رواية عروسة الخرطوم
الفصل الرابع4
بقلم سجي المدني
كنت قاعده وببكي طول الليل! و م كنت قادره انوم بقيت ماشه وجايه في الغرفه! فجأه شلت تلفوني ومن غير م احس واشوف الساعه اتصلت علي نور!
=نورررر
_ولاء بسم الله مالك في شنو! متصله في وقت زي دا!
بقيت ببكي وبقول! :نور انا لازم بكره اقابلك!
_كديه انت هسي مالك بتبكي! فهميني في شنو!
=بكره بفهمك! بس بس لازم نتقابل!
_اوكي طيب تعاليني في البيت!
=طيب!
قفلت منها وختيت التلفون في التربيزه! وبقيت قاعده في الأرض!
صحيت الصباح بدري ووشي كلو مورم نسبه لاني نمت متأخره والبكى برضو! بقيت اتكل لقايت م وصلت الحمام إتشورت وصليت بالله ويامين و م طلعت من غرفتي إلا الساعه ١١!وكنت كل شويه بسمع كركبه في غرفة شهاب! لبست وطلعت! أثناء م انا طالعه من غرفتي شهاب برضو كان طالع من غرفتو عاين لي وقال لي على وين! عاينت ليه بقوه وشلت نفس طويل وقلت! نحن مش زواجنا دا م حقيقي ومش نحن متزوجين زواج شكلي بس! مش مجبورين على الزواج دا يبقى م تدخل في حياتي كويس! لمن تكون زوجي حقيقي يبقى تدخل! اوكي!... عاين لي وقال صدقتي في الحته دي! طيب! المهم انا برضو طالع! ف ممكن بعدين لمن تجي تلقيني ماف ف هاك دي نسخه من المفتاح! شلتو منو وطلعت! كان نفسي أسألو ماشي وين! بس اكيد ماشي يلاقي رضوى أو واحده تانيه!.. من دربي وطوالي ع بيت نور!.. لقيتها قاعده في الهول وبتقطع في سلطه! عاينت ليها شديد ومشيت اتجاها! قلت ليها نور! نور عاينت لي وجدعت السكين وجات ضمتني عليها شديد وقالت لي ولاء حبيبتي انت كويسه!
قلت وانا ببكي:م كويسه ي ولاء م كويسه انا موجوعه شديد!
_كديه تعالى تعالى اقعدي!!!
مشيت قعدت في الكنبه وانا لسه ببكي! نور قالت لي اها احكي الحاصل شنو!!!!؟؟؟
=انا من إتزوجت شهاب دا! حياتي كلها انقلبت! وايامي كلها بقت عباره عن وجع! تصدقي اول يوم لينا جاب صحبتو! في البيت! وامس اتعامل معاي بطريقه سمحه وحتى عمل لي عيد ميلاد! بس الليله انقلب بطريقه خياليه! وتصدقي امس قال لي نبقى أصحاب! بس طلع غاشيني!!! وقال لي لمن قلت نبقي أصحاب يعني نساعد بعض في البيت بس!
نور بقت بطبطب علي لقايت م سكتتني وقالت لي! :مع الايام شهاب ح يتغير! و ح يحبك! و ح يصلح تعاملو معاك!
=م عايزه حبو ولا عايزه يتعامل معاي! أنا لو سألوني عايزه شنو! بختار إني عايزه السلام!
_السلام!؟؟؟
=بالنسبه لي في وقت زي دا السلام هو الطلاق!!! بجد بقيت عباره عن كتلة حزن!
بقيت بتكلم معاها وحسيت نفسي إرتحت حبه! رجعت منها زي الساعه ٣ بس قالت إلا اتغدى معاها اتغديت معاها! وطلعت! لمن خشيت البيت لقيتو لسه م جا قلت طبعا اكيد م ح يجي هسي!!!
__________
في مكان آخر:-
_اها ي شهاب كيف العرس معاك! عرستا ونسيتنا!
=ههههه معقوله ي مجدي!
_انت عارف إنو إنت محظوظ كونو إنك عرست ولاء!
=ههه محظوظ!!!؟ محظوظ بشنو ي مجدي!
_زوله حلوه طيبه!! كريمه! اجتماعيه!!!؟ تاني عايز شنو!
=انت قايل القصه بالحلاوه والطيبه والحاجات دي! لا ابدا! القصه في قلبي هل هو بحبها ولا لا! وانت عارف ي مجدي اني م بحبها!
_انت بالجد فايتك كتير مع ولاء! لأنو ولاء زوله م بتتعوض! مع إنو م حصل قعدت معاها! بس لمن شفتها في العرس حسيت كدا!
=هههه كديه انت هسي وريني! العرس بتين!
_والله بعد تلاته شهور تقريبا! معزومين انت وولاء طبعا!
=م ممكن انا براي!
_لا!
=ههه طيب!
_صحي رضوي! ردة فعلها كانت شنو لمآ عرست لاني م كنت شايفها في العرس!
=ردة فعلها ح تكون شنو يعني! عارفاني م بحب غيرها!.
_تصدق انك ح تحب ولاء!!! وانا متأكد من الحاجه دي!
=بس انا م اظن!
_بس انا متأكد!!!
=ههه نشوف!!!
____________
ولاء:-
بعد ملصت هدومي نزلت تحت! قلت كديه اسوي حاجه للعشاء! مشيت لقيت دجاج! في التلاجه! سويتو شوربه وحمرت الباقي! وسويت فطاير! رتبت المطبخ! وأثناء م طالعه شفت شهاب خاشي! شكلو شمه ريحة الأكل من بره وقال لي واخيرا الليله ضميرك انبك وقلتي اعمل أكل!!
م رديت!!! قرب على وجا وقف قدامي وقال سوى لي غداء!
=الحته الكنت فيها دي م أكلت فيها!!
_لا عايز أأكل هنا بس.. في مانع!
=لا أبدا! لكن في مانع إنو انا اسوي ليك الأكل! تمام! داك ليه المطبخ والأكل تلقاه في البوتوجاز! وفي فطاير ختاهم في المصطبه خت أكلك وأكل!!!
كنت ماشه بس مسكني من يدي شديدد وقرب وشو على وقال لي م عايز نقاش معاك سوى الأكل سريع!
عاينت ليه وقلت ليه شهاب ممكن تطلقني!
_اصلا دا الشئ الانا عايزو بس م هسي لأنو بخاف عليك من كلام الناس!!!! خايف يقولو عنك حاجه م كويسه! وخصوصا انا كنت راجلك م عايز مرتي أو اقصد طليقتي تكون سمعتها شينه!!!!!!!!
عاينت ليه ومشيت على المطبخ وبقيت بخت في الأكل بزهج!!!!