رواية ترويض الشياطين بقلم ميار زاهر
رواية ترويض الشياطين الفصل الرابع4 والخامس5 بقلم ميار زاهر
تغريد: زنزوون
زين: نعم ياختي مين زنزون ده
تغريد: انت يا زنزوون
زين: بت متقوليش زنزون ده تاني
تغريد: طب ادلعك ايه اممم... خلاص لقيتها زينووو
زين: بت متدلعنيش اصلا
راغب ضحك عليهم وقال: تغريد هتنام مع زين فوق وتقى مع اسر وانتي يا حليمه تعالي معايا
تماره: وانا هنام وحيده من غير اي حد كده
حليمه: اتنيلي يا بت علي جنب انتي
تماره: وليه ظالمه
حليمه قلعت الجزمه وكانت لسه هتضربها ولكن تماره لحقت نفسها وجريت علي فوق
حليمه: حيوانه جتك الهم
راغب: الله عليكي يا فخر العرب
حليمه: ايوه يابني هو انا اي حد برضوا
راغب: لا دانتي حلول
حليمه: طب انا طالعه انام بقا
راغب: ماشي وانا طالع وراكي
وطلعوا كلهم معادا زين وتغريد
تغريد فضلت بصه لزين
زين: ايه هتبلعيني
تغريد: هههه ظريف اوي الا بقولك ايه عندكوا هنا فشار
زين: اه
تغريد: حلو اوووي انا راحه اعمل فشار ونتفرج علي فلم كده حاجه جامده
زين: انا هنام انا اتفرجي انتي
تغريد: عنك ملكش في الطيب نصيب طب بقولك ايه هو فيه تيلفزيون في الاوضه فوق
زين: ايوه فيه
تغريد: اشطات عليك اباشا
وراحت تغريد علي المطبخ عشان تعمل فشار
زين: يارب عدي الفتره دي علي خير
وطلع زين فوق خد الشاور بتاعه وطلع غير هدومه ولقا باب الاوضه بيتفتح وكانت تغريد
ودخلت قعدت علي السرير وجابت رموت التيفزيون وشغلت فيلم
وزين كان مصدوم وقال: انتي جايه تتفرجي هنا
تغريد: اه جايه اتفرج هنا واسكت بقا عشان عاوزه اسمع
زين: طب انا عايز انام
تغريد: ما تنام هو حد ماسكك وقالك متنامش
زين: يعني انا هنام في الدوشه
تغريد: اه نااام في الدوشه
زين مسك المخده ورماها في وشها وكان لسه هينام علي السرير
تغريد: استني عندك رايح فين
زين: هو ايه الي رايح فين انا هنام
تغريد: لا يا عنيه روح نام كده زي الشاطر علي الكنبه
زين: نعم ياختي
تغريد: زي ما سمعت كده
زين: وانا مش راايح ما تروحي انتي
تغريد: لا معلش اصل الكنبه مخصماني
زين: وانا مش رايح
ونام زين علي السرير
تغريد: ماشي يا زين إما وريتك
وحطت تغريد مخده ما بينهم وكملت فرجه علي التيلفزيون لحد اما راحت في النوم
وعند تقي كانت لسه قاعده مكانها عند اوضه اسر بس وهي نايمه وطلع اسر من الاوضه اخيرا وقال: يلهوي انتي كل ده هنا يخربيتك
واتنفض بخضه لما لقه تقي قامت وبتقول: هيييي واخيرا طلعت
اسر: يخربيتك. انتي مش كنتي نايمه
اسر: لا ياخويا كنت عامله نفسي نايمه
اسر: طب وسعي من خلقتي السعادي
تقي: نفسي مره تفهم انوا عندها
اسر: وسعي يا بتتت
تقي: عايز ترووح فين يا جزمه انت هااا قولي بس
اسر: وانتي مالك
تقي: اكيد عايز تروح تسهر
اسر: مادام انتي عارفه بتسالي ليه
تقي: معلش اصلي رخمه وعايزه ارخم عليك
اسر: حصل وانا اشهد ووسعي بقا كده
تقي: مش موسعه ويانا يانت انهارده يا اسر
اسر: اه يعني انتي بقا مش هتخليني اخرج صح
تقي: الله ينور عليك
اسر: تمام
وفجاه اسر كعبل تقي وهي وقعت علي الارض وكان لسه هيمشي ولاكن تقي كعبلته هي كمان ووقع فوقيها
