رواية اغتصاب ازهار الفصل الثامن8بقلم جمانه السعيدي
الساعه ١١ونص كبت العيطه بلشارع وصارت هوسه واجتي بت نهى تصرخ خاله الحكي خاله امي
ازهار ....امج شبيها
...امي احتركت طك عليها التنور
ازهار...ياااا يمه يمه الحكي نهى طك عليها التنور
لبست عباتي ورحت اركض همه بيتهم عنا بيتين
دخلت لكيت الناس مجتمعه ونهى تصرخ لافينها ابطانيه
وزوجها رايح يجيب سياره
ازهار قربت عليها وكمت ابجي يمه خيتي سوده عليه
وهي تصرخ من الوجع
شويه واجا مهدي جايب سياره ودخل يركض وشالها بلبطانيه وطلع واني اصيح اروح وياك مهدي انتضرني
وهو من الخبصه والناس مايسمعني
ركضت فتحت السياره ودخلت وهو دخلها وخلاها بحضني
وهي ابد مابطلت صريخ وبجي
واني ابجي وياها
جمانه السعيدي
صار ثمن سنوات جيرانه صدك احسها اختي
مشت السياره واني اذكرت جهالها بقو بلشارع
ازهار...مهدي انطيني تليفونك نسيت تليفوني
انطانيا واني خابرت امي
ازهار...الووو ماما اخذي الجهال البيتنا وغديهم
وطلعي الناس من بيت نهى وسدي الباب
امي...اي يمه ذوله جهالها يبجون عليها سوده عليه
راح اسد البيت واخذهم البيتنا
بس طمنيني عليها فدوووه يمه
وصلنا للمستشفى ودخلوها للطوارء والمستشفى والدكاتره كلها التمت علينا
دخلناها وهي تصرخ وتعيط وتصيح جهالي جهالي
ازهار...جهالج يم امي لاتخافين
دخلوها غرفه خاصه واني دخلت وياها
شالو البطانيه وجسمها كله محترك سوده عليه شصاير بيها
اول شي يردون يشكللولها مغذي ماكو مكان
جسمها كله محترك
كوه لكووو مكان برجلها ونطوها ابره مهدء لان مابطلت تصرخ من الوجع
وبدووو ينضفون بلحرك
الدكتور كال شني منتحره
ازهار.. لادكتور بس التنور طك عليها
الدكتور هاي حالتها حرجه وحركه خطير
ازهار دكتور فدوه مروتك عدها جهال زغار
الدكتور لازم يجي دكتور اختصاص يشوفها
واذا تكدرون انقلوها جناح خاص
جمانه السعيدي
ازهار...ميخالف دكتور بس كون اتصير زينه
طلع الدكتور وكال شويه ويجي دكتور ثاني يشوفها
طلعت برا لكيت مهدي كاعد على الكرسي ولازم راسه بثنيين اديه
ازهار...مهدي الدكتور يكول انقلوها غرفه خاصه وخابر دكتور اختصاص يجي يشوفها
مهدي..اي هسه اني من الاستعجال ماجبت وياي فلوس
ابقي يمها اروح اجيب فلوس واجي
زهار...خابر اهلها خطيه لازم يجوون يشوفونها
مهدي.. هسه اخابرهم
وفعلا رجع مهدي للبيت واني بقيت وياها وشتغل مفعول الابره وهدت شويه
بس كلساع تلزم ايدي وتكول جهالي امانه عدكم
جهالي ازهار لاتعوفيهم فدوووه ازهار
ازهار...هاي شبيج حرك بسيط هسه تصيرين احسن
وترجعين الجهالج
نهى...ما اضن راح ارجع اشوفهم
ازهار...لاتكولين هيج انتي مابيج شي حرك بسيط
وشويه ورجع مهدي ونقلوها غرفه خاصه واجا الدكتور جيك حالته
بس ماطمنا عليها كال حالتها موزينه
صحيح انطاها علاج ونضف الحرك بس كال الي عليه سويته والباقي على الله
اني بقيت بحيره لا اكدر اعوفها ولا اكدر اعوف امي والجهال وحدهم
لليل وصلت امها واخوها واني مهدي اجرلي سياره ووصلني للبيت
لكيت امي شاويه دجاج بلفرن
ازهار...يااا يمه سويتي عشا
امي...ما اكدر اوكف واطبخ لكيت هاي الدجاجه وخليته بلفرن
ازهار...خل اخابر مهدي يجي ياخذ الهم عشى وين تليفونج يوم رقم مهدي بي
اخذت تليفون امي وخابرته
ازهار...الووو مهدي اني ازهار
مهدي...اهلا وسهلا
