رواية زواج في الحرب الفصل الثالث والعشرون23بقلم اماني الروح

زواج في الحرب 👰🏻‍♀ 23 

بقيت احاول افوق فيها بس بدون فايدة ما كانت راضية تفتح عيونها التومات وشيماء وكل المركز اتلمى فينا 😱😭شيماء سأقتني غسلت لي وشي من الماسك الفيهو وطلبو الإسعاف واتصلوا على مصطفي يحصلنا في المستشفي انا طلعتا مع تالا في الإسعاف كان لسة مغمى عليها قالو لي ما تحركيها وما تهبشيها لقايت ما الدكتور يفحصها😰😨 وصلنا المستشفي مصطفي لقيناهو جنب الباب قال لي تالا مالا ي ريل حكيت ليهو الحصل وانااا جسمي كلو برجف وهو كانت حالتو أصعب مني😭😱 دخلوها غرفة الأشعة ونحن بقينا منتظرين برا مصطفي كان مقلق والدموع في عيونو مشيت عليهو ومسكتو من يدو حاولتا اهديهو واطمنو شويا شا يدينو مني بكل عنف وقال لي لو تالا حصل ليها حاجة عمري ما حا اسامحك😭😭 انتي السبب انا خليتا عندك أمانة وانتي اهملتي فيها انا ثقتي كانت كلها فيك ولو ما تالا ما كان فكرتا اتزوجك اصلا😡😡 كلامو كان بنزل علي زي الصاقعة كل كلمة منو كانت زي الخنجر في قلبي كل الموجودين كانو سامعين كلامو لانو كان بتكلم بي هستيريا وجسمو كلو برجف انا ما كنت عارفة ارد عليهو لساني اتربط وجسمي برد😨😱 رجعتا لي ورا واتكلتا على الحيطة عمو احمد جاء ساق مصطفي على جمب وبقي يطمن فيهو ونحن في الحالة دي الدكتور طلع من الغرفة وقال لينا تالا كويسة جدا 😞😌كانت خبطة صغيرة في راسها والصورة نضيفة وحاليا فاقت تقدرو تطمنو عليها كلهم دخلو ليها لقوها كويسة وما عندها حاجة هي خافت من الزحمة ومن الناس الهاجمة عليها دي بقت تبكي وتقول ماما😭😭 انا كنت سامعة صوتها بس ما كنت قادرة اتحرك علشان امشي ليها كلهم بقو يفتشو فيني جاتني خالتو سامية قالت لي تالا بتسأل منك ومسكتني من يدي ودخلوني ليها🧐🥺 تالا اول ما شافتني بقت رافعة لي يدينها شلتها وحضنتها علي شديد وانا ساكتة حتى دموعي خزلتني وما نزلت مني ولا دمعة كلهم كانو بعاينو لينا وببكو الدكتور قال لينا ممكن تمشو البيت عادي لأنها كويسة وماعليها شي😊😚 مشينا البيت دخلتا الغرفة نومتها ونزلتا شنطتي لميت فيها هدومي الجيت بيها من السودان ولبستا عبايتي وطلعتا😣😖 كلهم كانو قاعدين في الهول مصطفي جاء جاري علي قال لي عايز اتكلم معاك قلتا لي طلقني يا مصطفي وسحبتا شنطتي خليتو واقف مصدوم وما مستوعب انا قلتا لي شنو😨😱 كلهم جو جارين علي حاولو يتكلمو معاي قلتا ليهم ما عايزة اسمع صوت زول فيكم لأنكم كلكم كذابين وانانين ما فكرتو غير في راحتكم وفي نفسكم وكلكم كذبتو علي😭😨 من البداية كنت حاسة انو زواجي من مصطفي ما طبيعي وفيهو حاجة طلع متزوجني علشان تالا وانتو كلكم كنتو عارفين كلكم كنتو عايزن ترتاحو من مسؤليتها ورميتوها فيني انا ما عندي مشكلة كان على قلبي زي العسل بس من غير ما تكذبو علي وتخلو مصطفي يتزوجني😭😨 علشان بس اراعي بتو يادوب عرفتا تالا كانت بتخاف منكم لي وعندها حق لأنكم كذابين وانانين همكم مصلحتكم وبس مشيت وقفتا قدام هالة وقلتا ليها انا ما اتزوجتا مصطفي علشان طمعانه فيهو بس طلع هو المتزوجين علشان مصلحتو😭😨 وياستي كل الحاجات الاشتريتوها لي موجودة في الغرفة جوة تقدري تمشي تتاكدى منها والفي الشنطة دي كلها حاجاتي جيت بيها من السودان الدبلة الفي يدي دي حقت امي طلعتها ليها قلتا ليها تقدري تتأكدي منها 😖😣 اتلفتا على مصطفي قلتا لي اظن بعد كدة ما مجبور تواصل في الزواج دا لانو تالا بقت كويسة ومتقبلة وجودك في حياتها وبقت تحبك ومتعلقة بيك يبقي مافي داعي لوجودي وفتحنا الباب وطلعتا خليتهم كلهم مصدومين وماعارفين يتصرفو كيف😱😰 نزلتا والدنيا كانت مضلمة في وشي ما كنت عارفة امشي وين ولا اعمل شنو كان كل همي ارجع السودان قلبي بوجعني شديد وراسي لافي بقيت بطلع من شارع وبخش شارع بدون تفكير كنت عايزة ابعد عنهم كلهم ماعايزة حاجة تربطني بيهم تلفوني ما وقف من الاتصال مسكتو قفلتو😱😡 فجأة في زول مسكني من يدي اتلفتا لقيتو دا محمد قال لي عارفك بتكرهينا كلنا حاليا وماعايزة تشوفي زول فينا بس ممكن تخليني معاك نلف مع بعض والعايزاهو حعملو ليك اعتبرني مافي واتصرفي بي راحتك😨🥺 عايزة تبكي ابكي عايزة تصرخي صرخي قلتا لي حتعرف ترجعني السودان ما عايزة اقعد هنا ولا دقيقة انا بموت ي محمد روحي حاسة بيها بتنسحب مني😭😨 قال لي الرجعة لي السودان ما بي السهولة دي لازم نلقي مكان نقعد فيهو اول😨😭

              الفصل الرابع والعشرون من هنا