تقي: فاكر انك هتنتصر لا ياخويا سكسكيوزمي بقا
اسر مردش عليها لانوا كان سرحان في عينيها الي جت في عينه
تقي بتوتر: ا... انت بتبصلي كده ليه
اسر: عيونك حلوين اوي
تقي بتوهان : ها
اسر: بقولك عيونك حلوين اوي
تقي: ش... شكرا ممكن توسع بقا
اسر: علفكره بقا انتي شكلك حلو اوي كمان
تقي دفعته بعيد عنها وقالت: احم ي.. يلا خش نام
اسر: حاضر عشان بس عيونك القمر دي
تقي دخلت علي الاوضه ونامت علي الكنبه
واسر دخل وراها ونام علي السرير
وفي صباح يوم جديد
صحي زين علي صوت المنبه بتاعه واول ما فتح عينه اتصدم لما لقا تغريد ماسكه فيه بقوه
زين: يلهوي هي ماسكه فيا كده ليه ولا كانها ماسكه في حرامي
كان بيحاول انوا يزقها ولاكن معرفش لانها كانت ماسكه فيه بقوه
زين: تغريد قوومي يا حجه
ولكن لا حياتاً لمن تنادي
زين بص علي ملامحها وهي نايمه قد ايه هي طفوليه وجميله عكس ما بيشوفها وهي صاحيه
زين: هذا الوجه يخفي وراءه جعفر العمده
تغريد وهي نايمه: انا هوريك يا زين الكلب بقا بتكره الستات انا هخليك تكره الصنف كلوا
زين مقدرش يمسك نفسوا وفضل يضحك وهي صحيت
تغريد: انا اعرف ان في عصافير بتصوصو علي الصبح اول مره اشوف جموسه بتشهق عالصبح
زين: مين ده الي جموسه يا جزمه انتي
تغريد: انت الجموسه
زين: يا بت انتي قصري لسانك ده بدل ما اقطعهولك
تغريد: وحياتك ياخويه حاولت وهو الي مش راضي انا اقوله يا لسان اتلم وهو يقولي لا مش هتلم انا اقوله طب اسكت يقولي لا مش هسكت وهفضل اهزأ الواد زين
زين: لا لا معلش ظلمتك ده لسانك هو الي جموسه
تغريد: لا لا متغلطش فيه هيزعل وهيشتمك
زين: يوريني نفسواا
تغريد: انت حر ريدي استدي جو بقا انا جموسه يا ليفه مقطعه يا مستطيل ومربعه يا...
زين: بس بس بس ايه ده
تغريد: انا قولتلك بلاش تزعلوا والا هيطول
زين قام ومردش عليها ودخل الحمام
تغريد: استني عليا هو انت لسه شوفت شلل
وعند حليمه قامت اتوضت وصلت ونزلت راحت المطبخ وبدات في عمل الفطار
وبعد اما خلصت حطت الاكل علي السفره
وراحت عند اوضه اسر وتقي وبدات تخبط علي الباب وتقول: اصحواا يلا الفطاار جاهز يلا
اسر صحي وقال: انا قومت اهو
وقام اسر وشاف تقي وهي نايمه كانت عامله زي الملاك
ابتسم وبدا يهز فيها ويقول: تقييى قوومي
تقي: عايزين ايه
اسر: عايزين ايه؟ هو انتي شايفاني خوشروميه
تقي قامت وقالت: يووه بقا الله يقل راحتك يا شيخ
اسر: وانا مالي مامتك بتقول انزلوا عشان الفطار
تقي: بصتله بغضب وقالت: ماشي ياخويه اديني نازله اهو
وعند حليمه راحت لراغب بعد اما صحت زين وتغريد وتماره
حليمه: راغب قوم يلا الفطار جهز
راغب قام وقال: يااه اول مره اقوم من غير منبه
حليمه: شوفت متشكرنيش متشكرنيش
راغب: ههههههه ويا تري بقا انتي الي عامله الفطار
حليمه: بالظبطط الله ينور عليك ويلا بقا ننزل
راغب ابتسملها ونزلوا ولقوا تغريد وزين وتقي واسر وتماره قاعدين
راغب فرح باللمه دي اوي وراح قعد معاهم هو وحليمه
راغب: صباح الخير
كلهم قالوا: صباح النور
راغب: اسر انت هتبتدي من النهارده شغل معايا في الشركه
اسر: يا بابا.....
