رواية ارض المجهول الفصل الاول1بقلم دودو جمال
كنت كل يوم بسمع صوتهم وهما بيتعذبوا
وكانت أصواتهم مرعبه وفي مره قررت اروح
مكان الصوت اللي بيناديني عند البير اللي كان جدي سالم مابيتحركش من قدامه اغلب وقته كان بيحرسه حتي ابويا وأعمامي لو حد قرب من البير كان يزعق فيه بعصبيه مع إنهم كانوا كبار وفي يوم لقيت جدي بيصحيني وبيقولي قوم ياسالم علشان هتنزل البير.
بير ايه اللي هنزله يا جدي؟!
انت يابني هتنزل البير ...
دلوقتي ياجدي انا مش فاهم انت بتقول ايه وراح سحبني من ايدي ووصلنا عند البير ولقيت البير بقى اكبر بكتييير وفي جثث عيني مش جايبه آخرها وعايز اقول لجدي مش هنزل بس
لساني متلجم عن الكلام طلعت واحده من البير شكلها مقرف وعينيها عليا كان جدي رايح يديها حته من الجثه وفجأة جدي بص عليا بطريقه مرعبه وقالها سالم حفيدي من بعدي وراح راميني في البير بقيت بصرخ بعلو الصوت وكان محدش سمعني فجأه لقيت امي وحريم أعمامي سامع صوت صراخهم وبيندهوا عليا وبيصرخو باسم سالم انا وعمال أقولهم انا عايش ماموتش وهما مش سامعين وفجأه لقيت اختي الصغيره نورا بتصرخ وبتقولي قوم ياسالم قوم ياسالم صحيت من النوم مفزوع
ولقيتها بتصرخ وبتقولي جدك سالم مات
قمت مفزوع ودورت علي جدي بس خلاص كان فعلا مات وامي وحريم اعمامي بيصرخوا عليه بقيت بصرخ زيي زيهم ويمكن اكتر منهم وبكيت بالساعات لحد ما الشباب خدوني وطلعوني بره البيت وهديت شويه وقعدت علي المصطبه قدام البيت وإذ فجأة ببص علي البير لقيت جدي قاعد مكانه وبيقولي قرب ياسالم 😳😳