رواية عروسة الخرطوم
الفصل السادس6
بقلم سجي المدني
وصلني كراسي الإنتظار وقال لي ربنا يوصلك بالسلامه هسي انا ماشي لاني نعسان وعايز انوم ولمن تصلي اديني خبر!!.. فتحت عيوني كبار وبقيت بعاين ليه بصدمه قمت على حيلي وقلت ك ك كيف يعني!
عاين لي وقال لي ولاء على م اعتقد انا قلت ليك م ماشي صاح؟؟؟؟! وانت اصريتي انك تمشي!!
قلت بصراخ:انت قايلني عايزه المشيه دي يعني! أنا بس رضيت عشان جدو!
_طيب أمشي انا هسي قلت حاجه!
=أمشي براي!؟؟؟؟
_ايوه!.. المهم م اصرف معاك كتير إرتاحي مسافة الطياره تجي ويلااا!
قبل ضهرو وكان ماشي بس تاني قبل وقال م تنسى تتصلي على!! لمن تصلي!! وبعدين وريني كيف أجواء بلجيكا وصوري لي الشوارع وكدا! المهم إن شاء الله تستمتعي!
قال كلامو دا وطلع! بقيت مصدومه شديد فيه! بقيت بالتدريج بقعد في الكرسي! وانا قلبي من الوجع بتقطع مية قطعه! إتخيلو خلاني براي في المطار وطلع! انا مره معقوله يخليني زي دا في نص الليل! وطيب براي أمشي اعمل شنو!!! اخخخ بقيت ببكي بقوه فجأه حسيت بيد بتربت على كتفي! رفعت راسي وعاينت ليها كانت مره عجوز قالت لي انا م عارفه الحصل ليك شنو ي بتي بس اتأكدي الحصل كلو لخير!
قمت من الكرسي وعاينت ليها وقلت وين الخير في الموضوع انت م عارفه الموضوع م عارفه كريت شنطتي!وطلعت من المطار وانا خايفه شديد! كانت الشوارع فاضيه ولا زول ماف غير الناس المسافرين وجايين عشان ينتظرو الطياره! بقيت ماشه و م عارفه نفسي ماشه وين! الواطه كانت بالليل والظلام دامس لدرجة م شايفه نفسي وقابضه نفسي بالله ويامين من إني أجرى!! إتلفت إتلفت م لقيت
عربيه عشان ارجع بيها! بقيت ماشه لمسافه طويله! وحسيت رجولي وجعوني شديد لدرجة ورمو! فجأه وقفت وشفت دكان كدا فيو مظله وكانت لمبتو مولعه جريت عليه سريع سريع! ومصلت شبشبي وختيت الشنطه بالعرض! من م غير م احس لقيت نفسي رقدت! نومت! م صحيت إلا الساعه٥ صباحا تقريبا! قمت وأنا مخلوعه! صلحت طرحتي عديل ولبست شبشبي! وكريت شنطتي وسريع سريع قمت بقيت ماشه وصلت قريب للبيت! وانا خلاص قربت اموت! عطشانه وعلى العلي جيعانه وجسمي كلو مات! وصلت البيت بالله ويايمن! فتحت الشقه بنسخة المفتاح الاداني ليها! وخشيت قعدت في كنبة الهول! طلعت آهات كتيره! وغمضت عيوني! قمت من الكرسي وانا بتكل دخلت غرفتي إتشورت يالله وصليت! قلت كديه اشوف شهاب هل نايم وقاعد بكل إريحيه وضميريو كدا مرتاح ولا العكس! فتحت الباب وإتخيلو لقيتو نايم اصلا دا الكنت متوقعاه! قفلت الباب براحه رجعت غرفتي! وغتيت وشي بيديني وبقيت ببكي! قلت ي ربي دا م الراجل الأنا كنت بتمناه! دا م الكنت خاتاه في بالي! كنت عايزه راجل حنون! يحبني ويهتم لي زعلي! و م يخليني انوم وفي دمعة في عيني!!!.. أثناء م ببكي سمعت كركبه عرفتو دا هو! قمت من السرير ومشيت عليه لقيتو طالع من الغرفه وقت عاين لي اتخلع عقد حواجبو وقال انت!!
_ايوه في مانع!
=جيتي كيف مش على اساس مسافره!
قربت عليه قريب وقلت شهاب انا بكرهك!
_م أكتر مني!
=عملت ليك شنو انا وريني عملت ليك شنو!.
بقيت بدق في صدرو وعاينت ليه شديد في عيونو وقلت بكرهك بكرهك بكرهك شديد
عاين لي وقال:كويس!!!
=الله ينعلك ي شهاب الله ينعلك!
_ولاء احترمي نفسك!
=م بتحرمها ي بتاع البنات!
_انا بتاع بنات!؟؟
=ايوه!
_كويس!
قال كلامو دا ونزل عاينت ليه ومشيت تفلت في المحل الكان واقف فيها وقلت تستاهل اكتر من كده!
دخلت غرفتي ورزعت الباب بقوه!!.. زي الساعه ١١ قلت كديه اطلع اكل لاني جعت شديد!!
مرقت وأثناء م مارقه سمعت جرس الباب!!!
مرقت سريع ومشيت فتحتو وكان دا شهاب! قلت ليه مش عندك مفتاح م تفتحو بس ولا عايز تتعبني!!!
إبتسم وقال حبيبتي تعالى!! في زول رد وقال ليه جيت! وجبت معاي التلفون!!
عاينت ليه بإستغراب! لمن جات البت كانت دي رضوي شبكت يدها مع يد شهاب وعاينت ليه وإبتسمت وعاينت لي ورفعت حاجبها وإبتسمت مره تانيه!
قلت ليه دا شنو..!! عاين لي وقرب وشو على وقال لي بإبتسامه عقدنا ودي مرتي!!!!