راغب: مفيش اي اعتراض وكمان تقي هتيجي معاك
تقي: اشطاط عليك يا رغووبه
اسر بصلها بقرف
تقي: لا بقولك ايه بص عدل بدل ما ادخل السكينه دي في عينك
زين قام وقال: انا طالع اغير هدومي ورايح علي الشغل
تغريد: خودني معاك وحيات ابوك لاحسن انا بتشل عقبال ما الاقي مواصله
زين: ماشي
وطلع زين
تغريد: شوفت يا عم راغب قال ماشي ازاي عشان تعرف اني مسيطره
راغب ضحك عليها وهي طلعت
تقي: وانا كمان هقوم البس وانت يا واد يا اسر قوم البس يلا
اسر قام وهو بينفخ بضيق
تقي: يا عم ولا تقل لهما افاً ولا تنهرهما
حليمه: ياختي علي التربيه
تماره: بت يا تقي انتي بقيتي متربيه كده من امتي
تقي: من ساعت ما شوفت رغوبه
راغب: حبيبت قلبي دي
تقي: استأذن انا بقي
تماره: ماما الدراسه الاسبوع الجاي
حليمه: وانا المفروض اعمل ايه
تماره: هو المفروض انك تجيبيلي الكتب يعني
وقبل اما ترد حليمه قال راغب: كل الي انتي عايزاه انا هجبهولك ما تشيليش هم
حليمه: لا لا ازاي ب..
راغب: حليمه في ايه انتي دلوقتي مراتي ومسؤوله مني انتي وبناتك
حليمه ابتسمتله
وعند تقي واسر نزلوا
وقالت تقي: احنا جاهزين يا رغوبه هتيجي معانا ولا هتسبقنا
راغب قام وقال: اه جاي معاكم يلا بينا عايزه حاجه يا حليمه
حليمه: لا تشكر
راغب: يلا بينا
وطلع راغب هو وتقي واسر
وركبوا العربيه
تقي: بقولك ايه يا واد يا اسر
اسر: هو ينفع تقولي اسر من غير واااد
تقي: هي مدايقاك في ايه
اسر: مضيعه برستيجي اللهي يضيع برستيجك يا بعيده
تقي: اتنيل انت وبرستيجك ده وبعدين هو فين هاا
اسر: هو ايه الي فين
تقي: البرستيجج
اسر: بت اسكتي
تقي: بت اما تبتك
اسر: علي باب ستك
تقي: حمار يزقك
اسر: جموسه تطخك
تقي: بغله تعضك
اسر: نمر يزوقك
تقي: طوره تاكلك
وكان اسر لسه هيتكلم ولاكن قال راغب: ايه في ايه في اتنين عاقلين يعملوا الهبل ده
تقي: عن نفسي انا مش عاقله انما لو عن الواد اسر فا هو برضوا مش عاقل
اسر: اتكلمي عن نفسك انتي
تقي كانت لسه هتتكلم ولاكن قال راغب: بس بس الي هسمع صوته تاني هيشوف. انا هعمل فيه ايه
تقى واسر اتخرسوا خالص وبعد وقت كانوا وصلوا وطلعوا الشركه
راغب: اسر مكتبك ورا تقي
اسر: ياارب هو انا في كل حته تقي ورايا
تقي: ههههه هتلاقيني نطالك زي الارجوز في كل حته
اسر راح قعد علي مكتبه وتقي راحت قعدت قدامه وجت عليهم حور وقالت: ايه ده زميل جديد
تقي: اه ياختي
حور: شكلك تعرفيه هو يقربلك حاجه
تقي: ها لا هو بس يبقا يبقا.....
