رواية عروسة الخرطوم
الفصل الثامن8
بقلم سجي المدني
*
جات على وقربت على الكفتيره ولوتها لمن المويه انكشحت في يدها! بقت تصرخ بشده وتقول شهاب شهاب تعال شوفك مرتك حرقتني واااي ي شهاب واااي واااي!! انا بقيت مصدومه فيها ك ك كيف يعني رميت فهيا الكفتيره؟؟!!! شهاب جا جاري وقال ليها رضوي حبيبتي مالك في شنو وشاف يدها!
بقت تبكي وقالت ولاء دي ولاء رمت فيني الكفتيره وهي فيها مويه حاره و اتخيل بس عشان قلت ليها سوى لي معاك شاي😭
جا على وهو غضبان شديد! ربعت يديني وقلت ليه عايز تشاكلني صاح! انت عارف انك جبت ليك مره كذابه شديد! و
قبلي م أتم كلامي لصق في وشي كف وقال لا عايز اضربك ومرتي كذابه م كذابه م بخصك! وبعدين كيف ترمي ليها الكفتيره في يدها وفيها المويه حاره! عارفك م بتحبها بس م لي لدرجة تعملي قدر دا!!! ولاء احترمي نفسك لاني ممكن اغلط معاك!
بقيت مصدومه فيه شديد وكيف هو يضربني بالطريقه دي حقيقه الفيني كملت! انا بالجد م بقدر اعيش على الحاله دي!! شهاب مشى علي التلاجه شال تلج وبقي بختو ليها في يدها وهو خايف عليها شديد! كان عايز يسوقها بس قالت ليه أمشي.. اجيب زيادة تلج وبلحقك!
مشى وهي جات علي وقالت لي الراجيك كتير جهزي روحك بس!
وهي كمان طلعت! اترميت في الأرض وانفجرت بكى!!!! قمت على حيلي قفلت باب المطبخ!! ووقعت تاني في الأرض بقيت ببكي بشده! وقلت انا مكتوب لي اعيش كدا ولا هي فترة وبتمر! ولا نهايتي ح تكون حلوه! ربي مقدر لي الحاجه دي ولا هي وعكة ايام وبتروح! ولا ح اعيش طيلة حياتي كدا! ولا شهاب ح يحس بغلطو و يجي يعتذر مني!! اخخخ!
تقريبا كنت ببكي نص ساعه وانا في المطبخ! فجأه في زول بقى بخبط على الباب بشده قمت فتحتو وكانت دي رضوي قالت لي تقعدي في المطبخ كدا وتقفلي الباب كيف يعني! انا جيعانه سوى لي اكل!!
قمت على حيلي وعاينت ليها شديد ومشيت من غير م ارد! فجأه هي مسكتني! وأدتني كف وقالت لي لمن اتكلم معاك ردي!!! عاينت ليها والمره دي الدموع نشفو في عيوني و حلفو كان يطلعو! م رديت مع إني كنت موجوعه بس م قادرره احرك خشمي وانطق ولو بكلمه كان نفسي اشاكلها وارد ليها الكف! بس طاقتي للحاجات دي خلصت!!.
من غير م احس لقيت نفسي جريت الغرفه! بقيت قاعده في الأرض وبقول انا م كده انا قويه ليه ليه تسكتي عن حقك ي ولاء انت م متعوده على الحاجه دي!!!
بقيت ببكي شديد! حقيقي ايامي كلها بقت عباره عن بكى وحاجه كده م طبيعيه من الحزن!!
قلت ي ربي جدو لو عرف ح يعمل شنو!!!
بعد شهر
مر شهر وانا حياتي انقلبت قلب!! أثناء م بفكر تلفوني رن وكانو ديل ناس جدو فتحت الخط بدأ يتكلم معاي و سألوني هل جينا من بلجيكاولا لا قلت ليهم ايوه جينا(طبعا إضطريت اكذب) جدو اتكلم معي وقال جايينا يوم الجمعه الجايه قفلت منو وبقيت بفكر طيب ح نقول ليهم أو اقصد هو ح يقول ليهم شنو بخصوص رضوى؟؟!
مشيت لي شهاب في الغرفه وكان براه قلت ليه ناس جدو جايننا يوم الجمعه! قام من السرير وقال كيف يعني!!
=كده!
_لا دقيقه دقيقه إنت متأكده انهم جايننا!
عاينت ليه وقلت انا قلت ليك جايينا كيف أكون م متأكده! طبعا هو كان خايف شديد ومتوتر م إشتغلت بيه وطلعت!!
الساعه ١٢ بالليل وانا لسه صاحيه!! م قادره انوم ومنتظره بتين يوم الجمعه يجي وبفكر في الحيحصل!!!!
اليوم التاني بالصباح العرسان!! الحلوين م طلعو من غرفتهم! م إشتغلت بيهم ومشيت على المطبخ عملت لي سندوتش بيرقر! ومعاو عصير منقه وجيت فتحته الشاشه بتفرج فجأه سمعه صوت رضوي وهي بتقول بعد العملتي فيني ليك عين تأكلي وتحضري!
قبلت لقيت شهاب سايقها! عاينت ليها و م رديت وكملت مشاهده!! سمعتها بتقول شفت ي شهاب شفت بتتجاهلني كيف!! شهاب قال ليها انت زاتك اتجاهليها!! قمت على حيلي وانا في يدي اليمين السندوتش وفي يدي التانيه كباية عصير المنقه! مشيت عليهم جيت بجنبهم وهمست ليهم هم الإتنين وقلت عارفه تجاهلي ليكم ح يقتلكم!! ومشيت منهم!! هم اتغاظو من شديد لدرجة حسيتهم عايزين ينفجرو!!
يوم الجمعه الساعه ٢:٥٤
كنت قاعده وبحضر مستنيه ناس جدو! فجأه جا خاشي شهاب وقال لي نحن لازم نعتزر من ناس جدو!
م رديت وكملت اكل فشار!
جا على وخته الفشار الكان في رجليني في التربيزه! وووقفني على حيلي وقال لي لمن اتكلم معاك ردي! عاينت ليه وقلت ح تتحجج بشنو مثلا!!؟؟؟؟
_ااي شئ!
= مثلا مرضان!؟؟ عندك شغل!!؟؟ عندك قعده مع اصحابك!؟؟
_ايوه مرضان!
=ح يجوي عشان يطمنو عليك!
_طيب عندي شغل!
=انت ماخد إجازه!
_عندي قعده مع أصحابي!
=جوابهم!! ح تخلي مرتك براها!!
عاين لي وقال اتحججي ليهم أنت!.
=انا عايزاهم يجونا اتحجج ليه!
_ا
قطع صوت كلامو جرس الباب وهو بدق إبتسمت ليه وقلت بكونو ديل هم!! مرقت من غرفتي سريع ومشيت على الباب وهو كان واقف في مكانو لا اتحرك جاي ولا جاي!!!