رواية لعبة الحب الفصل الاول1بقلم عائشة الكيلاني
خليكي هنا اوعى تتحركي سمعني يا حبيبتي
رقية بصوت طفولي :- ماما انتي رايحة فين
الام نزلت لمستواها و مسحت دموعها :- ليه العياط يا حبيبتي انا معاكي بس هروح اجيب حاجة و جاية على طول خليكي هنا لحد ما ارجع مش هتاخر خدي بالك من نفسك يا حبيبتي مفهوم متخفيش انتي قوية و متعرفيش الخوف
رقي :- طب خليني اروح لبابا انا عايزاه بابا يا ماما ارجوكي عايزة اعيش معاكم انتوا الاتنين
الام نفخت بغضب :- اوووف و بعدين معاكي هقولها كام مرة هو مش عايزك يا رقية تمام مش عايزك ولا عايز يعرف عننا حاجة ابوكي مات خلصنا و بطلي زفت بقاا كفاية ارف و اسمعي كلامي
رقية مسحت دموعها بخوف و هى بتترعش الام قبلت جبينها و حضنتها:- انا اسفة يا حبيبتي سامحيني يا روحي انا اسفة لازم تعرفي انى بحبك اوى
سلوى بعدت عن رقية بصتلها نظرة اخيرا و قامت :_ خليكي هنا مش هتاخر اوعي تتحركي من مكانك يا حبيبتي
رقية هزت راسها سارة سبتها و مشيت بعد ساعتين
رقية:_ هي ماما اتاخرت ليه هى قالت انها مش هتتاخر الجو ساقعة اوى يا ماما انتي فين انا بردانة اوى و خايفة و رجلي وجعتني انا هروح اشوفها فين اكيد هلقيها و انا ماشية
رقية حضنت عروستها و مشيت و هى بدور على امها
باك
فتحت عيونها اتنهدت بحزن و قامت وقفت قدام المرايا رقية بقسوة و شر :- خلاص يا اسيا ... انتي اسيا رقية ماتت و شبعت موت انا بكرهك يا سارة بكرهك و عمري ما هسامحك ولا هنسا الماضي و الذل الى عيشته بسببك
كملت بدموع و وجع :- ا انا عملتش حاجة والله ما عملت ليكم حاجة انا بس كان نفسي اعيش زى كل الاطفال زى اي طفل بيعيش في وسط اهلو كان نفسي اعيش معاكم مهمة كانت الظروف .. بس اظهر انى كنت تقيلة عليكم واحد سبني و اتجوز و التانية رمتني في الشارع ههههههه ههه والله انتوا عيلة مسخرة عمري ما هسامحكم
خرجت من اوضتها بعد ما جهزت نفسها و راحت لى اصحابها
مبروك ايوة بقا يا سوسو هو دا الشغل ولا بلاش برافو عليكي
انا برضو قولت ما يجيبها الا اسيا بس أنا مش مطمئنة انتي ملقتيش غير امير الالفي و تنص..بي عليه يا جاحدة ربنا يستر و منرحش في داهي..ة
اسيا ابتسمت بسخرية:_ لا يا ستي اطمنو مفيش حد هينكشف ولا هيحصله حاجة غير لاني انا بس الى فى وش المد..فع خلصنا
دا بيتصل هو مش الشغل خلص خلاص بيتصل ليه دا
اسيا ابتسمت بسخرية لم شافت الاسم :_ هروح ارد اشوف عايز اي امير الالفي
رقية بعدت عنهم وقفت على جانب و ابتسمت ابتسامة مزيفة:- الو مين معايا
امير:- لحقتي تنسي صوتي اوام كدا يا مرام هانم عموما يا ستي انا وحشني صوتك قولت اتصل اطمن عليكي
رقية:- طبعا طبعا لا مستحيل تتنسي احم بس بس كنت بفكر في الصفقة الجديدة سوري جدا بس دماغي فيها مليون حاجة
امير رجع ضهره على الكرسي:- طلامة فتحتي سيرة الشغل اي رايك لم نشتغل تاني مع بعض
رقية بتفكير:- ممن سوري بس أنا بحب اكون حرة يعني مش بحب الشاركة
امير :- و مين قال شاركة تعالي و هفهمك كل حاجة انتي وراكي حاجة دلوقتي
رقية سكتت
امير بابتسامة:- طلامة سكتي يبقا موافقة هستناكي في مكتبي
رقية:- تمام انا لازم اقفل دلوقتي
رقية قفلت مع امير و خرجت من المكان راحت البيت جهزت نفسها و ركبت العربية الى ماجرها بعد وقت فى شركة الالفي
امير بيه مرام هانم وصلت
امير:- و بتقولي ليه خليها تتفضل و الغي اى حاجة و مدخليش حد مفهوم اتفضل
امرك يا فندم مرام هانم اتفضلي امير بيه في انتظارك
رقية بابتسامة :- شكرا
رقية دخلت و السكرتيرة قفلت الباب
امير بابتسامة:- المكتب نور الشركة كلها نورت يا مرام
رقية بثبات و هدوء:- دا بنورك يا امير مرسي بس اي هو الشغل اللى عايزني فيه خير
امير بصلها بغموض:_ خير كله خير طالعتي نصاب.ة محترفية يا انسه اسيا مش اسمك اسيا برضو
رقية بصلته بصدمة لكن مذلة ثابتة:- اسيا مين و اي الكلام الغريب دا انا مش فاهمه بتتكلم عن اي انت جايبني علشان تهيني يا امير بيه
امير بصلها بغموض و غضب:- هعمل نفسي غبي و مش واخد بالى انتي نصبتي عليا بمزاجي بصي يا بت انتي شغل عبط و استهبال مش عايز لان كلمة زيادة و هحبسك انتي و شوية النص.ابين الى معاكي و امك تموت بحسرتها لو مسمعتيش كلامي
رقية قامت و لسه هتمشي :- اظن اننا على المكشوف تمام امشي بقا لاني ورايا شغل
امير قام و بقا يلف حوليها:- انا اولا مسمحتش ليكي تمشي و مخلصتش كلامي ثانيا كلامي هيتنفذ ياما انتي عارفه انا ممكن اعمل اي فيكي و في شلتك ثالثاً اى حركة غدر منك صدقيني هن..دمك على الثانية الى فكرتي بس تشغلي دماغك عليا
رقية بصتله بغضب :- و اي بقا كلامك يا امير بيه
امير بابتسامة باردة :- مقبوله منك يا سوسو..
رقية بعدت وشها بغضب:- ايدك لا ازعل اهلك عليك يا امير بيه
امير ببرود:- حلو اوى
رقية:- ياريت تخلص و تقول عايز اي لانى مش فاضية انى اقف مع واحد زايك
امير بعد عنها :- عايز اقولك اننا هنتجوز يعني لعبة جديدة بينا انتي فاكرة انى ممكن احب واحدة زيك
رقية ربعت ايديها :- و مين قال انى موافقة انسا يا باشا ضيعت وقتي على الفاضي
اسيا اتجهت لباب و لسه هتفتحه وقفت على صوت امير
امير ببرود :- يا تري رد فعل امك الحقيقة لم تعرف ان بنتها نصابة هيكون رد فعلها اي عموما انا هتصل بالشرطة و هما يتصرفوا معاكي
اسيا لفت وشها كان امير مسك الفون بيعمل اتصال كانت وافقة مذلة مصدومة و الخوف في عيونها غمضت عيونها :- انا موافقة .....