حور: يبقا ايه
تقي: اه هو ابن راغب بيه وانا اتعرفت عليه وانا تحت
حور: ايه ده اهلا ازي حضرتك يا اسر بيه
اسر: اهلا بيكي شوفتي الناس المحترمه
تقي: يا بنتي بيه ايه ده كحيان
حور: هو صحيح مش المفروض تبقي فوق مع راغب بيه
تقي: مانا بقولك كحيان
اسر: اخرسي انتي يا جزمه
حور: باين ان صداقتكوا حلوه اوي
تقي: زي السم وحياتك
حور: هههههه خلاص ابقي هاتي اسر معاكي في وقت البريك يقعد معانا
تقي: مع ان القاعده هتضلم بسببوا بس اشطا مش مشكله
اسر: انا برضوا الي هضلم
تقي: بالظبط ياخويه ويلا بقا اشتغل لحسن راغب يجي يشعلقك ويشعلقني
اسر: بس انا مش عارف اوي
تقي: هيحح مش بقول فاشل
اسر: اتلمي يا بت
تقي: يلا هعمل فيك جميله واعلمك ياكش يتطمر
اسر: تشكري ياختي
تقي قامت وبدات تعلموا وهو بدا يتعلم واحده واحده
تقي: اتعلمت ولا انت دمج
اسر: لا ياختي اتعلمت روحي اترزعي بقا
تقي: ده ردك عليا بعد. اما علمتك اللهي تنشك في فخادك يا بعيد
اسر كتم ضحكته بالعافيه
وعند زين وتغريد دخلوا مكتب العقيد محمود بعد اما طلبهم
محمود: انا جايبكم انتوا الاتنين عشان في مهمه عندي ليكم حلوه كده
تغريد: هو بيجي من ورا حضرتك الحلو
محمود: تسلمي يا تغريدو عارفاني كويس المهم انا خليتكم انتوا الاتنين مع بعض وخليت كام واحد يكونوا معاكوا لمساعدتكم
زين: طب وايه هي المهمه
محمود: بصوا في واحد وصاحبه شغالين في تجاره المخدرات وبيخطفوا اي حد من الشارع وبيخلوه يودي البضاعه من مكان لمكان عشان لو اتمسكوا يبقوا هما ملهمش دعوه
تغريد: ده الشيطان اكيد واقفلهم وبيسقفلهم
زين: طب واحنا دورنا ايه؟
محمود: انتوا دوركوا انكوا هتمثلوا انكم عايشين في الشارع وكده يعني وهما بقا وقت اما يجيوا ويخطفوكم ويودوكم هناك عندهم ويدوكم البضاعه هتقبضوا عليهم متلبسين
تغريد: سهله وبسيطه يا باشا
محمود: ايوا يا تغريدو يا جاامدد
زين استغرب انها بتقول عليها سهله ومش خايفه
محمود قال لزين: متستغربش يا زين دي تغريد اكفأ واحده هنا في المهمات وانت طبعا
زين ابتسمله
محمود: و اه صحيح هتطلعوا معسكر كده انتوا والي معاكوا عشان تتنشطوا وبعد كده تروحوا علي المهمه
زين: تمام يا فندم
تغريد: وامتي بقاااا
محمود: من بكره
تغريد: يلهوي علطول كده
محمود: امال يا تغريدوا
تغريد: استعنا علي الشقا بالله
وعند تماره كانت بتكلم ريان في التيليفون
ريان: انتي هتبدأي دروس امتي؟
تماره: يوم السبت
ريان: فين؟
تماره قالتله علي المكان وهو قال: ايه ده انتي بتاخدي في نفس المكان الي انا باخد فيه
تماره فرحت اوي من جواها انها هتشوفه وقالت: بجد طب كويس
ريان: هبقا اسلم عليكي من بعيد لبعيد
تماره في الوقت ده فرحت اوي لانوا خاف علي سمعتها
ونسيبهم ونروح عند تقي واسر
تقي: اسر اسر اسر
اسر: هاااا
تقي: اسمها نعم
اسر: وانتي بقا هتعلميني ازاي اتكلم
تقي: اه
وقبل اما يتكلم اسر كان وقت البريك جه
تقي قامت بفرحه وقالت: اخيرااا جه وقت البريك يلا يا واد يا اسررر نروح لصحابنا
وقبل اما ينطق اسر اتصدم لما لقه تقي مسكته من ايده وجريت بيه عند صحابهم
واول ما وصلوا قعدوا واسر كان لسه مصدوم
تقي: ايه يا عم فاتح بوقك كده ليه
اسر اخيرا فاق من صدمته وقال: ها لا مفيش
حازم: برقووق
تقي: يا عم يخربيت ام الاسم ده انا تقيييي اه صحيح نسيت اعرفكم بص يا واد يا اسر ده حازم الي دموا سم ودي حور العسليه ودي اروي الطيوبه الهاديه وده الواد اسر
حازم: اهلا يا واد يا اسر ههههههه
تقي: مش قولتلك دموا سم
