش ؟
بتتصدم غمزة من كلامها وبتتوتر..
بتمسكها من دراعها بقوة وبتردد سؤالها : بقولك ردي عليا .. ساعتها انتي اللي اخذتي العربية
..يا نهارك اسود !! هو انتي اللي عملتي كدة
ردي عليا
ردت بخوف وعياط : انا .. والله انا كنت متدايقة
لما عرفت انها حامل مشوفتش قدامي
كنت هموت عشان هي كدة هتبقى خدت مروان ..
بتتصدم نبيلة من كلامها : كانت حامل !! وانتي .. انتي اللي قتلتيها .. وانتي اللي عملتي كدة ف اخوكي
واللي انك في دلوقتي دة بسببك !!
وكل اللي احنا في بسببك
-انا معملتش كل….
بتضربها نبيلة بالقلم : اخرسي!!انا هبلغ عليكي
انتي شيطانة .. مستحيل اخليكي تفضلي هنا
-لأ ياخالتو عشان خاطري لأ.. عشان خاطري انا والله مكانش ف نيتي اعمل كل دة انا…
-انتي اية !!!ااحساسك اي يا جاحدة وانتي شايفة اخوكي بيموت قدام عينيكي بسببك .. وامك اللي مرمية ف الحبس ظلم برضو بسببك
انتي اية !!! انتي اية والله لأبلغ عليكي واحدة زيك مينفعش تبقى بينا
-لأ يا خالتو .. لأ عشان خاطري متعمليش فيا كدة
-انتي تخرسي خالص
"بتروح نبيلة بتجري عشان تجيب الموبايل وتتصل بالبوليس ..
في الوقت دة غمزة بتنزل من البيت بسرعة وهي خايفة وبتعيط .. بتفضل تجري عشان تلحق تهرب
وفجأة عربية بتخبطها وهي بتجري
وساعتها نبيلة بتكون نزلت وراها عشان تلحقها
ف بتشوفها بعد ما العربية خبطتها
وبترجع تاني البيت قبل ما حد يلاحظ وجودها
والناس بتتلم عليها .. ومن الواضح انها ماتت ..
______________________
"جيدا وسارة قاعدين مع بعض
-مش مصدقة انو خلاص هيمشي ..
حاسة بحاجة غريبة يا جيدا
-انا حاسة انو متدايق مني ..مش عارفة لي حاسة الاحساس دة
-انا عارفة انو مش زعلان منك ..انتي عارفة هو كان بيحب جميلة ازاي صح !! هو كانو ساب روحه ..
انا عارفة انو مستحيل يرجع زي الاول
انا خايفة عليه اوي
-انا كمان خايفة عليه ..بس هو عنيد .. مش هيرضى يفضل معانا مهما قولنالو
-جميلة كانت ضحية كل دة .. هي اكتر واحدة انظلمت ومخدتش حقها
دمعت وردت:مين قالك كدة ؟ لأحقها بيرجع
واهي ناهد اللي كانت سبب كل دة مرمية في الحبس ..ابنها ودع بعد ما كان بيهددك ومابيسبكيش في حالك ..والله اعلم اي كمان هيحصل
-انا مدايقة على حازم .. خليفة يعرف حاجة خايفة يكرهني بعد كل اللي حصل دة !
-وانتي فارق معاكي حبه !
-اصل .. احنا قبل ما نتجوز كنا صحاب برضو
هو اياً كان ملهوش ذنب واهو اتحط ف موقف زفت وخسر اهله كلهم
-خسرهم عشانك
-لا مش عشاني
-لا عشانك .. هو كان ب ايديه يا يفضل مسافر ي ينضم ليهم او حتى يساندهم لو غلطانين
بس هو اختارك .. واختار يضحى عشانك
-طيب سيبنا من الحوار دة
-مش عارفة هتفضلي تهربي لحد امتا ..
__________________
نبيلة بتتصل بحازم وهي متوترة …
بيرد عليها بالعافية :نعم ؟؟
-ازيك يا حبيبي
-تمام خير ؟
-انت مكلمتش غمزة؟
-لأ اكلمها لي
-اصلها مرجعتش البيت بقالها كتير وبتصل بيها مش بترد ..
-اعمل اي ؟
-هي مش اختك ؟ هتسيب اختك كدة اعرف هي فين طيب انا خايفة يكون حصلها حاجة
"حازم بيقفل ..بيحس بقلق شوية
ف بيحاول يتصل بيها اكتر من مرة بس هي مش بترد ..
اتصل كتير
لحد ما حد رد عليه من موبايلها وفهمه
اتخض حازم وراحلها
_______________________________
"باليل وتاني يوم سارة بتكون قاعدة لوحدها ..خايفة
ومهمومة ..
فجأة بيدخل حازم من الباب ..
