رواية زواج في الحرب الفصل العشرون20بقلم اماني الروح

زواج في الحرب 👰🏻‍♀ 20 

وفعلا رجعنا جدة ومصطفي سلم العربية الكان مؤجرة وطلعنا على المطار وحصلت درامات في الطيارة طبعا بس المرة دي مافي استفراغ الحمد لله 🫣☺️بس قميص مصطفي قرب يطلعو ويجدعو كتر من انا كنت بمسك فيهو في المطبات الهوائية وفي الإقلاع والهبوط الحمد لله وصلنا الإمارات وفي المطار مصطفي زي ما وعدني اتصل على اهلي كيف ما بعرف قدر يوصل ليهم🥰🥰 اتكلمتا معاهم كنت فاقداهم شديد ومشتاقة ليهم اخواتي عايزني احكي ليهم بي التفاصيل بس مافي طريقة قلتا ليهم لما اصل البيت برجع ليكم فيديو ونتكلم بي راحتنا🥰☺️ وقفلتا منهم على كدة وصلنا البيت كان بيت تحفة أنيق والعفش بسيط ومتناسق مع بعض 😗😙 ولقينا اخوات واخوان مصفي بي عيالهم في استقبالنا ومجهزين الاكل وكانو مزينين البيت ومبسوطين بي رجعت أهلهم شديد عرفوني عليهم كلهم 🧐🤓عندو اخوين معمر وعلاء واختيني شيماء و هالة وحريم اخوانو تسنيم و الاء كلهم ظريفين ماعاد هااالة كانت سخيفة معاي وبتعاين لي بي قرف وشكلها ما حبتني مابعرف السبب شنو😏😒 سلمت علي بي برود وحتي ما قالت لي مبروك كان معاها وحدة صحبتها شغالين يوسوس طول القعدة ما ركزتا معاها تاني بقيت بتونس مع التومات وشيماء😍😍 بعد شويا سمعتا مصطفي بنادي فيني مشيت ليهو قال لي جيبي شنطتك وتالا حنمشي بيتنا قلتا لي تمام بس خالتو سامية قالت ليهو ريل ما حتمشي معاك🤨🤨 لانو من بكرة حنبدا نجهز لي عرسكم انت ناسي انك ما عملتا ليها عرس ولا جبتا ليها شيلة ولا شبكة زي باقي البنات قال ليها طيب ممكن نعمل الحاجات دي ونحن في بيتنا🙁☹️ المشكلة وين قالت لي لا طبعا في حاجات كتير لازم تتعمل وتجهيزات وهي عايزة تتحبس حبسة عروس يعني دخان وحاجات بتاعت حريم انت مابتعرفها يلااا امشي علي بيتك وريل ممنوع تشوفها الا بعد اسبوعين🤨🧐 مصطفي قال ليها مستحيل أوافق على الكلام دا قالت ليهو ومنو المنتظر موافقتك اصلا انا وعدتا امهااا اني حا اعمل ليها عرس ويلاااا من غير مطرود من هنااا 😒😒انا طبعا كنت واقفة بس خجلانة من الكلام البتقول فيهو دا ومرة مرة اخد لي ضحكة على ردات فعل مصطفي الكان مصدوم من كلام امو🤣😂 قال ليها امي الكلام دا ما صاح منك قالت ليهو انت كمان حتعلمني الصاح قلتا ليك اطلع برا وما اشوفك هنا الا بعد اسبوعين قال ليها طيب دقيقة نشوف رأي ريل احتمال تكون ما موافقة خالتو سامية قالت ليهو اتفضل اسألها قال لي ريل

رأي ريل احتمال تكون ما موافقة خالتو سامية قالت ليهو اتفضل اسألها قال لي ريل رايك شنو قلتا لي الرأي رأي خالتو سامية😟😎 قامت هي ضحكت ضحكة بتاعت انتصار وطلعتو برا وقفلت الباب وسأقتني غرفة قالت لي دي كانت غرفة مصفي قبل ما يرحل حتقعدي فيها الأسبوعين ديل ومن بكرة حنبدا تجهيزات لي عرسك😍😍 قلتا ليها ان شاء الله قالت لي اسي ارتاحي وكلنا حنمشي ننوم بعد دا كفاية سهر بكرة ورانا يوم طويل فعلا كنت تعبانة ونعسانه نومتا توتا ونمتا جمبها 😴😴حوالي الساعة ٢ صباحا جاتني مكالمة واتس من رقم غريب رديت وانا بين صاحية ونايمة جاني صوت مصطفي كان زعلان شديد قال لي لي وافقتي على كلام امي قلتا لي يعني كنت عايزني اقول ليها شنو😔😔 قال لي تقولي ليها انك عايزة تكوني معاي قلتا لي مابقدر اقول ليها كدة ي مصطفي قال لي انا مشتاق ليك وما جايني نوم اعمل شنو😫😭 قلتا لي طيب حا اتكلم معاك لقايت ما تنعس وتنوم فضلنا نتكلم لقايت الساعة ٤ تقريبا دي اطول مدة نتكلم فيهااا عرفتا عنو حاجات كتيرة وهو كمان بدا يتعرف علي من اول وجديد🥳🤩 كنت مبسوطة جدا بي التطور دا وحاسة بي مشاااعر اتجاه مصطفي اول مرة احسها في حياتي وبقيت متعلقة بيهو وحرفيا المكالمة دي كانت أول خطوات الحب بيناتنا🥰😍 بعديها نمتا نومة حلوة نمتا وانا مرتاحة ومبسوطة ما صحيت الا الساعة ٢ ظهر قمتا اخدتا دش وغيرتا وطلعتا برا لقيت مافي زول صاحي غير هالة صبحتا عليها مارفعت راسها من تلفونها اصلا وردت علي بي عدم اهتمام ما اشتغلتا بيهااا 😕😣دخلت المطبخ عملتا نسكافي وشلتا كباية حليب لي تالا ورجعتا غرفتي بعد ساعة كدة جاتني خالتو سامية صبحت علي وقالت لي يلا طالعين على السوق🥰😍

          الفصل الواحد والعشرون من هنا