اسر: لا لا ده عسل خالص
حازم: الوحيد الي ناصفني
اسر كان حاسس انوا فرحان بلمه الصحاب الجميله دي هو دايما كان بيقعد مع الشله الي معاه في الكباريه ومكانش بيحس معاهم بفرحه كان بيستمتع بس
اروي: يخربيتك يا بت يا تقي دانتي فصلان
تقي: فصلان ولا تجميع كر كر كر
اسر: يعني حازم الي دموا سم وانتي بقا دمك ايه ها
تقي: دمي زي الشرباتتت
اسر ضحك عليها
وفضلوا يضحكوا ويهزروا مع بعض
الفصل الخامس
كانوا قاعدين كلهم بيفطروا علي السفره
زين: بابا انا رايح انا وتغريد المعسكر هنتدرب شويه عشان عندنا مهمه
حليمه: هييي يلهوي مهمه تااني
تغريد: ياريتك. ما قولت هتحصل مناحه دلوقتي
حليمه: يا بنتي انا مصدقت خلصت من المهمات الي بتعمليها دي انا خايفه عليكي
تغريد: يا امي متخافيش عليا انا عمري جيتلك وانا حصلي حاجه
حليمه: لا بس ممكن يحصل
تغريد: ماما الي ربنا كتبه هيحصل حتي لو انا مروحتش المهمه دي
حليمه: زين زين بالله عليك خلي بالك منها
زين: متقلقيش يا حلول بنتك في عنيا
راغب فرح اوي من زين
راغب: ربنا يحفظكم يارب
تماره: بت يا تغريد انا عايزه امسك المسدس
تغريد: اه عشان تدربي طلقه وتروح في اي حته ده ستر ربنا ان المره الي فاتت مجتش في حد
تقي: طب هاتي انا امسكه ومش هضرب طلقه خاللص انا بس هضرب طلقه في دماغ اسر
اسر: وانا هاخدوا منك وهفرغ كل الطلقات في بطنك عشان اخلص منك بقا
تقي: بعد الشر عليا
تماره: لمو اخذه يا رغوبه دي عيال تافهه
راغب: حصل والله يا بنتي
زين: طب احنا هنطلع ناخد الشنط وننزل عشان منتاخرش
راغب: تمام يا بني ربنا معاكوا
حليمه: خلوا بالكوا من نفسكوا
تغريد: من عونيااا يا حلول يلا سلاموز
وطلع زين جاب الشنطه بتاعته وبتاعت تغريد
تغريد: لا لا طلعت جنتل مان وجبتلي شنتطي معاك لا لا جدع
زين ابتسملها بخفه وحط الشنط في العربيه وركب وركبت جمبه تغريد
وفضل الصمت موجود لحد اما تغريد قطعت الصمت ده وقالت: زين
زين حس بنبضات في قلبه لما سمع اسم زين منها وقال: نعم
تغريد: هو انت ليه بتكره الستات؟ يعني مثلا هل كنت متجوز واحده وخانتك؟ او مثلا كنت مخطوب وخانتك برضوا؟ فا اتعقدت منها ولا ايه
زين اتنهد تنهيده طويله وقال: لا ولا حاجه من دول الفكره بس عنهم وحشه يعني الي بسمعه مش سهل عليا يا تغريد ايه الي يخليني اثق في واحده اليومين دول واقضي معاها بقيت عمري
تغريد: بص يا زين سبق وقولتلك ان كلهم مش زي بعض يعني انت ممكن تحاول مش عشان سمعت كام خبر من كام ست وحشه يبقي خلاص هتكره الستات كلها لا انت ملكش دعوه بيهم خليك في نفسك وربنا هيعوضك بواحده تحبك وتصونك يا زين حاول وطلع الفكره دي من دماغك
زين سكت ومعرفش يرد. يقولها ايه
وبدا يفكر: طب هو ليه فعلا كره الستات كلها؟ هما اكيد مش زي بعض ممكن ربنا يوعده بواحده تحبه ومتخونوش ابداً ليه ميحاولش؟
وبعد تفكير كتير كانوا وصلوا للمكان الي هيتدربوا فيه
نزل زين ونزلت وراه تغريد وكانت لسه هتشيل شنطتها
زين: لا لا خليكي انا هشيلها
تغريد فرحت جدا من تصرفه ده هي عرفت من اليومين الي قعدت معاهم فيه ان هو طيب اوي الفكره بس انو خايف يثق في ست وفي الاخر تخونه
وقطع تفكيرها صوت زين وهو بيقولها: يلا
راحت وراه تغريد ولقت شابين هيتدربوا معاهم والقائد الي هيدربهم
القائد علي: اهلا يا زين بيه عامل ايه
زين: الحمدلله يا علي انت عامل ايه
القائد علي: الحمدلله اتفضل روح حط شطنكوا في الخيمه الي هناك دي وتعالوا عشان نبتدي تدريب
تغريد باستغراب : هو احنا هنبقا مع بعض في خيمه واحده؟
