رواية عروسة الخرطوم
الفصل الاول1
بقلم سجي المدني
نور:ي بت أجهزي سريع وصلحي القرمصيص دا عديل دا شنو لأويه كدا وغتي وشك دا عديل!
=اه عليك الله لمن اكون معتبراه عرس عديل! بهتم بحاجاتي!
نور:ولاء انا طالعه لأنو شهاب دا جاي اوعك تغلطي!
أخدت نفس طويل ودقيت الواطه برجلي بزهج!
جا خاشي هو وقف قدامي مسافه وحتى م كلف نفسو يرفع القرمصيص ويشوفني جراني من يدي وطلعنا خشمو م فتحو معاي! إن شاء الله م تفتحو عارفنك م راضي بالعرس دا وانا زاتي زيك وواحد لكن ع الاقل اليوم دا بس اتعامل بزوق!
وصلنا والناس بقى يبشرو ويزغرتو! قعدنا في السرير وعملنا طقوس الجرتق! بعدها ودعت اهلي وطلعنا! واثناء م نحن في العربيه انا شغاله ازحف عشان م اتلصق جنبو عاين لي ونزل عينو! الولد دا هو بطبيعتو م بحب الكلام ولا عامل دغيل!
وصلنا الشقه ومن وصلنا ساي كدا قال لي عايني انت في غرفه وانا في غرفه! ديك غرفتك أشر على واحده واشر على واحده جنبها كانت حقتو! عاينت ليه من فوق لتحت ومشيت! وأثناء م ماشه قال لي لو عايزه تاكلي حاجه أفتحي التلاجه فيها اكل!
مشيت برضو بدون م ارد دخلت غرفتي! وملصت الكشكوش اللابسه دا سرعه سرعه كان مضايقني شديد والزاد ضيقي المتلخف الإسمو شهاب دا ياخي ثقيل ثقاله شديده!
طبعا نحن الإتنين م عايزين العرس دا! بس طبعا جدي لازم كلامو يتنفز! قال نعرس يعني نعرس! بس الحمدلله!
بعد مصلت الكشكوش دخلت الحمام إستحميت وطلعت صليت العشاء! وكنت نعسانه ف نمت!
صحيت بحركه كانت في غرفة شهاب وحركه تحت! قلت بسم الله دا شنو اكيد بكون دا حرامي والولد الطايش دا خلي الباب فاتح! قويت نفسي وطلعت! بس لمن عاينت تحت لقيت دا شهاب! تاني سمعت صوت بت كان جاي من غرفة شهاب البت طلعت وكانت شايله تلفونو وبتقول ليه لقيتو ي شهاب! مرقت وقفلت باب الغرفه! وقبلت على الجهه الأنا كنت واقفه فيها!و قبلت على شهاب وقالت ليه دي العروس وضحكت!
شهاب:ههه اااي ااي!
قبلت على وقالت انت قايله شهاب بحبك ي حسره😂
عاينت ليها من فوق لتحت هي مشت لشهاب! وخلتني وانا مصدومه! يعني بالجد طلعت مقرف للدرجه دي! طيب عرفتك م بتحبني لكن م لدرجة تجيب حبيبتك في بيتي!
اخخ منك! طقيت الواطه برجلي مره تانيه وانا صاره وشي ودخلت الغرفه!
وكنت جيعانه شديد! بس م عايزه اطلع!
نومت بجوعي دا وصحيت الصباح بدري صليت! مرقت من الغرفه و قلت اسوي شاي! لمن مرقت لقيت شهاب جاي من برا ولابس جلابيه! قلت مع نفسي فايدة صلاتك شنو كان بتقل ادبك زي دا!
عاين لي وقال لي عايزه تقولي حاجه!
عاينت ليه وقلت لا ابدا ي بيك!
_مالك انت ي بت!
=مالي في شنو!
_عارفك أمس كنتي جيعانه ليه م نزلتي تاكلي!
=عشان م اشوف القرف الكان تحت دا!
_ههههه على فكرة دي صحبتي م أكتر وهي الاصرت انها تجي! انت مفتكراني عديم حياء ولا شنو!؟
=اصلا ظاهر!
_لو عايز اقابل واحده اكيد م ح اجيبها هنا! ح نتقابل في ااي حته تانيه!
= المهم انت مش كان عندك حبيبتك ديك الكان إسمها رضوي ولا شنو م عارفه! وين هسي ولا غيرتها وحبيت بدالها الأمس دي!
_قلت ليك نون دي صحبتي م أكتر
=م عندي شغله صحبتك ولا غيرها!
_اها مالك!
= رضوي م عارفه انك إتزوجت؟!!
_عارفه بس عارفه إني بحبها هي بس!
=وانت قايلني عايزه منك حب! بالناقص منو حبك دا!
مشيت منو! وانا زهجانه! ياخي انا زيو م حصل شفت! يعني بس الحمدلله!
دخلت سويت لي شاي وفي محلي داك شربتو ببسكويت! وغسلت كبايتي!
وأثناء م طالعه من المطبخ! شفتو هو قاعد وبحضر! قلت ليه بآخر نفس لو عايز شاي تلقاه في السيرمس!
_مش كان تجيبي لي!
=عندك رجليين صاح!
_وعلى م اعتقد إنو الزوجه هي البتخدم الزوج صاح! م رجلينو! وبرضو بطتيعو صاح!
=لا م صح! وأمشي شيل حاجاتك براك م بجيب ليك ااي حاجه و م بجيب و م بجيب!.
_😂خلاص خلاص انت هسي مالك هايجه كدا!
عاينت ليه من فوق لتحت ودخلت الغرفه! الولد دا عايز يرفع لي كثافتي ولا شنو ياخ! براي انا شامهه!
أثناء م قاعده ازهج اتصلت على نور صحبتي!
رديت عليها!
_ولاء ي بت اها كيف وكيف!
=هو شنو هو!
_م تعملي نفسك غبيه! قصدي كيفك مع شهاب!
=انت الما تعملي نفسك غبيه! انت اصلا عارفاني م راضيه بالعرس دا!
_ياخي إنتو هسي مالكم عبايط زي دا! م خلاص ترضو بالمكتوب تعملو شو يعني!
=لا انا نهائي م ح أرضى بالولد الإسمو شهاب دا!
_خلاص اقفلي اقفلي محمد بناديني(راجلها)
قفلت منها ورقدت في السرير! تاني قمت فتحت الشاشه! وبقيت أحضر بمزاج فجأه باب غرفتي فتح! م كنت منتبه معاه بس! لمن سمعت صوت شهاب إنتبهت!
قال لي ولاء!
قبلت عليه وانا بقلب في عيوني وقلت اها!
_انت مش كنتي خاته حاجه في النار!
=اها!
_اها كيف يعني اها أمشي شوفيها ديك ليها حرقت!
كنت قايله بكذب بس اتزكرت إنو انا ختيت إندومي! مع الشاي قبيل لاني كنت جيعانه! جريت سريع سريع! لقيت الحله بقت عباره عن سواد! والإندومي حرق!
طبعا انا كل م امشي حته بكون معاي إندومي!
بقيت بكرش في الحله بس هي حرقت شديد خليتها عشان تتبل وانا طلعت! شهاب قال لي زوله مهمله!
حمرت ليه وقلت م بخصك! ومشيت خليتو!