رواية عروسة الخرطوم الفصل السابع7بقلم سجي المدني
عاين لي وقرب وشو على وقال لي بإبتسامه عقدنا ودي مرتي!!!!.. بعدت منو وبقيت بهز براسي ودموعي في عيوني وكل م تنزل دمعه اغشها!! قلت ليها ع ع عقد شنو؟
_العقد الواحد دا عرست رضوى!
=ك ك كيف يعني عرست رضوى!
_عديل كدا!!
=انت بتهظر صاح!
_أبدا
=اكيد اكيد بتهظر بتهظر صح صح!!
_ولاء انت كويسه! بعدين م بكذب عليك انا رضوي بقت مرتي وعرستها
عاينت ليه وقلت شهاب رضوي رضوي شهاب انا رضيت بأنك تحبها قدامي رضيت بأنك تقابلها كل الإسبوع رضيت بأنك تتكلم معاها مكالمات في راس كل ثانيه! بس بس مش تتزوجها وتجيبها هنا! بقيت بصرخ فيه وبقول خلاص انا خلاص زهجت منك ومن عمايلك!! ك ك كيف يعني تعرس واحده بدون م انا اعلم وكمان ضرتي وتجيبها هنا!! كيف!
رضوى! :عفوا إسمي رضوى م واحده!
قلت بنهره ورفعة اصبع انت اسكتي!
شهاب نزل لي اصبعي وقال! :منو الاداك الحق عشان تصرخي فيها أو ترفعي اصبعك اتجاها!
رضوى عملت نفسها زعلت وقالت ليه بالجد البت دي قاسيه!
عاينت ليها جوا عينها وقلت ولاء اسمي ولاء م بت!
عاينت لي وقال أيا كان اسمك م بهمني!
م إشتغلت بيها وقبلت على شهاب وقلت:شهاب انت عايز تجلطني ليه كلو يوم! توجعني! ليه دايما بتجرحني! وبتخيب ظني! ليه ليه!
شهاب:مش قلتي انا بتاع بنات ياهو وريتك انا بتاع بنات كيف!!!
"فلاش باك"
شهاب بعد اتكلم مع ولاد نزل سريع سريع وطلع!! طوالي اتصل على رضوي!
_حبيبي!!
=رضوى نحن لازم نعقد!
_نعقد كيف يعني نعقد!؟
=رضوى م بتعرفي العقد!؟؟؟؟؟ العقد الواحد دا!
_طيب بتين!!!
=الليله!
_الليله!!؟؟؟
=ايوه!عمو عامر(ابوها) اصلا عارف بعلاقتنا وراضي إني اتزوجك لاني قبل كدا فاتحتو بالموضوع ف ح اتصل عليه! و اتصل على المأذون و ح نعقد!
_وولاء!
=ولاء شنو عليك الله ياخ المهم انت وبس!
_حبيبي😍!
شهاب قفل من رضوي وإتصل على ابوها ابوها وافق طوالي لأنو بحب شهاب شديد ومعجب بيه! اتصل على المأذون وطوالي على الجامع عقدو! ومشى بيت ناس رضوى كانو مجهزينها ناس امها! وهم برضو رضيانين بالرغم انهم عارفين شهاب معرس!..و ساق رضوى واتجهو على البيت!!
"نرجع"
=انت م اصلك بتاع بنات عايزه ليها إتنين تلاته وريني!!
_طيب اهو انا وريتك قلت ليك!
=شهاب جدو لو عرف ح يقتلك!!واتأكد انا قدر م بكرهك! كل يوم بتمنى ليك الوجع زي م وجعتني!!! وعاين المره دي م ح تعيش معاي هنا فاهم ولا لا!
رضوى ضحكت ضحكه طويله وقالت:انا المفروض اقول إنك م تعيشي معاي لكن م عايزه ابقيك مشرده!ههههه
عاينت ليهل من فوق لتحت و م رديت!
رضوي:البيت دا مسجل بإسمي ي حلوه ف عادي انا ممكن اطلعك كويس عشان كدا اوعه تقلي أدب كويس ي حلوه!
جات على ومسكتني من جضومي زي الأطفال وقالت لي ممكن تسوي لي فطور حبيبه!! وضحكت وفاتو عاينت ليهم لقايت م دخلو! وفتحو غرفتي وخشو إتخيلتو غرفتي! قفلت الباب وبقيت قاعده في الأرض وتاكله راسي عليه وانا ببكي!!!!
بالجد طلعت حقير شديد شديد ي شهاب! والله انا م حصل كرهت زول زيك! انا م عارفه مصلحتك شنو لمن توجعني زي دا!! م عارفه بتستفيد شنو يعنى! اتأكد كل م وجعتني كل م كرهتك اكتر!!
قمت من محلي وخشيت الغرفه من غير ااي سابق إنذار.. لقيتهم قاعدين وبتونسو رضوي قامت مخلوعه وقالت لي ي بت اتعلمي دقي الباب اول!
=دي غرفتي ولي الحق اخش من غير إذن زول!
عملت حركه بيماعه كدا! واتكلمت وهي بتتمايع وقالت ودا بيتي كلو تمام! بعدين انا عاجباني الغرفه دي وح نقعد فيها! شيلي هدومك واتخارجي!!
م قدرت اتناقش معاها لاني حسيت نفسي م قادره اتكلم شلت هدومي من الدولاب وختيتهم في شنطه! وعاينت لي شهاب وقلت ليه ممكن تجي تشيل هدومك؟؟
_ممكن تجيبيهم لي!
عاينت ليه بإنكسار و م رديت! انا مكسوره منو شديد والله م قادره اتكلم معاه أو اتناقش معاه لأنو الفيني كمل معاه!
رضوي:م سمعتي قال ليك جيبي الهدوم!
طلعت من الغرفه من غير م ارد ختيت ليه هدومو في شنطه!! ووديتهم ليه وقلت ياهم هدومك! تاني ااي طلبات!
رضوي قالت بآخر نفس:شكراا!
قعدت اليوم كلو في الغرفه وم طلعت نهائي وانا سامعه صوت ضحكاتهم!! فجأه من غير مقدمات جات داخله رضوي لقتني قاعده في الأرض قالت لي الليله عفيتك من الفطور بس بكره لازم تسوي دفرتني برجلها وضحكت وطلعت! م إشتغلت بيها ولا اصلا هببتو ليها لاني متأكد تجاهلي ليهم هو الح يقتلهم!! وأصلا كل م اتجاهلتهم كل م راسي ارتاح من كلامهم!!! لكن م اظن يسكتو مني!!
اليوم التاني بالصباح قمت اسوي لي شاي! لي انا بس! اصلو م بسو ليهم!! بعد وجعوني عايزني اخدمهم!...... لبن كان ماف على م اعتقد! ف مشيت اسوي شاي احمر! ختيت المويه تسخن وأثناء م انا واقفه ومستينها تسخن! جات رضوي! قال لي اووو الضره الحنونه عايزه تسوي الشاي! م رديت!
جات على وقربت على الكفتيره ولوتها لمن المويه انكشحت في يدها! بقت تصرخ بشده وتقول شهاب شهاب تعال شوفك مرتك حرقتني واااي ي شهاب واااي واااي!!