زين: ايوا ما هو عارف اننا متجوزين
تغريد: وعرف ازاي؟
زين: اكيد محمود قالهم
تغريد: اه ماشي طب مينفعش انا اروح خيمه تانيه؟
زين: ليه؟
تغريد: ها لا يعني عشان الخيمه بس ضيقه ويعني عشان اسيبك علي راحتك
زين: اولا مش هينفع لانهم عارفين انك مراتي ثانياً الخيمه مش ضيقه اوي يعني فا متقلقيش
تغريد: خلاص تمام
زين راح. حط الشنط في الخميه
ورجع ووقف جمب تغريد ووراهم الشبين الي معاهم
علي: هنبتدي بالتسخين يلا اجروا التراك ده كلوا وارجعوا تاني
وصفر علي الصفاره وبدأو كلهم يجروا
وبعد. خمس دقايق زين استغرب إن تغريد متعبتش او حتى مبنش عليعا انها تعبت
زين: انتي متعبتيش؟
تغريد: لا ليه؟
زين: لا اصلي افتكرتك هتتعبي يعني اكمنك بنت وكده
تغريد: ههههه انت فاكر عشان انا بنت هبقا ضعيفه لا انا اتدربت كتير وتعبت كتير لحد اما وصلت للي انت شايفه
زين: صحيح انتي ليه دخلتي شرطه
تغريد: عادي مفيش سبب معين يعني انا كنت حاباها فا دخلتها وكمان انا حبه اني اكون قويه وادافع عن نفسي لو حصلي اي حاجه وعلفكره بقا انا بسمع عن الشباب حجات كتيره جدااا بس انا مش كارهااهم كلهم لان كلهم مش زي بعض وهيجي واحد ويوقعني في حبه
زين اعجب جداً بكلامها واعجب بشخصيتها واصرارها أنها تبقي قويه
زين: حقيقي انتي مثل لاي بنت
تغريد ابتسمتله
وبعد شويه كانوا خلصوا جري ووقفوا يرتاحواا شويه
علي: يلا اعملوا 50 ضغط
تغريد: اللهي يضغطوا عليك يا بعيد
زين ضحك عليها وقال: انتي بتجيبي الردود دي منين
تغريد: خبره بقا يا باشا
وبدأوا يعملوا ضغط
ولما خلصوا تغريد قعدت علي الارض بتعب وقالت: استني يا عم ارتاح شويه
علي: هههههه ارتاحي يا ستي
تغريد: انت شكلك طيب كده وعسول
علي: هههههه تشكري يا ستي
زين كان حاسس انوا متدايق من هزارهم مع بعض ازاي ميعرفش
زين في نفسوا: وانا مالي انا متدايق ليه
رد عليه قلبوا وقال: لا مالك يا عم دي مراتك وعلفكره بقا انا بدأت ادق ليها
وعقلوا رد عليه وقال: يا عم لا هو مالوا وبعدين يا عم زين احنا قولنا ايه بلاش نحب ونثق في واحده وفي الاخر تخدعك
قلبوا: لا يا زين بس دي غيرهم دي اكتر واحده تثق فيها اي نعم انت مقعدتش معاها غير يومين بس اتعاملت معاها وعرفت هي قد ايه طيبه وشجاعه
قطع تفكيره صوت تغريد وهي بتقول: ايهه يا زينو سرحان في ايه
زين: ها ولا حاجه
تغريد زقته وقالتله: سرحان في جمالي صح
زين: اه شوفتي بقا سرحان في شكلك العكر ده
تغريد بغضب: عكر عكر يا زينوو طب تعلالي بقا
وطلعت فوقيه وفضلت تعض فيه
زين بضحك: هههههه اوعي يا مجنونه
تغريد: بقا انا وشي عكر يا ليفه
زين: لا لا دانتي زي القمر هو فيه في جمالك
تغريد اخيرا قامت من عليه وقالت: ايوه كده
علي كان فطسان على نفسوا من الضحك وقال: ههههه مجانين بس شكلكوا بتحبوا بعض اوي
وفي اللحظه دي زين و تغريد اتوتروا اوي ومكانوش عارفين يقولوا ايه
لحد اما زين قال: اه اوي مش كده ولا ايه يا تغريدوا
تغريد بصدمه: ها اه... اه صح
علي: طب يلا عشان تكملوا تدريب
زين وتغريد قاموا وتغريد طول التدريب مكانتش عارفه تشيل جمله زين اه اوي
وبعد اما خلصوا
علي: كده تمام النهارده تقدروا تروحوا تناموا
زين وتغريد دخلوا الخيمه
زين: انا هطلع عقبال ما تغيري عشان تاخديي راحتك
تغريد ابتسمتله واول ما زين طلع غيرت تغريد هدومها وسرحت شعرها ونادت علي زين وهو دخل وهي كانت لسه هتطلع
زين: راحه فين؟
تغريد: طالعه عشان تغير براحتك انت كمان
زين: وانتي هتطلعي وانتي كده؟
تغريد: اه صح طب....