اول ما سارة بتشوفه بتروحله بسرعة …
-حازم ! مالك !؟ وكنت فين كل دة بس !؟
-خالتو اتصلت بيا ..قالت غمزة مرجعتش البيت بقالها كتير ومش بترد
لحد ما عرفت انها عملت حادثة ..
وخلاص راحت ..
-نعم !!ازاي يعني ..!طب مكلمتنيش لي
-انا عارف انها مش فارقالك ف مكنش مهم ..
انا فضلت هناك لحد ما خلصت كل حاجة وحتى النهاردة
-ولو .. كان لازم تكلمني ! انت مش عارف اني معاك ولا اي
-انا مبقتش عارف اعمل اي ولا اي ..
اهو دفنت اخواتي الاتنين ب ايدي ومش عارف مصير التالتة دي هيبقى اي ..
انا كل ما اعدلها من حتة تبوظ من حتة
-متقلقش .. كل حاجة هتبقى تمام
انت بس روق.. بلاش تزعل شايف شكلك عامل ازاي شاحب !! انا عارفة انك زعلان عليهم بس هنعمل اي
هنا وصلو نفسهم ل هنا
-انا .. انا بس كنت عايز اتكلم معاكي ف موضوع كدة
-اكيد قول
-تعالي بس اقعدي الاول ..
"بيقعدو .. حازم بيمسك ايديها الاتنين وعيونه بتبقى لامعة ..
-توعديني انك مش هتحكي لحد .. او حتى مش هتزعل !؟
سكتت وردت بإستغراب:اوعدك بس .. هو في اي يعني؟؟
تنهد وقال :انا ..كنت قاعد مع خالتو بعدها
هي فضلت تتكلم معايا واتجاهلها
لحد ما قالتلي حاجة مهمة اوي عن غمزة و..
-و..؟
-قالتهالي بصعوبة بعد ما ضغطت عليها ..قالت الحقيقة
وان مش خالد هو اللي عمل كدة في جميلة .!
بصدمة :نعم ؟امال مين ..؟
تنهد ..:غمزة لما ..لما عرفت انها حامل
كانت وراها وهي ..اللي عملت كدة
بتتصدم سارة من كلام حازم :اية اللي بتقوله دة ؟؟
يعني اية !!؟
-والله ما كنت اعرف حاجة
"بتسحب سارة ايديها " -بدموع : اية اللي بتقوله دة
-اهدي
-انت عايزني اهدى ؟ طب ازاي
انا مش قادرة افهم هما ازاي كدة
انا مش متخيلة اي البشاعة دي
-اتمنى تفضلي واخدة بالك ان مليش ذنب ف اي حاجة ..
"سارة بتدخل الاوضة وهو بيفضل مهموم ومدمع..
ف بيدخل وراها
-انتي شايفاني انا اللي عملت كدة ؟انتي اكتر واحدة عارفة انا مدايق ازاي
ومكنتش اعرف حاجة زي دي من البداية
-عايز الصراحة ..انا عمري ما هزعل على حد منهم
عارف اية لأنهم يستاهلو دة
ولو رجع بيا الزمن هفرح وبدل ما اعمل جنازة هعمل فرح ..
-قولي اللي انتي عايزاه .. بس انا بقولك تاني اني مليش ذنب ف حاجة وانتي عارفة دة كويس
متعاقبنيش على افعال غيري وتحاسبيني على حاجات مش بإرادتي
-انا مش بحاسبك..انا مصدومة ! مينفعش ازعل على صاحبة عمري ؟ او حتى على اخويا
-انا مقولتش متزعليش .. انا بس بقولك تفضلي معايا .!انا محتاجك اكتر من اي حد يا سارة
محتاجك بجد
قالها بدموع ف بصلته بحزن :
انا اسفة او قولت كلام يزعلك ..بس للحظة قولت اللي ف قلبي عشان متدايقة
انا عارف اني مش هقدر اقول حاجة زي دي لمروان !
-مش محتاجة .. هي خلاص مبقتش موجودة !
انا متدايق من تصرفاتهم كلهم
حتى خالتو .. مش فاهم ازاي ساكتة
مش عارف هي لي بتعمل كدة
وماما !! ازاي تعمل كدة وتمشي خالد وغمزة معاها
-عارفة انك متدايق ! بس احنا الاتنين مفيش حاجة نعملها .. لو عايز تروح ل ناهد روحلها
هي برضو اياً كان امك
جرب .. يمكن تشوف الجزء الكويس منها
او يمكن حتى تكون فاقت من اللي هي في دة
-مش عايز اروحلها .. مش قادر اشوفها
انا عايز افصل وابعد عنهم كلهم
"سارة بتسكت شوية .. بعدها بتقرب منه وبتحضنه
بيلاقي نفسه بيبادلني الحضن بقوة وكأن همومه بتروح لما تقرب منه
حس براحة ..