ازهار....شلون صارت نهى
مهدي..على وضعها حالته موزينه
ازهار...مهدي امي شاويه دجاج ماتجي تاخذ عشى
مهدي...مشكوره جبت جاهز ممنون منكم ماقصرتم
ازهار...لاتكول هيج نهى اختي ولله يعلم شكد اتالمت عليها
بعد اريد اكلك شي خاف تحتاج فلوس للعلاج بس خابرني
مهدي...مشكوره فضلكم ما انسا ابد
ثاني يوم رحت للمستشفى واخذت وياي فواكه
ولكيت اهل مهدي وام نهى واخوها بس حال نهى مايسر
صار عدها تسمم بسبب الحرك
والدكاتره حايرين بيها
رجعت للبيت واني ابجي عليها توضيت وصليت صلاة طلب حاجه وبقيت ادعيلها
وحتى ماما تدعيلها وتبجي عليها
نهى ما تتعوض انسانه راقيه بشكل روحها حلوووه ومحبوبه
ابد ماحسيته غريبه بيوم من الايام
اليوم الثالث اجو اهل مهدي ياخذون الجهال وماقبلو يرحون وياهم كوووه عليهم راحوووو
للعصر رحت اشوفها اني وامي بس ياريتني مارحت نهى حالته موزينه والعلاج عبالك بلشط
فتحت عينها شافتني ونزلت دمعه من طرف عينها وكالت جهالي ولزمت ايدي واني ماكدرت اصبر انفجرت بلبجي
جمانه السعيدي
شويه وسكتت شكيت بيها ماتت خليت ايدي كدام خشمها ماتتنفس خليت راسي على كيف على صدرها ماسمعت دكات كلبها
واني صرخت لا نهى لا فدوووه لاترحين
ولج نهى حاجيني وين رايحه وعايفه جهالج
سمعني مهدي وركض جاب الممرضين والدكاتره وكامو يصيحون الكل يطلع برا
ولاواحد يبقى هنا
طلعنا واني ما اكدر اسكت بس ابجي اصلا ما اكدر اشوف بعيوني من البجي
وامها وامي يبجن ويعيطن من جه
المستشفى انكلبت
حاولو وياها بس الضاهر نهى هاي اخر لحضه الها بلدنيا
بقت بلمستشفى ينتضرون تقرير الوفا وزوجها خطيه يبجي عليها واخوانها وامها نهارو
اجمعو اقارب مهدي واهل نهى كالو نلاكيكم بلنجف واخذوها وراحوووو وعيني عليها
نهى ام وجه الحلووو نهى ماتت
رفعت ايدي وكتلها اوداعت الله يلحنينه
اوداعت الله يا اخيتي اوداعت الله يم كلب الطيب
كعدت بلكاع على التراب واني مامصدكه الي صار
معقوله بعد ماشوف نهى
ولاتجي وتكول جوعانه اريد غدا
ولاتبات يمنا ونضل نسولف اليل كله
ليش اني مامحضوضه
ليش فقدت اختي ليش الناس الطيبه تموت
والعار والي ياذي الناس عمرا طويل
جمانه السعيدي
كمت كوه واني اسحل بروحي سحل
ورجعت للبيت فتحت بيتها ودخلت
واني اصيح وينج نهى ليش عفتي بيتج
اطلعي وكولي جذب اني موجوده مامتت
تعاي وياي خل نتغدا اني وياج وبعد ما ااخر خياطج
بسرعه اخيط ملابسج حتى تكشخين المهدي
ولج ليش مستعجله على الموت
هذا بيتج المن عفتي وجهالج شراح اكللهم
بقيت ابجي والنسوان بلشارع اجتمعن عليه وكومني بس ما اشوف من البجي والقهر
ايام الفاتحه اتعس ايام مرن عليه
بس خلصت الفاتحه خابرت مهدي يجيب الجهال لان اشتاقيت اللهم
جابهم بس شحالهم يهدون الحيل
جود بس شافني حضني وكال اريد ماما
اني سمعت هاي الكلمه واني انهديت بلبجي عبالك منتضره واحد يكول ابجي
بقو يمي بلنهار وبليل اجا مهدي ياخذهم
شكد توسلت بيده يعوفهم
ماقبل يكول اريدهم يتعودون على اهلي
حالتي تعبانه واحس نفسي مريضه وماليه واهس بكلشي
لا اكدر اخيط ولا اكدر اشتغل
حتى من تجي النسوان مااطلعلهن اخلي امي تطلع
تكدس الخياط عليه
يوم السبعه حسيت كلبي راح يطك على الجهال
يمه اتصلي بمهدي يجيب الجهال ولله اشتاقيت اللهم
امي اني هم اشتاقيت اللهم هسه اتصل بي