زين بمقاطعه: خليكي
تغريد: نعم؟ اخليني
زين: اقصد يعني خليكي وداري وشك وانا هغير
تغريد: اه تمام
ولفت تغريد وشها وبعد شويه كان خلص زين
زين: انا خلصت
تغريد: انا خلاص مش قادره عايزه انام تصبح علي خير
زين: وانا كمان وانتي من اهلوا
ونامت تغريد ولكن جسمها اتنفض لما حست بزين جمبها
قامت بسرعه
زين باستغراب: ايه في ايه؟ قومتي ليه
تغريد: ها اصل يعني المكان ضيق وكده وانا مش عايزه اخنقك
زين: لا لا ولا خنقه ولا حاجه
تغريد مكانتش عارفه تقول ايه حتي لو قالت هي هتنام فين
قررت انها تستسلم للأمر الواقع وتنام
وعند تقى واسر الي كانوا لسه مروحين البيت هما وراغب
تقي: انا داخله انام عايزين حاجه
اسر بفرحه: لا لا خوشي نامي
تقي: مالك فرحان كده ليه اني هنام
اسر: لا لا عادي عشان ترتاحي بس
تقي: اه طب تصبحو علي خير
كلهم قالولها وانتي من اهلوا
وراغب طلع نام مع حليمه
وتماره كانت في اوضتها نايمه
وتقي طلعت نامت
اما اسر استنى كلهم يطلعوا عشان اخيراا هيطلع يسهر
وبعد اما كلهم طلعوا
اسر: يااه اخيرااااا انا الحق اجري بقا
وطلع اسر وركب عربيته واتجه للنايت كلب
وعند تقي كانت واقفه بتراقبه لانها كانت شاكه فيه
تقي: اه يا اسر يا جزمه ماشي انا هوريك وطلعت بره وطلبت تاكسي وقالت: امشي ورا العربيه دي ياسطا
التاكسي بدا يمشي ورا العربيه لحد اما وقف قدام النايت كلب
تقي خرجت من العربيه وحاسبت التاكسي
وشافت اسر وهو داخل النايت كلب
تقي: برضوا لسه مبتطلتش ماشي انا هوريك يا اسر الكلب اما عدلتك مبقاش اسمي تقى
وطلعت طرحه كانت جايباها معاها وحطتها علي وشها ودخلت النايت كلب
وشافت اسر قاعد مع بنتين وواخدهم في حضنه وماسك كاس وكان عمال يشرب فيه
شهقت تقي بصدمه من الي شافته وقالت: بقا انت يا اسر تعمل كل ده
وفجاه جه حد من وراها وقال: الا انتي مغطيه وشك ليه يا عسل
اتخضت تقي وقالت: وانت مالك وامشي بعيد يلا
الراجل: وانا مش ماشي الا لما اشوف شكلك
تقي: وانا بقولك امشي يا راجل انت
ولكن الراجل مسمعش كلامها ومسك الطرحه وشالها من عليها
وقال: يااه دانتي طلعتي حلوه اوي
تقي: عارف لو مبعدتش دلوقتي انا هعمل فيك ايه
الراجل: وانتي بقا عاجباني وانا مش هبعد ووريني هتبعديني ازاي
وبدأ الراجل يقرب منها وهي كانت بتحاول تبعده عنها وتضربه ولاكن هو مكانش بيتأثر
وبدات تقي تصوت بخوف
واسر قام بخضه لما حس انوا عارف الصوت ده
ولما بص لقا تقي اتصدم وراحلها ومسك الراجل بكل قوه وبدا يضرب فيه
وتقي كانت بتترعش مكانتش متخيله الي كان هيحصلها دلوقتي
اسر كان عمال يضربه بكل غل هو اول ماشاف المنظر كان حاسس انوا هيطق ميعرفش ليه
وبعد شويه رما اسر الراجل علي الارض وكان فاقد الوعي من كتر الضرب الي اسر ضربهوله
اسر بص لتقي وقال بغضب : ايه الي جابك هااا جيتي هنا ليه
وقبل اما تنطق تقي وقعت من طولها علي الارض
