رواية عروسة الخرطوم
الفصل الثاني2
بقلم سجي المدني
الليله زي الساعه ١ظهر!كنت في الهول وبحضر فجأه جا شهاب خاشي وفي يدو كيس! وكان كبير كدا! دخل المطبخ! وختاه! وجا على وقال لي ممكن الليله تمشي بيتكم!
عاينت ليه بإستغراب وقلت أمشي بيتنا!؟
_ايوه!
=كيف يعني.. شهاب انت جنيت!
_نصيح الحمدلله بس طلبت منك تمشي بيتكم م أكتر!
=ايوا فهمت عايز تجيب واحده من صحباتك هنا صاح! والكيس الكبير دا اكيد بكون فيو هديه ليها!
_ولاء أمشي بدون كلام!
=لو مشيت تاني م ح ارجع!
_الشئ دا بقروو انا م بتقرري انت!
عاينت ليه وعيوني فيها دموع وقلت سويت ليك شنو انا وريني سويت ليك شنو!
عاين لي و م رد!
مشيت منو وانا زعلانه شديد شديد! م اتوقعت شهاب يكون بالقساوه دي ايوه هو م بحبني وكان مجبور على العرس دا بس على الاقل يعمل لي قيمه! وانا بت ف الاخر وعندي مشاعر وبحس وبنجرح وبزعل! وأيوه بتحمل لقايت الأخير! بس لما يفيض بي م بقدر! صاح انا م إتحملتو كتير! بس اليوم القعدتو معاو دا! خلاني اكرهو كتير!!وإني تاني م اقدر اتحملو!
دخلت الغرفه لبست لي عبايه إستقبال وطلعت مشيت حتى م اتذكرت إني اشيل لي هدوم! أثناء م طالعه من البيت شهاب قال لي تعالي الساعه ٨ مساء! كويس!
عاينت ليه و م رديت حتى م كلف نفسو يقول لي ح أجي اجيبك! طيب هسي لو مشيت البيت اقول لي ناس امي شنو طردني من البيت عشان عايز يعزم صحباتو!
اخخ.. طلعت وركبت لي اقرب ركشه البيت اصلا مننا م بعيد شديد! وصلت بيتنا! ومن برا لاقاني ابوي! قال لي ولاء!
_ابوي كيفك!
=بخير والله الحمدلله إن شاء الله خير!
_لالا الحمدلله بس إشتقت ليكم وانت عارفني م بقدر ابعد منكم!
=كان تنتظري حبه طيب هسي قلتي لراجلك شنو!
_بالعكس كان لطيف معاي وهو السمح لي!
=متأكده!
_ايوه متأكده ي ابوي!
إضطريت اكذب واكيد م ح أقدر أقول الحقيقه! ابوي سألني من احوالي وخشيت لي ناس امي! لقيتهم خاتين صينية الفطور وبفطرو! م كانو متبيهن علي قلت ليهم ليه متأخرين!؟؟؟؟
امي لمن شافتني اتخلعت وقالت لي ولاء الجابك شنو! حصلت حاجه! في شنو!؟
=امي اهدي ماف حاجه!
_طيب في شنو!
=مجرد اني مشتاقه ليكم بس!
كذبت عليهم نفس الكذبه الكذبتها على ابوي! المهم بين صدقوني و م صدقوني! بعد ناس أمي فطرو اتونست معاهم وبعد شويه دخلت مع ورده اختي الغرفه!جرتني وقفلت الباب وقالت لي احكي في شنو م طبيعيه انت!
=ماف حاجه كويسه!
_كيف يعني ماف حاجه ظاهر من وشك!
=ماف شئ ي ورده ا حكي لي إنت الحصل شنو في غيابي واخبار همام معاك شنو(حبيبها)
_كويس والله!
اتونست معاي ورده وطلعت!
"ورده وأمي في المطبخ"
_اها قالت ليك شنو!
=بري ي امي ماف حاجه كويسه قالت طلعت مشتاقه لينا بس!
_بالله صدقتيها يعني اكيد حاصله حاجه!
=امي قالت ماف حاجه!
_اها خلاص خلاص كويس تعالى غسلي العده دي! ونادي ولاء عشان تشرب معانا الشاي!
=امي ديك ليها ريله(اختها) قاعده قول ليها تنادي ولاء قاعده ساي لا شغله لا عمله
_طيب طيب غسلي العده
_________
ولاء:-
كنت قاعده في الغرفه براي ومتمحنه.. فجأه جات ريله وقالت لي تعالي اشربي الشاي قلت ليها م دايره بس في إندومي!
_ايوه!
=طيب ممكن تنجضي لي وتجيبي هنا!
_حاضر!
بقيت مستينه الإندومي! وبفكر ي ربي شهاب مع صحباتو ح يعملو شنو! والكيس الكبير دا فيو شنو! قلت اخخ انا مالي ومالهم عليك الله شهاب يعمل العايزو!
قعدت مستينه بعد شويه ريله جابت لي الإندومي وطلعت بقيت أكل بعد إنتهيت طلعتو برا وعايزه اخش الغرفه! فؤاد اخوي جا خاشي وشافني! قال لي ولاء!
طبعا كلهم مخلوعين! أجي ي ناس م انا زول وجيت بيتنا! اتحججت ليه بنفس الحجه قالو لي تعالي اقعدي معانا بس قلت ليهم عايزه انوم! بالجد كنت نعسانه! نمت وجاتني صحيه كدا تقريبا كانت الساعه ٨ إلا! عاينت وقلت كدي اقوم عشان ارجع فجأه أثناء م قايمه سمعت صوت امي وهي بتتكلم وبتقول ولاء نايمه جوا خلي ريله هسي تمشي تصحيها ليك!