اسر قلق عليها جدا وشالها وطلع ركبها العربيه وراح للمستشفي
وبعد وقت خرج الدكتور وقال: متقلقش هي بس كانت هتتعرض للاعتداء وده سبب خلاها تفقد الوعي
اسر: يعني يا دكتور هي كويسه
الدكتور: اه متقلقش وتقدر تدخلها دلوقتي هي شويه وهتفوق بإذن الله
اسر دخلها وبعد شويه بدأت تقي تفتح عنيها وقالت: ا... اسر الحقني
اسر مسك ايديها وقال: انا جمبك اهو متقلقيش قوليلي بس انتي ايه الي جابك
تقي: انا شوفتك وانت خارج روحت وراك عشان امنعك ولاكن لقيتك داخل النايت كلب قررت ادخل واجيبك ونروح ولاكن قبل اما اروحلك حصل الي حصل ده
اسر: ايوه بس برضوا مكنش ينفع تنزلي في الوقت ده وكمان مينفعش انك تدخلي المكان ده
تقي: اعمل ايه كنت عايزه امنعك يا اسر يا اسر ده غلط والله الي انت بتعمله ده
اسر: خلاص انا اسف انا الي غلطان صدقيني مش هروحه تاني وهبطل خلاص
تقي: اوعدني يا اسرر
اسر: اوعدك
تقي ابتسمتله بسعاده
اسر: طب يلا بقااا نروح ولا انتي لسه تعبانه
تقي: لا يلا
الدكتور دخل واذن ليها انها تخرج ونزلوا وركبوا العربيه وروحوا علي البيت واول ما وصلوا اتسحبوا زي الحراميه لحد اما طلعوا اوضتهم
وفي اللحظه دي تقي سخسخت علي نفسها من الضحك وقالت: هههههه احنا بنتسحب زي الحراميه كده ليه
اسر: عشان لو شافونا هتحصل تحقيقات مش هنحبهااا خاللص
تقي: صحيح يا اسر انت كنت خايف عليا بجد
اسر: هتصدقي لو قولتلك اه
تقي في اللحظه دي وشها احمر وراحت نامت علي الكنبه
اسر: ما تيجي تنامي جمبي
تقي: اتلم يله ونام
اسر ضحك عليها وقال: هههههه حاضر يا ستي
ونروح في الحاره الشعبيه عند ريان كان قاعد وسرحان في تماره الطفله الي خطفت قلبه هما مبيتقبلوش بس من كتر مكالمتهم مع بعض هو اتعلق بيها جدا وبقا لو مكلمهاش في يوم بيحس إن في حاجه ناقصاه
ريان حط راسوا علي المخده وراح في النوم وهو بيفكر في حبيبته تماره
وتاني يوم صحي راغب علي هزه من حليمه وهي بتقوله: قوم يا راغب يلا
راغب: احلي حد يصحيني ده ولا ايه
حليمه بكسوف: اتلم يا راجل احنا كبرنااا هااا
راغب: وهو عشان احنا كبيرنا ملناش حق نحب يعني
حليمه: انت قصدك ايه يعني
راغب: مقصدش ياختي
حليمه: طب يلا الفطار جاهز
راغب: العيال صحيوا
حليمه: اه تقي واسر وتماره تحت
راغب: تمام انا هلبس وانزل علطول
حليمه هزت راسها ونزلت تحت وبعد شويه نزل راغب وراها
تماره: يا صباحوا يا صبااحوااا
راغب: يا صباحوا يا تماره يا عسل
حليمه بصت علي تقي وحست ان فيها حاجه وقالت: بت يا تقي انتي كويسه
تقي: ها اه يا ماما ليه
حليمه: اصلي حساكي تعبانه
تقي حاولت تخبي عنيها عن حليمه عشان متعرفش انها تعبانه وقالت: لا يا ماما مانا بخير اهو
حليمه: ماشي هحاول اصدقك
راغب: صحيح يا اسر انا شايفك متغير يعني مبقتش تنزل وتسهر
تقي: بركاتي بقاا يا رغوبه
اسر: اماللل وانا اشهد
راغب فرح اوي من تغير ولاده
وعند تغريد بدات تفتح عنيها ببطئ وفجاه.......